Министерот Александар Николоски информира дека почнува изградба на нов автопат, Скопје-Блаце, кој ќр биде главна артерија за поврзување со Косово и Црна Гора.

-Работна средба со Фатих Туркменоглу, директор на канцеларијата на Европската банка за обнова и развој (ЕБОР), каде што разговаравме за изградбата на автопатот Скопје – Блаце.

Изведувачот на автопатот е конзорциумот предводен од македонската градежна компанија Гранит. После подолг временски период една домашна градежна компанија целосно ќе изведува автопат.

Автопатот Скопје – Блаце претставува витална патна артерија со која Македонија се поврзува со Косово и Црна Гора. Неговата изградба ќе придонесе за поефикасен транспорт и побезбеден сообраќај, ќе ја подобри поврзаноста со соседните земји и ќе создаде нови можности за економски развој, трговија и инвестиции, со што Македонија дополнително ќе ја зацврсти својата улога како важна транзитна и транспортна врска во регионот, напиша Николоски на Фејсбук.

Тој појаснува дека проектот предвидува 5 тунели, 2 галерии и 12 мостови.

– Заедно со помалите инфраструктурни објекти вкупно 40 објекти ќе се изведат на терен – вели Николоски.

The post ГРАНИТ ЌЕ ГО ГРАДИ АВТОПАТОТ СКОПЈЕ-БЛАЦЕ Делницата ќе има 5 тунели, 12 мостови и 40 објекти appeared first on plusinfo.mk.

Започна акција за чистење и уредување на Железничката станица во Скопје, која со децении, како што наведуваат надлежните, била оставена без соодветна грижа и станала визуелно и функционално запуштен објект во центарот на главниот град.

Директорот на ЈП „Железници Инфраструктура“, Синиша Ивановски, преку објава на својот Фејсбук профил информира дека веќе се преземаат конкретни мерки за подобрување на надворешниот и внатрешниот изглед на станицата, како дел од подолгорочен процес на реконструкција.

Според него, првичните активности опфатиле отстранување на билборди, светлосни реклами и постери кои со години биле поставени на објектот, како и започнување на генерално чистење на просторот.

„По декади запуштеност се чисти Железничката станица во Скопје. Железничката станица во Скопје треба да претставува гордост на главниот град. Декади запуштеност и немање институционална и општествена грижа, за жал, ја претвори во тотално не-репрезентативен објект“, наведува Ивановски.

Тој додава дека процесот нема да биде брз, но дека институцијата започнува систематски пристап кон враќање на функционалноста и изгледот на објектот.

„Превземаме мерки за подигнување на нивото на надворешниот и внатрешниот изглед преку долготрајна акција и сет на активности“, стои во објавата.

Во рамки на првите чекори, останал само еден светлосен рекламен панел, за кој, како што посочува, доколку не биде отстранет во рок од седум дена, договорот за закуп ќе биде раскинат.

Ивановски информира и дека паралелно се работи на поширок план – во соработка со Архитектонскиот факултет се подготвува проект за целосна реконструкција, додека ИЗИИС ја испитува конструктивната состојба на објектот.

„Процесот на враќање на нормалниот изглед нема да биде лесен, но да почнеме денес“, порача директорот.

Тој додаде и дека во рамки на објектот функционира полициска станица и се заблагодари за нивната соработка.

The post 📷 📽️ СЕ ЧИСТИ ЖЕЛЕЗНИЧКАТА СТАНИЦА ВО СКОПЈЕ По децении запуштеност започна акција за враќање на нејзиниот изглед appeared first on plusinfo.mk.

Финалната сума на еден километар од автопатот Кичево – Охрид е 13,5 милиони евра, а тоа значи дека целиот автопат би требало да чини меѓу 760-770 милиони евра. Градежните работи треба да завршат заклучно со оваа година, додека заклучно со месец мај треба да добиеме употребна дозвола имајќи предвид дека досега, за жал, употребни дозволи не се давале за наголем дел од патиштата во Македонија, изјави вечерва вицепремиерот и министер за транспорт Александар Николоски.

– Ова е сè уште најевтиниот автопат кој што се гради во Македонија. За споредба, автопатите што се градат на коридорите 8 и 10 со договорот со конзорциумот „Бехтел и Енка“ ќе стигнат некаде по 15,5 до 16 милиони евра по километар. Скопје – Блаце од ова што имаме како индикативни понуди, ги работиме заедно со Европската банка за обнова и развој, ќе биде некаде околу 21 милион евра по километар и нешто слично ќе биде Кичево – Букојчани. Што значи дека ова сè уште останува најевтиниот автипат кој што го градиме, но доколку беше изграден навреме, ќе беше помалку од ова што е сега – изјави Николоски.

Тој рече дека единствениот дел на Охрид – Кичево се 20-те километри што се обврска на кинеската компанија „Синохидро“.

– Тие се во вредност поголеми, затоа доаѓа 51 процент. Значи од 57 километри, 37 се завршени, 34 се во функција. Тие беа работени од македонски подизведувачи, од компаниите „Гранит“ од Скопје и „Илинден“ од Струга и тие се целосно завршени. Делот што не е завршен е дело на „Синохидро, јасно е динамиката на „Синехидро“ не е на она ниво на кое што ни очекуваме – изјави Николоски и најави состанок со раководството на компанијата за Европа.

Паралелно со тоа, дополни Николоски, „Ексим банка“ од Кина треба да обезбеди финансирање на проектот.

– Имајќи предвид дека проектот беше заборавен со години наназад, природно беше сега ние да побараме поголема сума на средства, со цел да го завршиме. Ние побаравме и бевме одбиени од Ексим банка. Средствата што ги побаравме тогаш беа 175 милиони евра од причини што веројатно само тие ги знаат. Нашле некое писмо потпишано од претходниот министер за транспорт, министер за финансии и директор на јавно претпријатие за државни патишта и вицепремиер за економски прашања во кое тие рекле дека мислат дека нема да се потрени дополнителни средства – појасни тој, додавајќи дека сега овие средства ќе ги обезбеди ЈП за Државни патишта.

Николоски најави и дека патот за Сончев град на Водно ќе биде пуштен до почетокот на летово.

Во однос на барањата на УНЕСКО за трасата на Коридорот 8, рече дека нивниот став е прилично ригиден.

– Правилата на УНЕСКО се дека ги прифаќаат само постојните линии и постојните инфраструктурни објекти. Така што нивното барање е да се суспендираат сите активности. Имајќи предвид дека прашањето е вонредно значајно за нас, отидовме во Париз четири министри и двајца градоначалници, и очекуваме во јуни да го добиеме финалниот извештај. Тогаш ќе имаме чиста ситуација, ќе имаме и финален став од страна на УНЕСКО по ова прашање и тоа не се однесува само на автопатот, туку и на железницата – рече Николоски.

Тој рече дека крајната цел нема да се промени, односно дека граничниот премин Ќафасан останува во било која од комбинациите.

– Во моментот работиме на проширување и надградба на граничниот премин заедно со Светска банка, очекувам во прва фаза да е готова за еден месец, што значи дека точката на спојување со Албанија останува иста. Прашањето е како ќе стигаме до Ќафасан, дали ќе стигаме по она што било дел од договорот што бил правен во канцеларија, затоа што дури и да не постоело ова барање на УНЕСКО, каков е тој автопат што не се спојува со аеродромот, и не се спојува со градот Струга. Јавноста треба да знае имајќи предвид дека од ДУИ ништо не сработија во нивните многу мандати, ама еве сега критикуваат, километар автопат не завршија – оцени Николоски.

Тој рече дека сега се бара решение кое од една трана, како што кажа, ќе значи да се испочитуваат препораките на УНЕСКО, од друга страна да се интегрира аеродромот, од трета страна да се спои градот Струга, и од четврта страна да стинеме до Ќафасан.

Претходно денеска премиерот Премиерот Христијан Мицкоски најави дека Владата е подготвена да разгледа нова траса за коридорите доколку УНЕСКО не даде зелено светло за проектите што поминуваат низ заштитени подрачја, нагласувајќи дека инфраструктурниот развој ќе продолжи, но со целосно почитување на меѓународните обврски.

The post 13,5 МИЛИОНИ ЕВРА ПО КИЛОМЕТАР Автопатот Кичево–Охрид стигнува до 770 милиони евра appeared first on plusinfo.mk.

Во регионот на Крива Паланка во периодот што следува ќе влезат неколку стотици милиони евра инвестиции за проекти што ќе ја поврзат Македонија со соседите преку Коридорот 8, најави денеска премиерот Христијан Мицкоски.

Мицкоски, заедно со вицепремиерот и министер за транспорт Александар Николоски и директорот на ЈП за државни патишта Коце Трајановски, присуствуваше на пуштањето во употреба на реконструираната обиколница во Крива Паланка, дел од Коридорот 8.

– Овие проекти се додадена вредност и за граѓаните и за македонската економија – истакна премиерот.

Тој нагласи дека инвестициите во регионот ќе продолжат со третата фаза од железничката пруга, забрзување на втората фаза, како и со нови зафати во патната инфраструктура.

– Очекуваме Крива Паланка да стане развиен град во кој луѓето ќе сакаат да останат и да го градат својот живот. Нашата цел е и оние што заминале во Западна Европа да видат перспектива и да се вратат дома – рече Мицкоски.

Премиерот додаде дека Владата останува фокусирана на капиталните инвестиции, особено на патничкото, железничкото и енергетското поврзување на земјата преку коридорите 8 и 10.

Николоски: Ова е витален дел од Коридорот 8

Вицепремиерот Николоски оцени дека проектот е пример за одговорно работење и навремена реализација.

– Ова не е само обиколница околу Крива Паланка, туку витален дел од Коридорот 8. Минатиот јануари го пуштивме во употреба експресниот пат Крива Паланка – Страцин, а интензивно се работи и на модернизација на граничниот премин Деве Баир – изјави Николоски.

Според него, првата фаза од работите на преминот треба да заврши до јуни годинава, по што ќе следува проширување и целосна модернизација.

Трајановски: Патот е изработен по европски стандарди

Трајановски посочи дека обиколницата е долга 4,5 километри, со ширина на коловозот од 7,5 метри.

– Поставена е нова хоризонтална и вертикална сигнализација, еластична ограда според ЕУ-стандардите, реконструирани се два моста, а шест пропусти се исчистени и зајакнати. Патот овозможува побезбедно и посигурно возење – рече тој.

Изградбата ја реализираше АД „Гранит“, а надзорот го вршеа „Евроконсалтинг“ и „Диви“.

Проектот се спроведе преку Јавното претпријатие за државни патишта, а инвестицијата изнесува над 65,5 милиони денари.

The post КРИВА ПАЛАНКА ДОБИ МОДЕРНА ОБИКОЛНИЦА Мицкоски најави нов инвестициски бран од стотици милиони евра за регионот appeared first on plusinfo.mk.

Заменик-претседателот на Владата и министер за транспорт и врски Александар Николоски објави видео од градежните работи на автопатот Тетово – Гостивар, проект кој е клучен за заокружување на автопатското решение на Коридорот 8.

Во објавата на својот Фејсбук профил, Николоски истакна дека работата на терен се одвива со силно темпо.

„Интензивно се работи на автопатот Тетово – Гостивар. Силна динамика во комплетирањето на автопатското решение на Коридорот 8. Ја градиме Македонија“, напиша Николоски, додавајќи го и видеото од тековните активности.

Изградбата на делницата е дел од една од најзначајните инфраструктурни инвестиции во државава, со цел подобрување на протокот на сообраќај, побрзи врски меѓу регионите и поголема безбедност на патиштата.

The post 📽️ СЕ ЗАБРЗУВА КОМПЛЕТИРАЊЕТО НА КОРИДОРОТ 8 Николоски сподели снимка од работите од автопатот Тетово – Гостивар appeared first on plusinfo.mk.

Транспортниот хаос во Скопје, според вицепремиерот и министер за транспорт Александар Николоски, може да се реши само со паралелна реализација на три клучни проекти – Градскиот воз, новите електрични автобуси и системот за брз автобуски превоз (БРТ).

– За да го решиме транспортот, треба да се направат трите работи паралелно. Едно е возобновувањето на возниот парк на ЈСП со електрични автобуси, второто е поврзувањето на приградските населби со центарот преку Градски воз, а третото е економичен урбан транспорт, трамвај без шини – изјави Николоски во гостување на Топ Тема.

Тој објасни дека трите системи мора да бидат меѓусебно поврзани за да функционираат како единствено решение.

– Ако функционира само еден од нив, ќе го имаме истото што го имаме денес – додаде Николоски.

Министерот нагласи дека Градскиот воз веќе се реализира со засилена динамика, а првата линија ја поврзува трасата од Зелениково преку Драчево до Новата железничка станица.

– Овој проект е преголем и премногу значаен за Скопје за да се користи во кампања. Затоа промоцијата ја направивме по изборите. Првата линија е долга 25 километри и ги поврзува Зелениково, Драчево, Лисиче, Кисела Вода, Аеродром и Новата железничка станица – истакна Николоски.

Тој додаде дека втората линија ќе почне напролет, од Миладиновце преку Илинден и Маџари до Нова железничка, а третата линија ќе се протега од Нова железничка преку Скопје Север и Ѓорче Петров до Волково и Радуша.

– Во моментов ги менуваме дрвените прагови кај Драчево кои се поставени пред повеќе од 60 години, односно меѓу 1963 и 1969 година. Тоа покажува колку оваа инфраструктура била запуштена – рече Николоски.

Николоски најави и изградба на бајпас околу Скопје, со кој дизел локомотивите и товарните возови повеќе нема да влегуваат во градот, со што ќе се намали загадувањето.

– Ќе се набават и нови возови, а постапката ќе започне две години пред завршувањето на брзата пруга – додаде вицепремиерот.

The post ПРОЕКТОТ ЗА ГРАДСКИ ВОЗ ВЕЌЕ СЕ РЕАЛИЗИРА Скопје ќе добие нови електрични автобуси и „трамвај без шини“ appeared first on plusinfo.mk.

Трибина на тема „Инфраструктурен бум – Ги градиме темелите на промените“ се одржа вечерва во Гевгелија, во организација на ВМРО-ДПМНЕ. На трибината говореа претседателот на ВМРО-ДПМНЕ и премиер Христијан Мицкоски, вицепремиерот и министер за транспорт Александар Николоски, директорот на ЈП Железници инфраструктура Синиша Ивановски, директорот на ЈПДП, Коце Трајановски, градоначалник на Општина Гевгелија, Андон Сарамандов и пратеничката во македонското Собрание, Ангелинка Петкова.

-Бугарија даде ветување дека ќе работиме заеднички на пругата по Коридор 8, а акцентот го ставаме и на пругата по Коридор 10, истакна – претседателот на Комисија за инфраструктура, урбанизам и транспорт на ВМРО-ДПМНЕ, и директор на ЈП ЖРСМ, Синиша Ивановски.

Ивановски посочи дека пругата станува број еден транспорт во цела Европа, па како резултат на тоа и Македонија ќе го следи тој чекор.

– Свесни сме дека и на европско ниво пругата станува број еден транспорт за сите граѓани во цела Европа, и ние мораме да го следиме тој огромен чекор за да дојдеме до некое исто ниво. Во Македонија пругата е многу едноставна Север-Југ од Србија до Грција, и Исток-Запад од Бугарија према Албанија, ќе имаме брза пруга од Србија према Грција поминувајќи низ Гевгелија, но паралелно се гради во моментот од Скопје према Софија поделено на три дела, првиот од Скопје до Куманово веќе постои одамна, Куманово до Бељаковце завршен овој февруари, моментално се гради Бељаковце-Крива Паланка тој е околу 35 километри, имаме прогрес околу 30-35 отсто со некој рок за завршување отприлика за едно година и пол – објасни Ивановски.

Тој нагласи дека Бугарија на состанокот во Брисел дала ветување дека заеднички ќе се работи на изградбата на тунелот.

– Можам да кажам дека, вчера јас лично бев во Брисел на покана на ЕУ каде што Македонија и Бугарија имаа состанок околу решавањето на тунелот, вчера и Бугарија сериозно ветување дадоа дека ќе работиме заеднички да го работиме овој тунел а паралелно они веќе почнуваат со постапки за пругата од Бугарија кон граница со Македонија во четири дела да биде реконструирана, изградена со тоа што ќе добиеме пруга од Скопје до Софија со некоја идеална брзина од 100-120км на час, но акцентот во железничкиот транспорт во Македонија ќе биде од влез од Србија до Македонија до излез кај Гевгелија према Грција да имаме со 160 на час патнички сообраќај со минимален број на застанувања – истакна Ивановски.

– Кога ВМРО-ДПМНЕ е на власт работи и ние оставаме дела зад себе, рече Коце Трајановски, директор на Јавното претпријатие за државни патишта на вечерашната трибина во Гевгелија.

На трибината Трајановски информираше за тоа каква состојба затекнал во претпријатието и што се е направено за овој краток период од една година Влада.

– Кога дојдов за директор верувајте дека сите делници беа замрени, не се работеше механизацијата или ја немаше или пак не работеше. Успеавме да направиме патишта, експресни и автопати во должина од 100 километри – кажа Трајановски.

Пред присутните на трибината информираше за реализираните патни правци во овој период.

– Од Страцин до Крива Паланка, од Градско до Дренево од Дреново до Фариш, го пуштивме и патот од Врбјани до Ботун кој по 11 години беше пуштен. Тоа е одлика на наше домаќинско и одговорно работење. Ние поставуваме нови стандарди за работење во сите институции – вели Трајановски.

Додаде дека тука не се сопира и оти се работи на уште многу други патни правци.

– Работиме на еден од најважните правци Кичево – Охрид, интензивно работиме за по 13 години или се надевам следната година да го пуштиме и тој патен правец – изјави Трајановски.

Според директорот на Јавното претпријатие за државни патишта, Македонија се наоѓа во една експанзија на патна инфраструктура.

– Веќе го објавивме тендерот за Скопје – Блаце за оние фамозни 10 километри. Тие почнаа од Блаце кон Скопје и направија само два километри кои завршуваат во еден дол – информираше Трајановски.

Дел од вечерашната трибина беше и градоначалникот на Општина Гевгелија, Андон Сарамандов. Тој потенцираше дека Коридорот 10 ќе биде од огромно значење за општина Гевгелија, која, според него, е транзитен центар, а ги спомена и индиректните бенефити кои ќе влијаат на развојот на туризмот во Гевгелија. Ги спомена и двете инвестиции кои во моментов се во фаза на реализација и кои ќе овозможат 500 нови работни места.

– Општина Гевгелија има добра местоположба. Се наоѓа во близина на граничниот премин Богодорица, но тука минува и коридорот 10 којшто од страна на министерот за транспорт, Александар Николоски е веќе најавен и во иднина ќе треба да се реализира, рече Сарамандов.

– За нас како град за граѓаните на Гевгелија е од посебно значење. Пред се за локалниот економски развој со обнова на асфалтниот пат и изградба на оваа пруга. Во Гевгелија ќе се создадат предуслови да биде уште повеќе отворена кон овој голем транзитен коридор. А секако ќе придонесе, ќе се отворат можности за нови инвестициони вложувања во нашата општина – рече градоначалникот.

Според Сарамандов патиштата отвораат само нови можности за општина Гевгелија.

– Во моментов, како резултат на нашата досегашна работа, имаме две инвестиции кои се во тек на реализација. Едната на влезот во градот на површина од 20000 м2, а другата на патот на граничниот премин до Богородица на 7000 м2. Овие две инвестиции ќе овозможат 500 нови работни места се надевам до крајот на оваа година – истакна Сарамандов.

Според него, од големо значење е индиректниот бенефит, со цел да се развие туризмот во општина Гевгелија

– Но уште поважно за мене како градоначалник е индиректниот бенефит, тие да придонесат да имаме што поголем број на туристи во нашиот град – заклучи Сарамандов.

На денешната панел дискусија на тема „Инфраструктурен бум, ги градиме темелите на промените“ се обрати и пратеничката од ВМРО-ДПМНЕ, Ангелинка Петкова.

Петкова истакна дека амандманот за покачување на правото на посебен додаток и правото на попреченост е изгласан и зголемен за 50 милиони денари, со што со тој амандман ќе добијат покачување сите лица со попреченост до 26 години, и лицата над 26 годишна возраст кои го користат правото на посебен додаток.

– Оваа недела се заврши амандманската расправа за ребалансот на Комисијата за финансирање и буџет, како човек кој доаѓа од социјалната заштита горда сум што сум потписник заедно со моите колеги од ВМРО-ДПМНЕ на еден амандман со кој баравме 50 милиони денари за покачување на правото на посебен додаток и правото на попреченост. Амандманот беше прифатен, со овој амандман ќе добијат покачување сите лица со попреченост и тоа лицата до 26 годишна возраст кои го користат правото на посебен додаток, како и лицата над 26 годишна возраст кој го користат правото на попреченост – рече Петкова.

Пратеничката посочи дека Законот за заштита на децата кој бил закочен во 2023 година, со законските измени е откочен и повторно е воспоставен процесот на работење на Комисија за давање лиценци кои се главен критериум за вработување во градинките.

– Ние како Влада и како пратеници ќе продолжиме и понатаму да се грижиме за оваа категорија на лица и да носиме закони кои ќе го подобрат нивниот начин на живеење. Друг закон кој е од големо значење за граѓаните е законот за заштита на децата, со овие законски измени ние го откочивме процесот на работење на Комисијата за давање на лиценци, за лица кои сакаат да бидат вклучени во системот на згрижување на деца од предучилишна возраст, оваа Комисија застана со работа со месец октомври 2023 година, и од тогаш па до денес немаше можност за издавање на лиценци, а лиценците се главен критериум и основен услов за вработување во градинките – децидна е Петкова.

The post ИНФРАСТРУКТУРЕН БУМ – ГИ ГРАДИМЕ ТЕМЕЛИТЕ НА ПРОМЕНИТЕ Трибина на ВМРО-ДПМНЕ во Гевгелија за една година влада appeared first on plusinfo.mk.