Вработен во Итна медицинска помош со остар предмет упатувал закани кон медицинскиот персонал во здравствена установа на подрачјето на Карпош, соопшти Министерството за внатрешни работи.

Според пријавеното, инцидентот се случил на 9 август, околу 16:50 часот, кога Ф.С., вработен во Итна медицинска помош, агресивно се однесувал во здравствената установа и со остар предмет упатувал закани кон медицинскиот персонал.

Случајот бил пријавен во СВР Скопје во 19:30 часот.

Од полицијата информираат дека се преземаат мерки за целосно расчистување на случајот.

The post ВРАБОТЕН ВО ИТНА ПОМОШ СО НОЖ ИМ СЕ ЗАКАНУВАЛ НА КОЛЕГИТЕ Инцидент во здравствена установа во Карпош appeared first on plusinfo.mk.

Автобус се запали денеска додека се движел по автопатот Тетово–Гостивар, по што интервенирале надлежните служби, а сообраќајот на делницата се одвивал отежнато.

Според првичните информации, пожарот избувнал во момент кога автобусот бил во движење. На социјалните мрежи се појави видео од инцидентот на кое се гледа како возилото е целосно зафатено од пламен.

По пријавата за пожарот, на терен излегле противпожарни екипи кои интервенирале за локализирање и гасење на огнот.

Поради интервенцијата и безбедносните мерки, сообраќајот на автопатот Тетово–Гостивар извесен период се одвивал со намалена брзина и отежнато движење.

Засега нема информации за причините поради кои избувнал пожарот, ниту дали има повредени лица. Се очекуваат детали од надлежните институции по завршувањето на увидот.

The post ПЛАМНА АВТОБУС НА АВТОПАТОТ ТЕТОВО-ГОСТИВАР Возилотот се запали додека се движело, причината сè уште непозната appeared first on plusinfo.mk.

Наводно вербално дофрлање на улица било повод за жестока пресметка меѓу возач на комбе и случаен минувач во главниот град на Турција, јавуваат локалните медиуми. Во инцидентот, кој предизвикал паника меѓу присутните граѓани, биле употребени тврди предмети и оружје, а две лица се здобиле со повреди.

Инцидентот се случил во населбата Меркез, во близина на познатиот Вторнички пазар во општината Пурсаклар во Анкара.

Според првичните информации од истрагата, конфликтот започнал по кратка вербална расправија, која за неколку секунди прераснала во физичка пресметка.

На снимките што се појавија на социјалните мрежи се гледа како возачот на комбето држи пиштол и се расправа со друг маж на улица.

Ситуацијата дополнително ескалирала кога возачот влегол во возилото, по што другиот учесник успеал да му го одземе пиштолот. Возачот потоа зел предмет што наликува на бејзбол палка и почнал да удира.

Во обид да се одбрани, другиот маж испукал неколку истрели од непосредна близина кон возачот. И покрај тоа, физичката пресметка продолжила, а двајцата размениле повеќе удари.

Полицијата брзо интервенирала и ја ставила ситуацијата под контрола. Според првичните информации, оружјето што било употребено било сигнален пиштол, поради што немало смртни последици. Од полицијата не споделија информација кој е сопственикот на оружјето.

Двајцата учесници во инцидентот се здобиле со телесни повреди, им била укажана медицинска помош и потоа биле приведени.

Обвинителството во Анкара отвори истрага за нарушување на јавниот ред и мир и за нанесување телесни повреди.

 

View this post on Instagram

 

A post shared by Plusinfo.mk (@plusinfo.mk)

The post 📽️ ХАОС НА УЛИЦИТЕ НА АНКАРА Вербална расправија заврши со пукотници и крв на улица appeared first on plusinfo.mk.

Наставник и двајца ученици се повредени во инцидент во училиште во Манчестер, при што е уапсена една ученичка, соопшти британската полиција. Според британските медиуми, повредените се здобиле со повреди кои одговараат на убоди од нож.

На местото на настанот биле испратени голем број полициски и медицински екипи, а над училиштето бил забележан и хеликоптер.

Училиштето „Ко-оп Академи Блекли“ веднаш било ставено под безбедносна блокада, а родителите биле известени дека објектот е затворен од безбедносни причини.

Полицијата соопшти дека е уапсена една ученичка и дека во моментов не се верува оти постои поширока закана за учениците и за вработените.

„Полицијата реагира на инцидент во училиште на улицата Плант Хил Роуд во Блекли, каде што е уапсена една ученичка. Три лица се повредени, но во овој момент не се верува дека нивните повреди се сериозни“, соопшти полицијата.

Според полицијата, уапсената ученичка има 14 години. Во болница се пренесени 14-годишно девојче, 14-годишно момче и 27-годишен наставник. Девојчето се здобило со повреда на рамото, момчето на увото, додека наставникот бил избоден во вратот. Сите се во стабилна состојба и повредите не се сметаат за опасни по живот.

Според некои британски медиуми наставникот бил избоден во вратот додека ги спасувал учениците.

Од училиштето соопштија дека објектот веднаш бил ставен под безбедносна блокада и дека вработените брзо реагирале и ја совладале ученичката пред пристигнувањето на полицијата. Наставата ќе продолжи нормално од среда, а за учениците ќе биде обезбедена психолошка поддршка.

Локалните власти ги повикаа граѓаните да ја избегнуваат областа околу училиштето додека трае интервенцијата.

Еден родител на социјалните мрежи напиша дека учениците биле заклучени во училниците како мерка на претпазливост.

„Мојот син е во деветто одделение. Ми се јави и ми кажа дека децата се заклучени во училниците. Безбедни се“, напиша една мајка на Фејсбук.

The post КРВАВ ИНЦИДЕНТ ВО УЧИЛИШТЕ ВО МАНЧЕСТЕР Уапсена ученичка, наставник избоден во вратот appeared first on plusinfo.mk.

Борбени авиони на НАТО соборија беспилотно летало откако навлезе во воздушниот простор на Летонија, соопшти денеска летонската армија.

Според воените власти, станува збор за странско летало кое завршило во летонскиот воздушен простор како последица на „руско електромагнетно војување“.

Во првичните информации не се наведени дополнителни детали за потеклото или за типот на леталото.

Претходно, жителите на неколку источни региони беа предупредени за можна закана од воздух, а во две области им беше препорачано да побараат засолниште. По соборувањето на дронот, тревогата беше укината.

Летонија, членка на НАТО и на Европската Унија, која граничи со Русија и со Белорусија, во последните месеци бележи зголемен број инциденти со беспилотни летала.

Во повеќе наврати дронови што Украина ги користела за напади врз цели во северозападна Русија навлегле во воздушниот простор на балтичката држава и се урнале на нејзина територија.

Досега не се регистрирани поголеми материјални штети или човечки жртви. Сепак, ваквите инциденти предизвикаа политичка криза во Летонија и доведоа до промена на владата.

The post АВИОНИ НА НАТО СОБОРИЈА ДРОН НАД ЛЕТОНИЈА Прогласена тревога во неколку источни региони appeared first on plusinfo.mk.

Атина тврди дека вооружени турски борбени авиони повеќепати го прекршиле грчкиот воздушен простор, а еден инцидент довел до симулирана воздушна борба. Имено, два грчки F-16 и два турски F-16 имале блиска средба во подрачјето меѓу островите Лемнос и Лезбос, пренесе денес Катимерини, повикувајќи се на изјави на грчки официјални лица.

Како што се наведува, овој судир е трет од ваков вид од почетокот на 2026 година, а претходните инциденти беа забележани на 26 март и на 12 мај. Грчките власти соопштија дека во понеделникот биле регистрирани вкупно 10 кршења на воздушниот простор.

Во тоа време немало воени вежби во поширокиот североисточен егејски регион, бидејќи вежбата „ЕФЕС 2026“ на турските сили заврши на 22 мај. Официјалните лица во Атина внимателно следат дали овој последен инцидент сигнализира турска тактика или пак станува збор за изолиран случај.

Министерот за надворешни работи на Грција Јоргос Герапетритис одговарајќи во парламентот на прашања поврзани со дискусиите околу доктрината „Сина татковина“, изјави дека меѓународното право бара договор меѓу соседните држави за разграничување на ексклузивната економска зона.

– Едностраните акции немаат апсолутно никакви правни последици, непотребни се и создаваат тензии – оцени Герапетритис.

The post ДВА ТУРСКИ И ДВА ГРЧКИ ВОЕНИ АВИОНИ ЗА МАЛКУ ЌЕ СЕ „СПУКАА“ ВО ВОЗДУХ Грција обвинува за провокации appeared first on plusinfo.mk.

Два руски борбени авиони „повеќепати и опасно“ пресретнале невооружен извидувачки авион на Кралското воено воздухопловство на Обединетото Кралство (РАФ) над Црното Море минатиот месец, соопшти во средата британското Министерство за одбрана.

Рускиот ловец Су-35 се приближил до извидувачкиот авион „Ривет Џоинт“ толку близу што се активирале неговите системи за итни случаи, што довело до исклучување на автопилотот.

Вториот авион, Су-27, извршил шест прелети пред британското летало, приближувајќи се на само шест метри од неговиот нос, пренесува Би-би-си.

Британскиот министер за одбрана Џон Хили го пофалил „исклучителниот професионализам“ на екипажот на Кралското воено воздухопловство за време на, како што навел, „неприфатливите“ руски прелети. Министерството за одбрана тврди дека станува збор за најопасниот руски потег од 2022 година, кога руски пилот испукал проектил кон авион „Ривет Џоинт“ над Црното Море.

Хили навел дека авионот „Ривет Џоинт“ извршувал рутински меѓународен лет со цел зајакнување на безбедноста на источното крило на НАТО.

Осудувајќи го пресретнувањето во воздух, Хили изјави:

– Овој инцидент е уште еден пример на опасно и неприфатливо однесување на руските пилоти кон невооружен авион кој дејствува во меѓународен воздушен простор. Таквите постапки создаваат сериозен ризик од несреќи и можна ескалација.

Министерот нагласи дека инцидентот нема да влијае врз британската посветеност на одбраната на НАТО, на сојузниците и на сопствената заштита од руската агресија.

Британското Министерство за одбрана и Министерството за надворешни работи ја повикале руската амбасада да го осуди инцидентот.

Од министерството наведуваат дека најновите пресретнувања се случуваат во период на зголемена руска активност во регионот, посочувајќи и на неодамнешни активности на руски подморници во близина на клучна британска подводна инфраструктура во Северното Море.

A @RoyalAirForce Rivet Joint aircraft operating in international airspace over the Black Sea was dangerously intercepted by Russian military jets – flying as close as six metres and triggering onboard emergency systems.

Despite these reckless manoeuvres, RAF crew completed their… pic.twitter.com/QyUP7dE4OJ

— Ministry of Defence (@DefenceHQ) May 20, 2026

The post ДРАМА ВО МЕЃУНАРОДНИОТ ВОЗДУШЕН ПРОСТОР НАД ЦРНОТО МОРЕ Руски Сухоу пресретнале невооружен британски воен авион appeared first on plusinfo.mk.

Инцидент со закани и физички напад на сточен пазар во скопската општина Гази Баба бил пријавен во полиција, откако, според пријавата, 46-годишен скопјанец и неговиот татко биле нападнати поради наводни долгови.

Случајот во СВР Скопје го пријавил Д.Г.(46), кој навел дека инцидентот се случил утрото околу 08:45 часот, на сточниот пазар во Гази Баба.

Според пријавеното, лицето Н.А. прво упатило закани со пиштол, а потоа физички ги нападнало Д.Г. и неговиот татко. Во нападот двајцата се здобиле со повреди.

Од полицијата информираат дека се преземаат мерки за целосно расчистување на случајот и утврдување на сите околности околу инцидентот.

The post ДРАМА НА СТОЧЕН ПАЗАР ВО СКОПЈЕ Закани со пиштол и напад врз татко и син appeared first on plusinfo.mk.

Во тетовското село Бозовце вчера попладне се случил инцидент во кој пешак бил удрен од возило, а потоа следел и обид за физички напад.

Според пријавата во полиција, 29-годишен маж од селото Бозовце стоел на тротоар на улицата Љуботенска кога џип со тетовски регистарски таблички, управуван од 60-годишен жител на Мала Речица, со зголемена брзина се упатил кон него и го удрило на левата нога и левата рака.

По судирот, возачот излегол од возилото и се обидел физички да го нападне повредениот пешак, но тој успеал да побегне.

Повредениот веднаш се упатил во Клиничката болница во Тетово за медицинска помош.

Полицијата работи на расчистување на случајот.

The post ЏИП УДРИ ПЕШАК ВО ТЕТОВСКО Возачот излегол од возилото и се обидел да го претепа appeared first on plusinfo.mk.

Инцидентот се случил на самиот почеток од настапот на израелскиот претставник Ноам Бетан. Од публиката јасно можеле да се слушнат извиците „Не за геноцидот“ и „Слобода за Палестина“, а бројни обожаватели во салата сведочат дека Бетан бил пречекан, но и испратен, со гласни свирежи.

Набрзо, на интернет се појавија видеа на кои се гледа како обезбедувањето се приближува кон млад човек со натпис „Слободна Палестина“ на грбот. По неуспешниот обид да го замолчат, еден од обезбедувачите грубо го собори на подот.

Додека другите посетители во непосредна близина ја гледаа ситуацијата во шок без никаква конкретна реакција, во позадина сè уште можеа да се слушнат зборови на поддршка за Палестина.

Покрај споменатиот млад човек, објавени се и снимки од најмалку уште две лица како се отстрануваат од публиката, додека извикуваат слични слогани за време на преносот во живо.

A protester against Israel was arrested inside the arena during Israel performance pic.twitter.com/m8f7bCvdGT

— Eurovision News (@EurovisionNewZ) May 12, 2026

Овој настан предизвика лавина од реакции на социјалните мрежи, предизвикувајќи жестока дебата за ставот на организаторите кон политичките пораки на ова музичко натпреварување.

Додека некои во јавноста го оправдуваат безбедносниот потег повикувајќи се на строгите правила на Европската радиодифузна унија (EBU) за аполитичност, други остро ја осудуваат оваа употреба на сила.

Да се потсетиме, тензиите во Виена беа присутни и пред почетокот на првото полуфинале, кога пред салата се одржаа протести против учеството на Израел.

The post 🎥 ИНЦИДЕНТ ЗА ВРЕМЕ НА НАСТАПОТ НА ИЗРАЕЛ НА ЕВРОВИЗИЈА Обезбедувањето насилно го замолкна демонстрантот appeared first on plusinfo.mk.