Ерлинг Халанд е едно од најпознатите имиња во светскиот фудбал, но овој пат привлече внимание не поради своите голови и натпревари, туку поради споредбата што се прошири на социјалните мрежи. Имено, интернетот ја пронајде неговата наводна „женска верзија“.

Сè започна кога креаторката на содржини Ема Кејт Вилман објави навидум обично видео на Инстаграм во кое покажува како да се направи француска плетенка. Наместо да се фокусираат на фризурата, следбениците почнаа да забележуваат во коментарите нешто сосема различно.

Многумина напишаа дека тоа ги потсетува на Халанд, наведувајќи ја нејзината руса коса, цртите на лицето и изразите. Споредбите станаа толку распространети што стигнаа дури и до самиот Халанд кој исто така реагираше на виралното видео, кое оттогаш собра повеќе од 27 милиони прегледи и илјадници коментари. Тој се придружи на шегата и остави краток коментар од само еден збор: „Здраво“, придружен со емотикон со палец нагоре.

 

View this post on Instagram

 

A post shared by Emma Kate Willman (@emmakwillman)

Во друго видео, Ема Кејт Вилман се осврна на ненадејното внимание што го доби поради споредбата со фудбалерот.

– Со оглед на Светското првенство, се колнам, ако добијам само уште еден коментар дека личам на Ерлинг Халанд… – рече таа.

Додаде дека нејзиниот број на следбеници драстично се зголемил како резултат на тоа.

– Веројатно денес добив помеѓу три и четири илјади нови следбеници на Инстаграм – објасни таа.

Сепак, не беше баш воодушевена од споредбата.

– Како прво, најдобрата споредба што можете да ми ја дадете е машки фудбалер. Навистина? Можеме ли да се вратиме на времето кога рековте дека личам на Зара Ларсон? Без навреда за Халанд, но јас сум само обична девојка од Чарлстон – се пошегува таа.

 

View this post on Instagram

 

A post shared by Emma Kate Willman (@emmakwillman)

Видеото предизвика бројни реакции, а многумина продолжија да се шегуваат за нивната сличност.

– Одамна изгубената сестра на Халанд – напиша еден корисник.

Друг се пошегува:

– Каде и да одам, го гледам неговото лице.

– Си направил бебе самиот со себе – коментираше трет корисник.

Надвор од социјалните медиуми, Халанд продолжува да привлекува внимание од јавноста со своите фудбалски настапи. Норвешкиот напаѓач е еден од најдобрите стрелци во светот со години, а неговите настапи редовно се појавуваат во насловните страници.

The post 🎥 СЕ ПОЈАВИ ЖЕНСКА ВЕРЗИЈА НА ЕРЛИНГ ХАЛАНД Инфлуенсерка стана хит поради сличноста со норвешкиот фудбалер appeared first on plusinfo.mk.

Британскиот државјанин Метју Ешли Фостер-Смит (46) е обвинет за бруталното убиство на популарната колумбиска инфлуенсерка Наталија Виљалба (36), чие тело, според истрагата, го сокрил во куфер, а потоа се обидел да создаде алиби тврдејќи дека во моментот на злосторството гледал натпревар од Светското првенство.

Случајот предизвика голем шок во Колумбија и повторно ја отвори дебатата за насилството врз жените во оваа јужноамериканска земја.

Фостер-Смит, кој потекнува од британскиот град Борнмут, беше уапсен во Еквадор по меѓународна потерница, под сомнение дека ја убил Виљалба во нејзиниот стан во елитен дел на Богота.

Според истрагата, злосторството било извршено на 18 јуни. Телото на инфлуенсерката било пронајдено неколку дена подоцна, скриено во куфер и оставено во бањата, под туш што сè уште течел.

Мајката на жртвата изјавила дека последен пат разговарала со својата ќерка токму на 18 јуни. Три дена подоцна, по истекот на резервацијата за станот, персоналот задолжен за одржување влегол во апартманот и ја открил морничавата сцена.

Во текот на истрагата, безбедносните камери го снимиле Фостер-Смит како носи постелнина во пералната на зградата, непосредно по исчезнувањето на Виљалба.

Во меѓувреме, осомничениот веќе ја напуштил Колумбија и заминал во Еквадор.

Само неколку часа пред да биде уапсен, Фостер-Смит телефонски контактирал со британскиот весник „Сан“, тврдејќи дека има цврсто алиби.

– Го гледав натпреварот Англија – Хрватска на големо платно во ирски паб. По натпреварот отидов во трговски центар, се прошетав, купив сладолед, а потоа се вратив да следам и други натпревари – изјавил тој.

Осомничениот дополнително тврдел дека добивал смртни закани од локални криминални групи поради долгови и дека се подготвувал да се врати во Велика Британија кога бил уапсен на аеродромот во Кито. Во тој момент веќе бил предмет на црвена потерница на Интерпол.

Колумбиското обвинителство наведува дека Фостер-Смит ја убил Виљалба, се обидел да ги прикрие трагите од злосторството, а потоа избегал од земјата.

Градоначалникот на Богота, Карлос Фернандо Галан, изјави дека апсењето е резултат на координирана акција на колумбиските и британските власти.

– Овој грозоморен случај нема да остане неказнет – порача Галан.

Фостер-Смит и претходно бил осудуван. На почетокот на оваа година бил ослободен од затвор, каде што издржувал казна поради прогонување, а во 2020 година добил 18 месеци затвор затоа што ја следел својата поранешна партнерка и објавувал интимни материјали без нејзина согласност.

Потсетување на случајот со Валентина Треспаласиос

Начинот на кој било сокриено телото на Наталија Виљалба потсети на уште едно злосторство што ја потресе Колумбија.

Во јуни 2024 година, американскиот државјанин Џон Пулос беше осуден на 42 години и осум месеци затвор за убиството на својата девојка, познатата колумбиска диџејка Валентина Треспаласиос.

Тој ја задавил 21-годишната девојка во јануари 2023 година, а потоа го сокрил нејзиното тело во куфер и го фрлил во контејнер во Богота. И Пулос се обидел да избега од земјата, но бил уапсен во Панама и екстрадиран во Колумбија.

Според независната Колумбиска опсерваторија за фемицид, во 2023 година во земјата биле регистрирани 630 убиства на жени поради родово базирано насилство.

Податоците на Фондацијата „Правда за сите“ покажуваат дека до крајот на мај 2024 година биле евидентирани 109 случаи на фемицид, при што во 69 случаи сторител бил сегашен или поранешен партнер на жртвата.

Овие бројки ја вбројуваат Колумбија меѓу земјите со највисоко ниво на насилство врз жените и повторно ја отвораат дебатата за потребата од поефикасна заштита на жртвите.

The post УБИЛ ИНФЛУЕНСЕРКА, ЈА СКРИЛ ВО КУФЕР ПА СМИСЛИЛ НЕВЕРОЈАТНО АЛИБИ Тврдел дека во тоа време гледал натпревар Англија – Хрватска appeared first on plusinfo.mk.

Додека разгледува низ својот огромен гардеробер, 83-годишната Мики Вилијамс го избира она што го нарекува „најекстравагантно“ мини здолниште за тој ден.

Додека многу нејзини врснички одамна ги соблекле своите тесни и кратки фустани, оваа пензионерка инсистира дека никогаш не верувала во мода „соодветна за возраста“. Таа обрнува толку многу внимание на својата забавна гардероба што троши околу 11.000 фунти (околу 12.750 евра) годишно за нови парчиња и тврди дека луѓето треба да го носат она што ги прави среќни.

„Јас сум малку бунтовничка“

Мики, која живее во Нејплс, Флорида, обожава да носи уникатни парчиња од бутици и вели дека нејзиниот смел, „екстравагантен“ стил бил за неа начин да се изрази себеси во текот на целиот свој живот. Таа проценува дека има околу 200 пара чевли и повеќе од 100 блузи во својата колекција.

– Не се согласувам со облекувањето во согласност со годините и никогаш не сум се согласувала. Тој термин постои долго време, но отсекогаш целосно го игнорирав. Претпоставувам дека сум малку бунтовничка, индивидуалист. Луѓето ме запираат секој ден и велат: „Ми се допаѓа твојата облека, но никогаш не би можела да ја носам“. Јас секогаш велам: „Секако дека би можела. Разликата е што едноставно не си даваш дозвола“ – вели таа.

Повеќе за ова прочитајте на порталот „Мајка и дете“.

The post НА 83 ГОДИНИ Ѝ ВЕЛАТ ДЕКА ИЗГЛЕДА КАКО ДА ИМА 28 „Не верувам во мода соодветна на возраста“ appeared first on plusinfo.mk.

На гламурозната вечер одржана во Хрватскиот народен театар во Загреб, инспирирана од естетиката на легендарните кабаре претстави, бројни познати гости избраа елегантни, класични и софистицирани модни изданија.

Црни тоалети, ненаметлив гламур и безвременски кроеви доминираа на црвениот тепих, но една гостинка повторно успеа да го украде целото внимание и да предизвика лавина од реакции со својот смел моден избор.

Ела Дворник му остана верна на својот препознатлив моден израз кој ретко останува незабележан. Инфлуенсерката и претприемачка се појави во впечатлив стајлинг кој комбинираше елементи на кабаре, сценски гламур и авангардна мода, а нејзиниот аутфит веднаш стана една од главните теми на вечерта.

Во преден план беше црно боди украсено со мали блескави детали кои дополнително беа истакнати под рефлекторите. Над него, Ела носеше драматично долго сако во стилот на фустан со нагласени рамена и елегантни сатенски ревери, давајќи му на целиот изглед допир на театралност.
Комбинацијата ја надополни со мрежести најлонки и класични црни салонки со зашилен врв, додека тетоважите на нозете дополнително го нагласија бунтовничкиот карактер на стилот по кој е позната со години.

Моден додаток кој не можеше да остане незабележан, необична чанта со натпис „гаќи“ привлече посебно внимание кај собраните. Токму овој детаљ предизвика бројни коментари и погледи и совршено се вклопи во стилот на Ела.

Ела ја стилизираше косата во краток брановиден боб со ретро тон инспириран од старите холивудски диви и кабаретската естетика, додека драматичната шминка со нагласен ајлајнер, потемен кармин и експресивен изглед дополнително го засили ефектот на гламурозна сценска дива.

 

View this post on Instagram

 

A post shared by Ella Dvornik-Pearce (@elladvornik)

Додека некои ја опишаа нејзината облека како смела, оригинална и модно освежување за вечерта, други коментираа дека таа повторно отиде чекор подалеку и предизвика поделени реакции.

The post ЕЛА ДВОРНИК ГО УКРАДЕ ШОУТО ВО ХНК Хрватската инфлуенсерка се појави во боди и мрежести хулахопки, а ги покажа и „гаќите“ appeared first on plusinfo.mk.

Младата инфлуенсерка Леа Халтон (25) стана вирална по видеото на кое ја пее песната „Praise Jah in the Moonlight“ од 2024 година. Ова нејзино видео на Тик-Ток има повеќе од милијарда прегледи, а Леа одеднаш почна да заработува пари.

@looooooooch

Summer#Inverted

♬ Praise Jah In The Moonlight – YG Marley

Кога се појави на Коачела, сите очи беа вперени во неа, а луѓето беа воодушевени од нејзината убавина.

Набрзо на социјалните мрежи ѝ беше доделена титулата „најубавата жена на Коачела“.

Со оглед на нејзината популарност и убавина, се постави прашањето колку заработува убавата Леа од Тик-Ток?

@looooooooch

2016 Vibes #coachella

♬ original sound – 𝓲 卌

Според податоците достапни на Hafi, аналитичка апликација за инфлуенсери, Леа само минатата година заработила помеѓу 3,1 и 4,6 милиони долари. Овие податоци никогаш не се официјално потврдени, но се претпоставува дека отстапувањата се многу мали, пишува LADbible.

Важно е да се нагласи и дека нејзините приходи многу зависат од месечните прегледи, но дури и кога станува збор за помал број прегледи, нејзината заработка сепак е барем околу 80.000 долари месечно.

Леа сега ја следат околу 16 милиони луѓе на Тик-Ток кои „донесуваат“ пари преку разни спонзорства, а луѓето сметаат дека е неверојатно што сè започнало од едноставно снимање на нејзиното пеење на плејбек.

Нејзината популарност на мрежите ѝ донесе и бројни додворувачи кои постојано ѝ пишуваат пораки, но Леа сè уште останува „недопирлива“.

The post 🎥 ЈА НАРЕКОА НАЈУБАВАТА ЖЕНА НА КОАЧЕЛА Инфлуенсерката од Австралија има 25 години и заработува милиони appeared first on plusinfo.mk.

Криси Тајген е родена на 30 ноември 1985 година во САД и ја започна својата кариера како модел. Првите поголеми ангажмани ги доби работејќи за каталози и списанија, а поголема популарност стекна откако се појави во познатото списание Sports Illustrated Swimsuit Issue.

Иако ја започна својата кариера како модел, денес многумина ја познаваат како инфлуенсерка, готвачка и основачка на брендот за колачи „Cravings by Chrissy Teigen“ и секако, сопруга на еден од омилените музичари на денешницата, Џон Леџенд.

 

View this post on Instagram

 

A post shared by Cravings (@cravingsbychrissyteigen)

Таа на Инстаграм често нагласуваше дека сонува за големо семејство, а денес тој сон ѝ се оствари.

Тајген е мајка на четири деца кои се и нејзини главни дегустатори за сите нови производи на брендот „Cravings by Chrissy Teigen“.

 

View this post on Instagram

 

A post shared by chrissy teigen (@chrissyteigen)

Сепак, нејзиниот пат до среќата беше обележан и со трагедија кога го загуби својот син Џек поради спонтан абортус. Тајген беше многу отворена за целата ситуација на социјалните мрежи и призна дека депресијата по тешкиот период ја мотивирала да почне да го користи Оземпик.

– Луѓето ќе прашаат: Дали си бремена? А следната недела ќе прашаат: Зошто зеде Оземпик? Премногу си слаба. Никогаш не можеш да победиш со ништо – рече Тејген, која е позната во јавноста како некој што не се плаши да зборува за своите проблеми.

The post КРИСИ ТAЈГЕН ПОСЕГНА ПО ОЗЕМПИК ПО ЖИВОТНАТА ТРАГЕДИЈА Поранешната манекенка денес е мајка на 4 деца и изгледа подобро од кога било appeared first on plusinfo.mk.

The post ОД ТИК-ТОК СЛАВА ДО ПОЛИЦИСКА ИСТРАГА Која е оваа жена и зошто целиот свет ја следи нејзината драма со поранешниот партнер? appeared first on plusinfo.mk.

Илон Маск ја објави својата намера да поднесе барање за старателство над своето дете со Ешли Сент Клер во објава на X во понеделникот, пишува Њусвик.

– Денес ќе поднесам барање за целосно старателство, со оглед на нејзините изјави кои имплицираат дека можеби ќе подвргне на транзиција (менување на полот) едногодишно момче – напиша Маск.

Сент Клер, авторка, конзервативна политичка коментаторка и инфлуенсерка, претходно го обвини милијардерот дека ги повлекол исплатите за издршка на детето за да ја казни за „непослушност“ во јуни.

Маск има најмалку 14 деца со четири жени, вклучувајќи ја и трансродовата ќерка Вивијан Џена Вилсон.

Јавната објава на Маск дека ќе бара целосно старателство над неговиот едногодишен син по онлајн дискусиите за родовиот идентитет привлече обновено внимание на пресекот на родителските права, влијанието на социјалните медиуми и трансродовите прашања.

Тој веќе е вмешан во јавни битки за старателство, вклучувајќи ги и неодамнешните проблеми со мајката на три од неговите деца со музичарката Грајмс.
Конфликтот околу старателството не само што го нагласува развојот на личните односи во семејството на Маск, туку ги одразува и пошироките тензии во американското општество во врска со прашањата за родовиот идентитет и родителските улоги.

Маск објави дека ќе поднесе барање за целосно старателство, наведувајќи загриженост за неодамнешната јавна поддршка на Сент Клер за трансродовата заедница. Тој имплицираше дека нејзините забелешки сугерираат потенцијална подготвеност да се разгледа транзицијата на полот за нивното едногодишно дете.

Сент Клер не посочи конкретно дека нејзиното дете ќе започне со транзиција на полот и не издаде сеопфатен јавен одговор на соопштението на Маск за старателство. Таа неодамна објави извинување за минатите забелешки што се сметаат за трансфобични и изрази поддршка за трансродовата заедница на социјалните мрежи.

– Чувствувам огромна вина за мојата улога – напиша таа како одговор на корисник на X кој ја обвини за „очигледна трансфобија“ во минатото, според Њујорк пост.

– И уште поголема вина е што работите што ги кажав во минатото можеби ѝ предизвикаа поголема болка на сестрата на мојот син. [Не знам навистина] како да се поправам за многу од овие работи, но се трудев неверојатно напорно приватно да научам + да се залагам за оние во транс заедницата што ги повредив.

Маск претходно зборуваше за прашања поврзани со родовиот идентитет, особено по јавната транзиција и отуѓувањето на неговата ќерка. Тој рече дека тие искуства имале влијание врз обликувањето на неговиот став за родовите прашања, тврдејќи дека општествените притисоци, а не вродениот идентитет, влијаеле врз одлуките на неговата ќерка.

– Претпоставувам дека мислите на мојот син, Ксавиер, кој има трагична ментална болест предизвикана од злиот вирус што им го наметнувате на ранливите деца. Многу го сакам Ксавиер и се надевам дека ќе се опорави – напиша Маск кога одговараше на објава на X од гувернерот на Калифорнија, Гавин Њусом.

Вилсон поднесе правна документација за промена на полот и името, отстранувајќи го презимето на Маск во 2022 година.

Во петицијата, таа напиша дека „веќе не живее со“ или „не сака да биде поврзана со својот биолошки татко на кој било начин, облик или форма“.

Вилсон, сега медиумска личност и модел, јавно го критикуваше својот татко, нарекувајќи го милијардерот „карикатурално злобен“ и „патетично машко дете“ во објавите на социјалните мрежи.

The post ИЛОН МАСК БАРА СТАРАТЕЛСТВО ЗА СИНОТ „Нејзината изјава имплицира дека може да му го смени полот на нашето дете“ appeared first on plusinfo.mk.

Дваесетичетиригодишната инфлуенсерка  и онли фанс ѕвезда, Ари Китса, позната по своите милиони следбеници на Тик – Ток и Инстаграм, зборувала со студентите во рамки на предметот „Psychology 201“ за човечката сексуалност, дигиталната економија и психолошките аспекти на онлајн ликовите, на покана на професорката по психологија д-р Никол.

The post 🎥 ОНЛАЈН ПРОСТИТУТКА ДРЖЕЛА ПРЕДАВАЊЕ ПРЕД 1.200 СТУДЕНТИ Гостувањето на онли фанс ѕвезда на универзитет во Вашингтон предизвика дебата на социјалните мрежи appeared first on plusinfo.mk.

Во центарот на Загреб, позната инфлуенсерка отворила нова игротека и место за прослава на детски родендени наречена KidZona. Концептот е создаден од извесни Маја Брлек Крмиќ и Синди Шоштариќ Хаџиќ.

Според хрватските медиуми, Маја имала богато претходно искуство во организирање, декорирање и водење настани, додека Синди била позната инфлуенсерка која ја следат повеќе од 100 илјади луѓе на социјалните мрежи и е експерт во областа на маркетингот, па дури и сопруга на инфлуенсер и претприемач.

Игротеката имала шест различни зони наменети за истражување, учење и развој на децата. Пакетот кој го привлече нашето внимание, како и вниманието на поголем дел од хрватската јавност која наголемо зборува на оваа тема на социјалните мрежи е речиси 1.300 евра за три часа.

Многу од читателите во Хрватска коментираат дека со овие цени веројатно ќе треба да земаат кредити ако сакаат да му го прослават роденденот на своето дете. Некои коментираат: „Кој е тука луд? Овие инфлуенсери изгубиле контакт со реалноста!“ Или: „Ги замислувам тие разгалени деца во поход“, „Тоа е за оние што не се способни сами да му го организираат роденденот на своето дете. Мрзливи домаќинки кои не знаат да направат еден колач!“, „Ова ќе биде новиот маст-хев во градот. Му го славев роденденот на малиот кај Сандра!“… И слични.

Инаку, роденденскиот пакет вклучува шест зони за играње, караоке и сцена, грицки, сокови, катче за родители, подароци, покани, домаќин, забавувачи, торта, декорации и кловн или магионичар. Достапни се и други роденденски пакети, со цени од 670 или 870 евра, во зависност од тоа што вклучуваат. Доколку родителите се одлучат за овој пакет, можат да поканат 20 деца, додека во поевтините пакети, 10 или 15 деца за два часа играње.

Цените на роденденските пакети варираат од 650 до 690 евра, од 850 до 890 евра и од 1.250 до 1.290 евра. Пакетот „Ѕвезда“ (690 евра) вклучува основна прослава за 10 деца, трае два часа, има двајца забавувачи, класична торта и персонализирана позадина со балони.

Пакетот „Месечина“ (890 евра) нуди проширена верзија за 15 деца, со дополнителна позадина, персонализирани подароци за сите деца и пињата. Најобемниот пакет Sun (1290 евра) трае три часа, вклучува 20 деца, три забавувачи, персонализирана торта Vivas и дополнителни декорации како што се маса за пикник, знак за добредојде и балони со хелиум. Овој пакет вклучува и специјален додаток за забава со кловн или магионичар. Разликите меѓу пакетите главно се однесуваат на бројот на деца, времетраењето, бројот на забавувачи, тортата, подароците и нивото на декорации.

Цените исто така малку варираат и во зависност од темата за роденден што ја избрало детето.

The post ИНФЛУЕНСЕРКА „МАЛКУ“ СЕ ЗАИГРАЛА СО ЦЕНАТА Хрватите ќе прават детски родендени на кредит appeared first on plusinfo.mk.