Пратеникот Илир Демири ја напушти коалицијата Европски фронт предводена од ДУИ и од сега во Собранието ќе делува како независен пратеник.

За својата одлука пратеникот вечерва го информирал претседателот на Собранието, Африм Гаши.

Демири, кој по професија е лекар, инфектолог, во претходниот владин состав ја извршуваше функцијата министер за здравство.

Тој доаѓа од крилото на Алијанса на Албанците предводено од Зијадин Села, кој неодамна соопшти дека ќе ја напуштат коалицијата на чие чело е Али Ахмети.

Медиумот на албански јазик Тетова сот пишува дека целта на овој чекор на Демири е да се отвори патот за пофункционална реорганизација на албанската опозиција и дека се очекува на иницијативата да ѝ се придружат и други пратеници од опозицијата.

The post СЕ СИТНИ ЕВРОПСКИОТ ФРОНТ ВО СОБРАНИЕТО Пратеникот Илир Демири ја напушти коалицијата и ќе делува како независен appeared first on plusinfo.mk.

Министерот за здравство, Арбен Таравари, денеска потврди дека доктор Марјан Шокаровски е вратен на позицијата медицински директор на Клиниката за кардиохиругија за време на викендот од страна на заменик министерката за здравство, Маја Манолева, само со нејзиниот потпис, и дека ја одобрува таквата одлука.

– Јас мислам дека (заменик министерката за здравство, Маја Манолева) правилно постапила, по тоа што укажала Државната комисија за спречување на корупција (ДКСК), нормално го вратила стариот директор (Марјан Шокаровски). Јас мислам дека одлуката е во ред. Ќе видиме во периодот понатаму можеби ќе назначиме нови директори секаде – рече Таравари на новинарско прашање по посетата на Хируршките клиники, непосредно по преземањето на должноста.

Министерот за здравство во заминување, Илир Демири, на крајот на мај го разреши директорот на Клиниката за кардиохирургија, а како причина за разрешувањето меѓу другото ја наведе зголемената смртност на Клиниката.

Шокаровски ги дематираше ваквите тврдења посочувајќи дека смртноста на државната Кардиохирургија е намалена, а обемот на операции зголемен. За неговото разрешување, изјави дека го смета за незаконско бидејќи изборниот процес сѐ уште трае.

Антикорупциската комисија за случајот со Шокаровски утврди дека со неговото разрешување се прекршени Законот за спречувања на корупцијата и судир на интереси и Законот за здравствена заштита и оти е повреден Изборниот законик со оглед на тоа што решението за негово разрешување било донесено за време на изборниот процес.

The post 🎥 ШОКАРОВСКИ ПОВТОРНО Е ДИРЕКТОР НА КАРДИОХИРУРГИЈА Манолева правилно постапи што го врати, изјави Таравари appeared first on plusinfo.mk.

Заменик министерката Маја Манолева се среќавала со сите директори на хирургија, имало договарање, обвини Наум Стоилковски од ВМРО-ДПМНЕ на пресконференција и покажа фотографии од Фејсбук профилот на Манолева. Тој вели дека додека Јавното обвинителство проверува дали има заговор во Хирургија докторите се договараат меѓу себе:

„Сведочиме за последните политички „купи ден-продај” зафати на СДС-ДУИ! Километарски редици за чекање операции, хирургија е во колапс, а мора да се потпреме на среќа или на Небото да не се случи поголема трагедија, затоа што ќе нема каде да се примат пациенти.

За жал се потврди дека од петок до денеска вторник ништо нема да биде преземено на Хирургија.

Но затоа – дознавме дека на СДС-ДУИ поважни им се партиските функции.

– Дознавме дека Заеднички служби зависат од Клиниките, ама дури и од Заеднички служби се јавија во јавност само 12-те директори на Хирургија се сокриени.

– Дознавме дека Владата, оние од СДС-ДУИ воопшто не им е грижа за тоа што се случува, и нема став за Хирургија. Нема ниту одговор дали санацијата би чинела само 120.000 евра?

– И секако, дознавме дека додека трае процес на ЈО за Хирургија, заменик министерката Маја Манолева се среќавала со сите директори на Хирургија!? Уште еднаш ќе повторам – ЈО наводно испитува дали има заговор во Хирургија, а сите директори и власта си прават средби и се договараат!?

Внимавајте, 20 дена ниту еден директор од 12 на Хирургија не излезе со став или осуда, ама затоа се здружени со заменик министерот Манолева, која што е и втор човек во Лекарската комора во исто време!?

Па треба да веруваме дека збореле дека ќе отпочнат со работа кога ќе има услови, а не и можеби за ветување заштита за 12-те директори заради колапсот на Хирургија?

Почитувани,

Ова е фотографија од ФБ страницата на Манолева, заменик министерката за здравство од 22 мај 2024 година, една недела по хаосот на Хирургија. Таа во Кабинет заедно со министерот си прославуваат со торти додека цела Хирургија тоне. Толку од грижата на Манолева.

Почитувани,

За жал 20-тина дена абер нема од санација на Хирургија, се заради негрижа, ама целосна негрижа на двоецот СДС-ДУИ, за ништо друго, освен за лични интереси и партиски функции.

Кабелот повеќе не може да е виновен! Ако санацијата би вредела 120.000 евра, ако за 120.000 евра 20 дена здравството е во колапс, некој дебело ќе одговара.

Одговорност ќе има, колку и да се групираат и регрупираат!“, рече Стоилковски на пресот на ВМРО-ДПМНЕ.

The post „МАНОЛЕВА СЕ СРЕЌАВАЛА СО СИТЕ ДИРЕКТОРИ НА ХИРУРГИЈА“ Додека ЈО истражува заговори тие си се договараат, обвинува Стоилковски appeared first on plusinfo.mk.

„Дали е целта да се направи дефокусирање на јавноста од вистинските проблеми во здравството со што се доведуваат во општа опасност животот и здравјето на граѓаните на РС Македонија. Имено, командната одговорност за нефункционирањето на хируршкиот блок на клиничкиот центар, кој претставува срцето на здравствениот систем, е во рацете на човекот за чија стручност и професионалност сите беа информирани кога како раководител на КОВИД центарот во време на пандемија Македонија заврши на неславното 4. место во Европа и 6. место во светот по бројот на смртни случаи.

Зарем на овој човек ќе му се дозволи со давање паушални и своеволни субјективни судови, со кои ја доведува во прашање стручноста, капацитетот и многугодишното образование на малкумината специјалисти кои пожртвувано, свесно и одговорно го даваат и последниот атом од својата сила за да им помогнат и да ги лекуваат најтешките случаи за кои навидум нема спас, притоа запоставувајќи ги своите семејства, своето здравје и жртвувајќи го своето слободно време, да предизвика непоправлива штета?

Со злоупотреба на својата позиција како министер, се служи со секакви методи познати во некои други општествени уредувања за да дисциплинира исклучителни професионалци. Тој го доведува во прашање кредибилитетот на образовниот систем, медицинскиот факултет и сите професионални здруженија на лекари.

Ја напаѓа програмата на владата за кардиоваскуларни болести преку која во нашата институција дошле да ги споделат своите искуства врвни професионалци како проф. Омер Џемаили, кој е сега директор на одделот за Кардиохирургија во Цирих, Швајцарија, д-р Петар Ристевски кој е негов заменик, проф. Светозар Путник, директор на клиниката за кардиохирургија во универзитетската клиничка болница во Белград, проф. Слободан Мичовиќ, директор на институтот за кардиоваскуларни заболувања – Дедиње во Белград, проф. Иван Кнежевиќ, директор на хируршки блок при КБЦ – Љубљана, проф. Марек Ерлих, шеф на универзитетската клиника АКХ во Виена, проф. Теодосиј Биздас, врвен експерт во ендоваскуларната хирургија од реномираниот центар Оназис во Атина. Судејќи според неговата стручност и експертиза се сомневаме дека воопшто слушнал за овие центри и нивните достигнувања.

Очигледно мотивиран од други цели спротивни на хуманоста, грижата за здравјето и животот на граѓаните, а опкружен со луѓе кои се наоѓаат на дното на стручноста и професионалноста, неговиот порив е да се предизвика непоправлива штета на јавното здравство со непромислените и невистинити изјави, како и дејствија планирани во јавноста. Уште еднаш повикуваме релевантните институции задолжени за заштита на законитоста, животот и здравјето на граѓаните да реагираат согласно нивната надлежност. Го повикувам целиот еснаф, министерствата за здравство и за образование каде има сѐ уште професионалци кои си ја знаат својата работа. Истовремено го повикуваме Медицинскиот факултет при УКИМ, кој е директно нападнат со овие наводи, да излезе и да се произнесе. Неговите закани кои секојдневно ги слушаме во јавноста нема да нѐ поколебаат да ја докажеме вистината, да го одбраниме професионалниот и одговорен однос.

Времето ќе покаже и докаже на која страна е вистината.

Почитувани граѓани, ние сме професионалци кои ќе продолжат како досега да се грижат за вашето здравје и вашиот живот, и покрај сите актуелни случувања и по сите напади врз нашата стручност, бидејќи ние имаме морална и професионална одговорност кон сите вас.

Res, non verba (Дела, не зборови).

Со почит,

Стручен колегиум на ЈЗУ УК за Државна Кардиохирургија“

СЕРИОЗНА Е СИТУАЦИЈАТА НА КЛИНИКАТА ЗА КАРДИОХИРУРГИЈА Нема политичка пресметка во разрешувањето на директорот, тврди министерот Демири

The post ДЕМИРИ ПРАВИ НЕПОПРАВЛИВА ШТЕТА ВО ЗДРАВСТВОТО Остра реакција од Клиниката за кардиохирургија appeared first on plusinfo.mk.

Министерот за здравство Илир Демири демантира дека станува збор за политичка пресметка во однос на разрешувањето на директорот на Државната кардиохирургија.

Тој вели дека ситуацијата е многу сериозна и дека треба да се донесе квалитетен експерт од странство кој ќе ги едуцира младите кадри.

– Државата се однесува многу коректно, има обезбедено средства од 2011 година да доаѓаат светски познати кардиохирурзи и да нѐ учат нас кардиохирургија. Од 2011 година се три генерации на млади специјалисти кои треба да работат во државна кардиохирургија. Каде се нашите деца кои од 2011 завршиле специјализација кардиохирургија и анестезија наменета за кардиохируршки интервенции. Тоа се 14 години, праша Демири во емисијата „Вин-вин“ на телевизија Телма.

Министерот рече дека не знае колку оваа Клиника потрошила изминатите години, но истакна дека тоа треба да го открие Обвинителството и да го изнесе во јавноста.

Во однос на хируршките клиники кои не работат 13 дена, Демири рече дека испратил писмо до Владата во кое бара под итно да се распише тендер за компресорската станица.

– Напишав писмо кое го испратив до Владата бидејќи таа е сопственик на Службата за општи служби. Писмото го пратив и до директорот на Општи служби да отвори тендерска постапка да почне под итно комплетно да се менува компресорската станица и дистрибутивната мрежа која е дотраена – рече Демири.

Тој додаде дека додека не се изгласа нов министер, нема да присуствува на собраниските седници иако му е верификуван мандатот како пратеник од Европскиот фронт.

The post СЕРИОЗНА Е СИТУАЦИЈАТА НА КЛИНИКАТА ЗА КАРДИОХИРУРГИЈА Нема политичка пресметка во разрешувањето на директорот, тврди министерот Демири appeared first on plusinfo.mk.

Уставот и законите во Македонија треба подеднакво да важат за сите граѓани на државата, вклучувајќи ги и актуелните, но и претходни функционери, како и секој еден поединец. Во однос на сегментот на неспоивост на функциите министер и пратеник, во случајов конкретно за пратеникот, Илир Демири го потсетуваме пратеникот Демири, кој веќе доби пратенички мандат во Собранието дека за него важат законските прописи исто како и за сите граѓани во државата, велат од Комисијата за здравство на ВМРО-ДПМНЕ.

Во продолжение го пренесуваме нивното соопштение:

Уставот на Македонија, во член 89 е јасен „Претседателот на Владата и министрите не можат да бидат пратеници во Собранието“.

Оттука прашуваме:

1. Како пратеникот Илир Демири го толкува највисокиот правен акт-Уставот во овој сегмент со оглед дека станува збор за две неспоиви функции?

2. Дали Демири има добиено мислење од Државна комисија за спречување на корупција за толкувањето на највисокиот правен акт во делот на споивост со функции?

3. Дали Демири во текот на вчерашниот ден потпишуваше документи во Министерството за здравство односно дали и натаму продолжува да се однесува истовремено и како министер за здравство, паралелно со пратеничкиот мандат?

Здравствените власти покажаа дека не се способни да решаваат проблеми, а додека здравството е пред колапс и има прекин на оперативниот програм на Хирургија, Демири нема поим зошто салите на Хирургија не работат.

Од завчера и апаратите за компјутерска томографија и РТГ не работат, а пациентите се упатуваат кон други здравствени установи во градот.

Но, за Демири не е важно решавање на проблемите, кои се наталожени од долгогодишното недомаќинско работење.

Ги повикуваме надлежните институции Уставен суд во сегментот на повреда на Уставот и Државна комисија за спречување на корупција во делот за конфликт на интереси да се произнесат за информациите со кои располагаме во однос на толкувањето на Демири за неспоивост на две функции каде има евидентно непочитување на највисокиот правен акт-Уставот.

The post НЕСПОИВО Е ДЕМИРИ ДА БИДЕ И МИНИСТЕР И ПРАТЕНИК Законите треба да важат за сите, обвинува ВМРО-ДПМНЕ appeared first on plusinfo.mk.

– Попрво треба да ги реновираме салите во „Св. Наум Охридски“, да ги поправиме компресорските единици, да ставиме кислород на Клиниката за онкологија. Тоа треба да биде топ тема. На 10 метри од кислородната станица Онкологија уште нема довод. А не да купуваме три акцелератори со огромни пари. Не се занимавајте со тоа кој остави 18 луѓе без леб – им порача Демири на новинарите.

Според него, единствено решение за релаксирање на Клиничкиот центар е формирање 4 регионални болници во Битола, Штип, Куманово и во Тетово. Но, болниците кои се градат се со пробиени рокови.

– Изградба на Клинички центар „Мајка Тереза“ со рок од 45 месеци. Кој го потпишал ова, до каде е судската постапка? До каде е болницата во Штип со рок од 24 месеци? Друго, реконструкцијата на „Св. Еразмо“ со рок од 18 месеци и анекс договор, друг анекс договор… Изведба во Струмица од 12 месеци, болницата во Кичево со 36 месеци рок се гради од 2021 година. И на крај модуларните болници – наместо 10 изградени се 3, договорот е од 27.05.2021, со рок од 36 месеци – рече Демири.

Тој проговори и за проблемот на пациентите со цистична фиброза за кои побарал детален список и да бидат истакнати во системот Мој термин и да имаат приоритет за кој ќе одлучува Комисија.

– Побарав список на пациенти кои се на чекање на оперативни хируршки итни интервенции и зошто некои повеќе чекаат. И ова да биде објавено во Мој термин. Државата троши 950 милиони денари за програмата за ретки болести. Во Македонија имаме дел од средствата на ФЗОМ, побарав уште на почетокот да се зголеми инвестицијата за рано дијагностицирање, а после за лечење мускулна спинална дистрофија. Имаме лек за ова, но битно е дијагностицирањето. Треба да има список на пациенти со дијагнози и да се види колку државата троши на одредени луѓе – додаде тој.

Демири рече дека доколку остане министер ќе ги разреши сите организацисски директори кои во моментов се 64.

– И треба на секоја клиника да има по еден одговорен. Вака е проблематично. Вака само Обвинителството може да го реши проблемот со хируршките сали – вели Демири осврнувајќи се на проблемот што повеќе од една седмица не работат салите во Клиничкиот центар „Мајка Тереза“.

The post „НА 10 МЕТРИ ОД КИСЛОРОД, ОНКОЛОГИЈА УШТЕ НЕМА ДОВОД!“ Ако остане министер Демири ќе ги разреши сите 64 организациски директори на клиниките appeared first on plusinfo.mk.

– Вие сте се фатиле околу Бесија Иљази, таа не ги вработила тие 18 лица, тие се вработени во 2023 година. Каде бевте вие, новинарите, директорите и министрите да кажете за квалитет и за неквалитет? И зошто дозволувате тие луѓе да се на список за дежурства и на смени, а реагирате еден месец пред изборите? Јас чекав да поминат изборите, дел од фактите ги објавив на страната на Министерството. Медицинскиот директор и колегата кои правеа мобинг ги разрешив. Иљази во ниеден момент не го прекршила законот – рече Демири.

Тој им рече на новинарите дека не треба да се занимаваат со тоа „кој остави 18 луѓе без леб“ туку со други поважни прашања. Тој потоа наведе некои од проблемите на Клиниката за онколгија која нема довод на кислород за своите сали, проблемите на пациентите со цистична фиброза, немањето список на пациенти кои се лечат со програмата за ретки болести, а наведе и дека речиси сите клинички центри кои неколку години се градат во други градови во земјата доцнат со роковите.

Во врска со извештајот на Државниот санитарен инспекторт (ДСЗИ), тој одговори:

– Јас треба да ги добијам извештаите пред да излезат во медиумите. Да функционираше системот сигурно Македонија ќе беше во подобра позиција. Кај бевте пред 10 години зошто инвестираме во недоходовни гранки наместо да инвестираме во компресорската станица, во стерилизацијата на инструментите кои се срцето на Клиничкиот центар. Зошто актуелните лекари потпишале договор за стерилизација, а сега се противат?

The post „ШТО СТЕ СЕ ФАТИЛЕ ЗА ИЉАЗИ, ТАА НЕ ГО ПРЕКРШИЛА ЗАКОНОТ“ Демири објасни зошто не ја разрешил директорката на Токсикологија appeared first on plusinfo.mk.

10 дена цела држава, цела Македонија се прашуваше што се случува со Хирургија, министерот на СДСМ/ДУИ Илир Демири денеска конечно излезе од скривалиштето за да каже дека едноставно – не знае што е проблемот којшто го сведе само на лоша миризба, коментира денеска Наум Стоилковски портпарол на ВМРО-ДПМНЕ.

– Ниту побара одговорност од раководството, ниту од заедничките општи служби, ниту лично тој не понесе одговорност за неспособноста! Едноставно откри дека никој од менаџерите не чувствувал одговорност за состојбите во Хирургија! 10 дена воздухот не бил компромитиран, само имал лоша миризба, 10 дена нема операции, салите се затворени, а министерот излегува во јавност без трошка срам затоа што нема одговор. Чувствувањето мирис, пријатен или непријатен, е субјективно чувство, а според Демири, анализите покажале некомпромитиран воздух, додека пак операции не се вршат 10 дена. А, по 10 дена нема одговор и не чувствувал вина ниту тој, ниту неговите директори, затоа што, како што вели, кусо време бил министер? – вели Стоилковски.

Според него, ова е израз на самоволие, за кое што мора да има одговорност.

– Хирургија, Клинички, столбот на македонското здравство го рушат во темел, а Илир Демири нема поим што се случува. Но затоа, Илир Демири е доволно министер на СДСМ/ДУИ за да ги брани директорите и на Хирургија, и на Токсикологија, и да држи политички говори со обвинувања кон ВМРО-ДПМНЕ за болницата во Лешок. Ова е вистинското лице на Илир Демири, но и вистинското лице на СДСМ/ДУИ. Одговорност мора да има и ќе има и лична, и морална и политичка! – порача Стоилковски.

The post ИМ РАБОТИ САМО СЕТИЛОТО ЗА МИРИС, НО НЕ И ЗА МОРАЛ! Стоилковски зачуден што министерот Демири ниту чувствува, ниту бара одговорност appeared first on plusinfo.mk.

Министерството за здравство набави 6 надворешни компресори како привремено решение за хируршките сали на Клиничкиот центар, но миризбата останува мистерија. Техничкиот министер за здравство Илир Демири денеска пред новинарите ги изнесе деталите за проблемот.

– Повторно оваа недела без да има некаква хаварија се појавува некаква лоша миризба, поради што веднаш реагиравме и викнавме две независни фирми. Во Македонија нема лиценцирана лабораторија со дозвола да го оцени квалитетот на воздухот и денеска се испратени мостри во Германија. Од двете компании не е виден недостиг во квалитетот, освен што има влага и е препорачано да се менуваат филтрите. Има некаква одбојност, не знам како да речам. Ако немаме валиден документ да ги користиме салите, се одлучивме да се оперираат само итни случаи, а другите од неврохируршки да одат во Градската општа болница. Останатите кои се за интервенција во болницата „8 Септември“ – рече техничкиот министер објаснувајќи дека хирурзите ќе мора да одат во другите болници по потреба.

Демири вели дека не може да прецизира кога ќе стаса мислењето од Германија. Но, тој откри дека салите се стари и дека се прават напори за сервисирање со издувување на цевките и дека во еден компресор влегло масло.

– Негде пред 30 години се градени тие сали и инсталацијата за снабдување со кислород. Имаше хаварија во компресорската станица, се расипа еден компресор, влезе масло во компресорот, сега функционираме со два, ги издувавме комплетно цевките, поминавме технички преглед. За сметка на квалитетното испорачување воздух ја прекинавме хипербарната комора која е дел од одделот за Пластична хирургија. Побарав да се сервисираат и тие компресори – објаси тој.

Тој вети дека ако продолжи да биде министер за здравство ќе биде транспарентен, а во спротивно рече дека извештајот ќе го даде во Обвинителството. Според него, само Обвинителството може да го реши проблемот бидејќи во различните клиники се дисперзирани 64 директори кои носат колективна вина, но нема еден одговорен.

– Од директори на хирургија немам доставени оставки. Со разијдувањето на Клиничкиот центар е настаната една збрка. Сопственоста на салите е на Службата за општи и заеднички работи која е државна институција под ингеренции на Владата. Поради немање континуитет побаравме алтернативни решенија и спроведовме поправка на компресорите. Менаџерите на клиниките носат одлуки за сервисирање на апаратите. Бидејќи Македонија го има само Клиничкиот центар за сервисирање, морав да се обратам до Обвинителството. Необјасниво е од каде доаѓа миризбата бидејќи квалитетот на влезниот кислород не е компромитиран. Додека не дојде анализата од Германија не можам да кажам. Загрижен сум, иако пациентите кои ќе дојдат ќе ги прифатиме со надворешните компресорски единици – додаде тој.

Демири вели дека им должи на новинарите и уште една тема за истражување, а тоа е можната злоупотреба при набавката на вентрикуларните машини кои се користат при кардиоваскуларни интервенции.

– Сакам вие како новинари да истражите што се случува со вентрикуларните направи. Нив ги плаќа ФЗОМ. Колку средства се трошат за такви интервенции? Тоа се прашања кон вас кои треба да ги истражите. Колку е потрошено, а колкава е злоупотребата? – им кажа Демири на новинарите.

The post НА КЛИНИЧКИ И НАТАМУ НЕШТО УЖАСНО СМРДИ! Цевките се продувани, ама додека не стасаат резултатите од Германија хируршките сали се на колена appeared first on plusinfo.mk.