Компанијата Грин Машинс, бренд на БРАКО и еден од водечките светски производители на возила за урбана хигиена, воспостави соработка со најуспешниот македонски автомобилист Игор Стефановски – Иџе, чии тркачки автомобили отсега ќе го носат логото на македонскиот бренд на европските патеки.

„За нас претставува чест да бидеме дел од приказната на Игор Стефановски – Иџе. Станува збор за спортист кој со своите резултати, професионален однос и упорност со години е еден од најдобрите промотори на Македонија во странство. Во исто време, Грин Машинс преку своите електрични и водородни свипери е присутен на речиси сите континенти. Веруваме дека ваквите успешни македонски приказни заслужуваат меѓусебна поддршка и заедничка промоција на нашата земја на меѓународната сцена“, велат од Грин Машинс.

Свиперите, односно специјализираните возила за урбана хигиена што ги произведува БРАКО се препознатливи на светскиот пазар, а преку ова партнерство, брендот ќе биде присутен и на европските тркачки патеки, каде што Иџе со години успешно ги брани боите на Македонија и остварува врвни резултати во конкуренција на најдобрите европски автомобилисти.

Соработката претставува симболично поврзување на две успешни македонски приказни – едната од производствените капацитети на БРАКО, а другата од европските тркачки патеки – кои преку своите достигнувања придонесуваат за афирмација на Македонија надвор од нејзините граници.

The post 📷 ГРИН МАШИНС ЌЕ ГО ПРИДРУЖУВА ИЏЕ НА ЕВРОПСКИТЕ ПАТЕКИ Брендот станува спонзор на најтрофејниот македонски автомобилист appeared first on plusinfo.mk.

Македонскиот автомобилист Игор Стефановски – Иџе овој викенд ќе настапи на престижната ридско-брзинска трка во Котор, која важи за една од најатрактивните во регионот.

Во паузата од настапите во ФИА Европски шампионат на ридски патеки, Стефановски ја прифатил поканата од организаторите и ќе се натпреварува со повеќе од 130 врвни возачи.

Трката ја организираат Автомобилски и картинг сојуз на Црна Гора и АМСК Котор, а резултатите се бодуваат за шампионатот на Црна Гора, првенството на Хрватска, како и за Адриатик и Котор куповите.

– Ми претставува особена чест и задоволство што повторно ќе бидам дел од оваа трка, која со години важи за една од најквалитетните во регионот. За мене, Котор има и лично значење – тука растев и се развивав како автомобилист. Ова е можност повторно да застанам пред балканската публика и моите пријатели. Особено ме радува што публиката за првпат ќе има можност да го види моето црвено Ферари на ваков настан. Очекувам одличен викенд и вистински тркачки спектакл – изјави Стефановски.

Од тимот на Видеолотарија Касинос Австрија велат дека и овојпат силно стојат зад него и изразуваат гордост што повеќе од една деценија заедно го поддржуваат неговиот успех и ја промовираат Македонија на меѓународната сцена.

The post ГАС ДО ДАСКА ВО КОТОР Иџе најавува вистински спектакл со своето Ферари appeared first on plusinfo.mk.

Македонскиот автомобилист Игор Стефановски Иџе со силен настап ја отвори новата сезона во ФИА Европски шампионат на ридски патеки, откако викендов настапи на легендарната патека Рекберг во Австрија.

Во конкуренција од повеќе од 250 возачи, Стефановски уште на самиот старт покажа дека ќе биде сериозен кандидат за висок пласман сезонава. По првата трка го имаше третото најдобро време, додека во втората заврши со петто време. Со збирниот резултат, македонскиот ас се пласираше на одличното петто место во генералниот пласман.

Трикратниот европски шампион и оваа сезона влегува со јасна цел – да се бори со најдобрите и да оствари нови врвни резултати на европската сцена.

– Ова беше одличен викенд. Иако пред почетокот на сезоната немавме ниту еден тест, задоволен сум од резултатот. Ова е добар почеток. Следуваат трки во кои постепено ќе се прилагодуваме на автомобилот. Голема благодарност до мојот тим, до Ферари, до спонзорите и постоечките и новите, како и до сите што ни даваат поддршка – изјави Стефановски.

Со ваков старт на сезоната, Иџе најавува возбудлива година и нова битка за врвот во европскиот шампионат.

The post ИЏЕ ВЕДНАШ ПОКАЖА ЗАБИ Петто место на Рекберг и најава за нова битка за титула appeared first on plusinfo.mk.

Најдобриот македонски автомобилист Игор Стефановски – Иџе викендов од Австрија ја започнува новата сезона во ФИА Европски шампионат на ридски патеки, при што годинава одбележува значаен јубилеј – 25 години на тркачките патеки.

Стартот на сезоната е на легендарната патека Рекберг, каде македонскиот автомобилист ќе настапи со дополнителен мотив. Трикратниот европски шампион влегува во новата сезона со амбиција за нови резултати, во конкуренција од повеќе од 250 возачи, додека шампионатот годинава вклучува 10 трки низ Европа.

Сезоната започнува со тренинзи во сабота, а главните трки се возат во недела, на 26 април. Завршницата и оваа година е планирана во Хрватска во септември.

Стефановски ќе продолжи да настапува со моделот „Ferrari 488 Challenge“, специјално подготвен за ридски патеки, со што ја продолжува соработката со Ферари.

– Со силна возбуда ја очекувам првата трка. Оваа сезона е посебна, 25 години на патеката се голем мотив да дадеме максимум. Очекувам одлични резултати и силен шампионат. Благодарност до мојот тим, до Ферари, до спонзорите – постоечките и новите, како и до сите што ни даваат поддршка – изјави Стефановски.

Поддршката продолжува и од тимот на Видеолотарија Касинос Австрија, од каде посочуваат дека повеќе од една деценија стојат зад македонскиот возач и неговите успеси на европската сцена.

The post ИЏЕ СЛАВИ ЈУБИЛЕЈ ОД 25 ГОДИНИ „Летечкиот“ Македонец подготвен за новата сезона appeared first on plusinfo.mk.

Македонскиот автомобилски ас Игор Стефановски – Иџе продолжува да ја пишува историјата на македонскиот автоспорт. Трикратниот европски шампион во ридски патеки овој викенд ќе дебитира во ЕУРО НАСКАР ПРО, како дел од тимот Speed House S20 Team, во финалето на шампионатот што ќе се вози на легендарната патека Золдер во Белгија.

Иџе станува првиот Македонец кој ќе настапи во оваа престижна серија под лиценца на американскиот Наскар, најпопуларниот автомобилски шампионат во САД, кој веќе повеќе од една деценија има и своја европска верзија.

– Во 2020 година требаше да возам во ова првенство, но пандемијата го стопираше тоа. Конечно, пред неколку дена добив покана од организаторите да бидам гостин на последната трка во Золдер. Добро е што ја знам патеката, тука имам победа во ЕТЦЦ во 2017 година – изјави Стефановски.

Иџе вели дека ова ќе биде нов предизвик во неговата кариера, бидејќи ќе вози автомобил кој досега не го пробал, во класата со околу 26 професионални возачи.

– Ова ќе биде моја 201 трка, и со неа отворам ново поглавје. Ќе бидам дел од силна конкуренција. Mинатата година тука возеше Жак Вилнев, а годинава е и легендарниот Иван Милер. Ова е голема чест, но и огромна мотивација – додава тој.

Стефановски најавува дека резултатот нема да му биде приоритет, туку запознавање со новиот автомобил и со шампионатот, како вовед во можни идни настапи во оваа елитна категорија.

Видеолотарија Касинос Австрија со години стои зад Иџе како негов поддржувач, верувајќи во неговата спортска визија и во македонскиот успех. Со истиот дух на страст, храброст и истрајност, компанијата најави дека ќе продолжи да навива за Иџе – шампионот, кој ја носи Македонија на европските патеки.

The post ИГОР СТЕФАНОВСКИ – ИЏЕ Е ПРВ МАКЕДОНЕЦ ВО ЕУРОНАСКАР ПРО Ова е негова 201 трка и со неа отвора ново поглавје appeared first on plusinfo.mk.

На последната трка во ФИА Европскиот шампионат на ридски патеки (еHC), во Шпанија, Игор Стефановски Иџе го освои второто место. Трката во Шпанија за него беше трка за паметење.

– Изгубено е првото место за 0,8 стоти делови од секунда. Тоа докажува какви се овие трки, неизвесност до самиот крај, борба при секоја кривина за што подобар пласман. И покрај тоа што во првото и во третото возење, имав најдобро време и прва позиција од сите натпреварувачи, за жал, во второто возење направив грешка, која нѐ чинеше позиција на пиедесталот. Секако, можам да кажам дека сум исклучително задоволен од трката која помина. Огромен успех за мене и за Македонија е да се биде на еден ваков натпревар со 100 натпреварувачи – вели Стефановски.

Иџе додава дека е вистински горд што публиката во Шпанија го дочекала величествено, како трикратен европски шампион.

– Благодарност до мојот тим, како и тимот на Ферари кои беа со мене во последниве трки. Благодарен сум за нивната пожртвуваност и подготовката на автомобилот за постигнување на овие вистински, извонредни резултати. Со оваа трка и со освоените бодови, се позициониравме на првото место во групата 1, и на второто место во генералниот пласман од сите натпреварувачи. Со мојата екипа, веќе сме на пат за Македонија, а веќе следната недела нѐ очекува петтата трка од ФИА Европскиот шампионат на ридски патеки (еHC) која ќе се вози во Чешка – изјави Стефановски.

Тој се трка со автомобилскиот ѕвер од Ферари 488 B8, специјално дизајниран за овие патеки.

– Видеолотарија Касинос Австрија упати искрени честити до Иџе за постигнатиот успех во оваа трка. До крајот на овој шампионат, остануваме посветени во поддршката и ќе продолжиме заедно да навиваме за Иџе и за Македонија – велат од компанијата.

The post ИГОР СТЕФАНОВСКИ ИЏЕ НА ПИЕДЕСТАЛ Во трката за паметење го освои второто место appeared first on plusinfo.mk.

Игор Стефановски Иџе изминатиов викенд повторно се качи на пиедестал откако го освои третото место на последната трка во ФИА Европскиот шампионат на ридски патеки (еHC), на патеката Рампа Да Фалпера во Португалија.

Трката се возеше во исклучително тешки услови поради дождливото време, што придонесе за бројни незгоди и прекини. Условите придонесоа оваа трка да биде предизвик и за најдобрите автомобилисти од Европа.

– Не можам да бидам незадоволен со освоеното трето место на оваа патека и тоа во условите во кои се возеше, особено затоа што бевме во борба со автомобили на погон со сите 4 тркала. Иако постигнав најдобро второ време во второто возење, збирниот резултат од двете трки, ми го донесе третото место. Морав да се задоволам со третата позиција на подиумот. Горд сум што сум најдобро пласираниот автомобилист во ГТ класата за португалскиот шампионат, во кој возат докажаните португалски автомобилисти. Благодарност до мојот тим, како и тимот и инженерите на Ферари за нивната пожртвуваност во оваа трка, што придонесе мојот автомобил да биде подготвен за овие екстремно тешки услови. Од Португалија, продолжуваме во Шпанија, каде за пет дена нѐ очекува следната трка – изјави Стефановски.

Стефановски и годинава се трка со автомобилскиот ѕвер од Ферари 488 B8, специјално дизајниран за овие патеки.

Видеолотарија Касинос Австрија упати искрени честити до Иџе за постигнатиот успех во оваа трка. До крајот на овој шампионат компанијата ќе продолжи да навива за Иџе и за Македонија.

The post ИГОР СТЕФАНОВСКИ ИЏЕ ОСВОИ ТРЕТО МЕСТО НА РАМПА ДА ФАЛПЕРА Трката се возеше во исклучително тешки услови appeared first on plusinfo.mk.

Летечкиот Македонец, Игор Стефановски Иџе изминатиов викенд во новиот ФИА Европскиот шампионат на ридски патеки (еHC), ја возеше втората трка во Австрија. Легендарната патеката Рехберт важи за една од најценетите и најстари патеки во Европа. Иџе во првото возење беше четврти, во втората трка направи второ најдобро време на патеката, а овој резултат му обезбеди трето место во генералниот пласман.

– Трето место во генерален пласман од сите натпреварувачи на легендарната патека Рехбер во Австрија, во конкуренција со над 250 натпреварувачи од цела Европа. Ова е силен успех. Успеавме да се искачиме на подиум во исклучително моќна конкуренција. Благодарен сум на целиот тим и особено на тимот на Ферари, кои со своите нагодувања го направија мојот автомобил перфектен за оваа трка. Тешко е навистина да се натпреварувате против возачи чии возила имаат повеќе од 1.000 кс и погон на сите 4 тркала. Секако, искуството кое го стекнав низ годините во кои се натпреварувам, ми овозможи да им парирам на овие „тркачки ѓавол и секогаш да се борам за висок пласман. Благодарност до моите спонзори и Министерството за спорт за несебичната поддршка на патот кон големите успеси, како за мене, така и во претставувањето на нашата земја – изјави Стефановски.

Стефановски и годинава се трка со автомобилскиот ѕвер од Ферари 488 B8, специјално дизајниран за овие патеки. Стефановски е победник во Европскиот шампионат на ридски патеки, во група 1. ФИА Европскиот шампионат на ридски патеки, годинава има 11 трки, од кои две се завршени.

– Тимот на Видеолотарија Касинос Австрија му го честита успехот и на оваа неверојатна трка. И во следните 9 трки од ФИА Европскиот шампионат на ридски патеки (еHC), ќе бидеме дел од неговиот тим. Ние сме горди што повеќе од една деценија заедно навиваме за Иџе и Македонија – велат од Видеолотарија.

The post ЛЕТЕЧКИОТ МАКЕДОНЕЦ ПОВТОРНО НА ПОДИУМ Иџе заврши трет на трката во Австрија appeared first on plusinfo.mk.

Летечкиот Македонец, Игор Стефановски Иџе во новиот ФИА Европскиот шампионат на ридски патеки (еHC) стартуваше со победа и тоа во тешки временски услови. Изминатиов викенд во Франција на патеката Сан Жар Ду Гард стартуваше новиот ФИА Европскиот шампионат на ридски патеки, кој годинава има 11 трки.

– Првата трка заврши. Не беше онака како што очекувавме. Ова е една од најтешките трки што сум ја возел досега. Врнежливото време и маглата создаваат невозможни услови за возење. Ова се гладијаторски трки. Возите со голема брзина, а видливоста е мала. Во мојата група сум прв, но не можам да се радувам, затоа што моите најголеми конкуренти имаат стравотни излетувања и ги искршија своите возила. И јас имав мало излетување, но за среќа не го оштетив многу возилото. По моето возење организаторот одлучи да ја прекине трката, поради лошите временски услови. Ние завршивме први, но ова е трка која посакувам да не се повтори – изјави Стефановски.

Стефановски и годинава се трка со автомобилскиот ѕвер од Ферари 488 B8, специјално дизајниран за овие патеки. Стефановски е победник во Европскиот шампионат на ридски патеки, во група 1.

Тимот на Видеолотарија Касинос Австрија му честита за оваа неверојатна трка. И во следните 10 трки од ФИА Европскиот шампионат на ридски патеки (еHC), ќе бидеме дел од неговиот тим. Ние сме горди што повеќе од една деценија заедно навиваме за Иџе и Македонија, велат од Касинос Австрија.

The post ИЏЕ ПОБЕДИ НА ТРКАТА ВО ФРАНЦИЈА Една од најтешките трки што ја возел досега appeared first on plusinfo.mk.

Игор Стефановски Иџе овој викенд со трката во Франција започнува нова сезона во која ќе се обиде да стигне до четвртата титула во ФИА Европскиот шампионат на ридски патеки (еHC).

Во Франција на патеката Сан Жар Ду Гард, тој ќе го започне својот најнов поход на ФИА Европскиот шампионат на ридски патеки, кој и годинава има 11 трки. Шампионатот започнува на 12.04.2024, а ќе заврши во септември со трката во Хрватска.

Стефановски и годинава ќе се трка со автомобилскиот ѕвер од ферари 488 B8, специјално дизајниран за овие патеки. Стефановски е победник во Европскиот шампионат на ридски патеки, во група 1. Тој и оваа сезона не ги крие своите шампионски амбиции, за кои верува дека ќе може да се реализираат.

– Со силна возбуда, сакам да најавам дека очекувам добра трка. Посакувам да постигнеме одличен резултат и во овој шампионат. Благодарност до мојот неверојатен тим, тимот на Ферари, до моите спонзори, до сите Вас кои ни давате безрезервна поддршка – рече Иџе.

Македонскиот автомобилист Игор Стефановски – Иџе лани забележа успех и заврши како прв во својата група на Европскиот шампионат на ридски патеки. Тој со своето ферари 488 Челинџ Ево заврши на лидерското место пред Чехот Рони Братшчи кој беше втор. Третото место му припадна на Хрватот Домагој Перековиќ.

– Тимот на Видеолотарија Касинос Австрија и овојпат силно верува во него. Ние сме горди што повеќе од една деценија заедно навиваме за Иџе и за Македонија – велат од Видеолотарија.

The post ИГОР СТЕФАНОВСКИ ИЏЕ ВО ПОХОД НИЗ ЕВРОПА Ќе се обиде да стигне до четвртата титула appeared first on plusinfo.mk.