Ова го рече министерот за здравство, д-р Арбен Таравари, по средбата со деканот на Медицинскиот факултет во Скопје, проф. д-р Светозар Антовиќ.

– Ова ќе го примениме веднаш, уште пред да влезе во закон. Се надевам дека од идната година ќе може да се вработат и 10-те најдобри студенти – рече министерот.

На средбата се говореше и за мораториум на одредени специјализации, а предност да се даде на специјализациите за онкологија, радиологија, патологија и анестезиологија.

The post ВРАБОТУВАЊЕ ЗА 5-ТЕ НАЈДОБРИ МЕДИЦИНСКИ СТУДЕНТИ Таравари говореше за мораториум на одредени специјализации appeared first on plusinfo.mk.

Итната медицинска помош во Скопје го евидентираше првиот случај на каснување од змија. Од Центарот за управување со кризи (ЦУК) редовно информираат за пријави за змии во населени места, а надлежните апелираат да се внимава во текот на летото, со цел граѓаните да се заштитат од влекачите.

Доктор Драган Панов од Итната медицинска помош во Скопје во изјава за МИА открива дека во вторникот имале пријавен случај на каснување од змија. Станува збор за маж на околу 50-тина години кој престојувал во Идризово.

– Со возило на Брза помош, лицето е пренесено на лекување до Инфективната клиника во Скопје, каде е оставено за понатамошен третман и опсервација – вели Панов за МИА.

Апелира граѓаните да внимаваат каде се движат при престој во природа и да носат соодветна облека со цел да се заштитат од змии.

Новите влезови до хируршкиот ургентен центар и инфективната клиника и целосно асфалтирање на улицата под хируршките клиники веќе привршува и може да биде во функција од почетокот на следната

Панов вели дека е зголемен бројот на интервенции на Итната медицинска помош.

– Периодов имаме зголемен број сообраќајни незгоди, повреди по паѓање од тротинети, зголемен број повици за колапси на јавни места поради летните горештини. Работиме со намален капацитет, им се дава предност на најургентните состојби – посочува Панов.

Од ЦУК изминатите денови информираа за пријави за змии во повеќе населени места и препорачуваат внимателно движење особено во природа. Нагласуваат дека нема специјализирана служба за заловување и безбедно отстранување на змии.

– Почестата појава на змии во населени места индицира дека локалните самоуправи, а секако и на повисоко ниво, специјализирани институции од ветеринарната област, во рамки на нивните можности, пожелно е да се обидат во соработка со професионалци од ветеринарната област, да им помогнат на граѓаните и за одбивање од одредени површини и реони со различни еколошки средства на змиите, а и со безбедно заловување во одредени случаи кога се во објекти во населени места, велат од ЦУК.

Во јуни, змии беа видени во повеќе населени места.

Додека многу змии се плашат од луѓето и претпочитаат да се скријат или „да глумат“ мртви, отколку да напаѓаат, ова соевидно големо „змиско гнездо“ не е место за тестирање на сѐ тоа.

– Општо е познато дека змијата најчесто бега при средба со луѓе и ако не е загорозена и уплашена – не напаѓа. Но, може да се случи, на пример, ако случајно се нагази, наседне или кога се поминува брзо веднаш до неа, змијата да го касне човекот. Покрај тоа што е препорачливо да се носат соодветни обувки, облека и стапчиња за одење во природа, корисно е граѓаните да се потсетат и да се информираат за пружање прва самопомош, поточно за начинот како се реагира, како да се имобилизира и да се третира каснато место од змија. Се разбира, секако е препорачливо да се јават на 112 во ЦУК, без разлика дали си самопомогнале или не, нагласуваат од ЦУК.

По пријава за змија на улица во Прилеп периодов, интервенирано беше од страна на Територијалната противпожарна единица. Змијата била безбедно уловена жива, па потоа транспортирана и пуштена во природа.

The post ПРВ СЛУЧАЈ НА КАСНУВАЊЕ ОД ЗМИЈА Надлежните апелираат на внимателност за време на летото appeared first on plusinfo.mk.

Ова е седми смртен случај откако грипот зема замав. Девојката била префрлена од Клиниката за хематологија, но без да се прецизира за која хематолошка болест била испитувана. Таа не била вакцинирана, а токму грипот е кобен за луѓето со тешки или хронични заболувања, вели д-р Злате Мехмедовиќ од Комисијата за заразни болести.

Тој апелира да се почитуваат и препораките за задолжително носење маски во здравствените установи, особено хронично болните и при движење во средини со голема фреквенција на луѓе.

– Секојпат кога ќе започне сезоната на вакцинирање за грип се знае дека тоа е за лицата кои се на приоритетна листа, за кои нема одлагање на вакцинацијата се меѓу првите кои треба да се вакцинираат и кај кои вакцината секогаш ќе даде максимален бенефит и ќе биде причина да се оневозможи хоспитализацијата и смртниот исход. Остануваме на препораките коишто претходно ги кажавме дека треба да се носат маските задолжително во здравствените установи за да се оневозможи повторно пренесувањето на вирусот од човек на човек особено таму кадешто веќе знаеме дека имаме хронично болни – изјави Злате Мехмедовиќ за Канал 5.

Од Клиниката за инфективни болести посочуваат дека низ целата држава има тешки случаи на заболени со грип проследени со масовни пневмонии, а двајца пациенти се на респиратор.

Според последните податоци на Институтот за јавно здравје минатата недела пријавени се 1.675 заболени од грип или заболувања слични на грип, што е за 41,7% повеќе од претходната недела.

The post 20-ГОДИШНА СКОПЈАНКА ПОЧИНА ОД ГРИП НА ИНФЕКТИВНА Не била вакцинирана и имала хронични заболувања appeared first on plusinfo.mk.

Во последниве години зачестени се каснувањата од кучиња, покрај повредите што ги доживуваат граѓаните. Секој ден во полицискиот билтен има по неколку регистрирани каснувања од кучиња во целата земја. Во оваа Клиника за вакви вакцини се обраќаат пациенти од цело Скопје. Последиците, ако не се стави ваква вакцина на време, може да бидат и фатални за пациентот.

Скопјанецот Горан С. пред неколку дена работејќи дома се здобил со исеченица на левата рака, а по интервенцијата во дежурната служба при Универзитетската клиника „Мајка Тереза“ бил препратен до Клиниката за инфективни болести за да прими доза тетанус.

– Откако ми беше сошиена раната отидов до Инфективна да примам тетанус, но таму ми рекоа дека во моментот немаат ниту тетанус вакцина ниту серум. Оттаму ми порачаа да одам самиот да си купам во аптека и да дојдам за да ме боцнат, или пак да одам во некоја од приватните болници – вели скопјанецот за Плусинфо.

Игор С. од Скопје со својот случај потврдува дека ова не е прв пат да недостасува вакцината на Инфективната клиника. Тој минатото лето бил каснат од улично куче и кога дошол во клиниката по вакцина, бил вратен зашто немало тетанус ниту серум.

– Лани кога се враќав од работа, во Аеродром ме касна улично куче, бев на преврска во старата градска болница каде што ми ја преврзаа раната, но не ми ја шиеја, затоа што лекарите ми рекоа дека не е добро да се шие на место кое е гризнато од куче. Бев пратен во вечерните часови на Инфективна за да примам тетанус, но бев вратен од таму, а одговорот беше дека нема серум – сведочи Игор С.

На Клиниката за Инфективни болести речиси постојано во летниот период ја немаат оваа терапија која е неопходна за пациенти каснати од куче или со исекотини на телото. Ова за Плусинфо го потврди и директорката д-р Милена Стевановиќ.

– Клиниката редовно се снабдува со тетанус вакцина и со серум, но количините брзо се трошат бидејќи во летниот период имаме зголемен број пациенти кои имаат потреба од ваква терапија, а кај нас доаѓаат и од другите населени места. Овој недостиг е поради тоа што болницата „8 Септември“ на лето нема дежурна служба во инфективното одделение, па поради тоа пациентите се препраќаат кај нас – вели д-р Стевановиќ.

Според инфектолозите, во зависност од повредата, пациентот може да добие и вакцина и серум.

Дифтеријата, тетанусот и големата кашлица може да се спречат со една безбедна и ефикасна комбинирана вакцина. Вакцината содржи мало количество токсини на дифтерија и тетанус, кои се модифицирани за да бидат безопасни. Вакцината содржи пречистени делови на бактеријата што ја предизвикува големата кашлица, како и мали количества антибиотици и конзерванси. Вообичаено, децата се вакцинираат на возраст од 18 месеци со оваа вакцина.

The post ЧУВАЈТЕ СЕ ОД КУЧИЊА И ОД ИСЕКОТИНИ! На Инфективната клиника брзо ги снемува вакцините против тетанус appeared first on plusinfo.mk.

– Пациентот е хоспитализиран кај нас и е во добра општа состојба. Тој пет дена наназад се жалел на покачена температура, главоболка и на мускулно-зглобни болки, поради што и побарал лекарска помош. Ја следиме неговата состојба – рече Стевановиќ.

Четириесет и двегодишен велешанец, кој е трет случај на конго-кримската хеморагична треска, во саботата вечер е донесен во Скопје од велешката болница и во текот на ноќта неговата дијагноза е потврдена.

– Лабораториски анализите беа со намалени тромбоцити во текот на вчерашниот ден, но со соодветна супституција, зашто ние ова го третираме мултидисциплинарно, во консултација со колегите од транфузиологија, неговите денешните анализи се уредни. Сепак, тоа не значи дека нема да имаме тек и развој на болеста, се надеваме поволен, како што беше и кај претходната пациентка – рече Стевановиќ.

Таа информираше дека втората заразена пациентка, која е болничарка инфицирана во текот на својата работа, сега е стабилна и во добра состојба, опоравувањето е во тек и не се очекуваат компликации.

Директорката рече дека е активиран целиот епидемиолошки систем во земјата, сите надлежни институции, како Институтот за јавно здравје, Комисијата за заразни болести, Клиниката за инфентивни болести, ветеринарните агенции, ги вршат своите задачи.

– Направени се анкетни листи, четиричленото семејство на пациентот е ставено под лекарски надзор, како и негови колеги со кои бил во контакт. Епидемиолозите и ветеринарите се на терен. Вршат испитувања и анализи, заловуваат инсекти и земаат примероци. Очекуваме наскоро реаултати од анализите и во текот на утрешниот ден ќе може да заседава Комисијата за заразни болести, да ги разгледа сите детали и да изврши проценка на ситуацијата – рече Стевановиќ.

Таа повика на поголема внимателност, особено кај категориите со поголем ризик од заразување, како што се рибари, ловџии, земјоделци, сточари, луѓе што работат во кланици, месари… Рибарите и ловџиите, како и луѓето што се движат во природа со густа вегетација, треба да носат високи чизми, посветла облека на која се за. бележуваат инсектите, за да го намалат ризикот од каснување од крлежи.

The post ЗАРАЗЕНИОТ ВЕЛЕШАНЕЦ БИЛ РИБАР, НО НЕ ЗАБЕЛЕЖАЛ ДЕКА Е КАСНАТ ОД КРЛЕЖ! Директорката на Инфективна клиника информира за ширењето на конго-кримската треска appeared first on plusinfo.mk.

Таа додаде дека денешниот конзилиум на колегите од Инфективна клиника е одлучено и проценето дека веќе денеска треба да почнеме со лекот „рибавирин“ кој е донесен во нашата држава и дека лекувањето е во тек со првата доза, вели Стевановиќ.

Таа тврди дека лекот кој вчера пристигна во земјава, никаде го нема на залиха и дека не смета дека требало порано да го прими вработената на клиниката, која се зарази од пациентката која неодамна почина на Инфективна клиника од конго-кримска хеморагична треска.

– „Рибавиринот“ е само еден сегмент од нејзиното лекување. Сериозно, континуирано давање на супституциска терапија, супортивна, симптоматска, е еден огромен дел од начинот и стратегијата на лекувањето на нашата пациентка. За жал, ниту искуствено, ниту напишано во медицинската литература и научни трудови преку кои ние ги искажуваме нашите клинички искуства, не е никаде посочено ниту преку процент изразено во колкав процент е преживувањето по третманот кај овие пациенти. Овој лек ние порано сме го имале и сме лекувале хроничен хепатит Ц, како составен дел на терапијата со интерферони. Го немаме повеќе затоа што третманот на хепатит Ц веќе е комплетно променет – истакна доктое Стевановиќ.

Сите колеги кои беа под медицински надзор, тоа не е изолација, колегите епидемиолози континуирано ги следат до завршување на 14-от ден кој го предвидуваат како најдолг можен ризик, се наведува во соопштението која го испрати директорката на Инфективна клиника до медиумите.

Стевановиќ тврди дека првата пациентка од Штипско била дијагностицирана и починала во неколку часа, односно, истакна таа, не можела да биде спасена и да го имало лекот на клиниката.

The post БОЛНИЧАРКАТА ОД ИНФЕКТИВНА ДОБИЛА КРВАВЕЊЕ Стевановиќ вели дека влегла во хеморагична фаза appeared first on plusinfo.mk.

Дел од медиумите објавија дека се работи за болничарка од Клиниката за инфективни болести, која имала контакт со пациентката од Штипско, која неодамна почина од хеморагична треска.

Оттаму информираат дека пациентот е хоспитализиран на Клиниката, а Одделот за епидемиологија на заразни болести при Институтот за јавно здравје Скопје, веднаш формирал екипа за теренски увид која ги спроведе потребните активности, односно изврши анкетирање на пациентот и ставање под надзор контакти од здравствен ризик со цел спречување од понатамошно ширење на болеста.

„По потврдување на случај на конго-кримска хеморагична (ККХТ) треска кај жена на 27-годишна возраст, надлежните здравствени институции постапија согласно препораките на СЗО. Стручен тим од Одделот за епидемиологија на заразни болести при Институтот за јавно здравје на Северна Македонија во соработка со надлежни епидемиолози од Центрите за јавно здравје на Штип и Скопје, направија теренско истражување во Клиничка Болница Штип, Итна медицинска помош Штип и во семејството на сега почината жена. Стручен тим епидемиолози направија теренски увид и на КИБФС во Скопје“, соопштија од Министерството.

Од Министерството посочуваат дека на сите овие локации, епидемиолозите направија пребарување на контактите нивно соодветно класифицирање на лица со висок ризик, лица со среден ризик и лица со низок ризик и лица без ризик. На сите идентификувани контакти проценети со ризик, им беа издадени решенија од ДСЗИ и ставени под 14-дневен здравствен надзор, спроведуван од надлежен Центар за јавно здравје.

„Еден од вработените на КИБФС кој беше како идентификуван контакт со среден ризик, на 9-тиот ден од надзорот, пројави симптоми, и согласно добиените резултати од страна на ЕПИ Одделот на ИЈЗ, е утврден позитивен случај на Конго-кримска хеморагична треска.  Пациентот е хоспитализиран на КИБФС, а ЕПИ Одделот на ЦЈЗ Скопје, веднаш формираше екипа за теренски увид која ги спроведе потребните активности, односно изврши анкетирање на пациентот, ставање под надзор контакти од здравствен ризик со цел спречување од понатамошно ширење на болеста“, велат од Министерството.

Оттаму потенцираат дека здравствениот надзор трае 14 дена од последниот контакт со пациентот. Контактите од првиот позитивен случај се под надзор до 10.08.2023 година.

Како што потенцираат во соопштение, должината на периодот од заразување до појава на симптоми зависи од начинот на стекнување на вирусот. По инфекцијата со каснување од крлеж, периодот е обично еден до три дена, со максимум од девет дена. Периодот по контакт со заразена крв или ткива е обично пет до шест дена, со документирани максимум 14 дена.

„Почетокот на болеста е ненадеен, со главоболка, висока температура, болки во грбот, болки во зглобовите, болки во стомакот и повраќање. Црвени очи, зацрвенето лице, црвено грло, и црвени дамки на непцето, се исто така присутни. Може да се јави жолтица, а во потешки случаи, промени во расположението. Како што напредува болеста, на телото на заболениот се јавуваат големи делови со модрици, како и крварење од носот. Закрепнувањето е бавно“, се наведува во соопштението на Министерството за здравство.

The post ВТОР СЛУЧАЈ НА КОНГО-КРИМСКА ХЕМОРАГИЧНА ТРЕСКА Заразена е болничарка од Инфективна appeared first on plusinfo.mk.

The post КЗБ ПРЕПОРАЧУВА КАРАНТИН ЗА СУСПЕКТНИТЕ НА МАЈМУНСКИ СИПАНИЦИ Изолација до целосно зацелување на крастите appeared first on plusinfo.mk.

– Во последните 24 часа на Клиниката за инфективни болести не е примен пациент со таква симптоматологија – вели д-р Стевановиќ.

Таа додава дека доколку се случи такво нешто, во заедничка координација со Министерството за здравство, како и со вработените на клиниката, ќе се организираат, со цел прием на пациенти со мајмунски сипаници.

Oд Министерството за здравство за Плусинфо информираат дека на Клиниката за инфективни болести нема хоспитализиран пациент суспектен за мајмунски сипаници.

– Во врска со пациентот кој се споменува во медиумите, според информациите од кичевската болница станува збор за суспектен пациент кој е во добра здравствена состојба и со уредни лабораториски резултати, кај кого е дадена препорака за тестирање. Во моментов се организира епидемиолошки тим кој ќе спроведе епидемиолошка анкета – информираат од МЗ.

Оттаму додаваат дека до овој момент не е доставен материјал за тестирање во Институтот за јавно здравје и во државата нема потврден случај на мајмунски сипаници.

Инаку, во текот на вчерашниот ден телевизија Алфа објави дека според неофицијални информации во земјава има прв сомнителен случај на мајмунски сипаници.

Според изворите на телевизијата, најавен е прием на пациент сомнителен на мајмунски сипаници на Инфективна клиника во Скопје. Пациентот бил од Кичево, а се очекувало вчера да пристигне на Инфективна клиника. Кичевската брза помош одбила да го пренесе, па тој со сопствено возило се упатил кон клиниката во Скопје.

The post НЕМА МАЈМУНСКИ СИПАНИЦИ ВО МАКЕДОНИЈА Директорката на Инфективна вели дека не е примен сомнителен случај appeared first on plusinfo.mk.

Има голем број на Македонци кои работат во афричките земји, па затоа алармот треба да биде вклучен, велат експертите.

– Инкубацијата е долга, човек може 21 ден да биде инфициран а да нема никаков симптом, појавата на симптоми што значи, висока температура, главоболка, мускулни болки, отекување на лимфните жлезди и појава на исип е специфично за оваа болест – рече директорката на Инфективната клиника во Скопје, д-р Милена Стевановиќ.

Инаку, досега мајмунските сипаници не сме имале можност да ги лекуваме во Македонија бидејќи е африканска болест. Но докторите се убедени дека знаат што треба да направат доколку истите бидат регистрирани во Македонија.

– Ги следиме препораките, внимаваме на состојбата, како во земјата, така и надвор. Апелираме до луѓето кои патуваат, да внимаваат, да се заштитат, да држат дистанца. Патувањето во ризичните подрачја не се препорачува и затоа треба да бидеме исклучително одговорни – апелира д-р Стевановиќ.

Таа посочи дека не треба да се потценува нашиот здравствен систем и оти сите пациенти ќе бидат следени, евидентирани и третирани на Клиниката за инфективни болести.

– Немојте да ја намалувате вредноста на нашиот систем. Нашиот систем е далеку од идеален, но е подготвен и цврсто стоиме на нашите нозе и имаме капацитет да се справиме со заразна болест. Во моментот кога ќе излезат комерцијалните тестови за сипаниците, ќе ги имаме и ние – вели директорката на Инфективна.

Како и секоја друга вирусна инфекција, така и кај мајмунските сипаници, таа вели дека најпогодени би биле младите, повозрасните лица и лицата со хронични болести.

– Прекинатите ланци на вакцинација, ќе доведе до појава на сериозни вирусни болести. Мојот апел е вакцинацијата да не престане и да не се дозволи пропуштање на вакцинацијата кај децата. Тоа е причина зошто ни се јавуваат поранешните вирусни болести, вели Стевановиќ.

The post ПОДГОТВЕНИ СМЕ ЗА МАЈМУНСКИТЕ СИПАНИЦИ Д-р Стевановиќ вели внимателно се следи состојбата и препораките appeared first on plusinfo.mk.