– Доколку не се појави нова варијанта на вирусот, против која вакцинацијата не штити, што е малку веројатно, тогаш пандемијата ќе ја надминеме на пролет и ќе можеме да се вратиме во нормала – рече министерот за „Аугсбургер Алгемајне“.

Имунитетот на стадо секогаш се постигнува, единственото прашање е дали преку вакцинација или преку инфекција.

– Вакцинацијата е дефинитивно најсигурниот начин да се стигне дотаму – рече Шпан.

Од 11 октомври, оние што сакаат да направат брз тест за коронавирус, ќе треба сами да платат за тоа. Обично тестовите се бесплатни за луѓето кои не можат да се вакцинираат, вклучително и за децата под 12-годишна возраст. Постојат исклучоци за младите луѓе на возраст од 12 до 17 години и за бремените жени. До 31 декември тие ќе може да се тестираат бесплатно најмалку еднаш неделно. Причината е што општата препорака за вакцинација од Постојаниот комитет за вакцинација дури од скоро е достапна, така што треба да има повеќе време за вакцинација.

Според регулативата, децата кои сѐ уште не наполниле 12 години или кои наполниле 12 години во последните три месеци пред тестот, обично можат да продолжат да се тестираат бесплатно. Тестовите остануваат бесплатни, меѓу другото, и за луѓето на кои им е потребен тест за да го прекинат карантинот поради инфекција со коронавирусот.

The post АКО НЕ СЕ ПОЈАВИ НОВ СОЈ Германија прогнозира крај на пандемијата на пролет appeared first on plusinfo.mk.

Русија разви „имунитет на стадо“ против ковид-19 и покрај релативно ниската стапка на инфекција во споредба со другите земји, изјави денеска шефицата на Руската федерална служба за надзор на заштитата на правата на потрошувачите и благосостојбата на луѓето, Ана Попова.

– Нашата економија функционира, сите индустрии функционираат, научивме да работиме и развивме имунитет на стадо и покрај релативно ниската стапка на инфекција во споредба со другите – рече Попова за време на сесијата со водечките епидемиолози и вирусолози, пренесува ТАСС.

Таа рече дека Русија во моментов е на 60. место во светот според бројот на заразени на 100.000 жители.

The post Попова тврди дека Русија развила „имунитет на стадо“ appeared first on plusinfo.mk.

Некои дански епидемиолози сметаат дека Швеѓаните се на пат да ја победат инфекцијата со коронавирус во нивната земја, благодарение на создавањето на т.н. имунитет на стадо. Цената за ова беше големиот број заразени и смртни случаи во почетокот на пандемијата.

Додека поголемиот дел од светот се подготвува за вториот бран на пандемијата, честопати оспоруваната епидемиолошка стратегија во Шведска бележи добри резултати. Истакнатиот дански епидемиолог Ким Снепен процени дека Шведска е на работ да ја запре епидемијата, затоа што постигнала доволно ниво на имунитет на стадото кон коронавирусот.

– Постојат индиции дека Швеѓаните се здобиле со ниво на имунитет на болеста, што заедно со епидемиолошките мерки што се применуваат таму, се доволни за да се спречи нејзиното ширење – изјавил професорот од Институтот „Нилс Бор“ во Копенхаген за весникот „Политикен“.

Во Шведска од почетокот на епидемијата до сега починаа околу 5.900 луѓе, а во Данска само 635. Но, сега во Шведска има 23 нови случаи на 1 милион популација, што е импресивен резултат во споредба со Данска, каде има 61 нов случај 1 милион луѓе популација.

Македонија речиси секој ден има повеќе од 70 новозаразени на 1 милион популација.

The post Швеѓаните постигнаа „имунитет на стадо“, ковид-19 во Шведска е пред пораз?! appeared first on plusinfo.mk.