Во Министерството за односи меѓу заедниците работат 2.250 работници, каде што скоро 97% од вработените се Албанци, истакна вицепремиерот и министерот за односи меѓу заедниците Иван Стоилковиќ, кој вчера одговараше на прашањата поставени од пратеникот Илир Хасани од Европскиот фронт, а се однесуваа на тоа дека со Министерство порано раководеле Албанци заради политичка еднаквост.

Стоилковиќ кој претходно годинва објави како неговите претходници играле фудбал и спиеле во министерството, одговори на прашање од Хасани за избрканите службеници од работа, но и за поплаките за лошите услови во кои работеле вработените.

– Дваесет години го раководите Министерството, кое 20 години не е министерство, туку беше Секретаријат за спроведување на рамковниот договор, па дури последните години стана Министерство. Вие се повикавте дека тоа Министерство се грижело за еднаквоста на граѓаните. Кога ќе кажете такво нешто, а не го поткрепите со аргументи, тогаш работите стануваат сосема поинакви. Значи станува збор за Министерство со систематизација од 2.250 работници, каде што скоро 97% од вработените се Албанци. За каква еднаквост зборувате? Каде се тука припадниците на помалите етнички заедници, кои исто така се споменати во Рамковниот договор и за нив исто важи исто така принципот за правична застапеност. Претпоставувам дека ниту вие, ниту оние кои го воделе Министерството немаат одговор на ова прашање, затоа што ова не го спроведувале – вели Стоилковиќ.

Тој посочи дека пред десетина години кога Генерален секретар на Владата бил Кирил Божиновски добил кривична пријава и седум години е по судовите, бидејќи голем дел од примените работници не оделе на работа, а примале личен доход.

– И доколку вие сметате дека јас треба да продолжам по тој пат и тие што примаат плата, со години, а некои и со децении не оделе на работа да добијам кривична пријава и за време и дури подоцна да се плеткам по судови, мислам дека сте нашле погрешен човек – вели Стоилковиќ.

Вицепремиерот Стоилковиќ е дециден дека тој што прима плата мора и да оди на работа. Тој додаде дека ниту еден раководител не е поместен од својата работна позиција, туку дека само еден раководител е казнет со 20% на плата, бидејќи, како што рече, му подметнувал документи.

Стоилковиќ посочи дека за видео снимките кои беа објавени, а на кои се гледа како спијат вработени во канцеларија условите за работи им биле одлични, а не како што се жалеле дека немале никакви услови. Овој заклучок го донеле надлежните инспектори, кои дошле да направат увид. Тој повтори дека нема веќе седење по дома и да се прима плата и какошто рече „ако тоа е нечовечки однос, да прифаќам“.

Што се однесува за врските со Белград и Москва што ги има Стоилковиќ рече дека не е ништо спорно.

– За Москва ќе ве потсетам дека мојата ќерка живее таму, а вашиот министер со Лавров беше многу голем пријател, како што се сеќавам. Така што заборавете на инсинуациите. Што се однесува до Белград ќе ве потсетам дека ја почестивте македонската држава и македонската јавност на најголемиот христијански празник Божик со Тиранска платформа, па каде вие одевте вие во Авганистан или во Тирана. Каде да одам јас, во матичната држава или некаде на трето место – рече Стоилковиќ.

Тој повтори дека во ова министерство веќе нема играње на фудбал по канцелариите или пак спиење на работните места.

The post 20 ГОДИНИ ВОДЕЛЕ МИНИСТЕРСТВО, АМА СО НЕПРАВИЧНА ЗАСТАПЕНОСТ Стоилковиќ повтори дека нема повеќе фудбал во Министерството за односи меѓу заедниците appeared first on plusinfo.mk.

Пратеничката група на Европскиот фронт бара интерпелација на претседателот на Уставниот суд, Дарко Костадиновски. Пратеничка од Европскиот фронт вчера до претседателот на Собранието Африм Гаши го поднела предлогот за интерпелација.

Пратеникот Илир Хасани денеска на прес-конференција образложи дека интерпелацијата е поднесена за работата на Костадиновски врз основа на член 72, став 1 и став 2 од Уставот. Според Хасани, Костадиновски свесно го прекршил Законот за употреба на јазиците.

– Сакам да нагласам дека оваа иницијатива нема за цел да изврши притисок врз Уставниот суд, за разлика од другите претходни интерпелации кои беа јасно од политичка природа, туку има социјално и медиумско влијание. Нашата цел е да поведеме институционална дебата за фукционирање на оваа институција и улогата на нејзиниот претседател во почитување на Уставот и постоечките закони – рече пратеникот Хасани.

Од Уставниот суд велат дека претседателот Дарко Костадиновски останува на ставот дека нема да коментира политички изјави и постапки.

Според пратеникот Хасани, Костадиновски има предрасуди кон албанскиот јазик и го праша претседателот на Судот, што има против албанскиот јазик.

– Во причините за интерпелацијата може да споменеме интервју што е дадено за новинарската агенција МИА во август 2024 година, каде што вели, цитирам „политиката што ја создаде тој закон создаде еден вид правен хаос што резултираше со политички хаос, недоверба и дилема. Факт е дека законот се спроведува и дека создава проблеми со неговата имплементација“. Оваа изјава покренува неколку прашања: Врз основа на кој член од Уставот или кокретен закон претседателот на Уставен суд смее да карактеризира закон како извор на политички и правен хаос? Дали е во надлежност на претседател на Уставен суд да утврди проблеми во спроведување на законот и да предвиди законодавна интервенција? Ваквите изјави ги намалуваат рамките на надлежностите дефинирани со закон и создава серија сомнежи за непристрасноста на претседателот на Судот во случаи што уште се во фаза за разгледување – рече Хасани.

Пратеникот се повика и на други медиумски објави. Рече дека на новинарско прашање зошто  натписот зад говорницата на Уставниот суд е напишан само на македонски јазик, Костадиновски одговорил дека тоа се случува само поради носење на лоши закони и навел дека Законот за употреба на јазиците не го вклучува Уставниот суд.

– Оваа изјава е навредлива и изразува предрасуда за закон што е донесен од Собранието и се спроведува. Исто така ги прекршува одредбите од член 101 од Законот за Уставниот суд со кој се забранува јавно изразување став за случаи што се предмет на разгледување во Судот – рече Хасани.

Пратеникот вели и дека Костадиновски во барањето до Венециската комисија за мислење за законот го употребил терминот „малцинство“.

Интерпелацијата, според пратеникот не е со цел тој да се разреши од функцијата, туку да има политичко влијание и Костадовски да одговори на нивните обвинувања, особено што наскоро треба да се одржи седницата на Уставниот суд во врска со законот за употребата на албанскиот јазик. Хасани вели дека очекува од Костадиновски да присуствува на пленарната седница на која ќе се расправа за интерпелацијата.

Од Уставниот суд во врска со оваа иницијатива посочија дека веќе имаат соопштен официјален став за можноста за интерпелација на уставен судија. Во тој став е наведено дека Устав не предвидува никаква можност за разрешување на уставен судија ниту од страна на законодавната, ниту од извршната власт.

„Уставниот суд како орган на Републиката кој ја штити уставноста и законитоста, не подлежи на начелото на поделба на власта. Уставотворецот го поставил Уставниот суд над трите власти затоа што тој е контролор на нивните постапки акти и дејствија. Самостојноста и независноста на Уставниот суд и уставните судии имаат најсилна уставна гаранција. Уставот не му дозволува на Собранието со законски решенија на кој било начин да влијае на надлежностите, начинот на избор и престанокот на функцијата на уставните судии. Овластувањето на Собранието завршува со моментот на избор на уставните судии“, се вели во ставот на Судот, кој беше соопштен во март 2025 година.

Институтот „интерпелација“ предвиден во членот 72 од Уставот, во никој случај не се однесува и не може да се примени за уставните судии, се додава во мислењето од Уставниот суд.

„Во спротивно, се губи смислата на Уставниот суд и се прави тешка повреда на Уставот од причина што на тој начин се прави упад во четвртата т.н.уставно-судска власт, во самостојноста и во независноста на Уставниот суд. Основите за престанок на функцијата уставен судија се предвидени во членот 111 од Уставот. Секоја постапка или дејствие преземено надвор од оваа уставна одредба би претставувало грубо кршење на Уставот, повреда на уставните гаранции за самостојноста и независноста на Уставниот суд. Уставниот суд укажува, до сите државни органи, дека се должни да се придржуваат на, со Устав утврдените надлежности, бидејќи никој нема повеќе права од оние коишто Уставот му ги доделува. Секој е должен да ја унапредува уставната, правната и политичата култура како основи на едно демкратско општество. Секој е должен да го почитува Уставот“, се вели во официјалниот став на Уставниот суд за можноста за интерпелација на уставен судија.

The post ЕВРОПСКИОТ ФРОНТ ПОДНЕСЕ ИНТЕРПЕЛАЦИЈА ЗА ПРЕТСЕДАТЕЛОТ НА УСТАВНИОТ СУД Од Судот одговорија дека нема никаква можност за тоа appeared first on plusinfo.mk.

Досега официјално немаат доставено барање за свикување на итна седница. Затоа ќе нема став од претседателот на Собранието Џафери. Како и до сега претседателот Џафери не коментира политички изјави до моментот додека барањето не биде и официјално доставено-велат од Собранието.

Пратеникот од ВМРО-ДПМНЕ, Антонијо Милошоски најави дека пратеничката група на ВМРО-ДПМНЕ денеска ќе поднесе иницијатива за свикување итна седница на Собранието со две точки на дневен ред – Одлука за разрешување на министерот за здравство Венко Филипче и Одлука за разрешување на заменикот министер за здравство Илир Хасани.

– Нашето прашање до собраниското мнозинство и до Владата е уште колку луѓе треба живи да изгорат како пациенти за да се понесе политичка и објективна одговорност за ваквата трагедија којашто е резултат на неодговорноста на власта? – рече тој.

Милошоски потсети дека во Романија пред 5 дена се случи пожар во болница со загубени 5 човечки животи.

ВМРО-ДПМНЕ очекува претседателот на Собранието согласно членовите 67 и 68 да ја закаже седницата на Собранието во рок пократок од 10 дена, бидејќи смета дека оваа состојба е од итен карактер и треба итно да се разреши.

Опозициската партија веднаш по пожарот во модуларната болница во Тетово, во кој загинаа 14 лица побара Собранието да расправа за оставките на  министерот Филипче и на заменикот Хасани и тие да бидат  разрешени од функциите. Но, тогаш претседателот Џафери таа точка не ја стави на дневен ред на собраниската седница, бидејќи како што тогаш рече оставките сѐ уште не стасале во Парламентот и оттука нпратениците нема за што да рсаправаат,. По ова, опозициската ВМРО-ДПМНЕ ја напушти седницата, а Џафери бидејќи немаше кворум ја прекина пленарката.

The post ЏАФЕРИ ЧЕКА ОФИЦИЈАЛЕН ДОКУМЕНТ ЗА ИТНА СЕДНИЦА Потоа ќе одлучи дали Собранието ќе расправа за разрешување на Филипче и на Хасани appeared first on plusinfo.mk.

– Нашето прашање до собраниското мнозинство и до Владата е уште колку луѓе треба живи да изгорат како пациенти за да се понесе политичка и објективна одговорност за ваквата трагедија која што е резултат на неодговорноста на власта? – рече тој.

Пратеникот потсети дека во Романија пред 5 дена се случи пожар во болница со загубени 5 човечки животи.

– Во Македонија пред еден месец изгоре модуларната болница во Тетово, но во Романија падна целата Влада, а во Македонија падна продолжниот кабел со кој што премиерот Заев ја потценува интелигенцијата на сите граѓани и сака да ја сокрие одговорноста на неговиот инкасатор Венко Филипче, министер за здравство. Затоа сметаме дека зелената агенда на ДУИ и СДСМ, за жал, изгоре со тетовската модуларна болница, со која што изгоре и принципот за политичка и објективна одговорност на носителите на јавни функции кои што треба да се грижат за здравјето на граѓаните, а гледаме дека здравјето и животите на 14 луѓе беа колатерална штета на неодговорната власт – додаде Милошоски.

ВМРО-ДПМНЕ очекува претседателот на Собранието согласно членовите 67 и 68 да ја закаже седницата на Собранието во рок пократок од 10 дена, бидејќи смета дека оваа состојба е од итен карактер и треба итно да се разреши.

The post ИТНА СЕДНИЦА ЗА РАЗРЕШУВАЊЕ НА ФИЛИПЧЕ И НА ХАСАНИ Собранието има рок од 10 дена да ја закаже по барање на ВМРО-ДПМНЕ appeared first on plusinfo.mk.

– Внимателно ги прочитав наодите на истражителите за причините за несреќата во тетовската модуларна болница. Како што е јавно соопштено, со стручните наоди на вештачење е утврдено дека пожарот настанал како последица од електрична куса врска во приклучен кабел. Врз основа на овие и претходно добиените информации, сакам да ја известам јавноста, нема причини да се лоцира политичка или менаџерска одговорност кај министерот Филипче и заменик министерот за здравство Хасани – изјави Заев и додаде дека нема да дозволи политизаирање на случајот во модуларната болница.

Оваа одлука на премиерот е откако Јавното обвинителство денеска информира дека причината за пожарот бил прегреан кабел на дефибрилатор.

За евентуалните грешки причинети од човечки фактор ќе се произнесат надлежните органи, додаде Заев, додавајќи оти им ја дава довербата да продолжат да го водат здравствениот систем.

– Ние политичарите и извршната власт, генерално не смееме и нема да го толкуваме извештајот на вештите лица кои постпауваа по наредба на Јавното обвинителство. Откриена е причината за пожарот и таа е јасно и јавно објавена. Ја примив оваа информација и постапувам и веднаш дадов насоки до Минизтерството за здравство во најкус можен рок да се  извршат темелни теренски контроли во сите модуларни болници. Сега е најважно да се засилат контролите и проверките за да се намали ризикот од вакви несреќи предизвикани од страни предмети во иднина, поради што за жал изгубивме 14 животи – рече Заев.

Тој наведе дека ни се случи страшна трагедија, но не сме единствена земја во светот во која се случуваат вакви трагедиии и повторно изрази сучувство до семејствата на загинатите.

Претходно денеска, Јавното обвинителство информираше дека во Основното јавно обвинителство – Тетово е доставен Извештајот од извршено вештачење на траги од пожарот во Модуларната ковид болница во Тетово, изработен од Одделот за криминалистичко-технички испитувања и вештачења при Министерството за внатрешни работи.

– Со вештачењето се утврдува дека пожарот настанал како последица од електрична куса врска преку висок преоден отпор во приклучниот кабел на дефибрилатор со кој се вршела реанимација на пациент во една од болничките соби. Прегревањето на кабелот предизвикало палење во приклучната кутија од продолжителниот кабел на кој бил приклучен дефибрилаторот, полнач за мобилен телефон и уште еден апарат – се вели во соопштението.

The post ЗАЕВ НЕ ГИ ПРИФАТИ ОСТАВКИТЕ НА ФИЛИПЧЕ И ХАСАНИ Според премиерот немало политичка, ниту менаџерска одговорност кај министрите appeared first on plusinfo.mk.

Мене ми се потребни влезните информации од извештајот, за да можам мирно да спијам и слободно да ја донесам и оправдам одлуката, без разлика дали е оставка и прифаќање или, пак, неприфаќање, изјави премиерот Зоран Заев, во однос на  одлуките за оставките на првите луѓе во здравството по пожарот во тетовската модуларна болница.

Заев, во вечерашното гостување на Телевизија 24, посочи дека чека на тоа што ќе се потврди со, како што кажа, „професионалното, целосно независно вештачење“.

– Штом ќе се соопштат причините за пожарот, сите детали неопходни, тогаш јас ќе можам да изградам свој став по основ на овие, според мене, високо етички, морални чекори кои што се направија од страна на министерот, заменик-министерот, директорот, и економскиот директор таму – изјави премиерот.

Тој потенцираше дека одговорност секако ќе има, но исклучиво заради причините и аргументите кои што ќе бидат на основа на вештачењето.

– Не би бил чесен ако кажам дека не сум задоволен од Филипче и заменикот Илир Хасани. Задоволен сум. Тоа го кажуваат граѓаните на сите истражувања и анкети. Зошто, заради начинот на однесувањето за време на пандемијата, начинот како се справуваше со сите одговори, прашања, транспарентноста, стабилноста, работењето со експертите, со сè. Втора работа, како кај секој човек и кај мене, пандемијата трае, бројките не се спуштаат, уште траат, горе се и треба и со тоа да се управува. Тука е одговорноста, ќе учите некој следните шест месеци, која е цената што ја плаќате со тоа, а притоа не знаете, има ли вина човекот, и заменикот, и директорите, зборувам за сите – потенцираше Заев.

Премиерот изјави дека тој не е човек кој што така лесно се откажува од добрите луѓе кои што ѝ служат добро на државата.

– Дали има некаде пропусти, дали има невнимание, многу често, етичкиот дел се дава од тоа да се испрати пораката за да следните, не само министер за здравство и други, внимаваат на процедурите, на принципите, на сè. Тоа е односот кој што сакаме да го воочиме и од тука, како секој човек, сакам да донесам свој став и свој заклучок – посочи Заев.

Во однос на прашањето дали може да се спореди со оставката на Миле Јанакиески, поради несреќата на бугарските туристи на Охридското езеро, која Груевски, своевремено не ја прифати, Заев изјави дека се работи за различни околности, времиња и луѓе, но, и покрај тоа, смета дека Миле Јанакиески, не бил виновен за несреќата бидејќи, како што кажа не ги знаел околностите за истата и не е фер да обвинува.

The post ЗАЕВ САКА МИРНО ДА СПИЕ, ЌЕ ПОЧЕКА СО ОСТАВКИТЕ Задоволен е од Филипче и од Хасани appeared first on plusinfo.mk.

И по десетина дена од несреќата, знаеме само дека Филипче и Заев не даваат оставка, додека истрагата нема одговор на ниту едно прашање, велат од ВМРО-ДПМНЕ.

Од партијата повторија дека оставките на заменик министерот за здравство Илир Хасани, министерот за здравство Венко Филипче и на премиерот Зоран Заев се нужни за да има непристрасна истрага.

– И додека Хасани, Филипче и Заев си ги чуваат фотелјите јавноста чека одговори: Кој е виновен што сме земја со највисока смртност во Европа од ковид? Кој е виновен што нема нови протоколи за лекување од ковид? Кој е виновен што нема персонал во болниците, и роднини одат да се грижат за пациентите? Кој е виновен што немаше вакцини и сè уште не оди добро процесот на вакцинација? Кој е виновен што народот нема доверба во системот и во вакцинирањето? Кој е виновен што немало технички прием на модуларната во Тетово? Кој е виновен што немало ПП апарати? Кој е виновен што е направена со ПУР пена и никој не водел сметка дали истата е запалива? Кој е виновен што не се дозна кој ги исекол цевките за довод на кислород во модуларната болница во Тетово на почетокот? Кој е виновен што се плаќало по 1.000 денари од роднини на пациенти на сестри, доктори болничари да водат грижа за пациентите, и дали е тоа нормално? Кој е виновен што дополнително надвор од тендерска постапка се поврзувале кислородните цевки? Дали е нормално ова што се случува и ова што го правите? Оставка од Хасани, Филипче и од Заев и никогаш да не се повтори – велат од ВМРО-ДПМНЕ.

The post 10 ДЕНА ПО НЕСРЕЌАТА НЕМА ОДГОВОРИ НА КЛУЧНИТЕ ПРАШАЊА Опозицијата бара оставки appeared first on plusinfo.mk.

-Одлуката како ќе се реши за оставките е прво да заврши експертизата која ја спроведуваат странските експерти. Поцелисходно ќе биде одлуката за оставките ако се заснова на објективни факти отколку само на политикантство и на повици на опозицијата. И да се реализира една оставка која е само поради политички притисок и повик на опозицијата, не ја постигнува целта, треба да се почека и на експертизата, во спротивно таа ќе биде донесена под политички притисок и нема да ја постигне целта. Мислам дека е исправна одлуката на премиерот кога вели сакам во комплетирањето на ова прашање да имам и објективна експертиза од странски експерти – вели Османи.

Тој додаде дека тоа што се случи во Тетово е тешка трагедија и дека тоа не смеело да се случи.

– Државата мора да гарантира дека институциите кои сама ги менаџира дека ќе им овозможат на граѓаните кога ќе дојдат во болниците да се лекуваат и да заминат излечени, а не да загинат во болниците. Не смееме да дозволиме површинска анализа и да носиме брзоплети одлуки за политички поени. Оваа трагедија треба да се искористи за сериозна анализа и на здравствениот систем и на владиниот систем, за да се донесат одлуки за ова никогаш повеќе да не се случи. Затоа не навлегувам во политичка анализа на ова прашање оти тоа е преголем прашање кое ги надминува политичките и изборните интереси – смета Османи.

Тој повтори дека одлуката дали ќе се прифатат оставките мора да ја содржи и објективната експертиза, во спротивно таа ќе биде само политикантство.

Според Османи, најголема штета е прашањето да се анализира само политички, бидејќи ќе има нереална слика, неточни заклучоци, и ќе нема поука за здравствениот систем.  Тој вели дека здравствениот систем ги надминува границите на политичките интереси.

-Не велам дека треба да се исклучи и моралната и политичката одговорност, но за да биде цело мора да има и експертиза – вели министерот за надворешни Османи.

The post ОСМАНИ НА ЛИНИЈА СО ЗАЕВ Странската експертиза пресудна дали ќе се прифатат оставките на Филипче и на Хасани appeared first on plusinfo.mk.

Денеска тој на својот фејсбук профил објави фотографија од неговото претходно работно место, хирург и информира дека им се враќа на своите работни обврски, како лекар специјалист по општа хирургија со субспецијалност трауматологија.

„Back to work!“ напиша Хасани под фотографијата.

Хасани два дена откако изгоре модуларната болница во Тетово и загинаа 14 луѓе, поднесе оставка од функцијата, заменик на министерот Венко Филипче.

Оставката, како што напиша Хасани ја поднел од морални причини.

The post ИЛИР ХАСАНИ ПО ОСТАВКАТА СЕ ВРАТИ НА ТРАУМАТОЛОГИЈА Сподели и фотографија од работното место appeared first on plusinfo.mk.

Тој уверува дека оставка се поднесува само до тој го предложил функционерот, а во случајот, министерот Венко Филипче и заменикот Илир Хасани тоа треба да го направат до премиерот Зоран Заев како мандатар за состав на Влада.

– Прво и основно, членот на кој се повикува во Деловникот, тој член 184 не е основ за поднесување предлог за разрешување избрано и именувано лице од страна на Собранието. Член 184 се однесува на законодавна постапка и во ставот 3 од членот 184 се вели дека постапката за носење одлука се води како постапка во второ читање на носење Закон. Така што, ова не е основ за емитирање на разрешување. Што се однесува до оставката на избрано, именувано лице, особено на член на Владата, тој оставката ја поднесува до мандатарот, до премиерот зашто надлежноста на Владата, како предлог на Влада е на премиерот, односно мандатарот и до него се поднесуваат оставките. Доколку ги прифати оставките ги доставува Собранието за понатамошна постапка. Го известува Собранието дека НН лице, член на Влада поднел оставка и таа оставка се доставува до Собранието, а на прва наредна седница се констатира престанок на функцијата на дотичното лице.

Во однос на ултиматумот на лидерот на ВМРО-ДПМНЕ дека ќе поднесе предлог-одлука за разрешување доколку Филипче самиот не ја достави оставката до Собранието, Џафери вели дека пратениците може да достават самоиницијатива за интерпелација. Според него, воопшто не постои можност за постапка за разрешување.

– Јас не можам да ја процесирам. Тоа тие можат да поднесат предлог-одлука, ама содржината која се однесува на работа која не е законодавна постапка, како ќе оди во второ читање таа постапка? Ќе оди на Комисија за избори и именување за да се поднесат амандмани? Немојте, тоа се пропишани работи и процедури коишто се надвор од она што е Деловникот, рече Џафери за Сител.

The post ЏАФЕРИ КОНТРА МИЦКОСКИ Оставките се поднесуваат до премиерот, а не до Собранието appeared first on plusinfo.mk.