Таму каде што почитта нè обединува! Вечерва, на покана на поглаварот на Исламската верска заедница, Реис ул-Улема, присуствував на традиционалната ифтарска вечера со нашите браќа и сестри од исламска вероисповед, објави градоначалникот на Скопје, Орце Ѓорѓиевски.

„Во духот на меѓусебната почит, разбирање и искрена човечка блискост, вечерта помина во пријатна и топла атмосфера, испраќајќи силна порака за соживот, толеранција и заедништво. Токму ваквите моменти нè потсетуваат дека различностите се наше богатство, а почитта, наш заеднички темел“, објави градоначалникот.

Рамазанските денови, додаде тој, се денови на духовна сила, добрина, солидарност и на обединување.

„Денови кога се отвораат срцата, кога се помага на ближниот и кога уште повеќе се зацврстуваат врските меѓу луѓето. Да продолжиме да се почитуваме, да се поддржуваме и да останеме сплотени, за заедно да ја оствариме нашата мисија – силно и модерно Скопје и просперитетна Македонија“, напиша Ѓорѓиевски.

На сите верници им посакувам лесен и благословен пост, додаде тој.

The post ДА ПРОДОЛЖИМЕ ДА СЕ ПОЧИТУВАМЕ, ДА ОСТАНЕМЕ СПЛОТЕНИ Градоначалникот Ѓорѓиевски на ифтарска вечера appeared first on plusinfo.mk.

Кандидатката за претседателка на Македонија поддржана од партијата Левица, Билјана Ванковска ја одби понудата да присуствува на ифтарска вечера што ја организира претседателот Стево Пендаровски кој се  кандидираше за втор мандат поддржан од владеачката партија СДСМ.

Во образложението Ванковска, меѓу другото, пишува дека демократската политика е во духот на секуларноста и дека и според Уставот државата и верските заедници се одвоени едни од други.

„Моето разбирање на демократската политика е во духот на секуларноста, на која впорчем нѐ обврзува и Уставот. Државата и верските заедници се одвоени едни од други, а нам како претенденти за највисоката позиција во државата не ни прилега ниту во кампања, ниту вон кампања, да им се додворуваме на граѓаните со организирање средби од ваков вид. Посакувајќи им на сите верници од муслиманска вероисповест лесни рамазански пости и среќни празници, сепак ќе укажам и на нужноста од заедничко изразување солидарност и емпатија за два милиони луѓе во Палестина кои намерно се изгладнуваат, а не постат, иако го почитуваат својот верски кодекс. Во најмала рака можеме да упатиме апел за итен прекин на огнот и доставување хуманитарна помош за овие луѓе, и особено децата, кои гладуваат во степен пострашен од оној во Дарфур или Сомалија“, напиша Ванковска во писмото упатено до Пендаровски, а кое интегрално го објави на својот Фејсбук профил.

Ванковска вели и дека однапред ќе ја одбие и поканата за „евентуална покана за средба од ваков вид по повод велигденските празници.

„Верувам дека средствата наменети за овие средби можат да бидат пренаменети за поблагородни цели. Ние, како претседателски кандидати, можеме да испиеме заедничко кафе во кое било кафуле во Скопје или на друго место без да создаваме трошоци и испраќаме несоодветни политички пораки до граѓаните“, пишува Ванковска во писмото до Пендаровски со кое ја одбива неговата покана до сите претседателски кандидати да присустуваат на ифтарска вечера.

Ваква вечера вчера организираше и кандидатот за претседател од ДУИ и актуелен министер за надворешни работи Бујар Осамни, но Ванковска не беше поканета на неа.

The post ВАНКОВСКА ГО ОДБИ ПЕНДАРОВСКИ Нема да му оди на ифтарска вечера appeared first on plusinfo.mk.

Тој изрази задоволство што во овие свети денови за припадниците на муслиманската вероисповед сите заедно ја споделуваме вербата во соживотот и меѓусебното почитување на различностите.

– Почитувањето на другиот, со сите форми на верување, живеење и изразување е предуслов за здраво општество, за толерантно меѓуетничко општество како што е нашето.  Само на овој начин, како што сме вечерва, со различна вероисповед, со различна политичка припадност и уверување, со различна етничка припадност, а повторно заедно, на иста маса и со заедничка желба за просперитетна и безбедна иднина, можеме да обезбедиме поубава и посветла иднина за нашите граѓани – им порача претседателот Митрески на присутните.

На Ифтарската вечера присуствуваа претседателот на Владата, Талат Џафери, претставници од верските заедници во државата, потпретседателите на Собранието, координаторите на пратеничките групи во Собранието, генералната секретарка на Собранието, Цветанка Иванова, пратениците од муслиманска вероисповед.

The post 📷 МИТРЕСКИ ОРГАНИЗИРАШЕ ИФТАРСКА ВЕЧЕРА „Почитувањето на другиот е предуслов за здраво општество“ appeared first on plusinfo.mk.

„Во време кога припадниците од исламската вероисповед го слават месецот Рамазан, ми беше особена чест да организираме Ифтарска вечер за нашите членови и пријатели од исламска вероисповед. Моја беше честа да разговараме за актуелните предизвици, тешкото време и иднината за која мораме заедно да се бориме. Македонија и проблемите во земјата се на сите луѓе, и нашата одговорност за создавањето на иднината е подеднаква и заедничка“, напиша Мицкоски на својот Фејсбук прифил.

Претседателот на ВМРО-ДПНЕ посака големите празници да донесат мир и спокој, обединување и радост.

Мицкоски објави и фотографии од ифтарската вечера, на која присуствувале и потпретседателите на партијата Владо Мисајловски и Александар Николоски, пратениците Антонио Милошоски, Дафина Стојаноска…

The post (ФОТО) МИЦКОСКИ ПРИРЕДИ ИФТАРСКА ВЕЧЕРА Членовите на партијата, пријателите и дел од пратениците седнати на иста трпеза appeared first on plusinfo.mk.