Белоруската тенисерка Арина Сабаленка ќе остане лидер на ранг-листата на Женската тениска асоцијација (WTA) до крајот на сезоната, објави „Tennis 365“.

Ова се должи на поразот на полската број 2 Ига Швјонтек од Италијанката Јасмине Паолини во четвртфиналето на турнирот во Вухан. Швјонтек ги загуби теоретските шанси да ја престигне Сабаленка до крајот на 2025 година.

Дваесет и седумгодишната Белорусинка е лидер на ранг-листата на WTA од октомври 2024 година.

Денес во 12:30 часот, Сабаленка ќе се соочи со Џесика Пегула од САД во полуфиналето на турнирот во Вухан.

The post САБАЛЕНКА ЈА ЗАДРЖУВА КРУНАТА Белоруската тенисерка останува број 1 на WTA-листата до крајот на сезоната appeared first on plusinfo.mk.

Кинеската тенисерка Кинвен Женг е првата финалистка на олимпискиот турнир во Париз, откако попладнево забележа сензационална победа над најдобрата светска тенисерка Ига Швјонтек од Полска со 2-0 во сетови (6-2, 7-5).

Женг ѝ нанесе неочекуван пораз на Швјонтек на теренот на кој полската тенисерка освои четири грен – слем титули на Ролан Гарос и беше апсолутна фаворитка за златниот медал на Игрите во Париз.

За Женг ова е второ големо финале оваа година, откако во јануари загуби во дуелот за титулата на Австралија Опен од Белорусинката Арина Сабаленка.

Кинеската тенисерка во финалето ќе игра против победничката од второто олимписко полуфинале меѓу Дона Векиќ од Хрватска и Ана Каролина Шмиедлова од Словачка.

The post ОГРОМНА СЕНЗАЦИЈА НА ИГРИТЕ ВО ПАРИЗ Швјонтек остана без олимписко финале по поразот од Женг appeared first on plusinfo.mk.