Премиерот Христијан Мицкоски очекува в понеделник да има надолна корекција на цените на дизелот и на бензините, а очекува и дополнително стабилизирање на инфлацијата. Тој порача дека Владата останува на политиката за поддршка на стандардот на граѓаните и зачувување на ценовната стабилност.

– Прерано е да зборува, денеска имаме мал скок, вчера цените за „Брентот“ се движеа 83-84 долари за барел, денеска повторно имаме нагорно придвижување, од 87, 88, но далеку под 100. Очекувам веќе в понеделник да имаме надолно нивелирање на цените на бензините и на дизелот. Важно е што како држава остануваме со најевтина цена на дизелот и на безоловниот бензин имајќи предвид дека ова се производи што се купуваат на берза, односно сите држави ги купуваат од исто место. Нема тука голема мудрост во делот кој е поголем или помал претприемач или поголем или помал државник, само што ние како Влада одлучуваме да се откажеме од голем дел од она што некои други држави не го направија, а тоа е акцизи, а се откажавме и од данокот на додадена вредност. Остануваме со таа политика и во периодот што следува очекувам повторно надолно нивелирање на цените – изјави Мицкоски.

Тој информираа дека намалувањето на акцизите и на ДДВ го чинеше буџетот десетици милиони евра, но оти целта беше одржување на ценовната стабилност и обезбедување континуирано снабдување.

– Некои држави забранија извоз, ние не забранивме извоз, напротив, останавме со политика граѓаните од другите земји да ги користат нашите бензински пумпи. Нашата политика беше сосема поинаква. Ние не очекувавме, тоа е што е, предизвикот е таков, треба да се бараат решенија, едно по едно се наоѓаат тие решенија и ќе продолжиме активно да ја следиме состојбата – рече Мицкоски.

Прашан дали има можност да се интервенира кај цените на основните производи, посочи дека очекува дополнително стабилизирање на инфлацијата. Оцени дека има голем број држави со полоши параметри и порача дека Владата ќе продлжи активно да работи во насока на зачувување на ценовната стабилност.

– Лично правев анализа и ги споредував јуни 2026 со јуни 2022, тоа се две слични години затоа што тогаш (2022) почна војната во Украина, а сега е војната во Иран, во Заливот. Сите светски познавачи велат дека оваа војна има далеку подевастирачки последици за светската економија, особено повеќе како енергетска криза. Ако тогаш сме имале 14,7 % инфлација, сега е 3,4%. Ако тогаш прехранбените производи биле над 15% и биле главниот носител, сега тие се со 2,5%. Јас очекувам дополнително стабилизирање во јули –  рече Мицкоски.

Анализата на 12 држави од регионот, пак, како што дополни, покажала дека во 2022 сме биле на осмото место според висината на инфлација, а сега сме на трето.

– Пред нас се благо Србија и Албанија, но зад нас се сите други држави од регионот, од Турција, преку Бугарија, Романија, Грција, Косово, Црна Гора, Босна и Херцеговина, Хрватска, Словенија и така натаму. Генерално, имаме голем број држави со далеку полоши параметри. Ние ќе продолжиме и понатаму активно да работиме во насока на зачувување на ценовната стабилност – рече Мицкоски.

The post ИМАМЕ ТРЕТА НАЈНИСКА ИНФЛАЦИЈА ВО ГРУПА ОД 12 ЗЕМЈИ ОД ПОШИРОКИОТ РЕГИОН Мицкоски очекува пониски цени на горивата од понеделник appeared first on plusinfo.mk.

Фиксен девизен курс и ниска и стабилна инфлација во рамки на таа во еврозоната, заштита на интересите на граѓаните и стопанството, најавува новиот гувернер на Народната банка Трајко Славески во видеоинтервју за МИА, прво по назначувањето на функцијата.

– Фиксниот девизен курс којшто добро и служеше на Република Македонија ќе остане и во наредниот период, да се надеваме на влез на Република Македонија во догледно  време во Европската унија и подготовка за воведување на еврото со овој фиксен режим на девизен курс. Единствено што треба да се трудиме, што е и законска цел на НБРМ, во соработка со фискалната власт, односно Министерството за финансии, да обезбедиме ниска инфлација, односно стабилност на цените. Инфлацијата да биде во рамките на онаа во еврозоната, затоа што само така ќе одржуваме и конкурентност на нашата економија. Доколку како во изминатите неколку години имаме инфлација или стапка на инфлација двојно повисока од таа во еврозоната, тоа не е пожелна состојба. Мислам дека е императив, тоа, колку што имам информации е и цврста одлука, став на Владата, дека само ниска и стабилна инфлација која нуди предвидливост и за граѓаните и за бизнисот може да биде основа и поддршка на развојните политики во иднина кои ќе обезбедат стабилен посакуван раст на македонската економија и на среден и на долг рок – вели Славески.

Тoj порачува граѓаните да бидат спокојни бидејќи нивните заштеди се сигурни и додава дека Народната банка ќе обезбеди предвидливост за деловните субјекти  за да можат да ги планираат своите операции и развојни планови.

The post ОСТАНУВА ФИКСНИОТ ДЕВИЗЕН КУРС Славески ветува ниска инфлација appeared first on plusinfo.mk.

Ова го посочи гувернерката на Народната банка, Анита Ангеловска-Бежоска во интервју за Македонската телевизија.

Како што нагласи гувернерката, и покрај бројните предизвици Народната банка преку своите мерки успеа да ја одржи макроекономската стабилност, како и стабилноста на курсот на домашната валута во однос на еврото.

Говорејќи за нивото на девизните резерви, како главен инструмент за одржување на стабилноста на курсот, гувернерката посочи дека тоа е значително повисоко во однос на претпандемискиот период и нагласи дека тоа се должи на постојаниот откуп на девизи од страна на Народната банка на девизниот пазар во изминатите 2 години, во услови на значително постабилен платен биланс особено трговската сметка, дознаките, како и солидните странски инвестиции.

Во однос на инфлацијата, гувернерката истакна дека по просечната инфлација од 9,4% минатата година, таа во првите десет месеци од оваа година изнесува 3,4% и дека се очекува натамошно постепено забавување и следната година. Сепак, таа посочи и на одредени ризици.

– Важно е да се истакне дека цените на примарните производи се под значително влијание на геополитичките случувања, а тој дел сѐ уште е ранлив, постои голема неизвесност и потребно е големо внимание. Дополнителни извори на ризици се секако домашните фактори, особено пазарот на трудот, на кој треба да му обрнеме особено внимание за да не се соочиме со нови бранови на инфлациски движења- рече Ангеловска-Бежоска.

Таа нагласи дека поставеноста на монетарната политика и во иднина ќе биде условена од инфлацијата и девизниот пазар.

– Доколку се задржат поволните трендови, без остварување на некои поголеми надворешни и домашни шокови, тоа секако ќе остави простор за натамошно олабавување на монетарната политика- рече Ангеловска-Бежоска.

The post ИНФЛАЦИЈАТА И СЛЕДНАТА ГОДИНА ЌЕ ЈА ДИКТИРА МОНЕТАРНАТА ПОЛИТИКА Народна банка ја гарантира стабилноста на денарот appeared first on plusinfo.mk.

Ова го соопшти Народна банка, од  заклучоците за монетарниот дел и за состојбите во банкарскиот систем на агенцијата за кредитен рејтинг „Стандард и Пурс“, во најновиот извештај во кој го потврдува кредитниот рејтинг на земјава на „ББ-“, со стабилен изглед.

„Според оцените на Агенцијата, годинава се очекува дека просечната инфлација во земјава ќе изнесува 3,5%, но се проценува дека инфлациски притисоци би можеле да произлезат од затегнатоста на пазарот на трудот или од неповолните геополитички случувања. Се очекува дека девизните резерви и натаму ќе бидат стабилни, поткрепени со одржливи приливи на странски директни инвестиции и надворешно задолжување на државата“, пренесе Народна банка.

Во извештајот се посочува дека за годинава се очекува умерен економски раст од околу 2,5%. Според Агенцијата, растот би достигнал приближно 3% до 2027 година, поттикнат од очекуваниот пораст на странската побарувачка и зајакнувањето на кредитната активност.

И покрај слабиот економски раст во последниве години, во извештајот стои дека значително е намалена стапката на невработеност, којашто изнесува 12,9% во првиот квартал од годинава.

The post ИНФЛАЦИЈАТА ЗАБАВУВА, РАСТАТ ДЕВИЗНИТЕ РЕЗЕРВИ, А БАНКАРСКИОТ СЕКТОР Е СТАБИЛЕН „Стандард и Пурс“ за монетарната политика во земјава appeared first on plusinfo.mk.

Проекциите на ММФ се дека Македонија ќе ја заврши 2023 година со двоцифрена инфлација.

„Во моментот Македонија има за 50% поголема инфлација од Еврозоната. Бројките и фактите покажуваат дека инфлацијата не е увезена, туку дека е во целост производ на неспособноста и криминогеноста на Ковачевски и Ахмети. И наместо власта да презема мерки за намалување на инфлацијата, Ковачевски го зголемува ДДВ за 1.000 производи, а со тоа и цените на најголем број од основните прехранбени продукти“, тврдат од ВМРО ДПМНЕ.

Најголемата опозициска партија преку соопштение вели дека додека народот се обидува да го преживее секој месец, борејќи се со енормната инфлација, која го јаде нивниот леб, во владиното бифе, каде јадат високите функционери на ДУИ и СДС, има бифтеци и сланина, по багателни цени.

„Истите овие, што се сладат секојдневно по багателни цени, во владиното бифе, ги поскапеа лековите, витамините, детската храна, конзервираните производи, цвекло, брашно, чај, урда, сирење, кашкавал, зденки, замрзнати теста, феферони и овие производи ги прогласија за луксуз. Во Македонија веќе до крајот на оваа година, според меѓународните организации 600.000 граѓани ќе живеат на самиот раб на егзистенција, а околу 80 илјади граѓани, живеат живот, со помалку од едно евро на ден. Ваква безидејност и бедотија никогаш немало во Македонија. Тоа ќе се смени набрзо и новата влада, предводена од ВМРО- ДПМНЕ, веднаш ќе работи на подобрување на стандардот на граѓаните“, пишува во соопштението на ВМРО-ДПМНЕ.

The post ММФ ПРОГНОЗИРА ДВОЦИФРЕНА ИНФЛАЦИЈА ЗА МАКЕДОНИЈА Опозицијата го обвини Ковачевски, наместо да им помогне на граѓаните, премиерот дополнително ги зголемува цените appeared first on plusinfo.mk.

Народната банка ја зголеми основната каматна стапка за 0,50 отсто до нивото од 4,75 отсо. Во согласност со зголемувањето на основната каматна стапка, за о,50 отсто се зголемени и каматните стапки на кредитот преку ноќ и на 7 дена.

Со овие промени, соопшти Народната банка, продолжува со затегнување на монетарната политика, што започна уште од крајот на минатата година, заради одржување на стабилноста на девизниот курс и на среднорочната ценовна стабилност.

– Од крајот на минатата година, Народната банка активно управуваше со ликвидноста преку интервенциите на девизниот пазар, а од април па наваму и преку зголемување на каматните стапки. Ваквата монетарна поставеност е поддржана и зајакната и со неколкуте промени кај инструментот задолжителна резерва, насочени кон раст на штедењето во денари, како и со системски мерки, како што е воведувањето противцикличен заштитен слој на капиталот (од 0,5 отсто), со што дополнително се јакне отпорноста на банкарскиот систем – појаснуваат од Народна банка.

Промените во поставеноста на монетарната политика, стои во соопштението, и понатаму се реакција на инфлацијата, додека девизниот пазар е стабилен.

-Во ноември, првпат оваа година, беше прекинат трендот на забрзување на годишната инфлација, под влијание на забавениот раст на прехранбената компонента, а во согласност и со промените на цените на меѓународните пазари. Сепак, ризиците од посилни преносни ефекти врз базичната инфлација од цените на енергијата и на храната, што сè уште постојат, како и подигнувањето на инфлациските очекувања наметнуваат потреба од натамошна монетарна реакција. Со оглед на врзаноста на нашата валута со еврото – појаснуваат од Народна банка.

На овие одлуки влијаат и промените во монетарната политика на Европската централна банка, за којашто се очекува дека ќе продолжи со зголемувањето на каматните стапки во следниот период.

Во однос на најновите показатели, годишната стапка на инфлација во ноември забави на 19,5 отсто, со што просечната годишна инфлација во периодот јануари – ноември 2022 година изнесува 13,8 отсто. И натаму околу 76 отсто од овој раст е директен ефект од растот на цените на прехранбените производи и на енергијата.

– Неизвесноста од идната динамика на цените на примарните производи на берзите, а особено на енергентите е нагласена поради воените случувања во Украина и санкциите кон Русија, поради што од исклучителна важност е водењето претпазливи домашни политики и внимателното управување со домашната побарувачка – велат од Народна банка.

Оттаму додаваат дека домашниот девизен пазар е стабилен, иако има поголема побарувачка на девизи на корпоративниот сектор, што во голем дел е неутрализирана од поволните движења на менувачкиот пазар и солидната девизна позиција на банките.

Податоците за менувачкото работење, заклучно со крајот на ноември 2022 година, укажуваат на можност за остварување нето-приливи од приватните трансфери коишто се малку повисоки од очекуваните.

Што се однесува до домашната економска активност, во третиот квартал од годината, според НБ, дојдоа до израз неповолните ефекти од енергетската криза и од растот на трошоците врз одредени сектори од економијата, што доведе до забавен економски раст (2 отсто). Остварувањата во третиот квартал од 2022 година, како и за првите три квартали од годината (раст од 2,7 отсто), се малку подобри од проектираните.

– Расположливите високофреквентни податоци за домашната економска активност во четвртиот квартал се недоволни, но засега се во прилог на очекувањата дека растот ќе забавува до крајот на годината. Така, податоците за октомври покажуваат мал реален годишен пад на прометот во вкупната трговија, наспроти малиот раст во претходниот квартал, и натамошни неповолни движења кај индустриското производство – велат од Народна банка.

Во однос на монетарните движења, според првичните податоци за ноември, кредитната активност и натаму расте, но поумерено и во согласност со очекувањата, додека растот кај депозитите забрзува посилно од очекувањата.

Во ноември, на меѓународните финансиски пазари променливоста е намалена, а пазарните очекувања упатуваат на понатамошно затегнување на монетарната политика од страна на глобалните централни банки. Во САД, посочуваат, заради согледувањата на инвеститорите дека ценовните притисоци во САД се намалени, се зголемија очекувањата за поумерено зголемување на референтната каматна стапка од страна на ФЕД.

Очекувањата на пазарите  во однос на каматната стапка на ЕЦБ, соопштија од НБ, исто така се во насока на нејзино понатамошно зголемување, како одговор на инфлациските притисоци во еврозоната, а при висока неизвесност од идната динамика на глобалните цени на примарните производи.

– Општо земено, неповолното надворешно окружување и нагласените ризици налагаат водење исклучително претпазливи домашни политики. Народната банка внимателно ги следи макроекономските податоци и ризиците. Како и досега, централната банка е подготвена да ги употреби сите неопходни инструменти и да презема мерки со коишто ќе се придонесе за задржување на стабилноста на девизниот курс, стабилизирање на инфлациските очекувања и за среднорочна ценовна стабилност – велат од  Народна банка. 

The post НОВО ПОСКАПУВАЊЕ НА КРЕДИТИТЕ ПОРАДИ ВИСОКАТА ИНФЛАЦИЈА Народна банка ја зголеми основната каматна стапка на 4,75 отсто appeared first on plusinfo.mk.

Во април бројот на оние кои трошеле помалку енергија изнесува 63 отсто, според анкетата на Infratest dimap за телевизијата АРД, каде испитани се 1.273 граѓани.

Домаќинствата со пониски приходи најмногу ги менуваат своите навики. Па така, две третини од нив ги намалиле дневната потрошувачка и таа на слободни активности и одмор, јави ДПА.

Повисоките животни трошоци ги променија и приоритетите на домаќинствата со просечни примања. Буџетот за слободни активности е намален кај 50 отсто од нив, покажаа податоците од истражувањето.

The post ГЕРМАНЦИТЕ УДРИЈА НА ШТЕДЕЊЕ Tрошат помалку енергија, не одат на одмор и немаат слободни активности appeared first on plusinfo.mk.