Руски транспортен авион Ил-76, кој се наоѓа под западни санкции, пристигнал во Венецуела, јави „Вашингтон пост“. Според весникот, леталото е во сопственост на компанијата „Авиакон Зитотранс“, позната по транспорт на воена опрема, оружје и платеници во земји кои се сојузници на Русија.

Притоа, авионот слетал само неколку дена по апелот на претседателот на Венецуела Никола Мадуро до Москва за воена поддршка. Тој изразил загриженост поради, како што навел, „зголемената воена активност на САД во регионот на Карибите“.

Меѓутоа, ова не е изолиран случај. „Вашингтон пост“ наведува дека ваков авион веќе пристигнал во земјата пред неколку дена, што укажува на засилена соработка меѓу Москва и Каракас. Aмериканските власти засега немаат официјален коментар за настанот.

Дифенс њуз потврди дека станува збор за транспортен Ил-76 (RA-78765) кој летал од Русија преку Ерменија, Алжир, Мароко, Сенегал и Мавританија пред да слета во Венецуела.

A Russian Il-76 military transport plane linked to the Wagner Group has landed in Venezuela

According to Defense News, the Il-76 is operated by Aviacon Zitotrans, a company sanctioned by the U.S., Canada, and Ukraine for its ties to Russian military structures, including… pic.twitter.com/n1eNCFH5NN

— Visegrád 24 (@visegrad24) November 1, 2025

Ер-Би-Си Украина и Ројтерс Европа деск се повикаа на ист извор – системот за следење на летови Флајтрадар24, кој го забележал движењето на авионот кон Каракас.

Моментално нема официјална потврда од Москва или Каракас за содржината на летот, но повеќето анализи укажуваат дека се работи за воен товар и можен сигнал на поддршка кон режимот на Мадуро, во услови на нови тензии со САД во Карибите.

The post РУСКИ ВОЕН АВИОН СЛЕТА ВО ВЕНЕЦУЕЛА, ПОМОШ ЗА МАДУРО? Движењето е забележано на Флајтрадар24 appeared first on plusinfo.mk.

Само пет тела биле пронајдени на местото на падот на рускиот авион „Иљушин ИЛ-76“, тврди Андреј Јусов, портпаролот на разузнавање при украинското Министерство за одбрана. Ова е спротивно на тврдењето на Русија дека авионот превезувал 65 украински воени заробеници за размена, пишува ДејлиТелеграф.

Јусов исто така тврди дека неколку „ВИП“ лица биле предупредени од руската федерална служба за безбедност (ФСБ) „во последен момент“ да не се качат. Тој вети дека ќе ги именува официјалните лица и дека ќе обезбеди докази за тврдењето за меѓународната истрага за несреќата.

Тој додаде дека видео снимките и фотографиите од местото на несреќата не покажуваат човечки останки и дека ФСБ и војската им наредиле на службениците од Министерството за вонредни ситуации да го напуштат местото на несреќата пред да ја завршат истрагата.

Дмитро Лубинец, комесарот за човекови права на украинскиот парламент, исто така, ги отфрли тврдењата на Русија дека во авионот имало 65 затвореници. Тој се согласи со г-дин Јусов дека фотографиите и видеата од местото на несреќата не покажуваат „знаци дека имало толку голем број луѓе во авионот“.

Тој побара истрага од Меѓународниот Црвен Крст и од Обединетите Нации(ОН). Од ОН сооптшија дека засега не можат да ги потврдат извештаите за случајот.

Русија тврди дека авионот бил соборен од две украински ракети во „терористички чин“, а дека ракетите биле испорачани од Запад и дека биле истрелани од селото Липци во Харков, 56 милји југозападно од местото на несреќата, во близина на селото Јаблоново кое е на 70 километри од Белгород.

Но, во четвртокот, Франција повика на претпазливост околу прифаќањето на руската верзија за настаните.

Кристоф Лемоан, заменик портпарол на Министерството за надворешни работи, им рече на новинарите:

– Русија нè навикна да лажеме за овие работи.

Руската страна исто така тврди дека Русија и дала на Украина „15-минутно предупредување“ за летот.

Ова тврдење според Украина е лажно.

– Државата агресор не упати такви барања ниту во писмена, ниту во усна форма – рече Јусов.

The post 5 А НЕ 65 ЛИЦА ЗАГИНАЛЕ ВО ПАДОТ НА РУСКИОТ АВИОН? Според Киев руски ВИП службеници за малку ќе завршеле на летот appeared first on plusinfo.mk.