На почетокот од снимката се гледа како гости седат во мирна атмосфера на терасата од едно локално кафуле. Потоа се забележува како едно лице вооружено со пиштол тргнува кон маса на која седат двајца гости, пука, а потоа по неуспешниот напад бега, по што нападнатите го бркаат.

Двајцата гости се враќаат во локалот, но исто така и напаѓачот, кој повторно доаѓа овојпат со рачна бомба којашто ја фрла, а експлозијата е снимена од надзорната камера.

 

View this post on Instagram

 

A post shared by MOJ BEOGRAD (@moj_beo_grad_)

Во описот на видеото поставено на Instagram страницата Moj Beograd се наведува дека извесен Драган К. е тешко повреден кога Зоран Р. ја фрлил рачната бомба, а оти претходно во ранетиот било пукано од пиштол, но напаѓачот од непосредна близина промашил.

– Тој пукаше ненадејно, веднаш штом дојде. Се сокривме, но напаѓачот се врати и ја фрли бомбата. Уште поголем шок беше тоа што Драган, кој беше повреден, сам отиде на лекар, а потоа се врати во кафулето да пие пиво – вели очевидец на престрелката и бомбашкиот напад во кафулето во Инџија.

Според локалните медиуми, ранетиот со повреди на вратот сам се пријавил во болница, а по напаѓачот по случката бил уапсен од страна на полицијата.

За потсетување, Зоран Р. ќе одговара за постоење основи на сомнение дека извршил обид за убиство, предизвикување општа опасност и недозволено изработување, држење, носење и тргување со оружје и распрскувачки материи, а ќе биде изведен пред Вишото јавно обвинителство во Сремска Митровица од страна на полицијата.

 

View this post on Instagram

 

A post shared by 192.RS (@192_rs)

The post УЖАС ВО ИНЏИЈА Прво пукал во човек, а потоа фрлил бомба (ВИДЕО) appeared first on plusinfo.mk.