Пропусти во постоперативниот период по извршениот царски рез на Јилдиз Веапоска, родилката од Дебар, на која по породувањето ѝ беа отстранети три органи – матка, јајник и бубрег, покажале резултатите од супервештачењето од судско медицински одбор при Медицинскиот факултет од Скопје.

Одговорноста, според презентираниот извештај на денешното рочиште во Основниот суд во Струга, ја сноси докторот – хирург кој ја извел интервенцијата, во случајот првоосомничениот, гинекологот Мухамед Асани.

Од приложената пријава, односно обвинителен предлог, како што истакна пензионираната д-р Верица Попоска од Институтот на судска медицина и криминалистика, се гледало дека второобвинетиот д-р Блертон Асани во тек на извршување на хируршката интервенција бил специјализант и неможело да сноси одговорност за интервенцијата и евентуалните компликации пост интервенцијата. Одговорност за случајот не посочи ниту кај третообвинетата д-р Лилјана Јовановска, која не била работа во постоперативниот период.

Во вештачењето, како што рече д-р Попоска, било наведено дека по царскиот рез, на 27 август 2020 година на пациентката ѝ се влошила состојбата и направените анализи на крвта покажале намалување на вредностите.

– Пропусти се направени постоперстивно, не се превземени дијагностички мерки за да се открие што е причината за таквата состојба. Доколку се преземеле навремено дијагностички постапки за утврдување на причината на оваа состојба на пациентката би требало веднаш да се направи хируршката интервенција со цел да се стопира губитокот на крв. Со тоа би се избегнало енормното влошување на состојбата на пациентката на четвртиот постоперaтивен ден, изразено во вид на хемораличен шок. По утврдување на состојбата пациентката на четвртиот ден е внесена во сала и сè што е преземено е да и се спаси животот – појасни Попоска.

Според извештајот, на пациентката во Струшката болница во шокова состојба најпрво ѝ биле отстранети матката и левиот јајник, а потоа и левиот бубрег, по што била пренесена во Клиничкиот центар во Скопје каде било констатирано дека сè уште губи крв и била направена нова хирушка интервенција на која и е подврзана левата бубрежна артерија.

Според тоа, како што додаде Попоска, пациентката сè уште била во опасност и доколку не била испратена во Скопје ќе завршела фатално.

Тројцата лекари кои го изготвиле супервештачењето посочија дека во досегашната кариера не се соочиле со таков случај.

На почетокот на рочиштето Јавната обвинителка Ермира Муса-Нура предложи измена во диспозитивот на обвинителниот предлог, по што одбраната на обвинетите побара време да ги разгледа измените. Обвинетите пак се изјаснија дека не го разбрале изменетиот обвинителен предлог и рекоа дека не биле на работа во постоперативниот период на родилката.

Судењето треба да продолжи в петок со сослушување на обвинетите и завршни зборови.

The post СУПЕРВЕШТАЧЕЊЕТО ЗА РОДИЛКАТА ОД ДЕБАР ФРЛА НОВИ СОМНЕЖИ Пропустите биле направени по извршениот царски рез? appeared first on plusinfo.mk.

Судскиот процес со родилката од Дебар Јилдиз Веапоска, ќе се врати од почеток, ако до 5-ти септември нема разрешница, објавија повеќе медиуми. Судијата од Скопје кој го води овој предмет е делегиран да работи во струшкиот суд до почетокот на септември. Во меѓувреме судењата и натаму се одложуваат – се одложи и денешното со обраложение дека не било готово супер вештачењето, а наскоро ќе започне и судската ферија која трае до средината на август.

На Веапоска, во 2020 година по породувањето со царски рез во струшката болница ѝ беа извадени три органи – јајник, матка и еден бубрег.

Првообвинет во случајот е гинеколог од Струга, Мухамед Асани, а потоа неговиот син Блертон Асани. Третообвинета е докторката Лилјана Јованоска. Тие се товарат за предизвикување тешки дела против здравјето на луѓето.Доктор Асани веќе се изјасни за невин.

The post АКО НЕМА РАЗРЕШНИЦА ДО 5 СЕПТЕМВРИ, СÈ ОДИ НАНОВО Случајот со Јилдиз Веапоска може да добие и четврт судија appeared first on plusinfo.mk.

За сето она што ми се случи одговорен е целиот медицински персонал на Струшката болница, од денот на мојот влез во болницата, па сѐ до денот на излегувањето, рече денеска родилката Јилдиз Веапоска од Дебар, која при породувањето остана без три органи.

Со давање искази на тројца вештаци од Институтот за судска медицина денеска пред Основниот суд во Струга продолжи судскиот процес по предметот на оштетената родилка на која без нејзино знаење и одобрување ѝ биле извадени матката, јајникот и бубрегот.

Таа не е задоволна од вештачењето и смета дека тоа било ограничено само на делови од медицинскиот зафат и се однесувало само на извадениот бубрег, а не и за останатите органи што ѝ биле отстранети при операцијата.

– Да потсетам до Обвинителството, до адвокатите, мене не ми беше изваден само бубрегот, туку и матката и јајникот, за што воопшто не се зборуваше. Зошто ми е извадена матката? Зошто јајникот и зошто јас повеќе нема да можам да станам мајка и нема да можам да имам други деца? рече оштетената Веапоска.

Адвокатот на оштетената Сашо Јанев смета дека начинот на кој е дадено стручното мислење на лекарите од Судска медицина, укажува на предвидлив исход од судскиот процес, одбивајќи притоа да посочи што тоа значи.

–  Во вештачењето стои дека товарот на несовесното лекување паѓа на сите учесници во оперативниот зафат. Имињата и презимињата кој учествувал во постапката стојат во обвинителниот акт, кој и колку несовесно постапувал. Што се однесува до мене, јас сите од струшката болница би ги ставил во обвинението. Јас како полномошник сум пристрасен кога се однесува до мојата клиентка, меѓутоа ако се ставите себеси во нејзината позиција, да влезете здрав и да излезете од болница без три органи, апсолутно треба да одговараат сите. Секој кој несовесно лекувал и се огрешил пред Законот треба да одговара – рече Јанев.

Следно рочиште од процесот што се води против тројцата лекари – гинекологот Мухамед Асани, неговиот син доктор Блертон Асани и доктор Лилјана Јованоска е закажано за 10 јули.

The post ЗБОРУВАТЕ САМО ЗА БУБРЕГОТ, А ГИ ЗАБОРАВАТЕ ЈАЈНИКОТ И МАТКАТА Родилката Јилдиз Веапоска не е задоволна од последното рочиште appeared first on plusinfo.mk.

По 7 месеци доцнење, почна судењето за родилката од Дебар на која ѝ беа извадени левиот бубрег и јајник и матката. Во Основниот суд во Струга Јилдиз Веапоска сведочеше за тоа како по царскиот рез ѝ била оштетена левата бубрежна артерија, паднала во кома, крварела, а потоа во операција ѝ биле извадени органите за на крајот да биде испратена во Скопје поради тешката состојба.

Таа тврди дека за време на операцијата го слушнала докторот Мухамед Асани, еден од тројцата осомничени доктори, како се договара со некого во салата за нејзините органи, пишува ТВ21.

Асани денеска не одговарал на прашања откако излегол од судот. Тројцата осомничени на судењето ги негирале обвиненијата.

The post ПОЧНА СУДЕЊЕТО ЗА РОДИЛКАТА НА КОЈА Ѝ БЕА ИЗВАДЕНИ БУБРЕГ, ЈАЈНИК И МАТКА Веапоска тврди дека некој во салата се договорал за нејзините органи appeared first on plusinfo.mk.

Комисијата составена од седум членови имаше задача да изврши надзор над стручната работа на ЈЗУ Општа болница во Струга, а во врска со општата состојба и лекарскиот третман на пациентката која остана без матка, јајник и бубрег.

Единствениот пропуст што го нашла Комисијата, бил дека постои несовпаѓање во напишаните податоци за полот на новороденчето, односно таа родила женско дете, а било напишано дека е машко.

„Кај пациентката е направен царски рез и е добиен жив женски плод. Пациентката, ноќта се жали на болки во стомакот, повикан е анестезиолог, направена е крвна слика и дадена ѝ е терапија. Во постоперативниот тек пациентката е следена интезивно од страна на медицински тим гинеколози и анестезиолози во струшката болница. На првиот постоперативен ден (28.08.2020) состојбата на пациентката е стабилна, но од крвните анализи се воочува редукција на крвната слика, а целиот лекарски тим постапува по сите протоколи и доктрини, дадена е терапија, но анализите покажуваат пад на хемоглобин. Вториот постоперативен ден пациентката е стабилна со уредни параметри, таа била активна и подвижна, на пациентката ѝ е направена контролна крвна слика. Третиот постоперативен ден на утринската визита пациентката е исто така во стабилна општа состојба со уредни витални параметри, уредна температура, контролната крвна слика покажува пад на хемоглобин и на еритроцити“, наведено е во извештајот.

Според Комисијата, четвртиот ден, пред да биде испишана од болница, состојбата ѝ се влошила и таа добила тахикардија, хипотонија и клиничка слика која укажувала на хеморагичен шок односно состојба со многу низок хемоглобин, што било индикација за итна интервенција. Откако се интервенирало, увидено било дека таа има крварење во дел од стомакот каде се наоѓаат репродуктивните органи и бубрезите. За да се спречи крварењето отстранет ѝ е левиот бубрег, за како што стои во извештајот, да се спаси животот на пациентката.

За ова, според Комисијата, лекарите од струшката болница ги консултирале колегите анестезиолози од КАРИЛ и одлучено е пациентката да биде транспортирана во Скопје.

Во март годинава, за случајот беше разрешен директорот на струшката болница, доктор Мухамед Асани, а Државниот санитарен и здравствен инспекторат кај него дома во засебен инспекциски надзор најде дива ординација. По ова, за работата на докторот Асани се отвори постапка и во обвинителството во Струга.

Лекарската комора првично не најде пропусти во третманот на родилката Веапоска, по што министерот Филипче формираше нова комисија составена од професори и лекари од неколку Универзитетски клиники во Скопје, правник од Министерството за здравство и од ДСЗИ, која денеска го поднела извештајот до Министерството за здравство.

The post Комисијата не констатираше лекарска грешка во случајот со родилката Веапоска – бубрегот ѝ бил изваден зашто имала хематом и обилно крварење appeared first on plusinfo.mk.

– Не се евидентирани пропусти при оперативното завршување на породувањето и во текот на постоперативно следење и менаџмент на пациентката. Лекарската екипа инволвирана во лекувањето и третманот на пациентката соодветно и навремено реагирала при првите знаци на влошување на општата здравствена состојба на пацинетката и ги искористила сите расположливи ресурси на болницата за адекватно згрижување на пацинетката во услови на живото-загрозувачка состојба – велат од Лекарската комора.

Увид е направен и во Скопје, а ниту таму не се утврдени пропусти.

– Од моментот на приемот до моментот на исписот таа е третирана согласно постоечките медицински норми и стандарди. Сите преземени мерки се во насока на стабилизација и подобрување на здравствената состојба на пацинетката – појаснуваат од Лекарската комора.

Јилдиз за медиумите изјави дека не го прифаќа Стручниот наодот на Лекарската комора и бара образложение.

– Дали е нормално, ни никој да не знае кои се лекарите од Лекарската комора  што го вештачат ова. Никој не знае, но докторот, директорот знае кој е во Комисијата. Јас не го прифаќам ова бидејќи сите доктори што биле, се Албанци. Ниту имало Македонец. Заминав здрава и права во Струга на породување. Заминав да се породам, а по породувањето излегувам без бубрег, без матка и без јајник. И тоа се будам на КАРИЛ. Нека излезе Лекарската комора јавно нека образложи медицински зошто се тргнати тие органи, ако немало лекарски пропуст. Тогаш што може да има? – прашува Веапоска.

The post Сè било по прописите при породувањето на Јалдз Веапоска која остана без бубрег, матка и јајник appeared first on plusinfo.mk.