Тој во интервју за БГНЕС подвлекува дека без промена на Уставот, земјава не може да почне да преговара со ЕУ. Воедно, предупреди дека доколку Скопје не ги направи овие промени во блиска иднина, ќе се одвои од Албанија на патот кон ЕУ. Така, Северна Македонија, додава тој, ќе остане во групата со Србија, Косово, Босна и Херцеговина – земји со сериозни проблеми со своите соседи.

– Од друга страна, тука е и геополитичкиот предизвик, заедно со тоа, можност Украина всушност да почне да преговара со ЕУ, таа е земја која доби статус на кандидат за членка. Односно, изборот е многу јасен – дали Република Северна Македонија сака да продолжи по својот пат, со реформирање на општествените односи, или ќе се приклучи на друга група која нема јасен патоказ за во ЕУ – вели Ќучук, при тоа нагласувајќи дека одлуката е целосно во рацете на македонските политичари.

Според него, во македонскиот Парламент нема единство околу целта за влез во ЕУ, туку се игра со стравовите на македонското општество.

– Никој не поставува дополнителни услови (на Скопје). Ова се условите и двете страни се договорија – Бугарија и Република Северна Македонија. Тие ги изгласаа овие услови во бугарското, односно во македонското Народно собрание. Отсега овие договори мора да се исполнат – вели европратеникот Ќучук кој е копретседавач на Алијансата на либералите и демократите за Европа (АЛДЕ).

The post МАКЕДОНИЈА РИЗИКУВА ДА БИДЕ ФРЛЕНА ВО ИСТ КОШ СО КОСОВО, БОСНА И СРБИЈА Ќучук ни предвидува одвојување од Албанија на патот кон ЕУ appeared first on plusinfo.mk.

Ќучук вели дека добил потврда од македонските власти дека уставните измени ќе влезат во собраниска расправа.

– Оваа или следната недела, конкретните предлози треба да бидат доставени од работната комисија до Владата и да бидат разгледани од македонскиот Парламент – тврди Ќучук.

Европратеникот негира дека му бил вршен притисок од било која страна за да го одложи гласањето за есенскиот извештај.

The post ЗА ДВЕ НЕДЕЛИ ЌЕ ВЛЕЗАТ УСТАВНИТЕ ИЗМЕНИ ВО СОБРАНИЕ Европратеникот Ќучук добил потврда од македонските власти appeared first on plusinfo.mk.

На извештајот долг десет страници, бугарски европратеници поднесоа дури 320 амандмани на 161 страница, за кои идната денела ќе расправа Комисијата за надворешни работи на Европскиот парламент. Со овие амандмани бугарските европратеници ќе се обидат да ги вметнат нивните критики кон Македонија во резолуцијата.

Во нацрт-резолуцијата на известувачот за Македонија Илхан Ќучук се нагласува дека проширувањето на ЕУ е геостратешка инвестиција во долгорочен мир, а земјата се етаблира како сигурен партнер и спроведе трајни реформи на патот кон ЕУ. Во неа се поздравува континуираната посветеност на земјава за интеграција во Унијата, која се заснова на одржлив напредок во обезбедувањето на демократијата, владеењето на правото и основните права, додека се движи кон меѓусекторско усогласување на политиките.

Европскиот парламент го поздравува целосното усогласување на Македонија со надворешната и безбедносната политика на Унијата – вклучително и нејзиниот отворен одговор на агресијата врз Украина – во согласност со рестриктивните мерки на Унијата кон Русија и Белорусија.

Понатаму, во резолуцијата се повикуваат креаторите на политиките да поттикнат национален консензус за интеграцијата во ЕУ, надградувајќи се на успешното започнување на процесот на проверка и да работат на постигнување, до 2030 година, на амбициозната цел за исполнување на критериумите за членство во Унијата.

Известувачот изразува загриженост за непотребното одложување на процесот на пристапување; ја нагласува потребата да се зајакне транспарентноста, отчетноста и инклузивноста на процесот, вклучително и неговата парламентарна димензија.

Ќучук, за разлика од неговите бугарски колеги, ја поздравува добро воспоставената хармонија меѓу заедниците во Македонија и ја повикува земјата да ја задржи својата долгогодишна посветеност на мултикултурализмот и инклузијата.

Во резолуцијата се забележува посветеноста на Македонија за позитивна дипломатија и добрососедски односи, која ја повторува својата целосна поддршка за доследно спроведување на Договорот за пријателство со Бугарија и Договорот од Преспа со Грција.

Тој предупредува против обидите за поткопување на мирните меѓузаеднички и билатерални односи и жали за сите внатрешни и надворешни дејствија кои ја поткопуваат стабилноста и го загрозуваат регионалното помирување.

Во нацрт-резолуцијата Ќучук повикува на смиреност, достоинство и зрелост во билатералните односи, ги повикува регионалните партнери да ја вратат довербата и да соработуваат во меѓусебно почитување и во дух на добрососедство.

The post СО 320 АМАНДМАНИ БУГАРСКИТЕ ЕВРОПРАТЕНИЦИ ЈА ЗАТРУПАА РЕЗОЛУЦИЈАТА ЗА МАКЕДОНИЈА! За нив ќе се расправа идната недела appeared first on plusinfo.mk.

Тој рече дека македонските Бугари се залагаат за што поскоро членство на Македонија во ЕУ.

– Ова е од корист за сите граѓани на РС Македонија, за Бугарија, за целиот регион и за Европа. Тоа е она за што работиме и затоа бугарското претседавање со Советот на ЕУ имаше за цел да ги убеди нашите партнери дека интеграцијата на Западен Балкан треба да се случи што е можно побрзо. Со војната во Украина и пропагандната војна во Бугарија и во земјите од Западен Балкан, тоа е исклучително важно, мора да се поддржат проевропските сили – изјавил Ковачев, пренесува БНР.

Бугарскиот европратеник и известувач за Северна Македонија во Европскиот парламент Илхан Ќучук ја нагласи потребата за промена на македонскиот Устав.

– Сè додека не се смени Уставот и не се вклучат сите чинители на македонското општество – Бугарите, Хрватите и Црногорците – во главниот документ на земјата, ќе биде многу тешко да се оди по патот на европеизацијата – рече тој.

Претседателот на Граѓанско-демократскиот сојуз Петар Колев побара од службите да ги откријат оние кои работат на продлабочување на спорот меѓу Бугарија и Северна Македонија;

– Очекувам надлежните македонски институции, како што се Агенцијата за разузнавање, претседателот на државата, кој ги контролира овие тела, да не ги дискредитира, туку да излезе со конкретни имиња – кои се овие организации и од каде се финансираат – изјави Колев.

The post ДРЖАВНИОТ ВРВ ДА ГИ ПРИМИ БУГАРИТЕ ВО МАКЕДОНИЈА Барање од европратеникот Ковачев appeared first on plusinfo.mk.

Ќучук е категоричен дека мора да се инсистира во Северна Македонија да има владеење на правото и високи демократски стандарди.

– Сè додека не се признаваат правата на луѓето кои се сметаат за Бугари, тензијата ќе продолжи – вели Ќучук.

Треба, додава Ќучук, да се поттикнат сите обиди за намалување на тензиите, а тоа не важи само за бугарската држава, туку и за Скопје. Треба да се најде решение за проблемите.

Посочува дека Бугарија е во Европската Унија веќе 17 години, а, како што вели, не може да се приклучи на блокот за важни теми, вклучително и за обезбедувањето на воена помош за Украина и за клучните реформи во ЕУ.

– Нашата земја е секогаш на 27 место и никогаш не предлагаме иницијативи, не учествуваме во блокови, не одиме со предлози до Европскиот Парламент – вели Ќучук.

The post НАДВОРЕШНИ ФАКТОРИ САКААТ ДА БИДЕМЕ СКАРАНИ Ќучук вели „тоа се оние луѓе кои не сакаат РСМ да биде дел од ЕУ“ appeared first on plusinfo.mk.

– Тоа би била огромна грешка. Ветото на ниту еден начин не влијаеше позитивно на добрососедските односи. Сосема спротивно. Почнаа провокации, повеќе или помалку, токму од ставањето на ветото – изјави Ќучук за БНР.

Според него, тоа што му се случи на Христијан Пендиков е за осуда и тоа го кажале и европските институции. Тој ја оценува тензијата меѓу двете земји како висока, која се шири во многу правци, и смета дека билатерално ќе има многу бурна непродуктивна година.

Тој го нагласува и механизмот за следење и „мерење” на говорот на омраза, посочувајќи дека министерот за надворешни работи на Северна Македонија, Бујар Османи, формира „голем тим, во кој ќе има и претставници на бугарската заедница”.

На прашањето како Брисел ќе реагира доколку Скопје ги спречи бугарските европратеници, политичари и јавни личности да присуствуваат на настани поврзани со Гоце Делчев на почетокот на февруари, Илхан Ќучук вели дека „нема шанси европските институции да поддржат такво однесување од страна на македонските власти”, додавајќи дека „ниту Брисел, ниту Стразбур може да го прифатат тоа како нормален пристап”.

– Не можеме да гледаме изолирано на работите. Треба да бараме механизми кои ќе бидат одржливи. Мора да има механизми за следење во рамките на билатералните односи. Има многу примери на земји со тешки историски односи – Словенија и Хрватска, Словенија и Италија. Од гледна точка на историската меморија, ова не е нешто ново – истакна Ќучук.

Изјавата на Ќучук следи по најавата на бугарскиот министер за надворешни работи Николај Милков по средбата на шефовите на дипломатиите на земјите членки на ЕУ во понеделникот дека не е исклучена можноста од ново вето од Бугарија за земјава, додавајќи оти се надева дека тоа сепак нема да се случи.

Во врска со ова прашање се огласи и европратеникот Ангел Џамбаски, кој по предлогот на претседателот Стево Пендаровски за прогласување на персона нон-грата еден пратеник во Европскиот парламент и уште неколку лица кои работат на нарушување на односите меѓу Северна Македонија и Бугарија, во објава на Фејсбук побара „враќање на ветото” за земјава.

„Вратете го ветото. Антибугарска, антиевропска, болшевичка, тоталитарна терористичка власт во РСМ треба да биде објавена за „персона нон-грата во Европската Унија. Македонија била и ќе биде бугарска. Република Северна Македонија е нешто друго“ – напиша Џамбаски на Фејсбук.

The post ВРАЌАЊЕТО НА ВЕТОТО БИ БИЛО ОГРОМНА ГРЕШКА Европратеникот Илхан Ќучук до бугарската јавност appeared first on plusinfo.mk.

Тој истакна и дека Северна Македонија бележи стабилност кога се работи за внатрешните реформи, а реформите, напомена, не се само за доброто на политичарите, туку се за добро на целата земја, но посебно за идните генерации.

– Мило ми е што Северна Македонија бележи стабилност кога се работи за внатрешните реформи зашто тие се толку многу потребни за успех на земјата. Реформите не се само за доброто на политичарите, туку се доброто на целата земја, но најмногу за идните генерации. Европа се менува, се надеваме на подобро, и прави свои реформи. За нас либералите е најважно проширувањето да продолжи зашто навистина сметаме дека тоа може да придонесе за земјите како Северна Македонија да ги трансформираат своите општества и економии, но исто така и да бидат дел од поголемото семејство – истакна Ќучук во обраќањето.

Тој потсети на низата критики за ЕУ од, како што рече, голем број луѓе чии очекувања не беа исполнети. Ги спомна ветата за Северна Македонија и Албанија, како и визниот режим за Косово, но, сега, потенцира, постои нова реалност.

– Сега имаме нова ралност во која можеме да одиме заедно, да го забрзаме процесот на проширување – подвлече Eвропратеникот и копретседател на партијата АЛДЕ.

Пред Ќучук се обрати претседателот на ЛДП Горан Милевски кој апелира дека е неопходно земјава да ги надмине домашните кочници и стравови за што поскоро да ги почне преговорите со ЕУ.

На првиот панел „Одржување на новиот импулс во проширувањето на ЕУ” зборуваат претседателот на Либералната мрежа на Југоисточна Европа и поранешен министер за одбрана на Словенија Роман Јакиќ, поранешна пратеничка на Комисијата за европски прашања,потпретседателка на ЛДП Јулиана Николова, пратеничката од Косово Елиза Хоџа и членка на Комитетот за образование, наука, култура, млади и спорт и Анастасиос Несторас од Грција, извршен директор на ЕЛФ.

На конференцијата има претставници и од раководството од Наша Странка од Босна и Херцеговина, ЛПЦГ од Црна Гора, ПСГ од Србија.

Во вториот панел на АЛДЕ „Иднината на европската интеграција – што, кога, како?” ќе говорат европратеникот и копретседател на партијата АЛДЕ Илхан Ќучук, пратеничката и членка на Комисијата за надворешни работи во Франција Лилијана Танги, пратеникот Јулијан Булаи од Романија, претседател на ALDE-PSSE а ќе ја затвори пратеничката и членка на Комисијата за прашања на ЕУ, како и потпретседателка на ЛДП Моника Зајкова.

Настанот е во организација на ЛДП со поддршка на ЕЛФ и АЛДЕ.

The post ПРОШИРУВАЊЕТО МОРА ДА ПРОДОЛЖИ Ќучук открива која е најважната цел на либералите appeared first on plusinfo.mk.

– Процесот на преговори меѓу ЕУ и Република Северна Македонија сè уште не е започнат, бидејќи се чека да заврши скринингот, кој ќе потрае извесно време. Од бугарското искуство знаеме дека тоа трае од година и половина до две години и мора да се дадат оценките за тој скрининг, -вели Ќучук за софиската телевизија бТВ.

Тој нагласува дека „францускиот предлог“ за деблокирање на евроинтеграцијата на земјава претставува предлог на Европската Унија, бидејќи е прифатен со консензус од сите членки на ЕУ, ја доби и потребната политичка поддршка, како во бугарското, така и во македонското Собрание.

Согласно „францускиот предлог“, преговорите на земјава по кластери и поглавја треба да почне по завршувањето на процесот на скрининг, но и по вклучувањето на Бугарите во Преамбулата на Уставот во редот на останатите делови од народи што живеат во државата.

– За жал, во македонскиот Парламент, „францускиот предлог“ беше прифатен само со гласовите на владејачките и дел од опозициските партии. Најголемата опозициска партија категорично се спротивстави на овој предлог и најави дека нема да гласа за измените на Уставот и вклучувањето на Бугарите во нивниот Устав. Ова, би рекол, е многу тажен развој на настаните, додаде Ќучук.

The post БЕЗ БУГАРИТЕ ВО УСТАВ НЕМА ПРЕГОВОРИ СО ЕУ Ќучук советува да не се води кампања против Бугарија appeared first on plusinfo.mk.

Ова меѓудругото во интервју за бугарското радио „Фокус“ го изјави Илхан Ќучук, бугарски европратеник и известувач за РСМ во Европскиот парламент.

На прашање зошто Илинденското востание не се одбележа заеднички, како национален празник на двата народа тој вели:

– Не ја пречкртавме, бидејќи историјата е составен дел на преговарачиот процес и не се согласувам дека е турната некаде под килим. Токму обратното, историјата како наука, која е конзервативна, треба да биде оставена во рацете на историчарите. Таков мандат и е даден на соодветната историска комисија, и тој мандат треба да биде исполнет со содржина. И таа навистина да работи во духот на науката, во духот на взаемното разбирање, да бидат најдени оние допирни точки што биле во минатото, и да бидат побарани нови допирни точки кои треба да стапат во иднината. Тоа e неизбежно поврзано со членството на Северна Македонијa во ЕУ. Таму можат да најдат место и Бугарија, и Северна Македонија, и тоа не му противречи на националниот интерес на Бугарија – напротив, го збогатува и го задолжува да биде многу посоодветен кон новите реалности што се случуваат – вели Ќучук.

Отсуството на заедничко чествување Ќучук го припишува на нестабилната политичка ситуација.

– Ќе видиме како ќе биде догодина. Но со сигурност, секој заеднички обид да се одбележат такви датуми е задолжителен во нашите односи, ако тие имаат природно разбирање да врват кон иднината, а не кон национализмот, кон градење допoлнителни ѕидови – рече тој.

Според него, потребна е оценка каде сака да оди македонското општество.

– Сега е дојдено времето да се врати довербата, откако се формализираа односите и тоа праведно, со договор кој треба да ги зацврсти односите меѓу двете земји, со посебен протокол, треба да бидат направени сите напори од бугарска и македонска страна за да проработат механизмите што се запишани, а не да останат лист хартија без да бидат реално исполнети. И да оставиме спокојно, во рамките на легитимниот мандат историската комисија да бара различни формулации, ако е неопходно – и со дејство на други нивни колеги, доколку тоа го помага процесот. Така што, прашањето е каде сака да биде Северна Македонија? Знам дека има луѓе кои сакаат да ја извлечат, и политичари кои имаат визија да ја извлечат на правилниот пат, да ја водат, има и такви кои сакаат да ја влечат во обратна насока. Тоа треба да го реши самата македонска елита – вели Ќучук.

The post НЕ Е ТУРНАТА ПОД КИЛИМ Ќучук тврди дека историјата е дел од преговарачкиот процес appeared first on plusinfo.mk.

Известувачот за Македонија, европратеникот Илхан Ќучук е лидер на Европските Либерали, претставник на бугарската партија ДПС.

The post МИНАТОТО Е ПАТОКАЗ ЗА ЕВРОПСКАТА ИДНИНА Илхан Ќучук честиташе Илинден appeared first on plusinfo.mk.