Во првата половина на 2026 година Државниот инспекторат за земјоделство (ДИЗ) спроведе речиси 22.000 инспекциски надзори, во чии рамки, во делот на откупот, се издадени 409 решенија (наредби, опомени и задолженија) – рече денеска директорот на ДИЗ, Ивица Ангеловски.

Одговорајќи на новинарски прашања на прес-конференција во Владата, тој истакна дека ДИЗ моментно се соочува со недостиг на кадар поради одливот на инспектори, кои одат во пензија.

– Инспекторатот во целост ги исполнува своите обврски. Континуирано на терен, во текот на целата година, во зависност која култура е актуелна за откуп. Постапуваме во согласност со Законот за земјоделството и руралниот развој и во текот на откупот нашите земјоделски инспектори ги следат условите што треба да ги исполнат откупните компании при процесот на откуп на земјоделски производи. Притоа се следи дали компаниите ги исполнуваат минимално-техничките услови за вршење откуп, дали поседуваат соодветни простории и опрема за вршење откуп, дали имаат верификувани мерни инструменти за откуп, како и други услови што треба да ги исполнат во согласност со законската регулатива – рече Ангеловски.

Тој, информира дека Инспекторатот се соочува со недостиг на кадар.

-Имаме евидентен одлив во однос на инспектори што одат во пензија и во наредниот период мора систематски да поработиме на тој дел, на вработување нов кадар што ќе ги покрива сите наши активности – рече Ангеловски.

Во однос на извозот, Ангеловски објасни дека ДИЗ е надлежен да ја контролира здравствената исправност на пратките.

– Извозот е активност што се одвива во текот на целата година. Ние како надлежен Инспекторат сме задолжени за фитосанитарна сертификација, односно за издавање извозен документ, кој ја потврдува здравствената исправност на пратките, и гарантираме дека тие пратки не се заболени, здравствено се исправни и ги исполнуваат условите за извоз – рече директорот на Инспекторарот.

The post РЕЧИСИ СЕКОЈ ОТКУП НА ЗЕМЈОДЕЛСКИ ПРОИЗВОДИ Е ПОД НАДЗОР НА ИНСПЕКТОРИТЕ За половина години извршени се 22.000 надзори appeared first on plusinfo.mk.

„Трудовиот и Пазарниот инспекторат немаат доволно капацитети, но тоа не треба да биде оправдување. Секоја институција во рамки на своите надлежности треба да постапува максимално и да ги казнува оние што не го почитуваат законот, особено кога станува збор за безбедноста и здравјето на работниците“.

Вака денеска изјави денеска заменик-министерот за економија, Марјан Ристески, одговорајќи на новинарско прашање зошто се дозволува фирми да профитираат на сметка на здравјето на работниците – работници да работат на скелиња кога температурите се над 40 степени или да се случуваат свлечишта како во центарот на Скопје.

Според Ристески, Инспекторатот за труд совесно ја работи работата, колку што има можности и капацитети.

– Тоа е проблем што се провлекува со години, со децении наназад. Трудовиот инспекторат совесно ја работи работата, онолку колку што има можности и капацитети. Една од препораките на Европската Унија е зголемување на капацитетите на инспекторатите – и Трудовиот и Пазарниот инспекторат, кои се под наша надлежност. Се надевам дека ефикасноста во иднина ќе биде уште поголема и ќе има поредовни контроли и поредовни казни. Треба малку повеќе да работи и совеста, а онаму каде што нема да работи совеста, ќе бидат употребени сите казнени мерки предвидени со законот и ќе бидат максимално, најригорозно казнети тие што нема да го применуваат законот онака како што треба, барем во однос на заштитата и безбедноста на здравјето на работниците – истакна Ристески.

Досега, дополни, се изречени казни.

– Треба секоја институција во рамки на своите надлежности да постапува максимално, капацитети нема доволно, но тоа не треба да биде оправдување. Треба максимално да се работи и да се казнуваат оние што прават прекршоци во делот на безбедноста и здравјето на луѓето. Инспекторатот казнува, но немам информација колку казни се досега конкретно изречени – нагласи заменик-министерот Ристески.

The post ФАЛАТ ИНСПЕКТОРИ, НО МОРА ДА СЕ КАЗНУВА Ристески бара почести контроли на безбедноста на работниците appeared first on plusinfo.mk.

Парични казни во износ од 19.000 евра изрекоа инспекциските служби на Агенцијата за храна и ветеринарство (АХВ) на оператори со храна во рамки на спроведените 1.221 вонредни контроли кои беа спроведени пред Велигденските празници. Уништени се и повеќе од 272 килограми небезбедна храна, најголемиот дел од  животинско потекло. Дополнително, уништени се повеќе од 40 тони небезбедни јајца по потекло од соседна Србија кои беше спречено да се прошверцуваат во земјава.

Како што информира денеска АХВ, за утврдените недоследности  со вонредните контроли (пласирање на пазарот храна со поминат рок на траење, употреба на замрзнато месо (триминг) во подготовки од месо, несоодветно означени производи и други недоследности), донесени се 35 решенија за нивно отстранување, изречени се и 6 опомени.

– Со контролите кои беа насочени кон сите сегменти од синџирот на храна и имаа за цел спречување на пласирање на небезбедни производи и сузбивање на нелегална трговија пред Велигденските празници, утврдено е и дека 7 од објектите не биле регистрирани како оператори со храна во Агенцијата. Три оператори немале извршено задолжителни здравствени прегледи за вработените лица и не ги исполнувале  барањата во однос на  стручната подготовка за ракување со храна, а кај 13 оператори утврдени биле незадоволителни  хигиенски и технички услови во објектите за работа – велат од АХВ.

The post НА ТРГОВЦИ И НА РЕСТОРАНИ НЕ ИМ УСПЕА ДА СЕ ОСЛОБОДАТ ОД ХРАНА СО ПОМИНАТ РОК ЗА ВЕЛИГДЕН Инспекторите им пишаа казни и уништија 272 тони храна и 40 тони јајца appeared first on plusinfo.mk.

Граѓани од Гостивар денеска пријавија можно загадување на реката Вардар, доставувајќи фотографии кои укажуваат на нарушување на квалитетот на водата.

Општинските инспекциски служби веднаш започнаа проверки за да ја утврдат состојбата и да преземат соодветни мерки за заштита на реката, која се смета за едно од најголемите природни богатства на градот.

„Реката Вардар е симбол на нашиот град и заедничка вредност што ни припаѓа на сите. Нема да дозволиме нејзино загадување и деградација од ничија неодговорност. Секое прекршување ќе биде санкционирано без компромис“, истакнаа од Општина Гостивар во објава на Фејсбук.

The post ПРИЈАВЕНО ЗАГАДУВАЊЕ НА ВАРДАР КАЈ ГОСТИВАР Водата во реката е исклучително темна appeared first on plusinfo.mk.

Полициска контрола во угостителски објект во селото Доброшане, кумановско, откри сериозни прекршувања – малолетници кои консумирале алкохол за време на приватна прослава.

Изминатиот викенд, полицијата од СВР Куманово, заедно со инспектори од Државниот пазарен инспекторат, Државниот инспекторат за труд и Управата за јавни приходи, извршила контрола во локал сопственост на 24-годишната М.П. од Куманово.

Во објектот биле затекнати 15 малолетници на приватна прослава организирана од 41-годишниот М.В. од селото Љубодраг. При проверките било утврдено дека 11 од нив консумирале алкохол.

Поради утврдените неправилности, полицијата ги лишила од слобода сопственичката на објектот и организаторот на забавата. По целосно документирање на случајот, против нив ќе бидат поднесени соодветни пријави.

The post 11 МАЛОЛЕТНИЦИ ПИЕЛЕ АЛКОХОЛ НА ПРИВАТНА ЗАБАВА Полицијата ги приведен сопственичката на локалот и организаторот appeared first on plusinfo.mk.

Во пресрет на новогодишните празници, Агенцијата за храна и ветеринарство (АХВ) спроведе 262 вонредни инспекциски  надзори  за контрола на безбедноста на детските новогодишни пакетчиња. Надзорите беа спроведени во магацини за пакување на пакетчиња, маркети и продавници кои вршат промет со овој вид призводи.

Поради несовпаѓање на роковите на збирната декларација со поединечните рокови на производите во пакетчето и заради некомплетни декларации, инспекциските служби на АХВ издадоа 4 решенија со наредба за повлекување од промет на новогодишни пакетчиња, а на двајца оператори со храна, издадени им се решенија со наредби за ставање на збирни декларации на пакетчињата.

Со спроведените 262 инспекциски контроли на безбедноста на новогодишните пакетчиња, нема оператори со храна кои се парично казнети, ниту е поништена небезбедна храна.

Во споредба со лани спроведените контроли на безбедноста на оваа категорија производи, кога беше утврдено несоодветно означување на пакетчиња, немање декларации и наведен рок на употреба на збирно пакување, најдени беа и пакетчиња кои содржат производи со поминат рок на употреба и со краток рок на трајност на производите како и производи со променети органолептички својства, годинава, кај операторите, утврдени се само минимални недоследности.

И покрај тоа, АХВ и во наредниов период, особено пред и по новогодишните празници, ќе продолжи со спроведување на контроли за следење на безбедноста на оваа категорија производи.

The post РОКОТ НА ТРАЕЊЕ НА НЕКОИ НОВОГОДИШНИ ПАКЕТЧИЊА Е ПРОБЛЕМАТИЧЕН Инспекторите наредија да се повлечат од промет appeared first on plusinfo.mk.

Советот на Град Скопје денеска ја одржа третата седница посветена на советнички прашања до градоначалникот Орце Ѓорѓиевски и директорите на скопските јавни претпријатија. Советниците поставија низа прашања поврзани со сообраќајот, јавниот превоз, работењето и финансирањето на јавните претпријатија, како и со исполнувањето на обврските кон граѓаните.

На седницата беа побарани информации за заостанати плаќања во „Комунална хигиена“, долгот на Општина Кисела Вода кон ЈП „Лајка“, проблеми со чистотата и сообраќајните решенија во повеќе делови од градот. Прашања беа упатени и за модернизацијата на јавниот превоз и намалувањето на старите автобуси кои загадуваат.

Советниците побараа одговори од градоначалникот за состојбата на сообраќајните раскрсници на улиците Павел Шатев и Фредерик Шопен кај Симпо, на улицата Црниче, како и на улицата Востаничка. Дел од советниците од Левица посочија дека граѓани иницирале барања за поставување сообраќајна сигнализација, семафори или „лежечки полицајци“.

Советниците исто така поставија прашања за причините за доцнењето на исплатата на платите и регресот во „Комунална хигиена“, иако биле обезбедени дополнителни средства преку ребалансот на буџетот.

Прашања беа поставени и за модернизацијата на јавниот превоз, бројот на инспектори за контрола на нелегални горења, транспарентноста при именувањето директори во јавните претпријатија, како и за финансирањето на инфраструктурни проекти во општините Сарај и Чаир, вклучително улицата Цветан Димов и обиколницата во Сарај.

Во врска со јавниот превоз, градоначалникот Ѓорѓиевски најави дека наскоро ќе биде распишана тендерска постапка за набавка на 80 нови електрични автобуси.

– Од она што е досега постојано информирано и за јавноста, беше распишана тендерска постапка која пропадна. Верувам дека многу брзо ќе биде повторно распишана од страна на Владата, и наредната година граѓаните на Скопје конечно ќе добијат 80 нови електрични автобуси, кои ќе придонесат за подобрување на амбиенталниот воздух во главниот град – рече Ѓорѓиевски.

Тој додаде дека е потребно системско решение за работењето на јавните претпријатија.

– Не треба да чекаме милостина, како што било во минатото, туку да создадеме систем кој ќе овозможи самостојно напредување на јавните претпријатија. Ќе дадам сè од себе за тоа да го реализираме – нагласи градоначалникот.

Во однос на инспекциите, Ѓорѓиевски најави зголемување на бројот на инспектори за животна средина.

– Бројката што ја имаме е мала, но тоа не значи дека не постапуваме. Контролите се вршат редовно, како во индустриските капацитети, така и во домаќинствата. Ќе продолжиме со оваа активност, но ни се потребни дополнителни инспектори – додаде тој.

The post СКОПЈЕ ДОБИВА 80 ЕЛЕКТРИЧНИ АВТОБУСИ Советниците прашуваа за секоја улица и секој проект, Ѓорѓиевски одговараше appeared first on plusinfo.mk.

Инспекторатот на Град Скопје денеска започна широка акција за воспоставување ред во дејноста на јавниот превоз, контролирајќи ги дивите превозници, такси-автомобили, комбиња или автобуси, кои работат без лиценци, без контрола и надвор од сите прописи, информира градоначалникот на Скопје Орце Ѓорѓиевски на својот профил на Фејсбук.

Со акцијата, возилата кои работат нелегално ќе бидат одземани на период од шест месеци, а инспекторатот ќе изрекува казни со платен налог.

„Ова го најавив уште кога ја барав поддршката од скопјани и денес ја испорачуваме таа обврска.

Нашата цел е јасна и недвосмислена – да се заштитат граѓаните, да се воведе фер конкуренција и да се почитуваат законите кои важат за сите.

Ова е конкретна мерка со која праќаме порака дека хаосот и безредието нема да бидат толерирани. Засилените контроли продолжуваат секојдневно, со уште поголем интензитет во деновите што следат.

Целта не е да казнуваме по секоја цена, туку да создадеме здрав систем во кој секој што работи ќе работи легално, одговорно и во интерес на граѓаните“- напиша меѓудругото Ѓорѓиевски во својот статус на Фејсбук на кој сподели и видео-снимка.

The post 🎥 ГРАДСКИТЕ ИНСПЕКТОРИ ТРГНАА ВО МАСОВНА КОНТРОЛА НА ПРЕВОЗНИЦИТЕ Такси-возила, комбиња, камиони и автобуси ќе бидат конфискувани на шест месеци appeared first on plusinfo.mk.

Голем број родители на ученици од основното училиште „Димо Хаџи Димов“, денеска одлучија да не ги пуштат своите деца на настава и испорачаа пет барања до директорката и советот на родители. Повеќе од 70 родители побараа училиштето да обезбеди строга контрола на храната и јасен протокол за хигиена во сите простории, објави Телма.

– Бараме јасен план кој ќе обезбеди редовен и засилен санитарен надзор, строга контрола врз операторот кој ја подготвува храната, протокол за хигиена на простории и конкретни чекори за спречување на сличен инцидент. Доколку тоа не се исполни ќе бидат вклучени општината, МОН, и другите надлежни институции – порачаа родители на ученици во ООУ „Димо Хаџи Димов”.

На Детската клиника велат дека се прават последните испитувања за четирите деца кои се хоспитализирани, нивната состојба е стабилна и наскоро ќе бидат пуштени дома.

Откако голем број ученици во ОУ „Димо Хаџи Димов“ се пожалија на стомачни болки, а 13 од нив беа хоспитализирани, надлежните инспекции зедоа примероци за анализа. Резултатите покажаа дека во мусаката која ја јаделе децата во училиштето имало фекални бактерии тнр ентеробактерии, а исто така и во водата од три чешми во училиштето. Брис од нос на една од вработените во кујната покажал дека таа имала бактерија стрептокока, а 6 од 7 хоспитализирани деца имале норовирус.

ШЕСТ ОД ДЕЦАТА ОД „ДИМО ХАЏИ ДИМОВ“ ПОЗИТИВНИ НА СТОМАЧЕН ВИРУС Водата во училиштето е безбедна

The post РОДИТЕЛИ НЕ ГИ ПУШТИЈА ДЕЦАТА НА НАСТАВА Во ОУ „Димо Хаџи Димов“ уште владее стравот од труење appeared first on plusinfo.mk.

Министерството за енергетика, рударство и минерални суровини воведува современ дигитален систем и специјализиран дрон за надзор и мониторинг на концесиите за минерални суровини, соларна енергија и ветерни инсталации.

Новиот систем им овозможува на инспекторите да вршат увид без секогаш да бидат физички присутни на терен. Дронот обезбедува побрза реакција, пократко време за контрола и непречено следење на активностите на терен, овозможува подетално следење на работата на концесионерите и значително го намалува ризикот од злоупотреби.

Преку воведувањето на новата технологија, велат од Министерството, се овозможува прецизно следење на експлоатацијата на минералното богатство, како и проверка на точните координати и инфраструктурата на соларните панели и столбовите за мерење на ветерните паркови.

– Со воведувањето на дигиталниот систем и дронот, ја унапредуваме и зајакнуваме инспекциската контрола. Создадовме можност за современ и ефикасен надзор, кој овозможува концесиите да се користат одговорно и согласно законот – изјави министерката за енергетика и рударство Сања Божиновска.

Користењето на дронови веќе е дел од стандардната практика во развиените земји, особено за мапирање, инспекциски надзор и мониторинг на енергетски и природни ресурси.

Со оваа иновација, Министерството ја следи светската пракса и ја унапредува модернизацијата и ефикасноста во управувањето со ресурсите.

The post ДРОН ЌЕ СЛЕДИ ДАЛИ РУДНИЦИТЕ ГИ ЗЛОУПОТРЕБУВААТ КОНЦЕСИИТЕ Инспекторите ќе можат да направат увид и без да одат на терен appeared first on plusinfo.mk.