СДСМ манипулира со економските податоци, но лагите на СДСМ не можат да ги скријат резултатите на Владата на ВМРО-ДПМНЕ и тоа што економијата се движи напред, се инвестира и се гради – реагира ВМРО-ДПМНЕ со соопштение.

„СДСМ манипулира и се служи со селективно толкување на економските податоци. Очајно се обидува да создаде црни сценарија, конструкции и неоснован песимизам кај граѓаните. Проекциите на Меѓународниот монетарен фонд се прогнози, а не конечни резултати. Истата институција очекува Македонија да продолжи со стабилен економски раст, при што земјата останува меѓу економиите со позитивни перспективи и макроекономска стабилност.

СДСМ зборува за економија, а заборава дека токму во време на владеењето на СДСМ и ДУИ Македонија се соочи со рекордна инфлација, историски највисоки цени на храната и енергенсите, изгубена доверба кај инвеститорите и сериозно нарушени јавни финансии.

Денес Владата предводена од ВМРО-ДПМНЕ работи на капитални инвестиции, нови инфраструктурни проекти, подобрување на деловната клима и привлекување нови домашни и странски инвестиции. Ефектите од овие политики на Владата на ВМРО-ДПМНЕ се мерливи и видливи.

Буџетот останува стабилен, Владата предводена од ВМРО-ДПМНЕ обезбедува средства таму каде што се најпотребни и одговорно управува со јавните финансии. Со ребалансот на Буџетот се обезбедуваат повеќе пари за проекти во општините, земјоделството, раст на платите, студентски и ученички стандард, социјална заштита, капитални инвестиции и забрзување на инвестицискиот циклус.

Инфлацијата се намали и изнесува 3,4%, владините мерки преземени за време на енергетска криза дадоа резултати. Владата на ВМРО-ДПМНЕ работи на реални проекти и ги реализира, започнува изградбата на автопатот Скопје – Блаце, а на целата територија на државата се развиваат 6 автопатски делници.

Заврши времето на СДСМ и ДУИ кога буџетската каса беше празна, државата оставена на раб на банкрот а јавните финансии се трошеа на луксузирање на функционерите на СДСМ и ДУИ. СДСМ да не се обидува залудно да ги плаши пензионерите со неосновани тврдења. Исплатата на пензиите е редовна и сигурна, а Владата останува посветена на зајакнување на пензискиот систем и подобрување на животниот стандард на пензионерите.

Граѓаните добро знаат дека СДСМ и ДУИ ја оставија државата со високи долгови, корупциски скандали и изгубени години во економскиот развој. Наместо да шири страв и дезинформации, СДСМ треба да понуди аргументи и да преземе одговорност за сопствените погрешни политики.

Владата предводена од ВМРО-ДПМНЕ останува фокусирана на економски раст, нови инвестиции, отворање работни места и подобрување на животниот стандард на сите граѓани“ – се вели во соопштението на ВМРО-ДПМНЕ.

The post СДСМ МАНИПУЛИРА СО ЕКОНОМСКИТЕ ПОДАТОЦИ Сепак, тоа не може да ги сокрие резултатите на оваа влада appeared first on plusinfo.mk.

Турскиот претседател Реџеп Таип Ердоган денеска повика на укинување на ограничувањата за одбранбена соработка меѓу сојузниците на НАТО, јави Анадолија.

– Ограничувањата меѓу сојузниците во врска со одбранбената соработка, особено во одбранбената индустрија, треба да се укинат – рече Ердоган на состанокот на Северноатлантскиот совет на ниво на шефови на држави и влади во турската престолнина Анкара.

Ердоган нагласи дека дури и додека европските сојузници преземаат поголема одговорност за одбраната на континентот, тие треба да избегнуваат политики што би можеле да го ослабат единството на НАТО или трансатлантските врски.

– Додека европските сојузници преземаат поголема одговорност за одбраната на континентот, ние мора да се воздржиме од мерки што би можеле да ја поткопаат кохезијата на Алијансата и трансатлантските односи – рече тој.

Истакнувајќи го растечкиот одбранбен сектор на Турција, Ердоган рече дека најголемото достигнување на земјата во последните години е нејзиниот голем напредок во одбранбената индустрија.

– Несомнено, најголемиот успех на нашата земја лежи во пробивот што го постигнавме во одбранбената индустрија – рече тој, додавајќи дека Турција стана една од 10-те најдобри земји во светот во однос на производството на одбрана и извозниот капацитет.

Турција ќе ги зголеми трошоците за одбрана на ниво од 3,5 отсто пред 2030 година, додаде Ердоган, истовремено потврдувајќи ја посветеноста на Анкара за зајакнување на својот придонес во НАТО преку зголемување на трошоците за одбрана.

– Турција презеде мерки за зголемување на односот на нашите трошоци за одбрана на ниво од 3,5 отсто пред 2030 година – рече Ердоган.

Истакнувајќи ја улогата на Турција во рамките на НАТО, Ердоган рече дека земјата, која има најголема копнена армија во Европа, останува подготвена да ги стави своите воени капацитети на располагање на Алијансата секогаш кога е потребно.

Тој истакна дека Турција е меѓу водечките придонесувачи во операциите, мисиите и вежбите на НАТО во Косово, Црното Море, Балтичкиот регион и други области.

Ердоган, исто така, рече дека Турција се надева дека ќе обезбеди акредитација од НАТО за својот планиран Центар за извонредност за борба против беспилотни системи, наведувајќи го искуството на земјата во успешното распоредување беспилотни летала на вистински бојни полиња.

The post ЧЛЕНКИТЕ НА НАТО ТРЕБА ДА СОРАБОТУВААТ ВО ОДБРАНАТА БЕЗ ОГРАНИЧУВАЊА Ердоган побара ЕУ да не поставува бариери appeared first on plusinfo.mk.

Продолжува трендот на намалува не бројот на работници во индустријата. Во мај на годишно ниво регистрирано е намалување од  2,6%. Сам по себе овој  процент и така не е висок, но загрижува податокот дека речиси да нема индустриски сектор во кој нема намален број на работници.

Бројот на работници опаѓа и кумулативно од јануари завршно со мај период во кој падот е од 3%.

Податоците на Државниот завод за статистика покажуваат дека најголемо намалување на бројот на работници има во рударството  од 7,3%, но многу позначајно е тоа што во преработувачката индустрија во која збирно падот на бројот на работници е од 2,5% , речиси да нема сектор во кој не е намален бројот на работници. За една година во текстилната индустрија за производство на облека на пример е забележан најголем пад на бројот на работници од 11,9%.

Статистичките податоци покажуваат раст на бројот на вработени само во неколку сектори и тоа во индустријата за производството на прехранбени производи од 0,5%, за производство на производи од гума и пластични материјали исто така за 0,5%.

Повисок раст на бројот на работници е забележан и во индустријата за производство на пијалаци од 3,5%, за производството на тутун и тутунски производи за 16,9% како и во индустријата за производството на компјутерски, електронски и оптички производи од 13,4%.

Раст од 1% на бројот на работници е забележан и во енергетскиот сектор каде што спаѓаат снабдувањето  со електрична енергија, со гас, пареа и со климатизација.

Според главните индустриски групи, бројот на работниците во индустријата во мај 2026 година, во однос на мај 2025 година, се намалил во групите Енергија за 1,6 %, Капитални производи за 2,6 %, Нетрајни производи за широка потрошувачка за 3,6 %, Интермедијарни производи, освен енергија за 2,7 % и Трајни производи за широка потрошувачка за 0,6 %.

The post ФАБРИКИТЕ ПОЛЕКА ОСТАНУВААТ БЕЗ РАБОТНИЦИ Светла точка во сликата е компјутерскиот сектор appeared first on plusinfo.mk.

Растот на индустријата во април е лоша вест за оние што не сакаат државата да успее, кои создаваат хистерија и паника, шират невистини и манипулираат, вели премиерот Христијан Мицкоски, коментирајќи ги статистичките податоци за индустријата.

– Се консолидиравме по шокот во март, кога ескалираше кризата во Заливот и се продлабочи енергетската криза. Веќе во април индустријата бележи значителен раст, односно зголемување од околу 7,4 до 7,5 проценти во споредба со истиот месец минатата година, изјави денеска Мицкоски, кој присуствуваше на официјалното отворање на новата фабрика на компанијата „Brainchild“ во индустриската зона Жабени во Битола.

Една од причините зошто има раст на индустријата во април, според премиерот, е и тоа што преку унгарскиот кредит слеани се финансиски средства во домашните компании каде се очекува инвестициите да бидат најмалку двојно поголеми од вложените средства.

The post ИНДСТУРИЈАТА ВО АПРИЛ ПОРАСНАЛА ЗА 7,5% СПОРЕДЕНО СО ЛАНИ Бројките ги демантираат оние кои не сакаат Македонија да успее appeared first on plusinfo.mk.

Бројот на работниците во индустријата во периодот јануари – март 2026 година во однос на периодот јануари – март 2025 се намалил за 3,3%, а во март 2026 во однос на март 2025 година за 2,8%, соопшти Државниот завод за статистика.

Според овие податоци, бројот на работниците во март 2026 година, во однос на март 2025 година, во секторот „рударство и вадење камен“ се намалил за 6,9%, а во „преработувачка индустрија“ за
2,8%. Раст на бројот на работници е забележан во секторот „снабдување со електрична енергија, гас, пареа и климатизација“ за 0,6%.

Според главните индустриски групи, бројот на работниците во индустријата во март 2026 година, во однос на март 2025 година, се намалил во групите Енергија за 2,1 %, Капитални производи за 3,6%, Нетрајни производи за широка потрошувачка за 3,4% и Интермедијарни производи, освен Енергија, за 2,9%, а се зголемил во групата Трајни производи за широка потрошувачка за 1,0%.

The post И ВО МАРТ Е НАМАЛЕН БРОЈОТ НА РАБОТНИЦИ ВО ИНДУСТРИЈАТА Од рударството се одлеале 7% од работниците во март appeared first on plusinfo.mk.

Кина испрати остро предупредување до Европската Унија, најавувајќи можни контрамерки доколку Брисел продолжи со усвојување на новиот закон насочен кон зајакнување на европската индустрија и намалување на зависноста од странски пазари.

Станува збор за предлог на Европската комисија кој ги таргетира клучните индустриски сектори – чистите технологии, автомобилската индустрија и енергетски интензивните гранки како производството на челик, алуминиум и цемент.

Една од најзначајните одредби предвидува електричните возила што добиваат државна поддршка да бидат составени во рамки на ЕУ, со најмалку 70 проценти компоненти произведени во земјите членки. Со ова, Унијата има за цел да ја поттикне домашната продукција и да ја намали зависноста од увоз, особено од азиските пазари.

Законот предвидува и построг надзор врз странските инвестиции во стратешките сектори, особено кога станува збор за држави со доминантно присуство во глобалното производство. Иако Кина не се споменува директно, пораката е јасна – мерките најмногу се однесуваат токму на кинеските компании.

Пекинг реагираше остро, оценувајќи дека ваквите политики се дискриминаторски и претставуваат отстапување од правилата на Светската трговска организација. Кинеските власти предупредија дека, доколку законот биде усвоен во сегашната форма, ќе бидат принудени да преземат мерки за заштита на сопствените економски интереси.

Паралелно, Европската Унија најави и нови царински правила што директно ќе го погодат увозот од Кина. Од јули 2026 година, сите пратки со вредност под 150 евра ќе подлежат на фиксна давачка – потег што сериозно ќе влијае врз деловните модели на азиските онлајн трговци кои се потпираат на евтин и масовен извоз кон европскиот пазар.

Според аналитичарите, можно е Кина да возврати со ограничување на пристапот до својот пазар, дополнителни регулаторни бариери или пренасочување на трговските политики, особено кон европските компании кои имаат значително присуство во земјата.

Се отвораат неколку сценарија – од можни преговори и компромисни решенија, до взаемни економски мерки или дури и слабеење на законот под притисок на дел од земјите членки. Во суштина, спорот ја отсликува пошироката борба за економско влијание, во време кога Европа се обидува да ја заштити својата индустрија, а Кина бара нови пазари за своето производство.

The post КИНА СЕ ЗАКАНУВА СО КОНТРАМЕРКИ Брисeл под притисок по новиот индустриски закон appeared first on plusinfo.mk.

Украина во текот на март ја повратила контролата врз речиси 50 квадратни километри територија окупирана од Русија, изјави денеска началникот на Генералштабот на украинската армија, Олександр Сирски.

Тој додаде дека со промената на временските услови, руските сили ги интензивирале своите офанзивни операции и ги спроведуваат по речиси целата линија на фронтот, долга 1.200 километри.

Сирски рече дека областа околу источниот град Покровск, која Русија се обидува целосно да ја освои од средината на 2024 година, била меѓу најинтензивните места на борби во март.

Тој, исто така, ги издвои Олександривка, Костантиновка и Лиман на југоисток и исток како „најжешки жаришта“ во посочениот период.

Украинските контранапади на југоисток помогнаа да се попречат руските напори околу Покровск и пролетната офанзива на Русија воопшто, наведуваат украински воени аналитичари.

Сирски минатата недела истакна дека од крајот на јануари, Украина ја вратила контролата врз 480 квадратни километри територија, а претседателот Володимир Зеленски претходно овој месец ја опиша ситуацијата на фронтот како најдобра за Украина од средината на минатата година.

Со цел да ги намалат офанзивните капацитети на Русија, украинските сили одржуваа високо темпо на напади врз воени, одбранбено-индустриски и други објекти во Русија, рече Сирски.

Украина во текот на минатиот месец нападна 76 такви цели, вклучувајќи 15 објекти од индустријата за преработка на нафта, објасни генералот.

Украина ги засили нападите врз руските пристаништа, рафинерии и фабрики за ѓубрива во обид да ги ограничи приходите на Москва од извоз на стоки, бидејќи војната меѓу САД и Израел со Иран ги зголеми глобалните цени, објавуваат британските медиуми.

The post УКРАИНА ЗА ЕДЕН МЕСЕЦ ПОВРАТИЛА ТЕРИТОРИЈА ОД 50 КВАДРАТНИ КМ Руската инфраструктура трпи сериозни удари appeared first on plusinfo.mk.

Американскиот претседател Доналд Трамп се закани со нов бран царини врз европските сојузници, за да направи притисок врз Данска поради Гренланд. Европскиот парламент, пак, одлучи да го замрзне процесот на ратификација на трговскиот договор меѓу Европската Унија и САД, како одговор на најновите закани од американскиот претседател Доналд Трамп, потврдија главните политички групи во ЕП.

Трамп најави дека почнувајќи од 1 февруари ќе воведе царини од 10% за увоз од Обединетото Кралство, Данска, Норвешка, Шведска, Франција, Германија, Холандија и Финска. Според него, царинските давачки треба да се зголемат на 25 проценти од 1 јуни.

Во наредните денови, европските политички лидери ќе одржат вонредни консултации за евентуален одговор, а се дискутираат и контрамерки и пошироки казнени економски политики.

Аналитичарите предупредуваат дека последиците би можеле да бидат сериозни, особено за неколку клучни сектори- автомобилската и фармацевтската индустрија се најзасегнати, но нема да поминат лесно ниту енергетиката и луксузната индустрија.

Европските автомобилски гиганти, кои веќе ги почувствуваа последиците од непредвидливата трговска политика на Трамп минатата година, повторно се меѓу најизложените.

Автомобилскиот сектор се смета за особено ранлив поради високо глобализираните синџири на снабдување и големата зависност од производството во Северна Америка.

Веднаш по најавата на новите царини, акциите на „Фолксваген“, БМВ и „Мерцедес“паднаа за повеќе од 2,5%, а „Селантис“ забележа пад од околу 2,1%.

Главниот европски економист на Jefferies, Мохит Кумар, предупреди дека царините ќе имаат директен негативен ефект врз германската економија, која традиционално се смета за мотор на растот на Европа.

Според податоците на Евростат, Германија има најголем трговски суфицит со САД меѓу земјите опфатени со заканите на Трамп, пред Франција и Обединетото Кралство.

Франција, која е директно погодена од предложените царини, е дом на најголемите луксузни конгломерати како што се LVMH и Kering. Нивните акции паднаа за околу 3,5 и 2,6 %, а акциите на Richemont, Cucinelli и Burberry исто така забележаа пад.

експертите велат дека фармацевтскиот сектор може да биде особено чувствителен, со оглед на тоа што лековите и фармацевтските производи се најголемата извозна категорија на Европската Унија во САД. Во првите три квартали од минатата година, извозот на фармацевтски производи во САД достигна 84,4 милијарди евра, значително повеќе од машините и механичките делови или органските хемикалии.

По заканите на Трамп, акциите на Ново Нордиск паднаа за 2,1 процент, на Рош за 0,3 проценти и на Санофи за 0,9 проценти, додека Новартис малку порасна.

-Енергетскиот сектор може да биде индиректно засегнат во форма на послаба глобална побарувачка, пониски цени на нафтата и повисоки трошоци во синџирот на снабдување – велат експертите.

The post АВТО-ИНДУСТРИЈАТА НАЈГОЛЕМ ГУБИТНИК ОД НАЈАВЕНИТЕ ЦАРИНИ НА ТРАМП Која друга европска индустрија ќе настрада од 1 февруари? appeared first on plusinfo.mk.

Европската Унија постигна правно обврзувачки договор за климата со кој до 2040 година ќе се намалат емисиите на стакленички гасови за 90 проценти под нивоата од 1990 година. Договорот вклучува и купување странски јаглеродни кредити за покривање на 5 проценти од намалувањата на емисиите, соопшти денеска Европскиот парламент.

Со договорот ќе се бара од европските индустрии да ги намалат емисиите за 85 отсто, а од 2036 година земјите-членки на ЕУ ќе им плаќаат на земјите што не се членки да ги намалат емисиите во нивно име, за да го надоместат остатокот до 90 отсто.

Европскиот парламент и земјите-членки на ЕУ мора одделно да ја одобрат целта, за таа да стане закон.

Спогодбата оди подалеку од повеќето ветувања за намалување на емисиите дадени од други големи економии. Сепак, целта е пониска од онаа што ја препорачуваат научните советници на ЕУ за климатските промени и е послаба од оригиналната цел, што ги одразува несогласувањата меѓу владите на ЕУ околу брзината и цената на нивната зелена агенда.

– Овој договор покажува дека климата, конкурентноста и независноста одат рака под рака и испраќа силна порака до нашите глобални партнери. Се согласивме за силен, но реалистичен закон за климата – рече Вопке Хоекстра, портпарол на Европската комисија за климатските промени.

Целта претставува политички компромис по месеци преговори во кои владите, вклучувајќи ги Полска, Словачка и Унгарија, се спротивставија на подлабоките намалувања на емисиите на јаглерод диоксид како премногу тешки за домашните индустрии, кои се борат со високите цени на енергијата, поевтиниот кинески увоз и американските тарифи.

Други членки на ЕУ, вклучувајќи ги Холандија, Шпанија и Шведска, како причини за поставување на високата цел ги наведоа влошувањето на екстремните временски настани и потребата да се стигне Кина во производството на зелена технологија.

The post ЕУ СЕ СОГЛАСИ ДА ГИ НАМАЛИ ЕМИСИИТЕ ЗА 90% ДО 2040 ГОДИНА Постигнат е политички компромис по месеци преговарање appeared first on plusinfo.mk.

Во контекст на локалните избори, одлуките што ги донесоа градоначалниците на Град Скопје и на Општина Центар треба да бидат пример за целата држава. Таквите одлуки, иако на почеток создаваат непријатности кај граѓаните, во блиска иднина ќе донесат благосостојба која сите ја посакуваме, но ретко ја признаваме. Ним им се поклонувам за храброста.

За жал, паралелно со овие позитивни примери, во општеството расте бројот на оние кои сакаат да ја демонизираат индустријата во Македонија — од сопствени, најчесто лукративни побуди. Таквите постапки ја оддалечуваат земјата од економските принципи на глобализацијата и нејзиниот природен пат кон НАТО и кон Европската Унија.

Пред да објаснам како изгледаат „демоните на индустријализацијата“, ќе се обратам до политичарите со едноставно барање: Ве молам, во јавниот говор користете ги вистинските термини. Во законите не постои „невладина организација“. Постои здружение на граѓани, фондација, стопанска комора или стопанска интересна заедница. Со почитување на правната терминологија се покажува и познавање, и одговорност.

Ако зборувате за индустријализација, прочитајте го писмото од јануари 2023 година на Антони Пешев, извршен директор на Стопанската комора, до тогашниот министер за животна средина, Насер Нуредини. Пешев укажува дека Г1-индустријата не значи само рударство, туку и сектори како прехрана, фармација, хемија. Ако законот за забрана на Г1-индустрија во радиус од пет километри од населено место се применеше без исклучок, над 200.000 луѓе би останале без работа. Тоа би било економска и демографска катастрофа. Демоните на индустријализацијата би победиле.

Демоните сакаат да нѐ убедат дека може да се живее само од угостителство или од текстилна индустрија — која најчесто не произведува, туку доработува за странски брендови. Нашите текстилни работници заработуваат едвај 1,7 евра по сошиено парче, кое потоа во Германија или во Италија се продава по 90 евра. И тој сектор умира: работниците стареат, а Северна Африка нуди пониски цени.

Во меѓувреме, вистинските стратешки гранки — енергетиката, рударството и металургијата — се под постојан напад. Тие се срцето на економската стабилност и државната независност. Ништо не е случајно: целта е да се ослаби домашното производство и да се создаде зависност.

Во најголем дел, тие се самопрогласени „екологисти“. Но, што значи тој термин? Никој точно не знае. Со иронија ќе објаснам: ако живеете во зграда со балерина, тоа не ве прави балетски критичар. Така и кај нас — секој без соодветно образование и искуство зборува за екологија.

Еден ваков пример видовме неодамна во утринска телевизиска дебата посветена на индустријализацијата, каде што повторно слушнавме исти лаги и стравови за рудниците. Се поставува прашањето: зошто Македонија не смее да го отвори најголемиот рудник за бакар и злато, кој би донел неколку милијарди евра профит и стабилност на буџетот?

Одговорот на „екологистите“ е апсурден: „Имаме доволно бакар, не ни треба нов рудник.“ Тоа не е аргумент, туку саботажа. Светската економија денес има поголема потреба од бакар отколку кога било досега. Американскиот претседател Доналд Трамп веќе склучува договори со држави богати со бакар и други минерали од списокот на критични суровини, осигурувајќи долгорочна индустриска стабилност и независност.

А ние, тука во Македонија — земја со минерален потенцијал проценет на над 20 милијарди евра — седиме со скрстени раце. Наместо да градиме стратегии и инвестиции, се водиме по мислењата на луѓе без образование, искуство и разбирање за индустрија, енергетика и рударство.

Прашањето што сè погласно се поставува е: до кога ќе си дозволуваме да го блокираме сопствениот развој?

Токму затоа, ако некој тврди дека е експерт, нека покаже знаење. Нека објасни како функционира современата металуршка печка и кои се нејзините влијанија врз околината. Нека покаже Fe₃C дијаграм со молив и пенкало, без литература.
Тогаш ќе зборуваме за стручност.

Сè додека државата дозволува таквите лица да диктираат политики, нема да има напредок. Време е местото на „екологистите“ да го заземат ВИП — Високо Интелектуални Професионалци: научници, инженери, луѓе со знаење и визија.

The post Демонизација на индустријата appeared first on plusinfo.mk.