Брод со 11 европски туристи и двајца членови на екипажот, исчезна во близина на заливот на индонезискиот остров Сулавеси.

Индонезиските власти соопштија дека е почната потрага по бродот, кој испловил од островот Танџунг Унауна во петокот наутро и се упатил кон пристаништето Мариса во соседната покраина Горонтало, но не пристигнал како што били планирано.

На бродот имало еден чешки државјанин, еден Белгиец, пет холандски државјани, тројца Германци, една Французинка и двајца индонезиски членови на екипажот.

Десетици екипи за пребарување и спасување ги бараат исчезнатите, покривајќи површина од околу 300 наутички милји во заливот Томини и неговата околина.

The post БРОД СО 11 ЕВРОПСКИ ТУРИСТИ ИСЧЕЗНА КАЈ ИНДОНЕЗИСКИОТ ОСТРОВ СУЛАВЕСИ Десетици екипи ги бараат исчезнатите appeared first on plusinfo.mk.

Најмалку 13 лица загинале во тешка сообраќајна несреќа во Индонезија, кога два камиона згмечиле пикап со свадбени гости. Трагедијата се случила на автопат во близина на селото Кијаран Кулон, во областа Индрамају. Гостите се враќале од свадба во соседното село Пареан.

– Пикапот забавил и застанал на разделната лента за да направи полукружно свртување, кога одзади во него удрил камион кој се движел во иста насока – изјави началникот на локалната сообраќајна полиција, Унданг Сариф Хидајат.

Тој додаде дека од ударот пикапот бил исфрлен во спротивната коловозна лента, каде што повторно бил удрен од друг камион.

– Силниот судир исфрлил повеќе од десетина луѓе од пикапот на автопатот – изјави началникот.

Петмина преживеани се пренесени во болница со повреди.

„Властите ја истражуваат причината за несреќата“, соопшти полицијата.

The post 📽️ КАМИОНИ ЗГМЕЧИЈА ПИКАП СО СВАДБЕНИ ГОСТИ ВО ИНДОНЕЗИЈА Најмалку 13 лица загинаа во страшна несреќа appeared first on plusinfo.mk.

Австриски пар загинал на островoт Флорес во Индонезија кога се урнал висечки мост што води до популарниот водопад Кунка Вуланг. Трагедијата се случила за секунди. Јирген и Астрид П. паднале околу 20 метри во река под мостот.

Според австрискиот портал „Krone.at“, мостот одеднаш попуштил додека парот фотографирал. Фотките од местото покажуваат искршени дрвени штици и целосно уништена конструкција. Спасувачите стигнале подоцна.

„Одеднаш се слушна силен звук“

Водичот кој бил со туристите изјавил дека парот во моментот на несреќата одел еден до друг и фотографирал. Според него, мостот се урнал речиси веднаш.

– Одеднаш слушнав силен пукот, како да падна голема гранка. Мостот веднаш се урна – изјавил водичот за локалните медиуми.

Телата на 55-годишниот маж и 57-годишната жена биле извлечени во неделата, потврдиле локалните спасувачки служби. Операцијата траела со часови. Теренот бил тежок.

Two Austrian tourists died after falling through a suspension bridge at Cunca Wulang waterfall near Labuan Bajo after wooden planks reportedly collapsed beneath them.

Authorities are investigating.

Read more:https://t.co/fWlqq76ART#LabuanBajo pic.twitter.com/E3atE7pp5r

— Hey Bali (@Heybaliinfo) May 24, 2026

Опасни туристички раеви во Индонезија

Водопадот Кунка Вуланг се наоѓа на околу половина час пешачење низ џунглата. Посетителите мора да поминат преку висечки мост долг околу 50 метри за да стигнат до локацијата. Местото е многу популарно.

Кањонот често го споредуваат со минијатурна верзија на американскиот Голем Кањон поради тесните карпи и тиркизната вода. Туристите таму често скокаат од карпи и снимаат фотографии за социјалните мрежи. Локацијата привлекува илјадници посетители.

Островот Флорес се наоѓа источно од Бали и е познат по вулканските пејзажи и близината до Националниот парк Комодо.

Индонезија последните години бележи повеќе смртоносни несреќи на оддалечени туристички атракции. Инфраструктурата често е проблем.

The post 📷 ЗА МИГ ПАДНАЛЕ ВО СМРТ Познат висечки мост во Индонезија попушти додека туристите фоткале appeared first on plusinfo.mk.

Три лица загинаа во ерупцијата на вулканот Дуконо на островот Халмахера во Индонезија, а според извештаите, две лица се странски државјани, најверојатно туристи.

Дваесет планинари се изчезнти, а индонезиските власти трагаат по нив во голема спасувачка акција.

Според извептаите, меѓу планинарите кои чекаат евакуација има 9 државјани на Сингапур.

Вулканот Дуконо еруптираше речиси 200 пати од минатиот март, според податоците од Вулканолошкиот институт на Индонезија.

Моментно е наведено второ ниво на предупредување од тристепениот систем за предупредување за вулкани, што укажува на зголемена активност и потреба од претпазливост.

Вулканолошкиот институт на Индонезија наведе дека уште од декември 2024 година им е препорачано на туристите и на алпинистите да се воздржат од активности во радиус од 4 километри од главниот кратер на вулканот Дуконо, поради опасност од исфрлени карпи, пепел и лава.

Сепак, ова не ги одврати планинарите од искачување на планината висока 1.335 метри.

Gunung Dukono ini sering erupsi dan rekomendasi dari PVMBG tidak beraktivitas/mendaki dan mendekati Radius 4KM. Tapi tetap banyak yg mendaki.

Namun kali ini erupsi nya besar dan kabarnya puluhan pendaki terjebak (termasuk WNA)

Semoga aman aman aja https://t.co/nYdGzjYLOW pic.twitter.com/oUkksVRlQ7

— BaraJiwa (@Pyroncalanyala) May 8, 2026

Според медиумските извештаи, ерупцијата исфрлила столб од пепел висок дури 10.000 метри.

Островот Халмахера е најголемиот од островите Малуку во Индонезија.

UPDATE Erupsi Gunung Dukono Halmahera, Ternyata Ada 2 Wisatawan Meninggal !

Erupsi Gunung api Dukono di Kabupaten Halmahera Utara, Provinsi Maluku Utara, pada Jumat (8/5), menyebabkan sedikitnya lima orang pendaki mengalami luka-luka dan saat ini masih dalam proses pendataan… pic.twitter.com/3AjOZTQTXk

— t°Jabar (@tijabar) May 8, 2026

Минатиот месец, вулканот еруптираше додека група планинари беа во близина. Моментот на хаос, додека водичот за планинарење ги поттикнуваше другите да се искачуваат, беше снимен на видео кое подоцна стана вирално.

The post 🎥 НЕ ГИ СЛУШАЛЕ ПРЕДУПРЕДУВАЊАТА, ТРОЈЦА СЕ МРТВИ, 20 ИСЧЕЗНАТИ Голема ерупција на вулканот Дуконо во Индонезија appeared first on plusinfo.mk.

Американскиот претседател Доналд Трамп беше домаќин на дваесетина сојузници од различни земји во зградата на поранешниот Американски институт за мир во Вашингтон, каде денеска се конституираше Мировниот совет за Газа.

Претседателот Трамп рече дека САД ќе обезбедат 10 милијарди долари за иницијативата. Меѓу нејзините цели е и реконструкцијата на Газа.

– Заедно можеме да го оствариме сонот за трајна хармонија во регион растргнат од векови војна и страдање – рече Трамп, кој претходно зборуваше за изградба на туристички одморалишта во Газа.

Трамп не прецизираше како ќе се трошат средствата. Тој ќе има право на вето во рамките на телото. Земјите што бараат трајно членство, наместо двегодишен мандат, ќе треба да придонесат со 1 милијарда долари.

Мировниот совет беше формиран откако администрацијата на Трамп, во соработка со Катар и Египет, преговараше за прекин на огнот во октомври, со што завршија двегодишните разорни борби во Газа.

САД велат дека планот влегол во втора фаза, фокусирана на разоружување на палестинската милитантна група Хамас.

Регрутирањето за нови безбедносни сили во Газа започна во четвртокот.

– Целта е да се преземе контролата од Хамас – рече новоназначениот американски пратеник за Газа, Николај Младенов.

На состанокот се дискутирало и за создавање на Меѓународни сили за стабилизација за обезбедување безбедност во Газа. Се очекува Индонезија да игра клучна улога, откако најави дека ќе испрати до 8.000 војници доколку мисијата биде одобрена.

Во долгиот говор во кој ги напаѓаше своите домашни политички противници, Трамп го истакна порастот на берзите и ја нагласи својата улога во поддршката на странските лидери за време на изборите.

Трамп рече дека сака да склучи повеќе мировни договори.

– Лесен збор е да се каже, но тежок збор за да се постигне: мир – рече тој.

Трамп повтори дека Вашингтон бара сериозни отстапки од режимот во Техеран, почнувајќи од неговата нуклеарна програма.

– Мораме да склучиме значаен договор, или лоши работи ќе се случат – рече американскиот претседател. Тој предупреди дека во отсуство на договор, Вашингтон „можеби ќе мора да оди чекор понатаму“, додавајќи: „Веројатно ќе дознаете во следните 10 дена или така“.

The post СЕ КОНСТИТУИРАШЕ МИРОВНИОТ СОВЕТ ЗА ГАЗА Од САД ќе добие 10 милијарди долари appeared first on plusinfo.mk.

Вулканот Гунунг Марапи на островот Суматра повторно еруптираше, исфрлајќи густ облак од вулканска пепел високо над кратерот. Силната ерупција се случи денес, 18 февруари 2026 година, а пепелта се прошири и во неколку населени места во провинцијата Западна Суматра.

Според локалните власти, засега нема пријави за повредени лица, но службите за итни случаи и вулканолошките институти внимателно ја следат состојбата и го проценуваат степенот на опасност.

Гунунг Марапи важи за еден од најактивните вулкани во Индонезија, држава која се наоѓа на Пацифичкиот „Огнен појас“ – регион познат по чести земјотреси и вулкански ерупции. Поради зголемената активност, можно е во наредните часови да бидат издадени дополнителни предупредувања за населението во околните области.

Надлежните апелираат граѓаните да ги почитуваат безбедносните препораки и да избегнуваат движење во близина на кратерот.

 

View this post on Instagram

 

A post shared by Plusinfo.mk (@plusinfo.mk)

The post 📽️ ПАНИКА ВО СУМАТРА Се разбуди еден од најопасните вулкани appeared first on plusinfo.mk.

Страотна трагедија се случи на индонезискиот остров Јава, кога лизгање на земјиште проголта цела чета војници на индонезиската армија. Војниците одржувале воена вежба во селото Пасир Бара, кое претходниот ден било погодено од обилен дожд, што предизвикал лизгање на земјиштето.

На самото место загинаа 23 војници кои беа заробени под наслагите кал, а уште 42 лица се водат како исчезнати, соопшти портпаролот на индонезиската морнарица.

Според индонезиската морнарица, инцидентот се случил поради екстремните временски услови со обилни дождови, кои предизвикаа свлечиште на местото на обуката.

Во спасувачката мисија учествуваат 800 спасувачи и припадници на полицијата и армијата, кои трагаат по исчезнатите.

Инцидентот се случи два месеца откако во поплавите и свлечиштата на островот Суматра загинаа 1.200 луѓе.

The post СВЛЕЧИШТE ПРОГОЛТА ЦЕЛА ЧЕТА ВОЈНИЦИ Загинаа 23, а 42 се водат како исчезнати appeared first on plusinfo.mk.

Градот кој некогаш ја симболизираше азиската иднина, денес буквално тоне. Џакарта, најнаселениот град на светот со 42 милиона жители, исчезнува под сопствените згради. Дури 40 % од градската површина веќе е под нивото на морето, јави Форбс.

Меѓутоа, најстрашното дури следува. Научниците предупредуваат дека градот пропаѓа по шест сантиметри секоја година. Причината е длабоко во земјата: прекумерно испумпување на подземните води, а над неа — милиони тони бетон и стакло кои не пропуштаат дождовница да се впие назад во почвата.

Еве го документарното видео на National Geographic кое го објаснува драматичното тонење на градот:

Понатаму, индонезиската влада веќе почна со план за спас — префрлање на престолнината во сосема нов град, Нусантара, на островот Борнео. Таму, на повеќе од 870 километри северно, се гради метропола вредна 35 милијарди долари, наводно целосно напојувана со обновлива енергија.

Сепак, промената нема да биде лесна. Урбанистите и екологистите предупредуваат дека тонењето не може да се сопре без да се намали црпењето на подземните води. Еколошките организации веќе алармираат дека до 2050 година третина од Џакарта ќе биде под вода ако не се преземат радикални мерки.

Од друга страна, пренесува „Ројтерс“, локалните жители велат дека „сè уште немаат друг дом“. Додека политичарите зборуваат за иднината, тие живеат со пумпи на покривите и вода под праговите.

Иронично, токму Џакарта, град изграден на устието на реката Чиливунг, денес е заробеник на сопствените води. Сликата на моторни чамци што минуваат покрај продавници и училишта стана секојдневие.

The post НАЈНАСЕЛЕНИОТ ГРАД ПОЛЕКА ТОНЕ, СВЕТОТ СЕ ЧУДИ Џакарта се бори за секој сантиметар appeared first on plusinfo.mk.

Азија е погодена од катастрофални поплави кои однесоа стотици животи и загрозија милиони луѓе. Во Индонезија, спасувачките екипи се тркаат со времето за да пронајдат најмалку 400 исчезнати лица, за кои се стравува дека се закопани во лизгање на земјиштето откако циклонските дождови го опустошија регионот пред речиси една недела.

Властите потврдија дека бројот на жртви надмина 440 само на островот Суматра, додека повеќе од 900 луѓе ги загубија животите во налетот на бури и обилни дождови низ Тајланд, Малезија, Филипините и Шри Ланка овој месец.

Terrible scenes coming out of West Sumatra in Indonesia today due to flooding

Saniangbaka, Solok Regency pic.twitter.com/xG4ixcQTVc

— Volcaholic (@volcaholic1) November 27, 2025

Индонезија беше погодена од исклучително реткиот тропски циклон Сењар, кој предизвика катастрофални лизгања на земјиштето, однесе домови и поплави илјадници згради. Според Националната агенција за управување со катастрофи, луѓе се водат како исчезнати во провинциите Ацех, Северна Суматра и Западна Суматра. Помошта се испраќа по воздушен и морски пат, но некои села се уште се отсечени, а има и извештаи за кражба на храна и вода.

Devastating footage aftermath of terrible floods in Huta Godang, South Tapanuli, North Sumatra, Indonesia pic.twitter.com/efDxr5lQlW

— Disaster News (@Top_Disaster) November 30, 2025

Доставата на помош е особено бавна во најтешко погодениот град Сиболга и округот Централен Тапанули во Северна Суматра. Портпаролот на полицијата, Фери Валинтукан, ги потврди извештаите за кражба во продавници во саботата навечер, што ја натера регионалната полиција да биде распоредена за воспоставување ред.

Размерот на уништувањето е предизвикан од исклучително голем и долготраен систем на грмотевици, изјави Ерма Јулихастин, експерт за клима во Националната агенција за истражување и иновации на Индонезија. Таа истакна дека просечните месечни врнежи од дожд за погодените области се околу 150 милиметри, додека некои области ја виделе таа количина само за еден ден.

– Ако наврнат повеќе од 100 милиметри за еден ден, тоа е екстремно, особено ако достигне 200 илиметри – рече Јулихастин.

Според неа, на 23 ноември, на западниот брег на Суматра наврнале 160 мм дожд, а еден ден подоцна, на 24 ноември, дури 226 мм.

Југоисточна Азија се соочува со едни од најлошите поплави во историјата. Покрај Индонезија, циклонот Сењар донесе обилни дождови и лизгање на земјиштето во Тајланд и во Малезија, каде што загинаа околу 170 лица. Уште три лица загинаа во Виетнам додека се приближуваше тропската бура Кото, додека претходно минатиот месец дождовите во таа земја веќе одзедоа најмалку 90 животи.

Тајфунот Калмаеги, кој ги погоди Филипините на почетокот на ноември, одзеде речиси 300 животи. Во Јужна Азија, циклонот Дитва ја опустоши Шри Ланка, каде што поплавите и лизгањето на земјиштето однесоа повеќе од 330 жртви. Претседателот на земјата, Анура Кумара Дисанајаке, ја нарече „најпредизвикувачката природна катастрофа“ што Шри Ланка некогаш ја видела.

Една од најтешко погодените области е покраината Ачех на Суматра, каде што бројот на жртви достигна 96, а 75 лица сè уште се водат како исчезнати. Кампови за евакуација се поставени во 20 области, а продавниците се со недостиг на залихи. Некои жители пријавиле дека децата пиеле дождовница собрана од нивните домови.

Heart-breaking devastation in North Sumatra, Indonesia . At least 442 dead after floods and landslides hit Huta Garoga. The aftermath looks like a tsunami, leaving communities in shock.#ClimateImpact #EmergencyAidpic.twitter.com/L7nxvq601g

— Naji Ali (@naji1_ali) December 1, 2025

Новинарите од терен известуваат за големи тешкотии во достигнувањето до погодените области. Патувањето од Џакарта до Букитинги, најблискиот голем град до погодените области во Западна Суматра, сега е значително потешко.

A massive landslide hit Pasia Laweh, Lubuk Alung District, West Sumatra in Indonesia today

It’s unclear if there are any victims. pic.twitter.com/ifpHQNBfio

— Volcaholic (@volcaholic1) November 28, 2025

The post 🎥ПОГЛЕДНЕТЕ КАКОВ ПУСТОШ НАПРАВИ РЕДОК ЦИКЛОН ВО ИНДОНЕЗИЈА Над 440 мртви во Суматра, 400 исчезнати appeared first on plusinfo.mk.

Светот има нов најнаселен град. Главниот град на Индонезија, Џакарта, е на врвот на листата на која доминира Азија. Според новиот извештај на Обединетите нации, Џакарта е на првото место, пред главниот град на Бангладеш, Дака.

Со проценето население од речиси 42 милиони, Џакарта убедливо се искачи на врвот. На претходната листа од 2018 година градот беше рангиран на 33. место, а јапонската метропола Токио беше најнаселениот град.

Сепак, прашање е колку долго Џакарта ќе го задржи водството. Дака моментно има население од 36 милиони и се очекува да стане најнаселен град во светот до средината на векот.

Тоа е знак за брзите промени што се случуваат низ целиот свет, со порастот на густо населените мегаградови, пишува Ен-Би-Си Њуз. Речиси половина од 8,2 милијарди луѓе на планетата сега живеат во градови, според извештајот „Перспективи за светска урбанизација 2025“, што е двојно повеќе од бројот на жители во урбаните средини во изминатите 75 години.

Листа на 10 најнаселени градови во светот:

Џакарта (Индонезија) – 41,9 милиони
Дака (Бангладеш) – 36,6 милиони
Токио (Јапонија) – 33,4 милиони
Њу Делхи (Индија) – 30,2 милиони
Шангај (Кина) – 29,6 милиони
Гуангжу (Кина) – 27,6 милиони
Каиро (Египет) – 25,6 милиони
Манила (Филипини) – 24,7 милиони
Калкута (Индија) – 22,5 милиони
Сеул (Јужна Кореја) – 22,5 милиони

Девет од 10-те најнаселени градови во светот се наоѓаат во Азија. Единствен исклучок е египетскиот главен град Каиро, кој е на 7. место со население од 25 милиони луѓе, што двојно повеќе од населението на Њујорк.

– Урбанизацијата е дефинирачка сила на нашето време. Кога се управува инклузивно и стратешки, таа може да отклучи трансформативни патишта за климатска акција, економски раст и социјална еднаквост  – рече Ли Јунхија, потсекретар на Обединетите нации за економски и социјални прашања.

Во 1975 година имаше само осум мегаградови, според дефиницијата за град со население од најмалку 10 милиони луѓе. Оваа година, тој број пораснал на 33, од кои 19 се наоѓаат во Азија. Лос Анџелес и Њујорк се единствените два мегаграда во Соединетите Американски Држави, според извештајот.

– За да се постигне балансиран територијален развој, земјите мора да усвојат интегрирани национални политики што ги хармонизираат домувањето, користењето на земјиштето, мобилноста и јавните услуги во урбаните и во руралните области – истакна Ли.

До 2050 година, во светот може да има повеќе од 15.000 градови, од кои повеќето ќе имаат помалку од 250.000 жители. Проекциите на ОН покажаа дека Дака веројатно ќе биде најнаселениот град во светот со 52,1 милиони жители до 2050 година, а населението на Токио ќе се намали за 2,7 милиони, што го одразува стареењето и демографската криза на Јапонија.

Џакарта, пак, е град што е склон кон земјотреси и поплави, пренаселен е, загаден и – брзо тоне. Во август 2019 година тогашниот индонезиски претседател Џоко Видодо објави дека главниот град на земјата ќе се пресели во Нусантара, на друг остров, оддалечен 1.200 милји, во Борнео.

Сепак, преселувањето се соочува со тешкотии, вклучувајќи доцнења во изградбата, недостаток на странски инвестиции и проблеми во управувањето со земјиштето и со сопственоста.

The post НЕВЕРОЈАТНИ 42 МИЛИОНИ ЖИТЕЛИ Еве кој е најнаселениот град на светот appeared first on plusinfo.mk.