Единствената област за плаќања во евра (СЕПА), веќе е дел од нашата реалност. Тоа не е само симбол, туку и услуга. Преку пониските трошоци, брзината и едноставниот сет информации потребен за извршување на плаќањето, граѓаните и компаниите од нашата земја веќе ги чувствуваат придобивките кога испраќаат пари или кога плаќаат снабдувачи во странство или, пак, кога примаат дознаки од странство, посочи вицегувернерката на Народната банка, Емилија Нацевска, во завршното обраќање на 16. конференција за плаќањата и пазарната инфраструктура, одржана под наслов „Преповрзување на плаќањата во дигиталната ера”.

Таа рече дека следниот приоритет е развивањето и воведувањето инстант плаќања, како нова навика, а не само можност.

– Целта е практична – да можете да платите и да ви биде платено за неколку секунди, во секое време (24/7/365), преку безбеден систем и со сигурно порамнување преку централната банка – рече Нацевска.

Таа рече и дека меѓусебното поврзување на платните системи на земјите од Западен Балкан, како и со европскиот ТИПС ќе придонесе за побрза економска интеграција на регионот во Европската Унија.

Покрај СЕПА и инстант плаќањата, во фокусот на Конференцијата беа и отпорноста и довербата во платните системи, како предуслов за стабилност, којашто е неопходна за непречено функционирање на економијата. Нацевска истакна дека размената на искуства, тестирањето и координираното реагирање при инциденти се клучот за одржувањето на довербата на јавноста.

Посебно внимание ѝ беше посветено на улогата на финтек-компаниите и на небанкарските даватели на платежни услуги, коишто веќе се рамноправен дел од системот.

-Тие носат брзина, практичност и конкуренција, но со тоа и одговорност за заштита на корисниците и податоците – нагласи таа.

Во однос на иновативните решенија и регулативата, вицегувернерката порача дека тие не треба да се гледаат како спротивности, туку дека регулаторите треба да создадат простор за нови идеи, но и да обезбедат сигурност на плаќањата и заштита на клиентите, бидејќи рамнотежата меѓу иновацијата и стабилноста е исклучително важна.

Нацевска, нагласи дека пропорционалноста во регулирањето е важна поради обезбедување еднакви правила и правични услови за сите учесници на пазарот.

Во своето завршно обраќање, Нацевска потсети дека ако на претходната конференција се зборуваше за планови, оваа година веќе се истакнуваат конкретни резултати и реални решенија.

– Се движиме во вистинската насока – од дизајн кон услуга, од концепти кон видливи придобивки – заклучи вицегувернерката.

The post ИНСТАНТ ПЛАЌАЊЕТО И ФИНТЕК-КОМПАНИИТЕ СЛЕДНИ ПРИОРИТЕТИ НА НАРОДНА БАНКА Вицегувернерката Нацеска вели дека треба да се создаде простор за нови идеи appeared first on plusinfo.mk.

Гувернерот на Народната банка Трајко Славески денеска изјави дека на годишните средби на ММФ и Светска банка што почнуваат на 15 октомври, ќе го потпише писмото на намери, со кое што Северна Македонија ќе влезе во системот на инстант плаќање заедно со останатите земји од Западен Балкан.

– Со тоа влегуваме заедно со петте земји што се подготвуваат. Од наредната година очекуваме овој систем да биде целосно оперативен – рече  Славески.

Тој нагласи дека ова е уште еден чекор до интеграција во системите за плаќање од Европската Унија што ќе биде од полза и за македонските граѓани и за македонските претпријатија.

-Станува збор за систем за инстант плаќање, за систем во реално време што се извршува за неколку секунди, каде што процесот на порамнување не завршува во 14 или 15 часот туку работи 24/7. Тоа е систем на Европската цнетрална банка. ЕЦБ ја има овластено Банката на Италија да изработи клон и тој клон да го понуди на системот ТИПС на земјите на Западен Балкан. Србија има сопствен систем во рамки на Централната банка и е надвор од тој процес. Во јануари, четири од останатите пет земји од Западен Балкан го имаат потпишано писмото на намери. Наша делегација била присутна во Рим но не знам од кои причини не била дадена согласност. Јас уште со самото стапување на функцијата разбрав што се предностите на овој систем, ги направивме консултациите и ја известивме Банката на Италија дека ние сме целосно подготвени да влеземе во тој процес – појасни Славески.

Гувернерот  посочи дека за деталите во кој степен ова што го имаме ние како земји кои  се надвор од Европската Унија за разлика од земјите од ЕУ, не би можел да говори, но, истакна дека ова е значаен чекор.

-Ние ќе се трудиме навремено да бидеме оперативни заедно со сите останати земји од Западен Балкан -рече тој.

На 1 јули 2025 земјава официјално стана дел од Единствената област за плаќање во евра (СЕПА). Ова членство треба да го олесни испраќањето и примањето пари од странство, да ги намали трошоците за трансакции и да ја подобри брзината и сигурноста на плаќањата во евра.

The post ЌЕ ТРЕБА ДА ПОЧЕКАМЕ ЗА ИНСТАНТ ПЛАЌАЊЕ Славески на 15 октомври официјално ќе побара земјава да влезе во системот за инстант плаќање appeared first on plusinfo.mk.

– Новите правила ќе ја подобрат стратешката автономија на европскиот економски и финансиски сектор, бидејќи ќе помогнат да се намали секое прекумерно потпирање на финансиските институции и инфраструктури од трети земји. Подобрувањето на можностите за движење на паричните текови ќе донесе придобивки и за граѓаните и за компаниите и ќе овозможи иновативни услуги со додадена вредност – информира Советот на ЕУ.

Инстат финасиските плаќања во евра ќе се вршат преку банките, кои за нив не смеат да наплаќаат надоместоци повисоки од трошоците за стандардните кредитни трансфери.

Регулативата е дел од мерките за заокружување на процесот за создавање на вистински единствен пазар на капиталот на ЕУ, чија цел е да се овозможи проток на инвестициите и заштедите низ сите земји членки на Унијата во интерес на граѓаните, бизнисите и инвеститорите.

The post ЌЕ СЕ ПРЕФРЛААТ ПАРИ НА СМЕТКА ЗА 10 СЕКУНДИ Европскиот совет усвои нови правила за инстант плаќање appeared first on plusinfo.mk.