Триесет и шестгодишна скопјанка пријавила во полиција дека нејзината петгодишна ќерка ѝ кажала дека била физички нападната од негувателка во градинка во населбата Хром.

Според информациите од полицискиот билтен, мајката вчера во 11:30 часот пријавила во СВР Скопје дека на 14 август, откако ја земала својата ќерка од градинката, детето ѝ кажало дека негувателката ја стиснала за ногата.

Мајката во пријавата навела дека детето ѝ кажало оти било удрено од негувателката.

Од Министерството за внатрешни работи информираат дека се преземаат мерки за расчистување на случајот.

Засега нема дополнителни информации за околностите на настанот, ниту за евентуални повреди кај детето.

The post ИНЦИДЕНТ ВО ГРАДИНКА ВО ХРОМ Мајка пријавила дека негувателка физички ја нападнала ќерка ѝ appeared first on plusinfo.mk.

Против две 33-годишни лица од Берово е поднесена кривична пријава поради инцидент во детска градинка, соопшти Министерството за внатрешни работи.

Надворешната канцеларија за криминалистички работи Берово поднела пријава против С.Д.(33), вработена во Општинската јавна установа за деца – градинка во Берово, поради постоење основи на сомнение за сторено кривично дело „насилство врз дете“.

Според пријавеното, инцидентот се случил на 6 јули 2026 година во просториите на градинката, кога С.Д. наводно згазнала на прст од раката на малолетно дете.

Во истиот случај, кривична пријава е поднесена и против А.Д.(33) од Берово, поради постоење основи на сомнение за сторено кривично дело „загрозување на сигурноста“.

Од МВР информираат дека второпријавениот во истата установа упатувал закани кон првопријавената.

Од полицијата не соопштуваат дополнителни детали за случајот, а за настанот и евентуалната одговорност на пријавените ќе одлучуваат надлежните институции.

The post ИНЦИДЕНТ ВО ГРАДИНКА ВО БЕРОВО Вработена пријавена дека згазнала на прст од раката на дете, родителот ѝ се заканувал appeared first on plusinfo.mk.