Нема толеранција за никого – изречени се казни на загадувачите во Скопје, објави попладнево скопскиот градоначалник Орце Ѓорѓиевски на Фејсбук.

„Почитувани скопјани, во изминативе денови Скопје се соочи со сериозно загадување на воздухот. Според податоците од државниот мониторинг, беше пробиен дозволениот праг и состојбата бараше итна и решителна реакција. Како градоначалник на Скопје, но пред сè како човек кој заедно со своето семејство го дише истиот воздух како и сите вас, немав право да молчам и да не постапам. Во изминатите два дена беа спроведени силни и координирани инспекциски надзори на терен. Инспекторатот за животна средина изрече казни кон правни лица – загадувачи и јасно покажа дека законот важи за сите“, објави Ѓорѓиевски.

Ова нема да застане тука, додава градоначалникот.

„Напротив, продолжуваме уште поинтензивно и уште поодлучно. Секој што го загрозува здравјето на граѓаните ќе биде санкциониран, без грам толеранција! За здравјето нема компромис. Ниту за мене, ниту за вас, ниту за нашите деца. Паралелно со репресивните мерки, Градот Скопје излезе и со низа препораки и мерки за заштита од загадениот воздух, кои се јавно објавени и достапни за сите граѓани. Овие препораки веќе се применуваат и се важен дел од заедничката борба за почист воздух“, вели градоначалникот.

Воедно, додава тој, сакам јавно да ја поздравам силната и континуирана заложба на Владата на Република Македонија за чекорите што за само година и пол, заедно со локалната власт, се преземени во насока на почист воздух.

„Тука спаѓаат Стратегијата за почист воздух 2024–2030, субвенциите за инвертер клими, поставувањето прочистувачи на воздух во градинките во Скопје, масовното пошумување низ државата, гасификацијата, изградбата на 2 когенеративни централи на влезовите во Скопје, како и новите паркови со клупи со вградени прочистувачи на воздух и многу други мерки. Борбата за почист воздух е заедничка и затоа апелирам до сите граѓани на Скопје да се придржуваат и да ги почитуваат препораките и мерките. Секој поединечен придонес е важен. Но, за она што е во надлежност на Градот Скопје, порачувам јасно и недвосмислено дека нема да има никаква толеранција“, објави Ѓорѓиевски.

Ред мора да има, законот ќе се спроведува, додаде тој и ги повика скопјани да пријават потенцијални загадувачи на: prijavizagaduvachi@skopje.gov.mk.

The post КАКО ГРАДОНАЧАЛНИК КОЈ ГО ДИШЕ ИСТИОТ ВОЗДУХ, НЕМА ДА МОЛЧАМ Казнети се загадувачи, Ѓорѓиевски ветува дека ќе нема толеранција за никого appeared first on plusinfo.mk.

Директорот на Државниот инспекторат за животна средина Сретен Стојковски денеска информира дека планот на Инспекторатот за првиот квартал е надминат за 16,9%. Тој рече дека се изготвени 169 решенија во инспекциска постапка.

– Од 17 прекршочни санкции иницирани се над 300.000 евра во денарска противвредност и тоа 180.000 евра за Цементарница УСЈЕ, 110.000 евра за „Пејпермил, 10.000 евра за фабрика за марихуана во Вевчани, потоа платни налози со порамнување за физички лица за отпад, како и останати предмети по пат на спогодување – рече Стојковски.

Во овој прв квартал од годината, оформени се неколку предмети по покренати инспекциски постапки – за Цементарницата УСЈЕ во кое спогодувањето било неуспешно па во тек е судска постапка, за „Пејпермил“ Кочани, ЈКП Куманово и ЈКП Прилеп, за фабриката за марихуана во Вевчани, САНС АГ, „Визијана“ и „Бонум“ во Старо Нагоричане.

-ДИЖС ќе координира со нов ЕУ Твининг проект кој е одобрен на почетокот на 2022 година од страна на делегацијата на ЕУ и во тек е одобрувањето на проектниот документ кој од Министерството за финансии е веќе испратен до Делегацијата на ЕУ во Скопје на финална контрола и одобрување по што ќе биде објавен јавен конкурс, а се очекува проектот да започне до крајот на 2023 година. Проектот ќе трае 27 месеци, а вредноста изнесува 1 милион евра. Во рамки на Проектот ќе се изработат стратешки документи и подзаконски  акти кои произлегуваат како обврска од новиот Закон за инспекциски надзор во животната средина – рече Стојковски.

Тој информира дека во првите четири месеци од 2023 година остварена е непосредна комуникација со граѓаните по пат на достапните начини на комуникација – преку месинџер остварени се 7 комуникации, од кои две претставки се однесувале на предмети од надлежност на ДИЖС. Преку е-пошта поднесени четири претставки, од кои една се однесува на Инспекторатот и преку веб-пријави поднесени 30 претставки, од кои 7 претставки  се однесувале на предмети за кои е надлежен ДИЖС.

Како што посочи, во текот на првите четири месеци од оваа година ДИЖС примала 6 барања за слободен пристап до информации од јавен карактер и сите  се одговорени целосно во законскиот рок, без дополнување на одговорите, односно жалба по истите до Агенцијата за слободен пристап до информации од јавен карактер.

The post КОМПАНИИ ЌЕ ПЛАТАТ 300.000 ЕВРА ЗА ЗАГАДУВАЊЕ НА ЖИВОТНАТА СРЕДИНА Инспекторатот изрекол 17 прекршочни санкции appeared first on plusinfo.mk.

Договорени се засилени патроли и интервентни акции по пријави на граѓани.

„Ги охрабруваме граѓаните, штом се јави чад веднаш да пријават загадување преку Месинџер на Фејсбук страницата на Државниот инспекторат за животна средина. Само заеднички можеме да делуваме за зачувување на животната средина“, наведува ДИЖС.

The post Инспекторите за животна средина патролираат покрај Вардар да спречат палење кабли и гуми appeared first on plusinfo.mk.