Јапонските стоматолошки истражувачи направија револуционерен чекор кон природна регенерација на забите.

Во октомври 2024 година, тимот на д-р Кацу Такахаши од болницата „Китано“ во Осака, во соработка со Универзитетот во Кјото, ја започна првата фаза од клиничките испитувања на лек кој може да му овозможи на човечкото тело да израсне нови заби на природен начин.

Испитувањето во моментот опфаќа 30 здрави мажи на возраст од 30 до 64 години и има за цел да ја процени безбедноста на терапијата. Лекот делува така што го блокира протеинот USAG-1, кој нормално го спречува развојот на дополнителни заби. Со неговото инхибирање, се активираат „спијачките“ забни пупки, што може да доведе до појава на т.н. „трет сет“ заби.

Во претклиничките студии врз животни, еден единствен третман бил доволен за целосно формирање на функционални заби кај глувци.

Доколку првичната фаза биде успешна, научниците планираат тестирање и кај деца со вродена агнезија на заби (недостаток на природно развиени заби).

Според досегашните проекции, лекот би можел да стане комерцијално достапен околу 2030 година, нудејќи природна алтернатива за забните импланти и протези.

The post ПИЕТЕ АПЧЕ И ВИ РАСТЕ НОВ ЗАБ Јапонските научници тестираат лек за регенерација на забите appeared first on plusinfo.mk.

Таква е ситуацијата со науката во Македонија, но помошта ни доаѓа токму во вистинскиот момент. Македонија добива „агресивна“ кампања од Европската Унија која треба да нè врати на шините. Европа назначува национален секретар за научни иновации кој ќе треба да им помогне на бизнисите со универзитетите каде иновациите се случуваат, а можеби најважно, ќе им ја отвори вратата на македонските иновации кон европскиот пазар.

Амбицијата на ЕИТ, Европскиот институт за иновации и технологија, кој ја отвори првата станица за Западниот Балкан токму во Македонија започнува една нова приказна, програма наречена „Хоризонт“ која треба да ја поттикне Македонија од сегашниот едвај половина процент, односно 0,37 одвоен од државната каса за научните истражувања, да стигне до 3 отсто како што се трудат земјите на ЕУ.

Националниот секретар од ЕИТ, Александар Стамболиев, најавува многу работа и тоа во девет различни научни сектори како што се климата, здравјето, производството, дигиталноста…

На средба со новинарите во тукушто отворениот Хаб на ЕИТ во Акцелераторот УКИМ при ИНОФЕИТ, тој вели:

– Наредните три години ќе работиме на носење на делегации коишто ќе ги престават своите инструменти пред нашата академска средина, а универзитетите, пред нашите компании. Целта е да се унапреди компетитивноста на европската економија, да се зајакнат помалите економии. Програмата ќе има многу повици кои ќе бидат наменети за бизнис-заедницата, како да се приклучат во ланецот на добавувачи кој го нуди токму ЕИТ, бидејќи вклучени се илјадници компании кои постојано бараат начин да ги понудат своите производи и услуги кои ги нудат на европскиот пазар. Се надеваме дека македонските компании ќе ја препознаат можноста да се пријават и да влезат во конзорциум со разните партнери – вели Стамболиев.

Најголемиот дел од истражувачката дејност во Македонија се врши на факултетите во Скопје, но и таму дел од работата е често само образовна.

Со една ретка лабораторија каде навистина се иновира во делот на храната, сепак, може да се пофали Технолошко-металуршкиот факултет. Таму, меѓу другото, се развиваат иновации за третирање на отпадот кој ја гуши околината. Новинарите имаа шанса накратко да видат како работат текстурометрите, апарати кои мерат дали, на пример, јогуртот е леплив или каква текстура и вискозност има она што го купуваме од продавница за да се прехраниме.

Професорката Весна Рафајловска ни открива дека оваа лабораторија за прехранбена и биотехнологија може да се амортизира, а убаво би било и да има нови инвестиции. Всушност, најголем дел од опремата е обезбедена преку меѓународни проекти и програми, поточно Темпус програмата.

– Потребна е секако многу поголема поддршка од државата за да обезбедиме апарати кои поточно ќе кажуваат дали храната е безбедна. Осовременување на опремата значи дека треба да се натпреваруваме со конкурентите од регионот. Се работи за стандарди кои треба да се исполнат, меѓународни, но и лабораториски – објаснува Рафајловска и вели дека лабораторија веќе има соработка со македонски фирми.

– Потребата се јавува и од индустријата и од кај нас. Ако каже индустријата ни требаат работници од тој профил, ние според тоа ја менуваме студиската програма.

Таа вели дека годишно факултетот публикува научни трудови и дека професорите имаат соработка со повеќе меѓународни универзитети.

На другата страна од комплексот кој ги сочинува техничките факултети, на Машинскиот факултет веќе тоа се случува, овојпат преку проекот Хоризонт на ЕУ. Со помош на грант од ЕИТ отворена беше „Смарт Лернинг Фектори“, а веќе навираат проектите и конактите со фирмите.

– Со колегите успеавме да добиеме проект и средства. Таа е прва ваква лабораторија на Балканот. Таа е отворена, не само за студентите туку и за академската јавност и за фирмите. Лабораторијата ќе биде изложно место за новите иновцаии, но и место за експериментирање за разни решенија, потоа тренинг центар за млади, а и за повозрасни луѓе за нивно дообразување. Веќе соработуваме со неколку фирми кои ќе креираат свои тренинзи – ентузијастички вели професорот Бојан Јованоски, а неговиот колега асистент ни покажува како работи хардверот на кој се прикачени разни иновативни копчиња, капаци и софтвер поврзан со целиот систем.

Според Марта Кацзмарек од ЕИТ, регионот добива 4,5 милини евра, а 8.000 таленти од Западниот Балкан веќе имале корист и успеале да се поврзат со поширокиот европски пазар. Таа вели дека Хабот на ЕИТ во Акцелераторот УКИМ при ИНОФЕИТ во Скопје ќе биде како една станица каде сите, од сите сектори, ќе можат да се вмрежат еден со друг.

– Еден од одличните примери како ЕИТ може да ги поддржи универзитетите е Инфрабустер програмата. Преку неа универзитетите ќе можат да научат како да ги комерцијализираат своите услуги, да ги лансираат иновациите на пазарот, значи да ги извадиме иновациите затворени меѓу четирите ѕидови на лабораториите, надвор на пазарот, за да можат граѓаните да имаат корист од поширокиот пазар во ЕУ.

Опремата за капитално истражување во земјава главно се наоѓа на Универзитетот „Св. Кирил и Методиј“ во Скопје. Од вкупно 70 истражувачки лаборатории и институти, кои лани биле консултирани за изработка на студијата „Патоказ за истражувачката инфраструктура на Северна Македонија“, 20 поседуваат единствена капитална истражувачка опрема во вредност од над 50.000 евра.

Eдинствената приватна истражувачка институција која поседува капитална истражувачка опрема вредна над 50.000 евра e Институтот за напредни композити и роботика од Прилеп, но и таму е проблем да се процени вистинската вредност бидејќи дел од машините се застарени.

Државата последен пат им вбризгала пари на лабораториите на факултетите во, сега веќе далечната, 2010 година!

The post НОВ ФРОНТ ЗА СПАС НА МАКЕДОНСКАТА НАУКА Европа со огромен проект и средства притиска на гасот! appeared first on plusinfo.mk.

– Апликантот „Кодвел Анлимитед“ кој на објавениот јавен повик беше оценет во конкуренција на три проекти како најиновативната идеја за дигитален AI асистент за чија реализација државата преку Фондот за иновации и технолошки развој обезбеди девет милиони денари од буџетот на ФИТР, изврши симулација како во пракса ќе функционира „АДА“, базиран на вештачка интелигенција, која за прибирање на информации комуницираше со дел од институциите кои се јавуваат како даватели на државна помош, и тоа: Кабинетот на заменикот на претседателот на Владата на Република Северна Македонија задолжен за економски прашања, координација на економските ресори и инвестиции, Агенцијата за странски инвестиции и промоција на извозот, Дирекцијата за технолошко индустриски развојни зони и Фондот за иновации и технолошки развој, наведе заменик-претседателот на Владата задолжен за економски прашања, координација на економските ресори и инвестиции Фатмир Битиќи.

Како што појасни Битиќи, преку дигиталниот асистент, граѓаните и заинтересираните странски инвеститори ќе можат да ги добијат сите релевантни информации и да се запознаат со достапните програми и отворени повици и гарантира голема транспарентност, ефикасно и ефективно добивање на податоци за бизнисот во реално време.

– Со воведување на дигиталниот AI асистент до 80 проценти ќе се автоматизираат сите интеракции со корисниците, што ќе придонесе до голема заштеда на ресурси, проактивна комуникација со граѓаните, намалување на метежот во институциите, како и поефикасни и поефективни процеси, услуги и зголемување на продуктивноста на вработените. „АДА“ ќе биде достапна за граѓаните и заинтересираните странски инвеститори 24/7 и ќе може да даде одговор на сите најчесто поставувани прашања поврзани со Програмите за државна помош на Владата на Република Северна Македонија, додаде вицепремиерот.

Тој додаде дека дигиталната алатка ќе има за задача да ја олесни комуникацијата и пристапот до информации на домашните и странските компании и инвеститорите.

– Дигиталниот асистент е способен за брзо учење, ќе овозможи комуникација со корисниците преку текстуални пораки, да го прилагоди својот јазик и тон врз основа на контекстот, да разбере и одговори на македонски, албански и англиски јазик и лесно да се ажурира во реално време.
Дополнително, преку асистентот корисниците ќе можат да ја проверат и подобноста на своето претпријатие за некои од отворените повици, додека претпријатијата кои пак се интересираат за некоја од програмите, ќе можат да бидат информирани од страна на асистентот и да се пријават за истата преку оставање на потребните податоци, наведе Битиќи.

Вицепремиерот посочи дека со цел привлекување на поголем број странски инвестиции во земјата, асистентот ќе биде истрениран да ја претстави нашата држава како поволна инвестициска дестинација, притоа ќе понуди персонализиран пристап при комуникација со потенцијални странски инвеститори.

– „АДА“ може да ги води потенцијалните странски и локални инвеститори чекор по чекор низ процесот на избирање мерки на финансиска поддршка кои највеќе одговараат на нивните бизнис потреби и се очекува да направи револуција во канцелариската работа, рече Битиќи.

Имено, инспирација за дизајнирање на оваа алатка е Ада Ловлејс која се смета за првата програмерка во светот.

Во периодот кој следи и други владини институции ќе влезат во процес на адаптација и учење на „АДА“ со цел проширување на нејзините капацитети како би можела кон граѓаните да испорачува повеќе услуги.
Во иднина, дигиталниот асистент „АДА“ ќе биде основна контакт точка за услуги на граѓаните која ќе биде целосно дигитализирана. Тоа ќе придонесе до зголемување на ефикасноста, ефективноста, но поважно и транспарентноста на јавните услуги.

The post ЗАПОЗНАЈТЕ ЈА „АДА“ Јавниот сектор го доби дигиталниот асистент, ќе им помага на инвеститори и граѓани appeared first on plusinfo.mk.

Тој во разговор за Плусинфо вели дека е далеку поевтино бидејќи користи помалку пелети, а затоплувањето е дури поефикасно од порано.

Но, загревањето со пелети од зрно и остатоци од пченка и друга биомаса не е непознато во светот. Во земјава ваков вид пелети нема на пазарот.

– Користам комбинација од дрвени пелети и зрно од пченка кое обично не се користи за храна на добитокот поради различни причини. Најчесто купувам расипана пченка, односно мувлосана. Ја набавувам од Кочани и ми ја носат во вреќи. Цената на ова зрно е 11 денари за килограм, значи далеку поевтино од килограм пелети кои годинава достигна и до 50 денари. За тоа дека се користи пченката за затоплување прочитав некаде и сакав да пробам дали е добро. Оваа авантура се исплати, верувајте. На нашиот пазар освен пелети од дрво моментално нема пелети за загревање од биомаса, ниту од пченка. Исто така, неколку месеци се греевме и со семки од овошје. Ги набавивме од фабрика од внатрешноста на земјава. Семки од цреши, од вишни, одлично го затоплуваат просторот, а не го загадуваат воздухот – вели нашиот соговорник.

За експертите, пелетите од биомаса не се непознати, но тие досега главно се користеле за исхрана на добиток. Од неодамна се користат и за загревање, но кај нас искуствата се речиси никакви.

– Производството на пелети од пченка за греење е поново и засега недоволно познато кај нас, но за користење на вакви суровини важно е да се има предвид сувоста на материјалот и согорувањето. Ако испушта син чад тогаш согорувањето е добро и нема големо загадување на околината, но ако согорувањето не е добро, тогаш и загадувањето е поголемо. Така е и за пченката која во овој случај се користи во комбинација со пелети – вели професорот Ристо Цицонков.

Во светот голем број земјоделци профитираат од производство на пелети од биомаса, меѓу која и остатоците и зрната од пченка. Цената на пелети од зрно од пченка по тон се движи до 1.000 долари, а најчесто се користи во Азија и во Нов Зеланд.

Познато е дека пелетите од остатоци од пченка имаат речиси идентична енергетска моќ, споредено со пелетите на дрва. Калориската вредност на пелетите од биомаса може да достигне помеѓу 3.500 и 5.500 килокалории, што е цврсто гориво со висока испарлива содржина.

Во текот на согорувањето, пелетите од пченка повеќе се ронат и создаваат повеќе пепел, споредено со дрвените пелети.

Главна предност на пелетите од пченка, според експертите, е позитивното влијание врз околината. При процесот на согорување, не се ослободуваат штетни гасови, комплетно може да се рециклираат и се обновливи.

Искуствата на производителите на ваков вид пелети, покажуваат дека при производство на пелети од биомаса најважно е да се внимава на содржината на влагата што влијае на квалитетот на пелетите од биомаса, во случајов зрно од пченица. Најсоодветната содржина на влага е 12%-18% за пелетизирање на биомаса. Ако содржината на влага во суровините е поголема од 15%, потребна е машина за сушење.

– При користењето на пелетите од пченка недостаток и друг вид биомаса е тоа што треба да вложите и во изградба на склад за пелети на пченка, специјално дизајнирани за да се избегне навлажнување – велат тие.

Производството на ваков вид пелети е поволна прилика и за земјоделците да профитираат од зрната од пченка бидејќи цената на килограм е далеку повисока од откупната цена која ја добиваат за пченката.

Притоа, освен за вложување во склад кој ќе одговара на потребите за задржување на квалитетот на пелетите и набавката на соодветна машина ќе треба да обезбедат и доволно количини суровини.

Во Бугарија земјоделци веќе размислуваат да произведуваат ваков вид пелети, но велат не можат да одговорат на побарувачката и затоа треба да се здружат.

The post СЕМЕЈСТВО ОД СКОПЈЕ ЦЕЛА ЗИМА СЕ ГРЕЕ НА ЗРНА ОД ПЧЕНКА Супер идеја како да заштедите на пелети (ФОТО) appeared first on plusinfo.mk.

Летечки авион-хотел кој може да прими до 5.000 гости и никогаш да не го потроши својот керозин смислија дизајнери и го крстија „Скај Круз“, на македонски, „небесно крстарење“. Авионот никогаш нема да има проблем со горивото бидејќи ќе биде напојуван на нуклеарна енергија. Друга кул работа е што пилотот ќе биде вештачка интелигенција, нешто слично.

Еве како тоа ќе изгледа:

А, ако снема храна за гостите од хотелот? Тогаш на самиот хотел-авион, кој инаку е огромен во споредба со обичен вавион, ќе може да слетаат други карго-авиони кои ќе донесат намирници.

Нуклеарната енергија е позната по својата чистота, секако, доколку со системот работат стручни образовани лица.

The post ЛЕТЕЧКИ ХОТЕЛ ОД ИДНИНАТА Работи на нуклеарно гориво, на него можат да слетуваат други авиони (ВИДЕО) appeared first on plusinfo.mk.

The post ФОНДОТ ЗА ИНОВАЦИИ ДА РЕАГИРА Македонец со феноменален изум (ФОТО) appeared first on plusinfo.mk.

Опремата се состои од два шумски трактори (четвороцикли), рачни пумпи за гасење пожар, моторни пумпи за вода, повеќенаменски алатки за гасење пожар, дрон со термална камера и моторни пили. На избрана локација на врвот на Водно единиците на Бригадата за противпожарна заштита на Град Скопје и на ЈП „Паркови и зеленило“ покажаа како се гаси запалена нискостеблеста шума со помош на специјалната опрема и специјален адитив со кои за кратко се ограничува ширењето на огнот и се гаси пожарот.

– Се наоѓаме на падините на нашето Водно со цел Градот Скопје да демонстрира дел од новонабавената опрема која што ја користат единиците на Противпожарната бригада и одговорните од ЈП „Паркови и зеленило“ за одржување на Водно, а која е ефикасна при гасење на евентуалните шумски пожари. Дел од оваа опрема Противпожарната бригада ја користеше и при интервенциите што ги имаше ширум државата во екот на големите шумски пожари и токму ефикасноста која што можевте да ја видите придонесе тие шумски пожари да не се рашират – рече денеска градоначалникот Петре Шилегов.

Првиот човек на Скопје рече дека важно е да се потенцира дека за гасење шумски пожари БППЗ од сега ќе користи и специјален иновативен адитив за гасење пожари на отворено, произведен од македонската компанија ВТ Продакшн, која го произведе овој иновативен производ со поддршка на Фондот за иновации и технолошки развој и потоа го донираше за потребите на Противпожарната бригада. Станува збор за адитив кој што се додава во водата за гасење пожари и има уникатна способност да ја зголемува вискозноста и лепливоста на водата која останува на вегетацијата, што го прави процесот на гасење и контрола на шумските пожари многу поефикасен.

Шилегов денеска упати апел до граѓаните да се придржуваат кон забраната за движење во шумските предели која беше воведена во текот на овие топли летни месеци, за да се заштитат од пожари заштитените подрачја Водно и Матка.

Влатко Тасевски од ВТ продакшан, појасни дека адитивот Фајарлес ВТ е наменет за гаснење шумски пожари и пожари на отворено, како и за спречување нивно ширење со претходно третирање на местото.

– Веќе имаме поднесено патенти во Македонија и во Англија, добиени се сите потребни сертификати за животна средина, за токсиколошка анализа на производот, се е тоа безбедно и од една страна спремен е производот да се имплементира во реалноста. На почеток во ноември месец планираме да направиме одредена донација од 20 тона адитив на Град Скопје и Противпожарната бригада со цел сами да можат да ги увидат ефектите – појасни Тасевски.

Во периодот од 26.07 до 16.08 на целата територија на Република Северна Македонија имало 106 пожари, а на територија на Град Скопје во периодот од 1 до 15 август имаше 129 пожари.

– Тоа значи дека на територија на Град Скопје имало повеќе интервенции, од кои 90 се на отворен простор, но ниту еден од нив не беше вон контрола, ниту пак побаравме помош од страна. Интервениравме секаде каде што можевме да интервенираме и секаде каде што беше побарана помош од нас, од пожарот во Старо Нагоричане на 2 август до последниот пожар во Пехчево и Делчево. Има институции кои ќе кажат дали пожарот е подметнат или не, но од нашето искуство се гледа дека причинител е човечки фактор – објасни денеска командантот на Бригадата за противпожарна заштита на Град Скопје, Владимир Симоновски.

Опремата за справување со евентуални шумски пожари на територијата на планинскиот појас од Водно до Матка е набавена во рамките на проектот „Подобрување на управувањето со заштитените подрачја“, кој е финансиран од Европската Унија, а се реализира од УНДП во соработка со Министерството за животна средина и просторно планирање.

The post СКОПСКИТЕ ПОЖАРНИКАРИ СЕ ПОДНОВИЈА Ново иновативно решение за заштита на Водно од пожари appeared first on plusinfo.mk.

Во ноември минатата година, „Грин машинс“ (Green Machines), компанија која е во сопственост на „Брако“, ја промовираше оваа машина на европскиот пазар, како револуционерен еколошки производ, паметен избор за паметни градови кои се грижат за животната средина и бараат одржливи решенија. Неколку месеци по промоцијата, првиот примерок е испорачан во Утрехт, а се очекува многу наскоро GM 500 H2 да биде присутна и на улиците на Амстердам и Ротердам.

Холандските екологисти ја поздравија оваа одлука на локалната власт во Утрехт, потенцирајќи дека нема потреба горивото да се дополнува на станици за водород, бидејќи производителот нуди модел со флексибилен кертриџ-систем. Тоа е навистина огромен адут на иновативната машина, бидејќи им овозможува пристап до најчистото гориво и на оние градови што немаат соодветна инфраструктура за полнење.

– Нема потреба од инвестирање во скапи системи за полнење водород. Празната водородна капсула може да се замени со нова на едноставен и безбеден начин, на кое било место и во кое било време – забележува холандското еколошко здружение „Сè за водород“.

Од јавното комунално претпријатие на Утрехт потенцираат дека се стремат кон поголема одржливост на заедницата.

– Одлично е што сега можеме да користиме зелена и одржлива технологија за дневното чистење на јавните површини во центарот на градот. На овој начин преземаме иновативен чекор напред кон поголема одржливост на заедницата – велат тие.

Револуционерниот производ на велешки „Брако“ е резултатот од работата на тим од 15 инженери од нашата земја кои ја развија GM 500 H2 во соработка со инженери од Холандија. Покрај холандските градови, интерес за зелената машина веќе има и на американскиот и британскиот пазар, во Јапонија, скандинавските земји итн.

Намалувањето на емисиите на јаглерод диоксид и обезбедување одржливи решенија е вградено во мисијата и визијата на „Грин машинс“. Најновиот член на семејството на зелените машини е продолжение на континуираните стремежи на компанијата.

The post Водородната машина на „Брако“ ги чисти улиците на Утрехт appeared first on plusinfo.mk.

– Пресреќни сме и благодарни за признанието и вербата во нашиот тим и во потенцијалот на идејата. Возбудени сме што овој предизвик ни дава можност да ја претвориме нашата идеја во реалност и да допреме до што е можно повеќе луѓе ширум светот. Нашата главна цел е бионичката рака да биде достапна за оние на коишто им е најпотребна. Се надеваме дека ќе имаме голем број корисници на кои бионичката рака ќе им понуди нови можности и ќе им изнуди насмевка. На младите би им препорачале да веруваат во тоа што го прават, иако можеби на почетокот изгледа неостварливо – постојат иницијативи, организации и луѓе кои веруваат во нив и ги поддржуваат – рече Орхан Багашов, лидер на тимот.

Членови на тимот eBionics покрај Орхан Багашов се и  Борис Ночески, Анамариа Илиева и Тео Китановски. Нивни ментор е проф. д-р Иван Чорбев.Нивното решение има за цел, Venus Arm – 3Д печатена бионичка рака наменета за лицата со недостаток на горен екстремитет да го подобри пристапот до протетички помагала.Тимот дава упатство и насоки кои ќе им помогнат на лицата да направат протетичка бионичка рака. Нивните истражувања на пазарот покажаа дека постоечките решенија се протези со цена која надминува десетици илјади евра, додека нивното решение може да се изработи за околу 100 до 200 евра.

Ова е вторпат младите од Северна Македонија да добијат глобално признание. Во 2019 тимот Андромета се најде меѓу светските победници со нивната мобилна апликација Speak Out за поддршка на менталното здравје и заштита од врсничко насилство меѓу младите.

– Земјава треба да биде исклучително горда што втора година по ред има победник на глобално ниво. Тоа е доказ дека тука има млади со огромен потенцијал и нагласува колку е важно да се вложи во нив за да се создадат можности за иновации и социјално претприемништво. Искрено сум инспирирана од eBonics и од талентите на младите во оваа земја. Нема сомнение дека единствено што треба е да им се даде се простор и можности да го искористат својот порив, креативност и способност да бидат предводници во изнаоѓањето решенија што ќе донесат позитивна промена во нивниот живот, но и во заедницата во која живеат – рече Патриција Ди Џовани, претставничка на УНИЦЕФ.

Оваа година глобалниот младински предизвик „Генерација без граници 2019/2020“ се одржа во 36 земји од целиот свет, а учествуваа над 180 тима.

Идеите на победничките тимови ќе придонесат за успехот на Generation Unlimited – амбициозно мултисекторско јавно-приватно глобално партнерство чија цел е да одговори на итните потреби за проширување на можностите за образование, обука и вработување на младите со еден досега невиден опфат.

На националниот младински предизвки „Генерација без граници“ кој се одржа претходно годинава со поддршка од Фондацијата Македонски Телеком, тимот eBionics заедно со тимот Mind Benders со нивното дигитално ресторанско мени беа одбрани да се натпреваруваат како дел од глобалниот предизвик.

The post Глобално признание за младите иноватори од eBionics за иновација за дигитална инклузија appeared first on plusinfo.mk.

Велешки „Брако“ на самиот врв на сцената на која се одигрува зелената индустриска револуција

Можеби звучи нестварно, но жива вистина е – една македонска компанија е на самиот врв на сцената на која се одигрува оваа револуционерна промена. Станува збор за велешката компанија „Брако“, која ја произведе првата во Европа еколошка машина за одржување на хигиена во урбани средини, под брендот„Green Machines“, GM500H2.

Ова е тоа чудно возило, гордост на нашата земја:

Тим од 15 инженери од Северна Македонија, во соработка со инженери од Холандија, работеа на еколошкото возило за чистење што наместо издувни гасови, испушта вода.

– Горди сме што во време на пандемија останавме фокусирани и силно мотивирани и ја создадовме новата еколошка машина за одржување на хигиена во урбани средини под брендот „Green Machines“ ( GM 500H2), чиj погон работи на најчистото гориво хидроген (водород). Холандските градови Амстердам, Утрехт и Ротердам се први кои ќе ја одржуваат хигиена со овие велешки еколошки возила кои испуштаат вода, наместо издувни гасови и не загадуваат. Среќен сум дека вроди со резултат нашата посветеност да го намалиме и минимизираме човечкото влијание врз природата и максимално да ја зголемиме ефикасната употреба на ресурсите. Еко визијата ја  препознаа и во останатите земји ширум светот, па така интерес за новата еколошка машина за одржување на хигиена во урбани средини има и од САД, Велика Британија, Јапонија, како и од скандинавските земји – вели  Иле Атанасов, директор на „Брако“.

Од „ауспухот“ тече чиста, питка вода…

Пред нешто повеќе од еден месец лично ја посетив компанијата „Брако“ и можев и самиот да се уверам во тоа како се градат и како функционираат возилата на компанијата „Green Machines“, која од октомври 2019 година е во сопственост на велешки „Брако“, но има долгогодишна традиција во областа на производството на технолошки напредни и иновативни машини за одржување на хигиената во урбани средини и важи за глобален лидер со врвна репутација. Тогаш ги видов првите видео-снимки на демо-возилото GM500H2.

Не треба човек да е експерт во автомобилската индустрија за веднаш да сфати што значи овој концепт од аспект на економичноста и особено од аспект на заштитата на животната средина. Под „ауспухот“ на ова чудно возило можете да наполните чаша чиста вода и буквално да ја испиете. Посакав веднаш со читателите на Плусинфо да ја споделам информацијата за велешкото чудо од возило.

Но, љубезните домаќини тогаш беа во завршна фаза на лансирањето на овој револуционерен производ, кој сега целосно се произведува во Велес, од каде што се извезува низ целиот свет, од Лондон до Сингапур. И како сериозни инженери и луѓе, ме замолија да почекам на официјалната промоција, според онаа народната – прво скокни, па кажи оп. И ете, сега веста за создавањето на оваа неверојатна машина ја објавија голем број медиуми од Европа и од светот, поздравувајќи го иновативното решение.

Грандиозни успеси во време на најтешката криза во историјата на земјава

Инаку, инвестирањето во зелените машини, како и во нови технолошки постројки, е дел од поширок инвестициски и развоен циклус во „Брако“, каде што се вработени над 600 лица. Велешката компанија е една од најнапредните технолошки компании и е  меѓу најголемите извозници во Северна Македонија, чие доминантно производство од 95 отсто  е наменето за извоз во повее од 30 земји.

Годинава, во време на криза и најтешките логистичко-технолошки услови за работа, компанијата успеа да го задржи производството како и да го зголеми бројот на вработените. Инвестициост циклус во вредност од 8 милиони евра на велешки „Брако“ опфаќа вложувања во напредната технологија на CNC управувачки машини, инвестиции во нов погон за комплетно еколошко поцинкување, нова опрема за лин производство како и нова менза за вработените.

Патем речено, ми беа потребни добри два часа одење со брзо темпо за да ги посетам новите хали и да ги видам новите машини во велешки „Брако“. Сосема друга, спектакуларна приказна е производстваната програма на медицински помагала, за која кај нас малку се знае. Но, за тоа во некоја друга прилика…

Освен што воодушевува производната линија на возилата на „Green machines“, уште повеќе задоволство пружа глетката на спакувани возила кои чекаат да бидат испорачани на своите дестинации, некаде во Европа и во светот. Кога ја гледате таа сцена со сопствени очи, ја сфаќате големината на потфатот на велешките инженери, менаџери и работници, кои бијат успешно бијат лавовсска битка за освојување на европскиот и на светскиот пазар, каде што победуваат иновативните и револуционерни решенија.

И не може да не се возгордеете што сето тоа не се случува таму некаде зад океаните, туку тука, кај нас, во срцето Македонија, меѓу вредни луѓе посветени и заљубени во својата работа.

(Во подготовката на оваа статија е користено и официјалното соопштение на „Брако“ упатено до јавноста)

The post Верувале или не, велешки „Брако“ го создаде првото македонско хидрогенско возило, прво во Европа за одржување хигиена! (ВИДЕО) appeared first on plusinfo.mk.