Британскиот актер Адам Пирсон ја испиша историјата на 98-то доделување на наградите Оскар, одржано ноќта меѓу 15-ти и 16-ти март 2026 година по централноевропско време, каде што привлече големо внимание од светската јавност со своето пристигнување и појавување на црвениот тепих.
Иако наградите беа во фокусот на вечерта, Пирсон стана една од најзначајните личности на настанот, не само поради својот стил, туку и поради она што го претставува.

Тој пристигна на Оскарите благодарение на големиот успех на филмот „A Different Man“, во кој неговата изведба беше пофалена од критичарите. Ова направи голем чекор напред во неговата кариера и, што е уште поважно, ги руши бројните предрасуди, станувајќи првиот актер со видлив хендикеп кој го изгради статусот на вистинска ѕвезда на црвениот тепих надвор од рамките на т.н. niche филмови (наменети за одредена, специфична публика).

За оваа посебна вечер, тој избра елегантно одело од „Амири“ кроено по мерка, кое го дополни со брош во облик на машна и луксузен часовник „Монбланк Стар Легаси“.

Модните критичари не го криеја своето воодушевување, а Пирсон се најде на листите на најдобро облечени мажи на вечерта според „Ескваер“ и „Ескваер Сингапур“.

 

View this post on Instagram

 

A post shared by Adam Pearson (@adampearson)

Пирсон е роден во Лондон и уште во детството се соочил со голем предизвик – му била дијагностицирана неврофиброматоза, генетско нарушување кое предизвикува раст на тумори на нервното ткиво и често резултира со видливи промени на лицето и телото.

Поради својот изглед, бил изложен на задевање и неразбирање, но наместо да биде обесхрабрен, Пирсон развил силен карактер и решителност. Тој отворено зборувал за своето искуство и станал застапник за прифаќање на различноста и борба против стигмата поврзана со телесните разлики.

Пред да влезе во светот на филмот, Пирсон работел и зад камерата, занимавајќи се со продукција и телевизија. Тој го привлече вниманието на пошироката јавност учествувајќи во документарни проекти во кои зборувал за животот со неврофиброматоза.

Неговиот голем актерски пробив се случи во филмот „Under the Skin“, каде што глумеше заедно со Скарлет Јохансон, а подоцна изгради кариера преку проекти што ги поместија границите на претставувањето на лицата со попреченост во индустријата.
Неговата улога во „Поинаков човек“ му го донесе најголемото признание досега и му отвори врата кон мејнстрим Холивуд, што кулминираше со неговото појавување на Оскарите 2026 година.

 

View this post on Instagram

 

A post shared by East Croydon Cool (@eastcroydoncool)

Пирсон го одржува својот приватен живот релативно дискретен, но е познат по тоа што е исклучително посветен на едукација на јавноста за неврофиброматозата и инклузијата. Често учествува во кампањи и јавни говори, обидувајќи се да ги скрши стереотипите и да поттикне поголемо разбирање.

Неговото појавување на Оскарите не беше само уште едно појавување на славна личност на црвениот тепих – тоа беше моќно симболично признание за промените што се случуваат во индустријата за забава. Денес, Адам Пирсон претставува нова генерација актери кои не се согласуваат со ограничувањата и со својата работа ја менуваат перцепцијата за убавината, талентот и успехот.
И судејќи според реакциите на публиката и критичарите, неговиот пат тукушто започна.

The post 🎥 ЦЕЛ ЖИВОТ СЕ СООЧУВАЛ СО ПРЕДРАСУДИ Актерот Адам Пирсон ги руши бариерите во Холивуд appeared first on plusinfo.mk.

Компанијата „Мател“ ја претстави својата прва Барби со аутизам, додавајќи ја во својата линија кукли насочени кон зголемување на инклузивноста.

Американскиот гигант за играчки изјави дека куклата со аутизам jа развиле во партнерство со непрофитната организација Autistic Self Advocacy Network, во текот на 18 месеци.

Непрофитната организација со седиште во Вашингтон се залага за подобра медиумска застапеност на лицата со аутизам, објави „Дојче веле“ (DW).

Главниот предизвик беше создавање на една кукла што претставува состојба каде што однесувањата значително се разликуваат од личност до личност, вели Нур Первиз, менаџерка за ангажирање на заедницата во организацијата Autistic Self Advocacy Network, која тесно соработувала со „Мател“ на прототипот на Барби.

Повеќе за ова прочитајте ТУКА.

The post МАТЕЛ ЈА ПРЕТСТАВИ ПРВАТА БАРБИ СО АУТИЗАМ Кои се карактеристиките на аутистичната барбика? appeared first on plusinfo.mk.

Париските улици светат, но без зборот „Божик“. Француските медиуми пренесуваат дека властите избрале нова, „инклузивна“ форма на празнично украсување. Наместо традиционалните натписи „Joyeux Noël“, на осветлените портали и транспаренти сè почесто стои „Joyeuses Fêtes“ – „Среќни празници“.

Дали натписите со зборот Божик ќе ги снема до крајот на годината во Франција, прашува весникот „Ле Фигаро“, во свој напис. Повеќе француски портали објавија дека промената се поврзува со европските препораки за „инклузивен јазик“, идеја која треба да ги опфати сите, без оглед на верата.

Реакции и поделби

Веста предизвика бура од реакции на социјалните мрежи. Критичарите велат дека ваквиот потег не е гест на почит кон различностите, туку „бавно бришење на христијанските симболи“.

– Не можете да создадете инклузивност ако ги избришете корените – изјавил еден од колумнистите на „ Ле Фигаро“.

Од другата страна, поддржувачите тврдат дека Франција останува земја со секуларен карактер, а државните институции немаат обврска да промовираат религиозен контекст.

Што велат фактите?

Француската влада не донела никаков закон или наредба за забрана на зборот „Божик“. Станува збор за комуникациски избор на поединечни општини или маркетинг агенции.

Европската комисија, пак, во 2021 година навистина имаше документ со препорака за инклузивен јазик, но истиот беше повлечен по јавните реакции и никогаш не стана обврзувачки акт.

The post „СРЕЌНИ ПРАЗНИЦИ“ НАМЕСТО ЗБОРОТ „БОЖИК“ ВО ФРАНЦИЈА? Инклузивноста предизвика нова културна бура appeared first on plusinfo.mk.

Чаир ќе стане пример за инклузија, еднаквост и почит за секој граѓанин, рече денеска на прес-конференција, кандидатот на ВРЕДИ за градоначалник на оваа општина, Изет Меџити.

Тој појасни дека во рамки на денешниот настан, се зборува за еднаквост, можности и достоинство, за правото секој граѓанин на Чаир да го има своето место во работата, во институциите, во јавниот живот и на секој чекор од секојдневието. Притоа, додаде дека во нивната програма, грижата и вклученоста на лицата со попреченост е една од главните столбови.

– Во соработка со организациите што работат во оваа насока, ќе изградиме долгорочни политики за пристап до образование, здравствени услуги, транспорт и јавни простори. Ќе создадеме посебни програми за нивно вработување и обука во јавниот сектор и во локалните институции. Ќе ги поддржиме микро – бизнисите, социјалните претпријатија и заедничките иницијативи, затоа што економската независност е темелот на човековото достоинство – порача Меџити.

Тој подвлече дека оваа заложба започнува од него лично, од неговиот кабинет.

– Сакам да ја споделам со вас веста дека Ќамуран Исмаили, извонреден човек и професионалец, ќе биде дел од мојот кабинет како советник. Ќамуран нема да биде дел од мојот кабинет само симболично, туку за да има реално влијание. Неговиот глас е гласот на една заедница која заслужува да биде слушната. Неговото искуство е мост меѓу институциите и граѓаните кои често се чувствуваат заборавени. Почнувајќи од мојот кабинет, ние оваа заложба ја претвораме во реалност – истакна Меџити.

Зашто, како што нагласи, вклучувањето на секој човек не е привилегија, тоа е право.

– Чаир ќе биде пример за општина што не дели туку обединува, што не исклучува туку овозможува, што не зборува за луѓето – туку ги слуша и работи заедно со нив – подвлече Меџити на денешната прес-конференција.

The post ЧАИР ЌЕ СТАНЕ ПРИМЕР ЗА ИНКЛУЗИЈА, ЕДНАКВОСТ И ПОЧИТ Меџити најави и поддршка за микробизнисите и за социјалните иницијативи appeared first on plusinfo.mk.

Од компанијата порачуваа дека „долгогодишните заложби на Стопанска банка АД-Скопје за промоција на инклузијата на лицата со пречки во развојот во сите општествени сфери преку конкретни проекти со кои се подобруваат условите за учење, социјализација и развој, продолжуваат и оваа година со исто темпо“.

Стопанска АД-Скопје порачува дека „поддршката на инклузивните проекти е значаен дел од корпоративната култура на Стопанска банка преку долгогодишната кампања „Сонуваме. Менуваме“, која на крајот од оваа година ќе се заокружи со музичко-театарскиот спектакл“.

Претставата „Необичен ден“ ќе се прикажува на 29 декември во Македонскиот народен театар од 18 и 20 часот, ден кога Стопанска банка го прославува својот јубилеен 80. роденден. Прикажувањето на музичко-театарскиот спектакл е заокружување на годинешната јубилејна кампања ДОМА, со која Стопанска банка преку многубројни активности во текот на целата година ги одбележа, како што велат, „изминатите осум децении успешна работа и континуирана поддршка на заедницата“.

Билетите за „Необичен ден“ наскоро ќе бидат пуштени во продажба на билетарницата на МНТ, а претставите ќе продолжат со прикажување и во јануари 2025 година. Зад овој спектакл стои Стопанска банка во соработка со ОXО продукција, при што на сцената ќе се појават популарните ликови од „5+ Фамилија“, Лина, Петко, детективот Цветко, Џими, Лука, Цвајнштајн, Алек, Лиз и Мира и нивните другарчиња со попреченост.

„Актерите на сцената, на која сите се рамноправни и еднакво придонесуваат за нејзината успешност, преку игра и песна уште еднаш ќе ја пренесат пораката дека е потребно сите заеднички да работиме на менување на јавната свест за потребата од инклузија, со што ќе создадеме свет без предрасуди во кој сите сме еднакви“, се вели во соопштението на Стопанска банка АД-Скопје.

„Ова е шесто издание на кампањата „Сонуваме. Менуваме“, која низ годините прерасна во платформа која вистински го менува светот на подобро преку конкретни проекти“, велат од компанијата.

За таа цел, велат од компанијата, Стопанска банка и годинава распиша јавен повик за доделување грантови на асоцијациите на лица со посебни потреби за реализација на проекти со кои се подобруваат условите во заедницата во која тие учат и живеат.

„Станува збор за проекти кои опфаќаат поголем број деца со попреченост, кои овозможуваат континуирана работа со нив преку нови едукативни, инклузивни или физиотерапевтски методи или пак овозможуваат нивна поголема слобода при движењето и извршувањето на секојдневните активности“, се вели во соопштението.

Преку платформата „Сонуваме.Менуваме“, во оваа и претходните години Стопанска банка ќе има инвестирани над 115.000 евра за реализација на повеќе од 60 проекти, што, велат до компанијата, е од големо значење за асоцијациите.

Асоцијациите кои сѐ уште не се пријавиле за грант имаат можност да аплицираат до 20 декември 2024 (петок), на мејл адресата csr@stb.com.mk со назнака „Предлог проект за грант: Сонуваме.Менуваме 2024“.

Пријавените проекти, како и во минатите години, ги оценува посебна комисија од Стопанска банка, а Банката ќе ги објави добитниците на грантови на 29 декември 2024 година.

The post СПЕКТАКЛОТ „НЕОБИЧЕН ДЕН“ СО ЈУНАЦИТЕ ОД „5+ ФАМИЛИЈА“ ЌЕ СЕ ОДРЖИ ВО МНТ Стопанска банка ја промовира инклузијата на лица со пречки во развојот appeared first on plusinfo.mk.

Петтото издание на „Сонуваме. Менуваме“ годинава започна со повик до асоцијации, училишта и здруженија на лица со попреченост да испратат барања за грантови за што Банката предвиде буџет од 20.000 евра. Годинава до банката пристигнаа рекорден број барања, вкупно 31, и голем дел од нив во следниот период ќе бидат реализирани.

Заедно со годинашните добитници на грантови Банката заокружува над 80.000 евра донации во реализација на речиси 50 проекти како дел од „Сонуваме. Менуваме“.

Во рамки на годинашното издание на оваа општествено-одговорна активност имаше пет прикажувања на новата инклузивна музичко – театарска претстава во Македонскиот народен театар во продукција на ОхО со омилените ликови од популарната ТВ-серија „5+ Фамилија“

– Низ игра, низ песна и низ смеа пренесовме порака до нашите најмлади сограѓани дека секој ден можеме да делуваме за да создадеме подобра иднина и подобар свет за сите. Богатата претстава изобилува со одлична сценографија, кореографија и впечатлива музика и ни претставува задоволство што можеме да најавиме дека во текот на 2024 година претставата ќе продолжи да се прикажува во МНТ и ќе продолжи да ја шири оваа значајна порака – велат од Стопанска банка.

Комисијата која одлучуваше во предвид ги зеде и одобрените проекти од претходните години за да се одржи континуитет во видот и формата на проектите чија цел е да дадат подолгорочни ефекти во секојдневието на корисниците и да помагаат во условите и пристапот неопходни за едукација и правилен развој на корисниците.

Проектите со кратко објаснување и одобрените износи се прикажани во продолжение. Банката ќе ги контактира сите добитници и ќе пристапи кон соодветна реализација веќе во јануари.

– ОУРЦ „Др. Златан Сремец“, Скопје за набавка на интерактивна маса. Одобрен износ: 1.600 евра.

– ООУ „Димитар Поп Георгиев – Беровски“, Скопје за набавка на електромоторен транспортер за инвалидска количка (гасеничар). Одобрен износ: 4.000 евра.

– Соѕвездие – градежна реконструкција на адаптиран тоалет за лица со телесна попреченост над 18 години. Одобрен износ: 3.500 евра.

– НВО „Пркос“ – НВО за грижа на лица со церебрална парализа за набавка на ортопедски помагала. Одобрен износ 1.700 евра.

– „Ластовица“ Асоцијација за деца и младинци со посебни потреби за набавка на логопедска опрема и уреди. Одобрен износ: 1.000 евра.

– „Детелинка плус“ – Центар за поддршка на деца и млади со пречки во развојот, Битола за набавка на дидактички материјали. Одобрен износ: 1.000 евра.

– ООУ „Кузман Јосифовски – Питу“ паралелка за деца со оштетен слух – набавка на училишен инвентар. Одобрен износ: 1.000 евра.

– Дневен центар за лица со церебрална парализа за набавка и поставување на роло завеси (ролетни) за прозорците во дневниот центар. Одобрен износ: 1.000 евра.

– ЈЗУ Здравствен дом Скопје – Компјутерска опрема. Одобрен износ: 1.000 евра.

– Здружение за давање услуги на лица со попреченост ХАНДИМАК – Тетово за опремување сензорна соба за потребите на децата и ученици со попреченост. Одобрен износ: 1.000 евра.

– Здружение за развој на општествена одговорност „Мој пат“ – Скопје. Поддршка во набавка на симулатор за одење. Одобрен износ: 2.000 евра.

– Здружение на лица со церебрална парализа и други попречености – Велес. Градежни работи за уредување на дворно место. Одобрен износ: 1.200 евра.

The post ДОНАЦИЈА ОД 20.000 ЕВРА ОД СТОПАНСКА БАНКА Банката ги избра проектите за инклузија на лицата со попреченост appeared first on plusinfo.mk.

Почнувајќи од 20 декември (среда), ќе се одржат пет изведби на музичката претстава „Необичен ден“ во Македонскиот народен театар (МНТ) во Скопје. Премиерната изведба е закажана за 20 декември во 20 часот, по што следат уште четири изведби и тоа две на 21 декември од 17:30 и 19:30 часот, една на 26 декември од 19 часот и последната на 27 декември од 19 часот. Билетите за спектаклот веќе се во продажба и чинат 250 денари. Тие може да се набават во билетарницата на МНТ и онлајн преку официјалната веб-страница на МНТ на следниот линк.

Зад спектаклот „Необичен ден“, покрај Банката, стојат ОхО продукција со омилените ликови од „5+ Фамилија“, Лина, Петко, детективот Цветко, Џими, Лука, Цвајнштајн, Алек, Лиз и Мира, заедно со повеќе деца со попреченост кои рамноправно со актерската екипа се носители на целото дејство. Режисер е Дејан Пројковски, така што целата екипа нуди одлична семејна забава, со која преку игра и песна присутните ќе сонуваат и ќе се обидат да го менуваат светот на подобро.

Кампањата „Сонуваме. Менуваме“ има цел да ја подигне свеста кај јавноста за потребата од поголема инклузија на лицата со попреченост во општеството. Организацијата на инклузивните претстави премина во прекрасна традиција за Стопанска банка, каде што јавноста ги препознава и ги поддржува заложбите за создавање подобар свет за сите. Тоа го покажуваат и преполните сали на секоја изведба на инклузивните претстави. Веруваме дека и оваа година ќе биде така.

Покрај кампањата и претставата, како и претходните години, „Сонуваме. Менуваме“ е проект преку кој се реализираат и грантови за Асоцијациите на лица со попреченост, за кои Банката веќе објави јавен повик.

The post „НЕОБИЧЕН ДЕН“ СО ЈУНАЦИТЕ ОД „5+ФАМИЛИЈА“ Билетите за инклузивната претстава во билетарницата на МНТ appeared first on plusinfo.mk.

Едукативните комплети првично беа лансирани во 2020 година, но беа дистрибуирани само преку Фондацијата Лего до организации специјализирани за образование на децата со оштетен вид. Сега, можете да купите комплет за сопственото домаќинство.

Повеќе за ова прочитајте ТУКА.

The post ЛЕГО ГИ ПУШТА ВО ШИРОКА ПРОДАЖБА БРАЈОВИТЕ КОЦКИ Компанијата ја зголемува достапноста на инклузивните комплети за слепи и деца со слаб вид appeared first on plusinfo.mk.

Инклузивното образование се темели на пристапот заснован на човековите права кој е дефиниран со Конвенцијата за правата на лицата со попреченост на Обединетите нации и со Конвенцијата за правата на детето на Обединетите нации.

Во Концепцијата за инклузивно образование е дадено следното објаснување: „Инклузивното образование е процес со кој се излегува во пресрет и се одговара на различните потреби на децата, младите и возрасните преку зголемување на учеството во учењето, во училиштето и во заедницата.

Тоа вклучува разумно прилагодување на образовните содржини, приоди, организација и стратегии за да се овозможи квалитетно образование за сите.  Инклузивното образование подразбира дека сите деца се вклучени и се прифатени, со особено внимание на децата што може да бидат маргинализирани, дискриминирани или исклучени од образовниот систем. Тие, без оглед на нивните потенцијали или слабости во некои области, се вклучуваат во редовните одделенија и им се обезбедуваат соодветни услови за учење, напредување и учество во животот на училиштето. “

Инклузивното образование е широк концепт што ги опфаќа сите групи деца. И основна цел на инклузијата е поттикнување развој на сите деца.

Повеќе за ова на порталот „Мајка и дете“.

The post ИНКЛУЗИЈА НА ДЕЦАТА СО ПОПРЕЧЕНОСТ Образовниот систем клучен за крај на дискриминацијата appeared first on plusinfo.mk.

– Како компанија која посветува особено внимание за доброто на заедницата во која работи, секогаш нѐ радува можноста да учествуваме во иницијативи наменети за децата. Нашиот активен придонес во овој донаторски проект ја претставува нашата континуирана заложба за подобрување на условите во образованието и создавање еднаква можност за сите деца, без разлика на нивните специфики. Се надеваме дека овие игралишта ќе бидат место за безгрижна детска игра, каде вредностите на различност и инклузивност ќе се негуваат и јакнат – истакна Вук Радовиќ, главен извршен директор на ОКТА.

Во поддршката и обезбедувањето на сите неопходни услови за успешна реализација на овој проект учествуваше и Општина Дојран.

– Со ова детско игралиште ќе се унапреди вклучувањето на децата со посебни потреби во секојдневните спортско-рекреативни активности. Исто така се овозможува простор за нивен правилен раст и развој, а секако овој благороден проект ќе го подигне сознанието за различностите уште од најмала возраст, како и свеста за неопходноста од социјализирање и инклузија на децата со посебни потреби во општеството. Ова нека биде мотив сите ние заедно, во иднина да ги отвориме срцата и да покажеме дека можеме многу повеќе да направиме за децата со посебни потреби, активно да се вклучиме во нивната рамноправна инклузија во сите сфери во општественото живеење – изјави Анго Ангов, градоначалник на Дојран.

Проектот „Биди ИН, биди ИНклузивен, биди ИНклудиран“ кој веќе цела година го спроведува Фондацијата за образовни и културни иницијативи, обединува повеќе различни чинители за постигнување на една цел – целосна и еднаква вклученост на децата со попреченост во редовните основни училишта.

– Ова е второто инклузивно игралиште кое го правиме во рамки на соработката со ОКТА, како дел од проектот „Биди ИН, биди ИНклузивен, биди ИНклудиран“ кој е финансиран од Европската Унија. Со овие игралишта, кои ги градиме во повеќе општини, го поддржуваме процесот на развој на инклузивно образование, верувајќи дека децата преку заедничка игра и дружење ќе научат да ги почитуваат различностите и ќе имаат еднакви можности да учествуваат во школските и воншколските активности –  изјави Елена Мишиќ, раководител на проектот „Биди ИН, биди ИНклузивен, биди ИНклудиран“.

Во стратегијата за општествена одговорност на ОКТА поддршката на образованието е еден од главните елементи. Во таа насока, компанијата донираше инклузивно детско катче во општина Аеродром во Скопје, a дополнително во рамки на овој тековен проект ОКТА ќе ја поддржи изградбата на уште едно вакво игралиште до крајот на годинава.

The post ОКТА ИЗГРАДИ ИГРАЛИШТЕ ВО ДОЈРАН Рекреација и за децата со попреченост appeared first on plusinfo.mk.