Поранешниот претседател на УЕФА, Мишел Платини, преку своите адвокати во Париз, поднесе кривична пријава против претседателот на ФИФА, Џани Инфантино, и пет други швајцарски фудбалски службеници и обвинители, објави АП.

Седумдесетгодишниот Платини тврди дека пред десет години се случил заговор против него за лажно обвинување и влијание за да се спречи да стане претседател на Светската фудбалска асоцијација (ФИФА).

Адвокатите на Платини, исто така, ќе поднесат граѓанска тужба барајќи отштета од ФИФА, изјави претставникот на Платини во изјава за овие обвиненија, кои претходно беа покренати против швајцарските власти во 2022 година.

Инфантино беше избран за претседател на ФИФА во 2016 година како кандидат од Европската фудбалска асоцијација (УЕФА), каде што долго време беше генерален секретар додека претседател беше Платини.

Фудбалските кругови очекуваа Платини да стане претседател на ФИФА, заменувајќи го својот поранешен ментор Сеп Блатер, кој поднесе оставка поради федерална истрага за корупција меѓу фудбалските службеници во Соединетите Американски Држави.

Сепак, четири месеци подоцна, и Платини и Блатер беа предмет на посебна истрага во Швајцарија за исплата од два милиона швајцарски франци на Французинот, што доведе до нивна предвремена суспензија. И Платини и Блатер беа ослободени од обвиненијата за измама на ФИФА двапати кога се појавија на суд во Швајцарија во 2022 година и повторно во 2025 година по жалбата на федералното обвинителство.

Меѓу петте обвинети против кои Платини поднесе тужба се и поранешниот швајцарски државен обвинител Михаел Лаубер и поранешниот правен директор на ФИФА, Марко Вилигер. 

The post ПЛАТИНИ ПОДНЕСЕ КРИВИЧНА ПРИЈАВА ПРОТИВ ПРЕТСЕДАТЕЛОТ НА ФИФА Го обвинува Инфантино дека со измама му ја презел функцијата appeared first on plusinfo.mk.

Претседателот на ФИФА, Џани Инфантино, изјави дека организацијата нема резервни планови за учеството на иранската репрезентација на Светското првенство во САД, Канада и Мексико.

– Живееме во реалниот свет и разбираме колку е тешка ситуацијата за иранската репрезентација, но работиме и ќе се погрижиме тие да ги играат своите натпревари на Светското првенство во најдобри можни услови. Нема план Б, Ц или Д – само план А. Живееме во сложен геополитички контекст и не можеме да ги решиме овие проблеми, но имаме способност да се обединиме и да создадеме услови светот да се собере во атмосфера на мир и прослава – изјави Инфантино.

Претходно, шефот на Иранската фудбалска федерација, Мехди Таџ, објави дека е во преговори со ФИФА за преместување на нејзините натпревари од Светското првенство од САД во Мексико. Федерацијата апелираше до ФИФА откако американскиот претседател Доналд Трамп изјави дека го смета присуството на Иранците на турнирот за несоодветно за нивната сопствена безбедност.

Според распоредот на турнирот, Иран треба да игра против Нов Зеланд (16 јуни) и Белгија (21 јуни) во Инглвуд, по што ќе следи натпревар во Сиетл против Египет (27 јуни).

На 28 февруари, САД и Израел почнаа да напаѓаат цели во Иран, вклучувајќи го и Техеран.

The post ФИФА МУ ГАРАНТИРА НА ИРАН „НАЈДОБРИ УСЛОВИ“ НА СВЕТСКОТО ПРВЕНСТВО Иранците бараа да не настапуваат во САД appeared first on plusinfo.mk.

Светската фудбалска федерација ФИФА вети дека ќе вложи 50 милиони долари во изградба Национален стадион, а уште дополнителни средства и за други фудбалски терени (како на пример 15 милиони долари за ФИФА академија). ФИФА на овој чекор се решава бидејќи регионот се соочува со разорена инфраструктура по двегодишната војна.

Оваа идеја беше презентирана на вчерашниот прв состанок на Одборот за мир одржан во Вашингтон.

Одредени држави ветија вкупно седум милијарди долари помош за обнова на Газа, а одредени држави ќе учествуваат и армиски сили за стабилизација на состојбата.

Според претседателот на ФИФА, Џани Инфантино стадионот би бил со капацитет меѓу 20.000 и 25.000 седишта.

Газа нема своја фудбалска репрезентација, но палестинскиот национален тим кој го претставува и Западниот брег е член на ФИФА од 1998 година.

Претседателот на ФИФА Инфантино во последниоте месеци често е во посети на САД во пресрет на Светското првенство што ќе се одржи оваа година во САД, Мексико и Канада, а имаше и чести состаноци со американскиот претседател Доналд Трамп.

The post ТРАМП И ИНФАНТИНО ЌЕ ГРАДАТ СТАДИОН ВО ГАЗА Идеја презентирана на Одборот за мир appeared first on plusinfo.mk.

Светската фудбалска организација ФИФА и официјално му ја додели новововедената награда за мир на американскиот претседател Доналд Трамп во рамките на извлекувањето на групите за Светското првенство 2026 во САД, Мексико и Канада.

– Наградата за мир на ФИФА ќе се доделува секоја година на истакната личност која е посветена на промовирање на мирот низ целиот свет преку своите непоколебливи акции. Како и сите овде во просторијата, гледаме слики од војна низ целиот свет, како и сите други страдаме за секое дете кое умира и плачеме со секоја мајка која губи некого кого го сака. Сакаме да видиме надеж и единство. Сакаме да живееме во безбеден свет. Дефинитивно ја заслужувате првата награда за мир на ФИФА, која ја освоивте на свој начин. Секогаш можете да сметате на мојата поддршка и на поддршката од фудбалската заедница – му рече на Трамп претседателот на ФИФА, Џани Инфантино, по врачувањето на медалот за мир.

The post ТРАМП ДОБИ НАГРАДА ЗА МИР ОД ФИФА Штотуку ја воведе Џани Инфантино appeared first on plusinfo.mk.

ФИФА одговори на изјавата на американскиот претседател Доналд Трамп, кој се закани дека ќе го исклучи Бостон од листата на градови домаќини за Светското првенство во 2026 година.

Трамп ја критикуваше градоначалничката на Бостон, Мишел Ву, за уличните немири и изјави дека би можел да му предложи на претседателот на ФИФА, Џани Инфантино, да ги премести натпреварите доколку смета дека градот е небезбеден.

– Безбедноста, секако, е одговорност на владите домаќини, а тие одлучуваат што е најдобро за јавната безбедност. Се надеваме дека секој од 16-те градови каде што планираме да биде домаќин на настанот ќе биде подготвен успешно да го организира и да ги исполни сите потребни услови, се произнесе ФИФА.

Светското фудбалско првенство ќе се одржи на лето во 2026 година во САД, Мексико и Канада. Во САД, натпреварите ќе се играат во 11 градови: Атланта, Бостон, Далас, Хјустон, Канзас Сити, Лос Анџелес, Мајами, Њу Џерси, Филаделфија, Инглвуд и Сиетл.

Во Мексико, натпреварите ќе се одржат во Мексико Сити, Гвадалахара и Запопан, додека во Канада ќе се одржат во Торонто и Ванкувер.

„АКО ИМА ПРОБЛЕМ, ЌЕ МУ СЕ ЈАВАМ НА ЏАНИ ОД ФИФА“ Трамп најави дека може да премести дел од натпреварите за СП2026

The post ВО БОСТОН НЕМА ДА СЕ ИГРА ФУДБАЛ, АКО ТАКА КАЖЕ ТРАМП Реакција од ФИФА на изјавите на американскиот претседател appeared first on plusinfo.mk.

Здравјето и благосостојбата на играчите остануваат клучно прашање за ФИФА, истакна првиот човек на светскиот фудбал Џани Инфантино, во контекст на критиките поврзани со новиот, проширен, формат на Светското клупско првенство во веќе преполнетиот календар.

Синдикатот на играчи (ФИФПРО), шпанската Ла Лига и група европски лиги поднесоа заедничка жалба до антимонополските регулатори на Европската унија претходно во октомври, обвинувајќи ја ФИФА за „злоупотреба на календарот“.

Критичарите тврдат дека новиот формат на Светското клупско првенство во организација на ФИФА со 32 екипи и другите проширени турнири ќе го зголемуваат бројот на натпревари секоја сезона и ќе им остават на играчите малку слободно време помеѓу натпреварите.

Инфантино во интервју за Си-Ен-Ен рече дека влијанието на Светското клупско првенство врз благосостојбата на играчите ќе биде ограничено.

– Тоа е натпреварување што се одржува на секои четири години. Победникот игра седум натпревари – што е како уште еден и пол натпревари годишно – така што нема големо влијание – наведе Инфантино.

– Тоа што се случува во светскиот фудбал е дека имаме многу натпревари за многу малку тимови, многу малку играчи. Зборуван за оние кои стигнуваат можеби до последната фаза од сите натпреварувања, што е повторно многу ретко. Значи, сè на сè, тоа е сосема избалансирано. Но, ние обрнуваме многу внимание на календарот и здравјето на играчите. Мислам, сакаме да сториме сè за играчите да имаат за да играат на најдобар начин. И тоа е нешто што многумина играчи ми го пренесуваат. Тоа што сакаат е да играат, а не да тренираат, нели? – заклучи првиот човек на ФИФА.

Инфантино исто така рече дека работната група на ФИФА, предводена од поранешниот тренер на Арсенал, Арсен Венгер, го анализира влијанието на Светското клупско првенство врз благосостојбата на играчи

The post ИГРАЧИТЕ ПУКААТ ОД УМОРОТ, А ФИФА ГО ШИРИ КАЛЕНДАРОТ Инфантино тврди дека сè е под контрола appeared first on plusinfo.mk.

Во говорот по повод одбележувањето на 125-годишнината од Германскиот фудбалски сојуз (ДФБ) на гала вечерта во Лајпциг, Инфантино рече: „Германија направи толку многу за фудбалот! Германија брилијантно организираше толку многу големи турнири, создаде „толку многу легенди“.

Истакна дека ДФБ го направи она за што ФИФА се стреми на својот главен пат: „Да се ​​обедини светот на ист начин како што Германија создаде дух на обединување“.

Тој потоа додаде дека „светот на спортот секогаш гледа кон Германија, од која секогаш може да се научи нешто ново“.

Односите меѓу Германскиот фудбалски сојуз и Швајцарецот, кој ја презеде ФИФА од Сеп Блатер, долго време се сметаа за доста тензични и затегнати.

Непосредно пред почетокот на Светското првенство во 2022 година, германските фудбалски шефови ја критикуваа ФИФА поради недостигот на одговор на тековните прекршувања на човековите права во земјата домаќин, Катар.

Потоа, кога беше реизбран за претседател на Светското седиште, гласот на Германија не беше за него. Доделувањето на домаќинот на СП 2034 на Саудиска Арабија, за кое Инфантино активно и неуморно лобираше, исто така не беше поддржано од Германија.

Инфантино на прославата на германскиот фудбал пристигна директно од САД, каде што беше гостин на инаугурацијата на американскиот претседател Доналд Трамп, кој влезе во вториот мандат. На состаноците по церемонијата, Инфантино му се заблагодари на американскиот претседател за поддршката за Светското првенство, кое следната година ќе се одржи низ Северна Америка.

The post ОД ГЕРМАНЦИТЕ ТРЕБА ДА УЧИТЕ Германскиот фудбал е пример на глобално ниво appeared first on plusinfo.mk.

– Настаните што се случија во Удине се крајно одвратни и неприфатливи. Расизмот и другите форми на дискриминација немаат место во фудбалот или во општеството. На играчите погодени од настаните во сабота, им изразувам целосна поддршка. Неопходно е сите засегнати страни да дејствуваат, почнувајќи од образованието во училиштата, за идните генерации да разберат дека расизмот не е дел од фудбалот и општеството. Покрај процесот во три чекори (запирање на натпреварот, повторно прекинување на натпреварот, откажување на натпреварот), мора да воведеме автоматски пораз за тим чии навивачи се расисти и предизвикуваат откажување на натпреварот, како и забрана за расисти на стадионите ширум светот и да има кривично гонење за нив. ФИФА и фудбалската заедница демонстрираат целосна солидарност со жртвите на расизам и каква било форма на дискриминација. Еднаш засекогаш: „Не на расизмот! Не за каква било форма на дискриминација! – напиша Инфантино на социјалните мрежи.

Голманот на Милан синоќа на средбата со Удинезе беше изложен на расистички навреди од страна на домашните навивачи, по што го напушти теренот, па натпреварот беше во прекин.

The post АВТОМАТСКИ ПОРАЗ ЗА ТИМОТ ЧИИ НАВИВАЧИ НАВРЕДУВААТ Претседателот на ФИФА вели дека нема место на расизмот на трибините, најави ригорозни казни appeared first on plusinfo.mk.

Зеленски побарал од ФИФА да испрати „порака за мир во светот“ пред финалето на Светското првенство меѓу Аргентина и Франција, но тоа беше експресно одбиено. Американската телевизија Си-Ен-Ен ексклузивно пренесува дека ФИФА одлучила целосно да ја игнорира војната во Украина и дека како една од ретките организации не сака да меша политиката во финалето на спортскиот настан на годината и поради тоа, Зеленски е крајно разочаран.

– Мислевме дека ФИФА ќе ја искористи својата моќ за поголемо добро, но… – изјави извор од кабинетот на Володимир Зеленски, не криејќи го своето разочарување од одлуката на светската „куќа на фудбалот“ целосно да го игнорира претседателот на Украина со тоа што не дадоа официјално соопштение со надеж дека сето ова ќе можат да го сменат до финалниот натпревар закажан за в недела.

Наводно, Зеленски сакал да се вклучи преку видео-врска и да испрати порака до навивачите на стадионот „Лусаил“, како и до стотиците милиони оние покрај малите екрани, но тоа наиде на цврсто „не“ од Џани Инфантино.

Првиот човек на Украина вообичаено ги користи големите настани за преку видео-пораки да ја осуди руската инвазија на територијата на неговата земја, но и да побара помош од Западот во оваа војна. Тој имаше вакви обраќања на Греми наградите во САД, но филмскиот фестивал во Кан, а се надеваше на говор и пред дуелот Франција – Аргентина, но тоа нема да се случи.

The post „КОРПА“ ЗА ЗЕЛЕНСКИ ОД ФИФА Украинскиот претседател сакаше да се обрати пред финалето, но доби експресно „не“ appeared first on plusinfo.mk.

– Оние кои го критикуваат Светското првенство се лицемери, ова што во моментов се случува навистина е неправедно – рече Инфантино на конференција за новинари во Доха која ја отвори со едночасовен монолог во кој истакна оти се чувствува истовремено „Катарец”, „Арап“, „Африканец”, „геј”, „инвалид” и „работник емигрант”.

– За тоа што ние Европјаните го сторивме во изминатите 3.000 години, би требало да се извинуваме во следните 3.000 години пред да почнеме на другите да им држиме морални лекции. Тие морални лекции не се ништо друго освен лицемерие – порача Инфантино.

Тој се осврна на новински извештаи во неколку земји – Шпанија, Англија, Франција-во кои пакистански навивачи со знамиња на Аргентина се опишуваат како „лажни навивачи”.

– Тоа е чист расизам. Секој на светот има право да навива за кого сака – рече првиот човек на ФИФА на прес – конференција во Доха.

The post ЛИЦЕМЕРИ НИЗАЕДНИ! Инфантино има што да им каже на критичарите на катарската организација appeared first on plusinfo.mk.