За време на брифингот за медиуми за ширењето на вирусот, таа рече дека ако има четврти бран, тоа ќе доведе до помалку хоспитализации и смртни случаи и ќе влијае на „само невакцинираните граѓани“.

Варијантата Делта, најпрво идентификувана во Индија, е најзаразната до сега. Се шири многу побрзо од вирусите пронајдени во Велика Британија и станува доминантна во САД, Португалија, Германија, Франција и Шпанија. Теодориду рече дека вакцината Pfizer / BioNTech нуди 86% заштита од овој сој, а вакцината AstraZeneca 66%.

До денес, Грција целосно вакцинирала 31% од своите граѓани (повеќе од 3 милиони луѓе), додека 43% примиле барем една доза вакцина против коронавирус (повеќе од 4.550.000 граѓани).

The post Грците стравуваат дека делта сојот ќе предизвика четврти бран appeared first on plusinfo.mk.

Двајцата пациенти од земјава кај кои е дијагностициран индискиот сој на коронавирусот немале никаков контакт со други луѓе освен со стручниот медицински персонал, тврдат од Министерството за здравство и повторуваат дека ситуацијата е под контрола и дека нема место за паника.

Како што објаснуваат оттаму, пациентите со специјален авион и во посебно санитетско возило биле префрлени од болница во Ирак во приватна болница во Скопје.

– Секвенционирањето на брис од вториот пациент беше направено пред десетина дена. И вториот пациент, исто како и првиот, со специјален авион и во посебно санитетско возило од аеродром беше префрлен во приватна болница и тој немал контакт со никого. И во двата случаи станува збор за пациенти кои од болница во Ирак како ковид-позитивни се префрлени во болница во Скопје. Двајцата пациенти немаа никаков контакт со други луѓе, освен со медицинскиот персонал – нагласуваат од Министерството за здравство.

Дека нема простор за страв и паника поради евентуално ширење на индискиот сој на коронавирусот во земјава рече и министерот за здравство Венко Филипче на денешната прес-конференција

– Пациентите од Ирак безбедно пристигнаа во нашата земја и тие немаа контакт со други луѓе. И двајцата пациенти биле колеги во Ирак и со ист авион беа вратени во Скопје, само што вториот пациент малку подоцна ги почувствувал симптомите на индискиот сој. Сè уште немаме прецизни податоци за индискиот сој, бидејќи нема доволно испитувања во Европа и во светот. Сепак, сметам дека е многу мал ризикот со индиската мутација да се заразат вакцинираните против ковид-19. Но, сè уште е рано со сигурност да се тврди нешто конкретно – рече Филипче.

Тој посочи дека ситуацијата во земјава е мирна и дека засега не се размислува за воведување нови мерки и рестрикции.

– Постојано ги анализираме податоците во нашата земја и податоците во Европа. Кај нас има мал број новозаразени на дневна основа, мал број хоспитализирани пациенти, а и мал број прегледи во амбулантите. Тоа ни укажува дека ситуацијата е мирна и дека засега нема да воведуваме дополнителни рестрикции со цел да спречиме евентуален нов бран на пандемијата. Редовно ќе ја следиме состојбата и ќе реагираме навремено доколку забележиме промена – истакна министерот.

Поразлични симптоми

Индискиот сој е многу пренослив и се смета дека е од 40 до 90 отсто позаразен од претходните соеви на ковид-19. Студиите покажуваат дека оваа мутација ги напаѓа и помладите лица. Според истражувањата, кај овој сој и симптомите се поразлични, а најчести се главоболка, болка во грлото, течење од носот и треска, а инфицираните имаат повеќе шанси да завршат во болница со потешка клиничка слика.

– Делта-мутацијата е повирулентна и се покажа како позаразна. Еден од моментите што ја прави заразноста на овој вирус поголема е тоа што кај помладите дава една полесна клиничка слика од типот на главоболка и кивавица. Кај индискиот сој нема губење мирис и вкус. Младите пациенти го поминуваат како еден вид потешка или полесна настинка, сосема несвесни дека се работи за ковид-инфекција. Во однос на смртноста, можеби е за нијанса поголема во споредба со претходните мутации – објаснува д-р Александра Димова.

Инфектологот Алириза Османи во гостување на ТВ21 вели дека сè уште нема точни информации за индискиот сој на коронавирусот, но, како што додава, лекарите се подготвени да ја третираат секоја нова мутација што ќе се појави во земјава.

– Луѓето треба да внимаваат, но не треба да се плашат. Само оние кои имаат симптоми треба да се стават во самоизолација и да не се мешаат со други луѓе. Засега не поседуваме точни информации за индиската мутација, па наскоро ќе видиме дали сликата ќе биде полоша или подобра. Ние сме тука да ги лекуваме пациентите – вели д-р Османи.

Антителата не се силно оружје

Микробиологот и научник од Институтот „Ворвик“, Бранко Рихтман, вели дека индискиот сој има двојно побрза трансмисија од британскиот кој ја покоси Европа изминативе месеци, а антителата на прележаните не се силно оружје за борба против оваа мутација.

Вакцините се најдобрата заштита, потенцира тој.

– Некои истражувања покажуваат дека нашите антитела кои што ги добиваме по природен пат, со заразување со вирусот не се толку ефикасни како имунитетот и антителата кои што ги добиваме преку вакцинацијата. Се заразуваат и луѓе коишто се вакцинирани, но тоа се оние кои што примиле една доза, па заштитата не им е потполна, но многу е битно дека вакцините се и понатаму ефикасни против делта сојот, односно се ефикасни во превенцијата на хоспитализирање и смрт. Многу мал број хоспитализирани се луѓе кои што се вакцинирани, околу 14 отсто – објаснува микробиологот.

Делта-варијантата на коронавирусот го зголеми бројот на новозаболени во Британија, каде што и покрај големиот број вакцинирани, за една недела, за 79 отсто е зголемен бројот на новозаболени, додека приемот во болниците е речиси двојно зголемен.

Експерти за „Гардијан“ велат дека Велика Британија се соочува со третиот бран на ковид-19. Слична е состојбата и во Русија, додека, пак, германската канцеларка Ангела Меркел и францускиот претседател Емануел Макрон повикаа на претпазливост за да се спречи ширењето на делта сојот и најавија дека ЕУ на претстојниот Самит ќе разгледува како подобро да ги усогласи ограничувањата за патувања.

Д-р Даниловски: Со индискиот сој можат да се заразат и вакцинираните, но ризикот е мал

The post Како стаса индискиот сој од Ирак до Македонија – со специјален авион право во приватна клиника appeared first on plusinfo.mk.

Податоците презентирани од европскиот регулатор за ефикасноста на вакцините мРНК против видот Б. 1.617 се „охрабрувачки“, изјави Марко Кавалери, претседател на работната група на ЕМА, одговорен за стратегијата за вакцинација.

Вакцините за Messenger РНК (мРНК) ги учат клетките како да создадат протеин што предизвикува имунолошки одговор ако некој се зарази.

Кавалери на прес-конференција рече дека е оптимист во врска со ефективноста на вакцините засновани на аденовирус, како што се оние што ги развија Астра Зенека и Џонсон и Џонсон, дека исто така штитат од индискиот вид.

Се чекаат дополнителни податоци од Индија, каде што се користи вакцината на Астра Зенека, рече тој и додаде дека „до денес сме убедени дека вакцината ќе биде ефикасна против тој вид“.

Во Европоската унија се одобрени четири вакцини – Фајзер/Бионтек и Модерна кои користат технологија мРНК и Астра Зенека и Џонсон и Џонсон вирусни векторски вакцини.

Видот Б. 1.617 е откриен во 44 земји, според податоците на Светската здравствена организација (СЗО), кои го ставаат тој вид на списокот на „загрижувачки“.

Со тоа индиската мутација им се придружи на трите „злогласни“ што се појавија во Велика Британија, Бразил и Јужна Африка и кои се сметаат за поопасни од оригиналната верзија на коронавирусот затоа што се позаразни, посмртоносни или поотпорни на одредени вакцини.

The post „Фајзер“ и „Модерна“ се ефикасни против индиската мутација appeared first on plusinfo.mk.

Светската здравствена организација (СЗО) денеска предупреди дека варијанта на коронавирус, наречена Б.1.617, за која се верува дека го забрзала ширењето на епидемијата во Индија, е откриена во повеќе од 1.200 секвенци примероци тестирани во најмалку 17 земји.

„Повеќето секвенци се од Индија, Велика Британија, САД и Сингапур“, соопшти денеска СЗО, откако неодамна ја евидентираше варијантата Б.1.617, која вклучува неколку субваријанти со делумно различни мутации и карактеристики.

Оваа варијанта на коронавирусот сè уште не е прогласена за „загрижувачка“, што би индицирало дека е поопасна од оригиналната варијанта на коронавирусот во однос на брзината на ширење, причината за смртта или отпорноста на вакцината.

Сепак, СЗО призна дека прелиминарните анализи покажуваат дека „Б.1.617 има побрза стапка на ширење од другите варијанти во Индија, што сугерира потенцијално поголема заразност“, истакнувајќи дека другите варијанти на коронавирус во циркулација во Индија покажуваат знаци на поголема стапка на зараза.

Според проценките, оваа комбинација може да има улога во сегашниот бран на епидемијата, за што студиите покажуваат дека ширењето на вирусот е многу побрзо отколку за време на првиот бран.

The post СЗО: Индиската мутација откриена во 17 држави appeared first on plusinfo.mk.

Во Велика Британија се откриени случаи на инфекции со сој на коронавирус со потенцијално загрижувачка мутација, која за првпат беше откриена во Индија. Британските власти до 14 април  регистрирале вкупно 77 случаи на оваа варијанта, позната како Б.1.617. Од нив, 73 случаи се евидентирани во Англија и четири во Шкотска.

Видот Б.1.617 во моментов е означен дека е „под истрага“. Доколку се покаже дека е позаразен или поотпорен за нашиот имунолошки одговор, тогаш ќе се зборува за „загрижувачка варијанта“.

Весникот „Гардијан“ пишува дека во Велика Британија веќе постојат неколку „загрижувачки варијанти“, вклучувајќи ги и оние што први беа откриени во Кент, Јужна Африка и Бразил.

Овие верзии содржат различен сет на мутации, иако има некои преклопувања. На пример, сите три соеви имаат мутација наречена N501Y, за која се верува дека го прави вирусот позаразен, додека верзиите од Бразил и Јужна Африка имаат мутација наречена 484K, за која се верува дека му помага на вирусот барем делумно да го избегне нашиот имунолошки одговор.

Варијантата Б.1.617 првично била откриена во Индија, но подоцна се проширила и на други делови од светот, вклучувајќи ја и Калифорнија. Експертите се малку загрижени затоа што оваа верзија содржи две мутации на S протеинот (С – спајк, шилец) што може да ја зајакне неговата способност да избегне имунолошки одговор на нашето тело.

Д-р Пол Хантер од Универзитетот во Источна Англија вели дека тоа е потенцијално вознемирувачка верзија.

– Овие две мутации заедно можат да бидат многу попроблематични од јужноафриканските и бразилските соеви кои имаат само една таква мутација, а потеклото од Индија полесно може да навлезе во заштитата на вакцините – рече Хантер.

Меѓутоа, додава тој, потребни се дополнителни истражувања за да се утврди точната улога на овие мутации и нивното влијание.

The post Во Велика Британија регистрирана и индиска мутација на коронавирусот, експертите загрижени appeared first on plusinfo.mk.