Сенатот на САД денеска со 54 гласа „за“ и 45 „против“ го потврди изборот на 48-годишниот сенатор од Оклахома, Марквејн Мулин, за нов министер за внатрешна безбедност.

Мулин, кој е поранешен борец во мешани боречки вештини (ММА) и успешен бизнисмен од редовите на Републиканската партија, зад себе има десетгодишно искуство во Претставничкиот дом и тригодишен мандат во Сенатот. Неговото именување доаѓа по ненадејното разрешување на претходната министерка Кристи Ноам од страна на претседателот Доналд Трамп на почетокот на овој месец.

Ноам, која првично беше фаворит на Трамп, се соочи со низа контроверзии поврзани со агресивната имиграциска политика. Таа беше под силен притисок на јавноста поради радикалните операции на Бирото за имиграција и царина (ICE), кое е под надлежност на нејзиното Министерство. На почетокот на оваа година, двајца американски државјани беа убиени од страна на службеници на ICE во два одделни инциденти при употреба на огнено оружје. Дополнително, нејзиниот јавен имиџ беше нарушен од скапа рекламна кампања, како и од извештаите за интимна врска со еден од нејзините соработници.

Сојузникот на Трамп, Мулин, важи за прагматичен лидер и веќе најави поумерен пристап во споредба со неговата претходничка.

За време на сослушувањата пред потврдувањето, тој призна дека е пријател со Ноам, но истакна дека нивните стилови на раководење значително се разликуваат. Сепак, пред Мулин е тежок предизвик – да ја спроведе строгата политика на Трамп за депортации, а притоа да се обиде да ги избегне негативните реакции од пошироката јавност.

The post ПОРАНЕШЕН ММЕ БОРЕЦ НА МЕСТОТО НА КРИСТИ НОАМ Марквеј Мулин избран за нов министер за внатрешна безбедност на САД appeared first on plusinfo.mk.

Според ОВР Струга, Мерко во јануари 2022 година незаконски именувал в.д. директор на основно училиште, иако кандидатката не ги исполнувала условите според Законот за основно образование, не го положила испитот за директор и немала соодветен сертификат за англиски јазик. Со ова назначување, кандидатката стекнала неправедна парична корист од околу 1.390.536 денари, или близу 23.000 евра.

„ОВР Струга поднесе кривична пријава против Р.М.(67) од Струга, поради постоење основи на сомнение за сторено кривично дело Несовесно работење во службата. Тој, на 17.01.2022 година, во својство на градоначалник на општина Струга, спротивно на законските прописи, донел решение за избор и именување на вд директор на училиште во Струга. Тоа, го направил, иако знаел дека кандидатката што ја наименувал, не исполнувала низа услови од Законот за основно образование, не го положила испитот за директор во утврдениот законски рок и не поседувала соодветен сертификат за познавање на англиски јазик. Пријавениот, и покрај тоа, и овозможил да добие решение и противправно да оствари парична корист во износ од 1.390.536 денари за вршење на работни задачи како вд директор и како директор на училиштето“, се вели во соопштението од ОВР Струга.

The post ДИРЕКТОРКАТА ШТО МЕРКО ЈА ПОСТАВИЛ НЕЗАКОНСКИ „ЗАРАБОТИЛА“ 23.000 ЕВРА Струшкиот градоначалник кривично ќе одговара appeared first on plusinfo.mk.

Претходно Владата го разреши од должноста досегашниот директор на АНБ, Зарко Милошевски.

Христовски има повеќегодишно искуство во безбедносните институции.

Извесно време бил директор на „Паркинзи Скопје“, а на директорската позиција доаѓа од МВР.

The post АНБ ДОБИ НОВ ДИРЕКТОР Бојан Христовски ќе го замени Зарко Милошевски appeared first on plusinfo.mk.

Владината прес-служба соопшти дека Зоран Пејковски, на предлог на министерот за култура е именуван за директор на Културно – информативниот центар на Република Северна Македонија во Софија, Република Бугарија.

Африм Идризи на предлог на директорот на Управата за извршување на санкции е именуван за в.д. заменик директор на КПД Затвор Скопје, а Билјана Стефаноска е именувана за вршител на должноста директор на Агенција за промоција и поддршка на туризмот.

Јетон Сума е именуван за директор на Службата за просторен и информативен систем, Пеце Стојковски за вршител на должноста директор на Агенцијата за поттикнување на развојот на земјоделството – Битола, а Ерол Абдиу за вршител на должноста заменик директор на Агенцијата за поттикнување на развојот на земјоделството – Битола.

Блерим Сулејмани е именуван за вршител на должноста заменик директор на Дирекцијата за технолошки индустриски развојни зони, Кашмир Салиу за вршител на должноста заменик на директорот на Дирекцијата за заштита и спасување, а Фикрет Шабани за вршител на должноста директор на Управа за електронско здравство.

The post ВЛАДАТА ИМЕНУВАШЕ НОВИ ДИРЕКТОРИ Боцевски назначен за специјален претставник на Владата при унгарското претседателство со ЕУ appeared first on plusinfo.mk.

Владата на Република Северна Македонија на денешната трета седница донела одлука за именување нови кадри и разрешување од должност на национални координатори.

Во однос на нови именувања во државните институции, соопшти владината прес-служба, на седницата е донесена одлука за назначување на Васе Анакиев ва вршител на должноста директор на Државниот инспекторатот за земјоделство.

Весела Честоева, се именува за вршител на должноста директор на Управата за заштита на културното наследство.

Иван Живковски се именува за в.д. директор на Агенцијата за катастар на недвижности.

Данијел Апостолоски се избира за управител на Друштво за изградба, управување и издавање на повеќенаменска Сала Борис Трајковски ДООЕЛ Скопје.

Владата го именува Амет Зибери за в.д. заменик на директорот на Агенцијата за катастар на недвижности, а Даут Мемеши за в.д. директор на Бирото за регионален развој.

Рефик Џемаили се именува за в.д. директор на Агенција за странски инвестиции и промоција на извозот на Република Северна Македонија, додека Александар Донев се именува за в.д. директор на Управа за сигурност во железничкиот систем.

Диме Ратајкоски, на предлог на министерот за култура се именува за директор на Културно-Информативен Центар на Република Северна Македонија во Истанбул, Република Турција.

Мими Ѓоргоска Илиевска, пак на предлог на министерот за култура се именува за директор на Културно-Информативен Центар на Република Северна Македонија во Загреб, Република Хрватска.

На предлог на министерот за култура, како што се наведува во соопштението, Васко Шутаров, се именува за директор на Културно-Информативен Центар на Република Северна Македонија во Белград, Република Србија.

Владата ги разреши националните координатори Владимир Пивоваров од должноста в.д. координатор на Националниот координативен центар за гранично управување, Неби Бејадин се разрешува од должноста в.д. заменик координатор на Националниот координативен центар за гранично управување, а Борче Мирчески се разрешува од должноста в.д. Национален координатор за медијација.

На владината седница Фатмир Ејупи е разрешен од должноста Национален координатор за социјална заштита и процес на деинституционализација, Бедри Бехадини се разрешува од должноста Национален координатор за информатика и енергетика, Фатон Асани се разрешува од должноста Национален координатор за соработка со дијаспора, додека Рамадан Рамадани се разрешува од должноста Национален координатор за кохезија.

Во соопштението се додава дека Владимир Симоновски се разрешува од должноста Национален координатор за имплементација на Националната платформа за намалување на ризици од несреќи и катастрофи на Република Северна Македонија, Златко Апостолоски се разрешува од должноста Национален координатор за спречување на насилен екстремизам и борба против тероризам, Џеладин Тефик Ајвази се разрешува од должноста заменик национален координатор за спречување на насилен екстремизам, а Златко Арсов се разрешува од должноста заменик национален координатор за борба против тероризам.

Роберт Алаѓозовски денеска е разрешен од должноста Национален координатор за интеркултурализам, едно општество, развој на културата и меѓуресорска соработка, Магбуле Амети се разрешува од должноста Национален координатор за здравство, Маја Мосјова Мијовска, на предлог на министерот за здравство се разрешува од должноста Национален координатор за трансплантација, а Билјана Андоновска се разрешува од должноста заменик на националниот координатор за трансплантација.

На седницата на Влада била донесена одлука со која се направила пренамена во програмата за финансиска поддршка во земјоделството за 2024 година со која се обезбедуваат преку Министерството за земјоделство, шумарство и водостопанство 600 милиони денари за дополнителни директни плаќања за земјоделците за растително и сточарско производство кои до сега биле неисплатени.

Донесена е и одлука со која Министерството за транспорт и врски согласно програмата за капитални инвестиции става на располагање 6 милиони денари на општината Ѓорче Петров за изградба и реконструкција на патна инфраструктура.

The post ВЛАДАТА РАЗРЕШУВАШЕ, ПА НАЗНАЧУВАШЕ ДРУГИ Еве кои институции добија нови директори, управители и раководители appeared first on plusinfo.mk.

„Во прилог ви го доставувам извештајот на Комисијата за прашања на изборите и именувањата на Собранието на Република Македонија. Истовремено ве известувам дека согласно членот 29 став 1 од Изборниот законик во рок од три дена од денот на приемот на ова известување, најдоцна до 18 декември 2023 година до 16:30 часот, потребно е писмено да ми доставите предлог за член на Државната изборна комисија од листата доставена во прилог на извештајот“, се вели во писмото на Џафери.

The post ЏАФЕРИ ИМ ПОБАРА ДА ПРЕДЛОЖАТ ИМЕ Опозициските партии на Албанците ќе добијат место во ДИК appeared first on plusinfo.mk.

Град Скопје минатата недела објавии огласи со кои бара директори за ЈСП „Скопје“, „Градски паркинг“ и „Лајка“, а викендов на интернет страната се појавија огласи за избор на прв човек во „Водовод и канализација“ и на јавната установа Младински културен центар.

Во речиси двегодишниот мандат на градоначалничката Арсовска сменети се повеќе од 30 директори.

Ниту Град Скопје ниту Арсовска, а ниту управните одбори на претпријатијата и институциите опфатени са конкурсите, засега не даваат никакво објаснување која е потребата постојано да се именуваат, разрешуваат и прераспределуваат директорите од едно во друго претпријатие и каков е проблемот со актуелните директори или в.д. директори. Според постапките може да се заклучи дека на градоначалничката тешко ѝ се погодува некој на подолг рок.

Огласот за директор на „Водовод и канализација“, претпријатие со кое во моментов раководи Драган Илиевски, кој претходно беше директор на Зоолошката градина, трае само 7 дена од објавувањето, што значи до крајов на неделата, па заинтересираните кандидати имаат малку време да ги соберат и достават потребните документи. Во огласот се вели дека директорот се избира со мандат од 4 години, исто како што беше посочено во огласот објавен во јули годинава, со кој исто така се бараше директор на ова јавно претпријатие. На оваа функција остана Илиевски, откако претходно седум месеци беше в.д. директор.

Девет месеци в.д. директор на МКЦ е дипломираниот детектив Никола Алексов, чие назначување и разрешување на дотогашниот Ванчо Алексов, предизвикаа неколкудневни протести на дел од вработените, но и на вљубениците во културата и поддржувачите на независната културна сцена. Сега и тоа директорско место е на „оглас“.

„Покрај главните услови за пријавување, кои мора да бидат исполнети, како поседување меѓународен сертификат за познавање на англиски јазик, 5 години работен стаж во областа на културата или 5 години работно искуство на работи или проекти во областа на културата, врз основа на склучени договори за дело, потребно е кандидатите да поднесат и пријава со кратка биографија и програма за работа и развој на установата“, се вели во огласот на Град Скопје.

За ова расправаше и Државната комисија за спречување корупција од каде како незаконски ги оценија назначувањата на в.д. директорите на МКЦ и на Зоолошка градина. Антикорупционерите донесоа и одлука за поведување кривична постапка против градоначалничката Арсовска која ги именуваше, како и против именуваните, кои свесно постапувале спротивно на законските одредби.

Според ДКСК грешката на Арсовска е во тоа што, спротивно на законот, во МКЦ и во Зоолошката градина именувала лица кои не биле вработени во овие јавни установи, што е спротивно на чл. 31 од Законот за култура, кој предвидува именување на в.д. директори од редот на вработените во тие установи и со мандат од само 6 месеци.

Арсовска ја презеде градоначалничката позиција во ноември 2021 година, односно таа е на функција 22 месеци. Ова практично значи дека најмалку по едно претпријатие или установа месечно останувала без раководното место, а на негово место доаѓал друг.

Најмногу директори, дури четворица, се сменети во Градски паркинг, а по тројца директори биле сменети во Улици и патишта, Јавното сообраќајно претпријатие и Водовод и канализација, откако Арсовска е на челната позиција во главниот град.

Единствените институции кои се под ингеренции на Градот, а каде што Арсовска не сменила директор се Детскиот културен центар Карпош, Универзална сала и Домот на култура „Кочо Рацин“.

The post НИКОЈ НЕ Ѝ СЕ ПОГОДИ НА ГРАДОНАЧАЛНИЧКАТА Арсовска смени 36 директори за 22 месеци, сега бара пет нови appeared first on plusinfo.mk.

Базел, родниот град на 20-кратниот грен слем шампион Роџер Федерер, одби да именува улица по тенисерот, изјави топографот на швајцарскиот град Пол Хафнер за „Ројтерс”.

– Политиката на Базел е дека само мртвите луѓе можат да добијат плоштад или улица именувана по нив на овој начин, истакна Хафнер.

Во Базел веќе има трамвај кој го носи името на Федерер, а во тек се преговори за изградба на зграда во негова чест.

Четириесет и едногодишниот Федерер ја заврши кариерата оваа година откако на крајот на септември играше на Лејвер купот во Лондон.

Швајцарецот има 20 победи на Грен слем, 111 победи на АТП турнирите, два олимписки медали – златен во двојки и сребрен во сингл. Беше прв светски рекет 310 недели.

The post ЌЕ ПОЧЕКААТ ДА ПОЧИНЕ Базел одби да именува улица по Федерер appeared first on plusinfo.mk.

Британската кралица Елизабета Втора нема да може да отпатува од Шкотска, каде што моментално се наоѓа, во Лондон за да ги прими британскиот премиер Борис Џонсон и неговиот наследник во Бакингемската палата следниот вторник, потврдија денеска претставниците на кралицата.

Наместо тоа, според нив, Џонсон и неговиот наследник ќе ја посетат кралицата во замокот Балморал во Шкотска, каде таа е на летен одмор.

Ова ќе ја направи церемонијата закажана за 6 септември првпат кога британски премиер е назначен надвор од Бакингемската палата за време на 70-годишното владеење на кралицата Елизабета.

Причината за овој преседан е, судејќи според зборовите на функционерот цитиран од британските медиуми, да избегне „секакви алтернативи во последен момент во случај кралицата да има проблеми со движењето тој ден“.

Потсетуваме дека во претходните месеци кралицата имаше проблеми со подвижноста, поради што го откажа присуството на неколку важни настани.

Наследникот на Борис Џонсон како премиер ќе биде објавен на 5 септември.

Гласањето завршува во петок оваа недела, а резултатите ќе бидат објавени во понеделник. Во трката се актуелната министерка за надворешни работи Лиз Трас и министерот за финансии Риши Сунак, а Трас се смета за фаворит.

The post АЛАРМ ВО БРИТАНИЈА ПОРАДИ КРАЛИЦАТА Ова се случува првпат во текот на целото нејзино владеење appeared first on plusinfo.mk.

Во сите три документи: оној за земјава и документите за Хрватска и за Србија, се користи иста формулација околу именувањето на јазиците. Таа гласи:

„Северна Македонија (Хрватска, Србија) ќе треба да изготви превод на acquis на македонски (хравтски, српски) во соодветно време пред пристапувањето и ќе треба да обучат доволен број преведувачи неопходни за соодветно функционирање на институциите на ЕУ во моментот на пристапување“.

Еве како гласи формулацијата за македонски јазик во предлог-преговарачката рамка на С. Македонија:

Eве ја формулацијата за хрватскиот јазик во Преговарачката рамка на Хрватска:

Eве ја формулацијата за српски јазик во Преговарачката рамка на Србија:

The post КАКО НАШИОТ ЈАЗИК Е ПИШАН ВО ПРЕДЛОГОТ? Македонскиот е именуван исто како српскиот и хрватскиот при почетокот на преговорите за ЕУ appeared first on plusinfo.mk.