Само неколку дена пред гласањето во Европскиот парламент, претседателката на Бугарија Илијана Јотова тврди дека се подготвува бришење на дел од текстот за напредокот на Македонија во резолуцијата за извештајот за напредокот на Македонија.

Според Јотова, предупредувањето дошло од бугарски европратеници кои ѝ сигнализирале дека во последен момент може да биде отстранета референца за работата на заедничката комисија меѓу Скопје и Софија, пренесуваат бугарски медиуми.

„Добивме алармантни сигнали“

– Имам алармантни сигнали од моите колеги европратеници дека во последен момент во пленарната сала ќе се обидат да отстранат еден од текстовите што се однесуваат на работата на заедничката комисија, која работи неколку години според член 12 од Договорот за добрососедство – изјави Јотова.

Според неа, со таков потег би се довело во прашање значењето на досегашната работа на комисијата.

– На овој начин, тие ја прават неговата работа и неговите заклучоци бесмислени во иднина – додаде таа.

„Следните 2 дена се многу важни“

Јотова оцени дека наредните денови ќе бидат клучни.

– Следните два дена ќе бидат исклучително важни, бидејќи покрај дискусијата, ќе има и гласање за резолуцијата – изјави таа.

Таа додаде дека очекува европратениците да покажат разум при одлучувањето.

Во изјавата Јотова повторно го осуди и палењето на дипломатските возила пред бугарската амбасада во Скопје, наведувајќи дека очекува и тоа прашање да биде споменато во расправата за резолуцијата.

Според бугарската потпретседателка, прашањето за работата на Заедничката мултидисциплинарна експертска комисија за историски и образовни прашања е дел и од протоколите меѓу двете држави, како и од преговарачката рамка на Македонија со Европската Унија.

The post „ЌЕ СЕ ОБИДАТ ДА ОТФРЛАТ ДЕЛ ОД ИЗВЕШТАЈОТ ЗА КОМИСИЈАТА“ Јотова стравува од промени во резолуцијата за Македонија appeared first on plusinfo.mk.

Палењето дипломатски автомобили во Скопје, кои се сопственост на бугарската држава, го сфаќам како напад врз Бугарија, рече денеска претседателката на Бугарија, Илијана Јотова.

– Тоа е инцидент без преседан – рече Јотова.

Таа додаде дека очекува бугарските европратеници да соопштат за тоа на седницата на Европскиот Парламент, на која ќе се дебатира за извештајот за напредокот на Република Македонија на патот кон ЕУ.

– Имам сигнал од европратениците дека во последен момент во пленарната сала ќе има обид да се отстрани еден од текстовите што директно се однесува на работата на заедничкаа историска комисија, која работи според член 12 од Договорот за добрососедство, и со тоа да ги направат нејзината работа и заклучоци бесмислени во иднина. Колку што знам, во моментов се водат консултации во различните парламентарни групи. Силно се надевам дека ќе се појави разум, затоа што работата на комисијата е дел од протоколот, кој, пак, е дел од преговарачката рамка и задолжителното европско законодавство – рече Јотова.

Јотова вчера го осуди палењето на двата дипломатски автомобили пред бугарската амбасада во Скопје.

– Категорично го осудувам палењето на дипломатските автомобили. Ова не е обично кривично дело, туку неприфатлив напад врз дипломатска мисија, што ја доведува во прашање способноста на властите во Република Северна Македонија да ја гарантираат безбедноста на странските дипломатски мисии во согласност со нивните меѓународни обврски – порача вчера Јотова.

Алармантно е, додаде таа, што овој инцидент се случува во позадина на континуирана антибугарска реторика и атмосфера на нетолеранција, која со години останува без потребниот институционален отпор.

– Ваквите дејствија не се случуваат во вакуум – тие се директна последица на всадувањето омраза и неказнивост. Очекувам итна, транспарентна и ефикасна акција од надлежните органи во Скопјe за да ги идентификуваат и казнат сторителите и нивните евентуални поттикнувачи. Брзината и решителноста на реакцијата ќе бидат јасен тест за посветеноста на Република Северна Македонија на принципите на владеење на правото, добрососедските односи и за европските вредности. Европската интеграција не е само политичка цел, туку и одговорност. Земја која претендира на членство во Европската Унија мора безусловно да ја гарантира безбедноста на дипломатските мисии, да се спротивстави на говорот на омраза и да демонстрира почит кон своите соседи не само со зборови, туку и со дела – изјави вчера Јотова.

The post „НАПАД ВРЗ БУГАРИЈА Е ПАЛЕЊЕТО НА ДИПЛОМАТСКИТЕ АВТОМОБИЛИ“ Јотова со остра порака до Скопје по инцидентот пред бугарската амбасада appeared first on plusinfo.mk.

Уставните измени не се единствениот услов за тргање на ветото за почеток на преговори на земјава со ЕУ, туку Бугарите имаат и услови поврзани со протоколите поврзани со историската комисија, изјави денеска во Софија претседателката Гордана Сиљановска Давкова по билатералната средба со шефицата на бугарската држава Илијана Јотова на маргините на Самитот на шефови на држави и влади на Процесот за соработка во Југоисточна Европа (ПСЈИЕ).

– Јас и мојот колега Муцунски сакавме да ги слушнеме нивните позиции. Да, еве јас за почеток за да има дадам шанса на преговорите, на разговорите и на дијалогот за да останам на монолог, само ќе кажам дека едно на обајцата ни стана јасно: не се во прашање само уставните измени туку се во прашање и други барања поврзани со протоколите што произлегуваат од работата на исторската комисија. Толку можам засега да кажам – изјави претседателката Сиљановска Давкова.

Македонската делегација предводена од претседателката, како што кажа таа, ги изложила нашите позиции и видувања и особено ја потенцирала обврската на сите членки на Советот на Европа, кои се и членки на ЕУ да ги почитуваат пресудите на Судот во Стразбур бидејќи пресудите важат за сите и сите членки на Советот на Европа имаат судии во Судот во Стразбур.

Сиљановска Давкова рече дека исто така било посочено оти претставници на двете земји треба почесто да се среќаваат и да разговараат, колку тоа и некогаш да изгледа дека нема да вложи со резултат.

Средбата со Јотова, но и Самитот на ПСЈИЕ, таа ги оцени како многу успешни, нагласувајќи дека сите учесници повикале на натамошна соработка и оддале признание на претседателството на Бугарија, каде е формиран ПСЈИЕ пред 30 години.

– Меѓутоа, сите повикувавме дека зборовите се понекогаш убави, ама дека се поважни делата односно потезите што ќе ги влечеме, дека е логично меѓу кажаното и стореното – рече претседателката.

На средбата со бугарската претседателка, иако таа го споменала нон-пејперот на францускиот претседател Емануел Макрон и германскиот канцелар Фриндрих Мерц, за тоа немало интерес и главно разговорот, како што кажа, се фокусирал на прашањата со кои се соочуваме ние како соседи, за одржувањето на втората невладина конференција, односно почетокот на преговорите и отворањето на кластерот фундаменти со кои почнуваат и завршуваат преговорите.

Конкретна следна средба меѓу двете претседателки не е договорена, но изразиле подготвеност за разговори, за дебата, за меѓусебно почитување, како што рече, „и кога не се согласуваме“. – Мислам дека првиот тест го поминавме – рече претседателката.

По завршувањето на официјалната прес-конференција и предавањето на претседавањето од Бугарија на Романија, бугарските медиуми побараа изјава од македонската претседателка. Сиљановска – Давкова на нивните бројни прашања поврзани со уставните измени одговараше на англиски јазик објаснувајќи дека таа не е монарх да одлучува за тоа, но исто така укажа на уставните заложби за почитување на човековите права, што не е случај во Бугарија.

– Јас кога тргнав на средба со соговорничката од Косово бев пречекана од повеќе новинари. Ако речам не одговарам ќе речат дека не сум кооперативна и дека не сум добронамерна. Се разбира, јас побарав на англиски ако може да ме прашаат, но мислев дека тоа ќе оди по некој ред. Буквално тоа беше, како да кажам бомбардирање со прашања. Се разбира, јас се обидов на некои да одговорам, меѓутоа немаше атмосфера за одговарање бидејќи самите новинари не се дослушуваа туку истовремено поставуваа прашања – рече Сиљановска – Давкова.

The post НЕ Е УСЛОВ САМО УСТАВОТ, СОФИЈА ГЛЕДА И КОН ПРОТОКОЛИТЕ Сиљановска Давкова откри за што зборувале со Јотова appeared first on plusinfo.mk.

Во рамките на подготовките за денешната средба со бугарската претседателка Илијана Јотова, шефицата на македонската држава Гордана Сиљановска Давкова имаше важно интервју со новинарот Васко Попетревски во емисијата „360 степени“, емитувана на јавниот радиодифузен сервис МРТВ. Велам, беше тоа важно интервју, затоа што во дел од медиумите на бугарската пропаганда во Македонија некои ставови на Силјановска Давкова уште синоќа беа протолкувани како нејзино „омекнување“ пред денешната средба со Јотова во Софија.

Со неколку прашања Попетрески се потруди да ја лансира тезата дека спорниот Втор протокол можеби е предмет на погрешно толкување во македонската јавност. Во клучната одредба за работата на Историската комисија до членството на Македонија во Европската унија, според Попетревски, „нема вординг на наметнување, на условување, туку има вординг на охрабрување“. „Двете влади ја охрабруваат Комисијата да ја заврши својата работа, но не налагаат“, вели Попетревски и поентира: „Претседателке, ако Комисијата треба да работи, а не мора да испорача резултати, тогаш каде е проблемот?“

Претседателката Сиљановска Давкова солидно го разбира значењето на Вториот протокол и во историска смисла и во актуелниот политички контекст. Сепак, неподносливата леснотија со која таа се согласува дека „е можно“ Вториот протокол погрешно да е „интерпретиран“ во Македонија е оној момент што ги подгрева надежите на бугарската пропаганда дека претседателката на Македонија патува во Софија „вооружена“ со сомнителна доза на спремност да направи пресврт.

Дали тоа ќе се случи, ќе покаже денешниот ден, среда, 10 јуни. Како и премиерот Христијан Мицкоски, би рекол и јас дека не очекувам чуда.

Но, сепак, ќе се обидам да ја охрабрам почитуваната Сиљановска Давкова, на пат кон Софија, кога ќе биде сама со своите мисли, дефинитивно да си ги затвори сите дилеми и да не се измачува веќе со прашањето дали можеби навистина ние во Македонија погрешно сме го разбрале тој фамозен втор записник, тој документ на кој политичка тежина му дава потписот на поранешниот министер Бујар Османи, тој протокол кој не е ратификуван и правно оснажен од страна на македонскиот парламент, па според тоа е и правно ништовен.

Вториот протокол е објавен. Секој може да го прочита. Не е тоа некој комплициран документ што е тешко да се разбере. Тој содржи многу прецизни обврски за македонската страна, од кои дел не се содржани во Договорот за добрососедство склучен меѓу Македонија и Бугарија во 2017 година. Во Вториот протокол, меѓу другото, го пишува и следново:

„Двете држави ја поддржуваат и ја охрабруваат Комисијата да ја заврши работата за сите периоди од заедничката историја, кои ги поврзува двете држави и нивните народи, во согласност со чл. 8 ал. 2 од Договорот, со цел целосно имплементирање на тие нејзини препораки во образовните програми до членството на Северна Македонија во ЕУ“.

Не може да биде појасно од ова!

Значи, не е точно дека во Вториот протокол се зборува само за „охрабрување“ на Историската комисија, како што тврди Попетревски. Тој содржи и експлицитна, бланко поддршка таа комисија да ја заврши својата работа „за сите периоди од заедничката историја“, пред членството на нашата земја во ЕУ.

Освен тоа, не е точно тврдењето на колегата Попетревски дека „Комисијата треба да работи, а не мора да испорача резултати“. Напротив! Од Комисијата се очекуваат многу конкретни резултати, со далекусежни последици – имено, се бара целосно имплементирање на нејзините препораки во образовните програми до членството на нашата земја во ЕУ.

Според тоа, не може да стане збор за „погрешни интерпретации“ на овој документ!

Сигурен сум дека претседателката Гордана Сиљановска Давкова многу добро знае дека и терминот „заедничка историја“ произлегува од доктринарните ставови на официјалната бугарска историографија, кои не се променети од периодот на Тодор Живков до денес. Тоа е доктрина на негирање на македонскиот национален идентитет и на посебноста на македонскои народ, на македонскиот јазик и на македонското културно и духовно наследство пред 1944 година. Точна и правилна интерпретација на цитираната одредба од Вториот протокол (и на неговата целина, всушност) е очекувањето на Софија ние, Македонците, да се согласиме со тоа дека имаме „заедничка историја“ со Бугарите. А вистинското значење на таа согласност ни ја објасни потписникот на Договорот за добрососедство, Зоран Заев, кој јавно кажа дека ние и Бугарите сме с’шт народ, на македонски јазик – ист народ. Тоа е доктрината „еден народ поделен во две држави“. Или, да биде уште појасно, од нас Македонците се очекува да прифатиме дека по потекло сме Бугари, кои во средината на 20 век, по силата на историските околности, сме произведени во Македонци.

Искрено се надевам дека Гордана Сиљановска Давкова, со сета нејзина беневоленција и ентузијазам, ќе собере државничка храброст на колешката Јотова отворено и искрено да ѝ соопшти: Сажаљавам, ск’па Илијана, но товá њама да стане!

Освен моето очекување, на тоа ја обврзува и Резолуцијата за утврдување на македонските државни позиции во контекст на блокадите на европските интеграции, документ усвоен во јули 2021 година од страна на Собранието на Македонија, на предлог на ВМРО-ДПМНЕ и со мнозинство од 95 гласови (ако не се лажам, тука се вбројува и гласот на Сиљановска Давкова, тогаш пратеничка). Во точките 2 и 3 од оваа Резолуција, се вели:

„2. Да се почитуваат безрезервно сознанијата на македонските општествени, хуманистички и културолошки науки во врска со автохтоноста на македонскиот народ и неговиот историски, јазичен, културен и религиски континуитет;

3. Да се уважуваат сознанијата, утврдените факти, усвоените теории и емпириските истражувања на современата светска славистика, лингвистика, историографија и меѓународното право, според коишто:

– македонскиот јазик и неговите дијалектни разновидности имаат свој просторен и свој временски континуитет,

– македонскиот идентитет го црпи својот легитимитет од повеќевековните традиции, преданија, обичаи, колективна меморија, менталитет, јазик, артикулираната свест за етнокултурната посебност, колективниот интегритет, почитта кон традиционалните религиски институции и од наративот за припадноста на одреден географски и историски простор,

– споделените места на меморија на балканските и медитеранските простори подразбираат инклузивен однос, а не ексклузивно присвојување на историјата и традицијата, подразбираат интелектуална слобода, а не робување на анахроните историски стереотипи и илузии, не културен и историски хегемонизам.“

И од ова појасно не може да биде!

Помладите колеги, како драгиот Васко Попетревски, ги упатувам повнимателно и потемелно да читаат (за да не мора јавно да споделуваат „интерпретации“ и „впечатоци“ за нешта кои се јасно напишани и потпишани), а почитуваната претседателка Сиљановска Давкова ја испраќам во Софија со желба за плодна средба со колешката Илијана Јотова.

Силно го поддржувам ставот на нашата претседателка дека во политиката нема нерешлив проблем, но сакам да предупредам дека проблемите сепак не се решаваат со нови „интерпретации“ на она што еднаш веќе е јасно кажано, запишано и потпишано.

Да не заборавиме дека клучниот проблем на Вториот протокол не е толку во неговата содржина, колку фактот што тој е инкорпориран во Преговарачката рамка на Европската унија, каде што обврските што произлегуваат од член 12 на Договорот за добрососедство со Бугарија од 2017 година, или попрецизно, годишните прегледи и мерките за ефективна имплементација, односно протоколите (записниците), се поставени практично на исто рамниште со Копенхашките критериуми и со другите клучни услови за пристапување.

Уште еднаш ќе повторам: да, се согласувам, во политиката и во дипломатијата нема нерешливи проблеми, но решенијата на проблемите, во нашиот случај, сепак се кријат во нашата спремност самите да го сториме она што го бараме од другите.

Ако нашите предци во 1944 година чекаа некој да им даде гаранции за да ја создадат македонската држава во рамките на југословенската федерација и ако нашата генерација во 1991 година чекаше гаранции за да ја осамостоиме Македонија, денес навистина немаше да имаме никаков проблем – немаше да имаме држава.

The post Нема погрешни интерпретации на Вториот протокол, претседателке Сиљановска Давкова, сè е јасно како бел ден! appeared first on plusinfo.mk.

Претседателката Гордана Сиљановска-Давкова во интервју за 360 степени потврди дека ќе се сретне со бугарската колешка Илијана Јотова во рамките на самитот од Процесот за соработка на Југоисточна Европа в среда во Софија.

Таа вели дека средбата е природно продолжение на средбата во Ереван и дека очекува да се отворат и суштински прашања, бидејќи според неа нема нерешлив проблем.

– Ако граѓаните не контактираат, ако во проекти заеднички не учествуваме… морам да кажам, кога првпат го сретнав господинот Радев во Софија и се случи оној инцидент со знамињата, се заборави, но сите кои бевме присутни на работниот ручек каде што тој говореше за потребата од соработка во многу области во кои заедно би постигнале подобро, полесно, многу многу успеси. И јас мислам дека тоа е единствениот начин за да можеме ние bona fide да се однесуваме. Да не се навредуваме, да не се повредуваме, да се обидеме да ги мериме зборовите – вели Сиљановска Давкова.

The post СИЉАНОВСКА ДАВКОВА ЌЕ СЕ СРЕТНЕ СО БУГАРСКАТА КОЛЕШКА ВО СОФИЈА „Не постојат нерешливи проблеми“ appeared first on plusinfo.mk.

Румен Радев официјално го доби мандатот за составување нова бугарска влада. Мандатот денеска му го врачи потпретседателката Илијана Јотова.

Радев е кандидат за премиер на партијата Прогресивна Бугарија, која има најмногу пратеници во 52. Народно собрание.

Пред врачувањето на мандатот, Јотова одржа консултации со парламентарните партии. Во фокусот биле буџетот, судските реформи и исплатите од европскиот План за закрепнување и отпорност.

Румен Радев е актуелен претседател на Бугарија и поранешен командант на бугарските воздухопловни сили. Тој е една од највлијателните политички фигури во земјата во последните години.

The post РАДЕВ НА ЧЕКОР ДО ФОРМИРАЊЕ ВЛАДА Доби мандат од Јотова, почнуваат преговори со партиите appeared first on plusinfo.mk.

– Денеска би се обраќам како претседател за последен пат. Прво сакам да ве замолам за прошка, времето ја тестираше вашата доверба, затоа ви благодарам за вашето трпение – изјави Радев.

Во вторник тој ќе ја предаде оставката до уставниот суд, а неговата позиција ќе ја преземе потпретседателката Илијана Јотова.

– Убеден сум дека Јотова ќе биде фостоен шеф на државата. Сакам и на неа да и се заблагодарам за поддршката во овие девет години. За овие девет години како потпретседател и претседател, докажавме дека можеме да работиме синхронизирано кога имаме цел. И убеден сум дека Јотова ќе биде достоен претседател – рече Радев.

Радев извести што се случило во последните девет години, напоменувајќи дека Бугарија се приклучи кон Шенген и еврозоната, но објасни зошто постигнувањето на овие цели не донесе стабилност и задоволство, затоа што излезноста на граѓаните опаѓа и зошто луѓето не му веруваат на судскиот систем.

– Одговорот лежи во злобниот систем на управување. Има надворешни знаци на демократија, но функционира според механизмите на олигархијата. Политиката се случува надвор од институциите – изјави Радев.

Румен Радев ја поднесе оставката во период на продлабочена политичка нестабилност во Бугарија, по серија предвремени парламентарни избори и долготрајна неможност за формирање стабилна влада. Во изминатите години, земјата неколкупати излезе на избори, а институционалната блокада, слабата доверба во политичките партии и обвинувањата за корупција останаа клучни теми во јавниот дискурс.

Во своите јавни настапи, Радев често ја критикуваше актуелната политичка елита и повикуваше на „реална промена“ во начинот на управување со државата. Аналитичарите во Софија оценуваат дека неговата оставка може да биде вовед во активен политички ангажман надвор од претседателската функција, со можност за формирање нова политичка партија и учество на следните избори, во обид да се капитализира неговата поддршка кај дел од гласачите.

The post РУМЕН РАДЕВ ПОДНЕСЕ ОСТАВКА Претседател на Бугарија ќе биде Илијана Јотова appeared first on plusinfo.mk.

Потпретседателката на Бугарија Илијана Јотова денеска ја критикуваше идејата да се укине ветото при проширувањето на Европската Унија, што ја заговара идниот германски канцелар Фридрих Мерц.

На форумот „Европската Унија се среќава со Балканот“ таа рече дека билатералните односи на Софија и Скопје не се проблем за Македонија да почне преговори за членство со ЕУ.

Јотова ги критикуваше плановите во ЕУ проблемот со гласањето при проширувањето да се реши со квалификувано мнозинство, наместо со консензус.

– Има некои држави кои сакаат да го променат европското законодавство и начинот на донесување одлуки. Не можам да се согласам со обидите за промена на едногласноста во одлучувањето, особено за прашањето за проширувањето – рече Јотова.

• НЕМА ПРОШИРУВАЊЕ НА ЕУ БЕЗ ДА СЕ УКИНЕ ВЕТОТО Мерц ќе ја смени играта на Берлин

Според неа, не може да има компромиси со условите за проширување.

Јотова додаде дека барањата за Македонија се дел од преговарачкиот процес со Европската Унија, а не се билатерални прашања.

– Бугарија не наметнува дополнителни услови за процесот и преговорите на Република Северна Македонија на нејзиниот пат кон Европа. Билатералните односи меѓу двете земји не се проблем за неотпочнување на преговорите на Северна Македонија, тоа е теза на политичарите од РСМ, како и на некои европски политичари и експерти. Она што Бугарија го сака е да се почитуваат европските критериуми, како што секоја земја која тргна на патот кон вистинско членство во ЕУ ги почитува овие критериуми по цена на многу тешки одлуки и компромиси. И натаму веруваме дека правата на Бугарите во Република Северна Македонија не се заштитени – рече Јотова.

Таа истакна дека во преговарачката рамка договорена во 2022 година, врз основа на францускиот предлог, нема бугарски барања, туку европски критериуми за членство, од кои главен е заштитата на човековите права. Јотова кажа дека договорената рамка е европски документ што мора да се почитува  да се имплементира и дека не може да се додава, брише, менува или да се става „во втор план“.

Според Јотова, запирањето или замрзнувањето на процесот на проширување на ЕУ ќе донесе уште поголема нестабилност, конфликти и влијание на други непријателски сили во регионот.

– Потребен е јасен одговор на прашањето дали ЕУ сака земјите од Западен Балкан, како и Украина, Грузија и Молдавија да имаат блиска и вистинска европска перспектива – рече потпретседателката на Бугарија.

• НЕ СЕ ПРОБЛЕМ БУГАРИТЕ ВО УСТАВОТ, ТУКУ ИСТОРИСКИТЕ И ИДЕНТИТЕТСКИТЕ ПРАШАЊА И да нема нови барања од Софија, проблем се веќе поставените барања

На борумот во Софија учествуваше и заменик-министерот за надворешни работи на Македонија, Зоран Димитровски, кој истакна дека за Скопје не е проблем промената на Уставот, туку поставените барања за историјата на Македонија и за идентитетот на Македонците.

The post ЈОТОВА КОНТРА МЕРЦ, НЕ СЕ СОГЛАСУВА ДА СЕ УКИНЕ ВЕТОТО ПРИ ПРОШИРУВАЊЕТО НА ЕУ „Не може да има компромиси со условите“ appeared first on plusinfo.mk.

Постои обид од страна на Северна Македонија да ги претстави нормалните барања на Бугарија за нејзиното усогласување со европските критериуми како каприц на нашата земја, изјави потпретседателката на Бугарија, Илијана Јотова.

– Тие се обидуваат барањата да ги претстават како билатерална блокада, што не е вистина –  рече Јотова.

Таа денеска во Софија ќе се сретне со еврокомесарката за проширување Марта Кос и ќе разговараат за проширувањето на ЕУ со земјите од Западен Балкан. Двете ќе учествуваат на отворањето на форумот „Европската Унија се среќава со Балканот“.

– Сакаме да чуеме од комесарката Марта Кос каква е визијата и проектот за проширување на Европската Унија кон Западен Балкан. Во последните месеци, оваа тема е напуштена – рече таа.

Според Јотова, дебатата се искривува и во Бугарија во некои аспекти и на европски терен.

The post ЈОТОВА МИСЛИ ДЕКА БУГАРСКИТЕ БАРАЊА ЗА МАКЕДОНИЈА СЕ НОРМАЛНИ, А НЕ КАПРИЦ „Не е вистина дека го блокираме Скопје“ appeared first on plusinfo.mk.

Демонстрантите тврдеа дека претставата правена по текст на Џорџ Бернард Шо ги навредува бидејќи ги претставува во лошо светло бугарските војници во бугарско-српската војна од 1885 година.

Драмата ги исмејува национализмот и империјализмот. Се раскажува за судбината на еврејско семејство и има трагичен крај.

• ЏОН МАЛКОВИЧ ШОКИРАН ОД УПАДОТ НА ЏАМБАСКИ ВО СОФИСКИОТ ТЕАТАР Холивудскиот актер не може да поверува дека некој е навреден од Бернард Шо

Лани на 19 јануари минатата година лучајот со Пендиков предизвика тензии во односите меѓу Софија и Скопје. Инцидентот се случи пред угостителски објект на Кејот на езерото во Охрид, а уште ја чека својата судска разврска.

Пендиков беше секретар на бугарскиот клуб „Цар Борис Трети“ во Охрид.

По инцидентот тој беше пренесен на лекување во Бугарија и доби бугарски пасош лично од тогашната потпретседателка на Бугарија на свечена церемонија која се пренесуваше во живо.

The post ПЕНДИКОВ ЗАБЕЛЕЖАН ВО ТОЛПАТА НА ЏАМБАСКИ ВО СОФИЈА Охриѓанецот беше присутен при упадот во Народниот театар appeared first on plusinfo.mk.