СВР Скопје брзо го расчисти случајот со денешниот пожар на две возила на Амбасадата на Република Бугарија во Скопје, при што е пронајден и лишен од слобода сторителот.

Како што информираат од полицијата, веднаш по пријавата која пристигнала на 15.06.2026 во 12:13 часот, биле преземени интензивни мерки и активности за откривање на лицето кое го подметнало пожарот.

Во краток временски период, полицијата идентификувала и пронашла 44-годишен скопјанец со иницијали И.Д., за кој постои основано сомнение дека го извршил делото. Тој е лишен од слобода и задржан во полициска станица.

При претрес и оперативни дејствија, полициските службеници ја пронашле и облеката што осомничениот ја носел во моментот на извршување на делото, што дополнително ќе биде предмет на вештачење.

Од СВР Скопје посочуваат дека во координација со надлежен јавен обвинител се преземаат мерки за целосно расчистување на случајот, по што против лицето ќе биде поднесена кривична пријава по итна постапка.

The post 44-ГОДИШЕН СКОПЈАНЕЦ ГИ ОПОЖАРИ БУГАРСКИТЕ ВОЗИЛА Брза реакција на полицијата, приведен сторителот appeared first on plusinfo.mk.

Пожар избувнал зад станбена зграда на улицата 11 Октомври во Центар, откако две лица претходно ги вознемирувале станарите и им ја земале поштата.

Според пријавата во СВР Скопје, инцидентот се случил на 6 мај околу 06.40 часот. Двете лица оделе низ зградата и тропале по вратите на станарите. Од поштенските сандачиња ја земале и пристигнатата пошта.

Потоа бил предизвикан пожар во дворот зад зградата.

Повредени лица нема. Од пожарот биле опожарени дрвени предмети поставени пред и во влезот на зградата.

Полицијата презема мерки за расчистување на случајот.

The post ИМ ТРОПАЛЕ ПО ВРАТИ ПА ЗАПАЛИЛЕ ПОЖАР ЗАД ЗГРАДАТА Инцидент вознемири станари во Центар appeared first on plusinfo.mk.

Полицијата вчера попладне привела 55-годишен маж во кругот на Комплексот клиники „Мајка Тереза“ во Скопје, откако претходно упатувал сериозни закани кон друго лице и неговото семејство.

Инцидентот се случил околу 13:30 часот. Според информациите од Министерството за внатрешни работи, мажот прво вербално му се заканувал на 59-годишен скопјанец, а потоа извадил и остар предмет со кој продолжил да се заканува.

Полицијата интервенирала по пријава и го привела осомничениот на местото на настанот.

Од МВР информираат дека случајот се документира и дека против приведениот ќе биде поднесена соодветна пријава.

Засега нема информации за повредени лица.

The post СО НОЖ СЕ ЗАКАНУВАЛ ВО КРУГОТ НА КЛИНИКИТЕ Полицијата приведе насилен маж во комплексот „Мајка Тереза“ appeared first on plusinfo.mk.

Пет лица се приведени по физичка пресметка што синоќа се случила на Меѓународниот аеродром Скопје, информираше Министерството за внатрешни работи. Настанот бил пријавен во 21:40 часот во СВР Скопје, по што полицијата веднаш интервенирала.

Инцидентот се случил околу 21:35 часот, кога по претходно недоразбирање, бил нарушен јавниот ред и мир со тепачка во која учествувале Ш.Б. (44) и С.Б. (38) од една страна, и С.Љ. (22), И.Љ. (51) и Л.Љ. (24) од друга страна – сите од Тетово.

„Сите инволвирани се идентификувани и приведени. По целосно документирање на случајот ќе следуваат соодветни поднесоци“, велат од МВР.

Од полицијата потврдуваат дека нема пријавени тешко повредени лица, но инцидентот предизвикал вознемиреност кај присутните патници на аеродромот.

The post ВОЗНЕМИРУВАЧКИ СЦЕНИ НА СКОПСКИОТ АЕРОДРОМ Петмина тетовци се фатија за гуша, полицијата ги приведе appeared first on plusinfo.mk.