Општините Тетово, Гостивар, Желино и Чаир донеле одлука тие да ја финансираат иницијативата за основање на албанската Академија на науките и уметностите. Оваа одлука е чекор кон реализирање на проектот што е наменет за промоција и развој на албанската наука и култура во земјата.

Иницијативата за албанската Академија е поддржана од градоначалниците на овие општини, кои истакнуваат дека со ова вложување се обезбедува важен простор за научна работа и културна афирмација на албанската заедница.

Билал Касами, градоначалникот на Тетово, денеска изјави дека создавањето на ваква институција е долгоочекуван чекор кон зајакнување на албанскиот идентитет.

– Време е нашата заедница да има институција која ќе се грижи за нашето културно и научно наследство. Поддршката од општините е само првиот чекор – рече Касами, посочувајќи на неопходноста од вложување во науката и културата како основни столбови на развојот.

Поддршката на општините е сигнал за значајноста на овој проект, кој се очекува да има влијание не само на локално, туку и на национално ниво. Академијата ќе ги вклучува најистакнатите албански интелектуалци, истражувачи и уметници, со цел создавање на дела што ќе придонесат за научниот и културниот капитал на Албанците во Македонија.

Одлуката да се поддржи оваа академија доаѓа во време на контроверзии и расправи околу улогата на етничките институции во земјата. Поддржувачите велат дека ова ќе отвори нови можности за промоција на албанската заедница, додека дел од јавноста ја прашува оправданоста на ваквите иницијативи. Општините, сепак, се убедени дека оваа инвестиција ќе има долгорочен позитивен ефект.

Коалицијата „Вреди“ од албанскиот блок веќе извесно време ја бранува политичката сцена со идејата за формирање на паралелна Албанска академија на науките и уметностите, што не наиде на поддршка кај останатите коалициони партнери и кај опозицијата. Тие изминатиов периов во повеќе наврати порачаа дека науката не треба да се поларизира и етнизира, а  МАНУ треба да остане единствена институција во која членуваат реномирани научници од сите етнички заедници. Ова е ставот зад кој застанаа и академици од МАНУ.

The post АЛБАНСКА АКАДЕМИЈА ЌЕ ИМА, ЗА ПОЧЕТОК СО ОПШТИНСКИ ПАРИ Тетово, Гостивар, Желино и Чаир ќе ги одврзат ќесињата appeared first on plusinfo.mk.

– Норвешка е подготвена да донесе одлука за признавање на палестинската држава. Таа одлука мора да се донесе врз основа на време и контекст, во тесна соработка со истомислениците. Не одредивме конкретен датум – изјави Стјоре во Осло на заедничката прес-конференција со Санчез.

Норвешкиот парламент во ноември усвои предлог со кој се бара од владата да биде подготвена да признае независна палестинска држава.

Норвешка, исто така, беше домаќин на првите израелско-палестински мировни разговори на почетокот на 1990-тите, кога беше постигнат договор, но не беше спроведен, за мирен соживот меѓу двете независни држави.

Шпанскиот премиер Педро Санчез,  ја започна неодамна најавената мини турнеја низ неколку земји од Европската унија во кои лобира за признавање на палестинска држава. Агендата на Санчез вклучува средби со премиерите на Норвешка, Ирска, Португалија, Словенија и Белгија, со фокус на позицијата на ЕУ за војната меѓу Израел и Хамас во Појасот Газа.

– Шпанија е јавно посветена да ја признае палестинската држава што е можно поскоро, кога ќе се поволни условите и на начин што ќе има најсилно можно позитивно влијание врз мировниот процес – рече Санчез во Осло.

Според шпанските медиуми кои го придружуваа Санчез на неговата турнеја низ Јордан, Саудиска Арабија и Катар минатата недела, шпанскиот премиер тогаш го спомена крајот на јуни како можен датум за признавање на палестинската држава.

– Ја поздравувам иницијативата на премиерот Санчез да се консултира со истомислениците за да се зајакне координацијата, а таа координација ќе ја зајакнеме во наредните недели –  рече норвешкиот премиер.

Санчез инаку е многу критичен кон ставот на израелската влада на чело со Бенјамин Нетанјаху од почетокот на конфликтот во Газа.

Во март, Шпанија, Ирска, Малта и Словенија објавија дека ќе работат заедно за да ја признаат палестинската држава.

Европската иницијатива за поризнавање на палестинската држваа предивика негативни реакции во Израел, кој им порача на овие земји од ЕУ дека нивната иницијатива ќе биде „награда за тероризмот“ што ќе ги намали шансите за договорено решение на конфликтот меѓу повеќе генерации.

The post НОРВЕШКА Е ПОДГОТВЕНА ДА ЈА ПРИЗНАЕ ПАЛЕСТИНСКАТА ДРЖАВА Израел бесен на европската иницијатива за Палестина appeared first on plusinfo.mk.