Апелациониот судија Ѓоко Ристов, кому истражителите му најдоа 350.000 евра скриени во ѕид во домот на неговите родители во Неготино, денеска на почетокот на судскиот процес во Кривичниот суд се изјасни како невин за кривичните дела што му се ставаат на товар.

– Не се чувствувам виновен ниту за првото, ниту за второто кривично дело со оглед на правната квалификација – изјави Ристов пред судот.

Обвинителката Искра Хаџи Василева, пак, тврди дека  рече дека Ристов свесно презел дејствија спротивно на одговорноста на која го повикува судската тога. Обвинителството, како што беше кажано, ќе докажува дека Ристов како судија во Апелационен суд, дал лажни податоци за својата имотна состојба, а ќе се докажува и за прикривање на податоци за имотот на обвинетиот. Ќе се докажува дека Ристов го користел делот од куќата каде биле најдени парите, кои биле криени, според обвинението, зад кујнски елементи.

Обвинетиот, за кого беше кажано дека е женет, татко на две деца, рече дека разбрал што му се става на товар, но, не се чувствува виновен ниту за првото, ниту за второто. Ристов нагласи и дека за перење пари мора да има кривично дело од кое потекнуваат тие пари.

Од одбраната на Ристов, во судницата денеска беа присутни бранителите Ѕвонко Давидовиќ и Душко Јанковиќ. Давидовиќ, меѓу другото, рече дека одбраната во текот на оваа постапка ќе се судри со теоријата на Обвинителството наречена „ѕидовите зборуваат, а доказите молчат“. Тој наведе дека за среќа, чувствата во судница не зборуваат, туку зборува ладнокрвноста на доказите.

– Мојот клиент со децении професионално ја извршувал својата професија и пред да се појави во судницата, во јавноста веќе беше осуден – додаде бранителот во неговиот говор во судницата.

Ниту еден доказ, како што подвлече тој, не ги поврзувал Ристов и неговата функција.

Давидовиќ рече дека во текот на постапката, одбраната на судот ќе му докаже за легалното потекло на имотот на родителите на обвинетиот. Според одбраната, легалните докази ќе покажат дека неговите родители легално го спечалиле овој имот.

Давидовиќ рече и дека неосновано е поврзувањето на парите со обвинетиот.

На 17 април, Јавното обвинителство на Репбулика Северна Македонија соопшти дека биле преземени повеќе дејствија и претреси, при кои на 18.01.2026 година во дом на родители на судија во Неготино, пронајдени биле вкупно 350.000 евра за чие потекло, тој немал доказ и не ги пријавил.

„Парите беа пронајдени спакувани во 13 поединечни пакувања, и тоа вкупно 610 банкноти во апоени од по 500 евра и 225 банкноти во апоени од по 200 евра, од кои дел со обележани рачно испишани износи на средствата, скриени во заѕидан простор во шуплините од цигли во ѕидот на една од собите. Ова предизвика основано сомнение дека овој осомничен во периодот од 10.02.2020 година, како службено лице судија во Апелациониот суд Скопје, спротивно на законската должност за пријавување на имотна состојба или нејзина промена давал лажни податоци за својот имот и имотот на неговото семејство и не пријавил имот, кој во големи размери ги надминува неговите законски приходи“, објави ЈО.

Притоа Обвинителството информираше дека од поведувањето на постапката, јавниот обвинител презел повеќе дејствија, со кои обезбедил цврсти докази во однос на сопственоста на паричните средства.

Судскиот процес го води судијката Билјана Коцевска.

Следното рочиште е на 9 јуни.

The post СУДИЈАТА РИСТОВ НЕГИРА ВИНА ЗА СОЅИДАНИТЕ 350.000 ЕВРА Одбраната ќе докажува дека парите ги стекнале неговите родители appeared first on plusinfo.mk.

Крадци во Германија украле имот вреден повеќе десетици милиони евра од трезорот на една банка, соопшти германската полиција.

Околу 2.700 клиенти на банката се оштетени со оваа кражба во Гелзенкирхен, соопштија полицијата и банката Шпаркасе. Гневните штедачи се собраа денеска пред банката барајќи си ги своите пари.

Полицијата смета дека вредноста на сè украдено достигнува околу 90 милиони евра.

Грабежот се случил вчера, а банката остана затворена и денеска, додека околу 200 луѓе се појавија пред неа барајќи да влезат внатре, пренесува ДПА.

Противпожарниот аларм ги повикал полицајците и пожарникарите во филијалата на банката малку пред 4 часот наутро во понеделникот.

Тие пронашле дупка во ѕидот и го пребарале трезорот. Полицијата верува дека била користена голема дупчалка за пробивање на ѕидот.

Сведоци им кажале на истражителите дека во текот на викендот виделе неколку мажи како носат големи торби во блиската гаража.

The post 🎥 ГО ПРОДУПИЛЕ ЅИДОТ И ОД ТРЕЗОР ОДНЕЛЕ ОКОЛУ 90 МИЛИОНИ ЕВРА Спектакуларен грабеж на филијала на Шпаркасе банка во Германија appeared first on plusinfo.mk.

Градежните работници почнаа со уривање на Источното крило на Белата куќа за да ја изградат долгоочекуваната балска сала за американскиот претседател Доналд Трамп.

Беше виден багер како ја урива фасадата на зградата, дел од комплексот на Белата куќа во кој беа сместени канцелариите на првите дами, театарот и влезот за посетители каде што беа пречекувани странски достоинственици.

Се очекува проектот за балската сала да чини повеќе од 250 милиони долари, а Трамп во јули изјави дека ќе го плати самиот со помош на донатори.

Obama once wore a tan suit and they had pitchforks out.

Today demolition crews begun tearing down parts of the East Wing of the White House to build Trump’s $250 Million ballroom after claiming it wouldn’t “interfere” with the existing White House structure. pic.twitter.com/vpfS9HNbdv

— david (@realdavidonline) October 20, 2025

– Ќе биде прекрасно. Нема да се меша со постојната зграда. Ќе биде блиску до неа, но нема да ја допира. И оддава целосна почит на постојната зграда, на која сум голем обожавател. Тоа е мојот омилен дел – рече своевремено Трамп.

BREAKING: White House begins demolishing the East Wing to build $250 million ballroom.

The project is privately funded by President Trump & other donors. pic.twitter.com/gJSfxPOTGR

— Breaking911 (@Breaking911) October 20, 2025

Идните забави треба да започнат со коктели во Источната соба пред гостите да бидат внесени во балската сала, за која Трамп рече дека ќе биде „најубавата“ во земјата со поглед на споменикот на Вашингтон и ќе има капацитет од 999 луѓе.

„Целосно одвоено од самата Бела куќа, Источното крило е целосно модернизирано како дел од овој процес и ќе биде поубаво од кога било кога ќе биде завршено“, напиша тој подоцна во објава на мрежата „Truth Social“.

Сегашното Источно крило е изградено во 1942 година, за време на администрацијата на Франклин Д. Рузвелт и во средината на Втората светска војна, над бункер изграден за итна употреба од страна на претседателот.

The post 📽️ БАГЕР ВО БЕЛАТА КУЌА, СЕ РУШИ ЅИД Трамп ќе гради сала за бал со поглед кон Вашингтон appeared first on plusinfo.mk.

Општината Ѓорче Петров ѝ даде пет дена на градежната фирмата која градејќи зграда сруши ѕид на соседна висококатница да го врати ѕидот во првобитната состојба и да ја осигура оштетената градба. Работниците кои работеле на новиот објект го пробиле ѕидот на соседот и целиот бетон кој го нанесувале за плочата завршил по скалите на соседната зграда.Општината излезе со соопштение откако градежните инспектори извршија вонреден надзор на зградата на булеварот Партизански одреди.

„Констатирани се неправилности, изготвен е Записник од извршен инспекциски надзор и донесено е Решение со кое на инвеститорите им се наредува веднаш да ја прекинат натамошната изградба на објектот од втора категорија со намена А2 – колективна станбена зграда на улица Партизански Одреди бб, во рок од пет дена да го вратат во првобитна состојба фасадниот ѕид на соседниот објект и веднаш да ја обезбедат сигурноста на околната градба“, се наведува во соопштението.

Во текстот се вели дека инцидентот настанал при бетонажа на ѕид од источната страна на објектот кој се гради.

Претходно општината го повика станарите да побараат отштета и дека изведувачот и инвеститорот ќе добијат соодветна казна заедно со обврската да го санираат проблемот.

„Бидејќи се работи за штета со можен основ за надомест, жителите имаат право да побараат и дополнителна правна заштита преку надлежните судови“, порачаа од општината.

The post ФИРМАТА КОЈА ГРАДЕЈЌИ СРУШИ ЅИД НА СОСЕД ДОБИ 5 ДЕНА ДА ЈА САНИРА ШТЕТАТА Општината бара да се осигура стабилноста на оштетениот објект appeared first on plusinfo.mk.

Турција ќе почне да гради ѕид на границата со Грција со цел да спречи илегални влегувања во Европска Унија, изјави гувернерот на турската провинција Едрене, Јунус Сезер.

– Планирано е годинава да почне изградба на 8,5 километри – истакна Сезер, чијашто покраина граничи со Грција и со Бугарија.

Тој додаде дека другите делови од ѕидот би требало да бидат подигнати подоцна долж копнената граница помеѓу Турција и Грција, долга околу 200 километри.

Мигрантите се обидуваат да стигнат до Грција од Турција, главно по морски пат.

За потсетување, Грција го продолжи челичниот ѕид долж границата со Турција во 2023 година, во обид да ги спречи мигрантите да преминат во земјата на Европската Унија.

Greece is planning a major extension of a steel wall along its border with Turkey in 2023 in a bid to prevent migrants from crossing into the European Union country.

More: https://t.co/25Y324Yag0 pic.twitter.com/NRLaCRdDvU

— AP Europe (@AP_Europe) December 23, 2022

The post ТУРЦИЈА ЌЕ ГРАДИ ЅИД НА ГРАНИЦАТА СО ГРЦИЈА Нова бариера против илегалната миграција appeared first on plusinfo.mk.

САД мора да одржат воено присуство во Сирија за да ја спречат групата ИД (Исламска Држава) повторно да се појави како закана по падот на владата на Башар ал Асад, изјави американскиот секретар за одбрана, Лојд Остин.

– Таму сѐ уште се потребни американски сили, првенствено за безбедност на камповите за десетици илјади поранешни борци на ИД и за нивните семејства – рече шефот на Пентагон во едно од неговите последни интервјуа за американски медиуми.

Според различни проценки, меѓу 8.000 и 10.000 борци на групата се во камповите, а најмалку 2.000 од нив се верува дека се многу опасни.

– Мојот став е дека ако Сирија е незаштитена, борците на ИСИС повторно ќе станат една од главните струи – рече Остин во воздухопловната база Рамштајн во Германија каде што пристигна да разговара со околу 50 други партнерски земји за воената помош за Украина.

Тој употребил друг акроним за групата Исламска држава („Исламска држава во Ирак и Левант“, ИДИЛ).

Во 2018 година, за време на неговиот прв мандат, новоизбраниот американски претседател Доналд Трамп се обиде да ги повлече сите американски сили од Сирија, што предизвика оставка на поранешниот секретар за одбрана, Џим Матис. Минатиот месец, за време на офанзивата на групата Хајат Тахрир ал-Шам против Асад, Трамп објави на социјалните мрежи дека војската на Вашингтон треба да остане настрана од конфликтот.

САД одржуваат контингент од околу 2.000 војници во Сирија, чијашто задача е да се борат против Исламската држава. Тоа е многу повеќе од бројката, наведена во тврдењата на официјални претставници, кои со години тврдат дека станува збор за 900 лица. Тие беа испратени во Сирија во 2015 година откако радикалната група зазеде големи делови од оваа блискоисточна земја.

The post ВОЈНИЦИТЕ НА САД СЕПАК ЌЕ ОСТАНАТ ВО СИРИЈА Ќе ја бранат државата од милитантите на ИСИС appeared first on plusinfo.mk.

Откако случајно ја пронашол сликата во подрум на куќа на италијанкиот остров Капри во 1962 година, Луиџи Ло Росо го однел платното дома во Помпеја. Ја закачил на ѕид во дневната соба, а неговата сопруга ја сметала сликата за „страшна“, пишува „Гардијан“.

Се верува дека тоа е уште еден портрет на Дора Мар – француска сликарка и фотографка која му била љубовница и муза на Пикасо. Во горниот лев агол на сликата се гледа карактеристичниот потпис на познатиот уметник, но Луиџи Ло Росо не го знаел тоа.

Дури многу години подоцна, неговиот син Андреја се заинтересирал за сликата откако забележал слични уметнички дела во енциклопедија за историја на уметноста и семејството побарало стручно мислење и совет…

– Татко ми беше по потекло од Капри и често собираше секакви антиквитети, коишто потоа ги продаваше речиси „за џабе“. Тој ја нашол оваа слика пред да се родам и немал поим кој е Пикасо. Не беше премногу образован. Дознав за делата на Пикасо од историска енциклопедија. Го споредив и потписот. Постојано му кажував на татко ми дека потписот е сличен, но тој не обрнуваше внимание на тоа – раскажува Андреја.

На крајот, Чинција Алтиери – графолог и член на Фондацијата „Аркадија“ којашто се занимава со проценки, реставрации и верификација на уметнички дела, потврдил дека потписот на сликата е автентичен.

Пикасо починал во 1973 година, а за време на неговиот живот насликал повеќе од 14.000 дела. Па така, Фондацијата секојдневно добива пораки од луѓе кои тврдат дека имаат оригинал. Често престојувал на Капри и се верува дека оваа слика е создадена меѓу 1930 и ’38 година и оти има неверојатна сличност со Пикасовата претходна „Женска биста“ (Buste de femme) (исто така портрет на Мар).

Во меѓувреме Луиџи починал, а Андреја денес има 60 години и ја продолжува потрагата. Лука Марканте, претседател на Фондацијата „Аркадија“, верува дека може да има две верзии на делото „Женска биста“.

– И двете би можеле да бидат оригинали. Веројатно се работи за два портрета, не сосем исти, но се работи за истата тема што Пикасо ја насликал во различно време. Сепак, едно е сигурно: Сликата најдена на Капри денес се чува во трезор во Милано и е автентична – изјави Марканте за весникот „Ил џорно“ (Il Giorno).

Следно, Марканте ќе ги презентира доказите пред Фондацијата „Пикасо“.

Вредноста на ова дело на Пикасо денес се проценува на 6 милиони евра.

The post УШТЕ ЕДЕН ПОРТРЕТ НА ЉУБОВНИЦАТА НА ПИКАСО? Со години стоела во домот на италијански трговец appeared first on plusinfo.mk.

Во просториите на Центарот за управување со кризи (ЦУК), попладнево се одржа координативна средба за потпорниот ѕид и подземните води на улица Белградска, близу Универзитетската клиника за детски болести во Скопје. Министерството за здравство во наредниот период ќе го решава проблемот со оградата, а Град Скопје и Општина Центар ќе имаат координативна средба деновиве за решавање на проблемот со подземните води.

– Имавме координативна средба каде го разгледавме прашањето за потпорниот ѕид и подземните води на улица Белградска, во близина на Универзитетската клиника за детски болести во Скопје. На состанокот, прашањето се разгледа сеопфатно, како и долгорочно решение и краткорочно акутно решение што би можеле да понудиме како систем во државата. Долгорочно, проблемот е многу посериозен и поголем. Станува збор за целосно зафаќање на подземните води од Водно зашто дел од каналската мрежа е изградена во педесеттите години на минатиот век, е уништена, затрпана, а дел се одржува, целосно одржување на тој систем во моментов не може да се рече дека имаме, поради што потребно е реконструкција и целосно нова изградба на нов систем – изјави државниот советник за организација и функционирање на Системот за управување со кризи, Драги Тарчуговски.

Долгорочно решение што, додаде тој, би требало да трае со години, можеби и цела деценија.

– Но, тоа е државен проблем што ќе се решава во иднина. Што може да направиме акутно и веднаш? Поправката на оградата што е во надлежност на Министерството за здравство, бидејќи таа е само ограда за еден објект, односно за универзитетските клиники. Тоа ќе се реши во наредниот период од страна на Министерството за здравство. Може да се бара акутно решение, итно и на подземните води што се веќе површински води на улицата Белградска и нивно решавање, тоа значи дека ќе се разгледа прашањето меѓу Град Скопје и Општина Центар, рече Тарчуговски.

Тој очекува наредните денови да се одржи координативна средба само меѓу Град Скопје и Општина Центар и да се види што е тоа што може да се направи, како итно решение за решавање на овој проблем.

– Каптирањето на вода е сериозен проблем, меѓутоа финансиска конструкција, дали тоа се мери со милиони денари или со милиони евра, не би можел јас да одговорам. За тоа треба да има една поголема студија. Ако зборуваме за сеопфатно решение за целокупната каналска мрежа, тоа е сигурно повеќе десетина милиони евра, сепак тоа е апроксимативно, треба стручните служби, изработувачи на проекти, тоа да го кажат бидејќи цената е само еден сегмент во заштитата на животот и здравјето на луѓето и материјалните добра. Ако станува збор само за улица Белградска, од улица Водњанска до Инфективна клиника, бидејќи тоа е релативно мала должина, не повеќе од километар, ами помалку, тогаш не станува збор за некои енормни високи суми. Но, сепак, е во значителен дел на буџетот на Градот и на Општината – одговори Тарчуговски на новинарско прашање околу финансиите.

Тој информираше дека до нив, немало барање од граѓани за еднонасочност на улицата. Одговарајќи на прашање, посочи дека не верува оти ѕидот ќе се поправа за три дена. Според него, ќе се поправа наредниот период, можеби цело лето.

The post УРНАТИОТ ЅИД КАЈ ДЕТСКА МОЖЕ ЌЕ СЕ ПРАВИ ЦЕЛО ЛЕТО Еве кој и што ќе се средува на улица Белгадска appeared first on plusinfo.mk.

„Го гледавме цртаниот филм „Чудовишта“, а мојата најстара ќерка малку доцнеше со говорот, па го поврзав со тоа. Со сопругот ѝ кажавме дека нема чудовишта, се пошегувавме и ја уверувавме дека нема никој во плакарот“, изјавила Ешли за People.

Детето почнало да има ноќни кошмари, а Ешли и нејзиниот сопруг по неколку недели забележале неколку пчели на нивното поткровје. Тие повикале компанија за контрола на штетници.

„Ни рекоа дека пчелите се медоносни и дека ќе мора да контактираме со пчелар“, се сеќава мајката.

Повеќе за ова на порталот „Мајка и дете“.

The post КОГА ДЕЦАТА СЕ ПЛАШАТ ОД НЕШТО, ВЕРУВАЈТЕ ИМ И ПРОВЕРЕТЕ! Дете се плашело од чудовиште, во ѕидот нашле огромна кошница со пчели appeared first on plusinfo.mk.

Гувернерот на Тексас, Грег Абот, продолжи да гради одбранбена ограда на границата меѓу Тексас и Мексико поради судирите со администрацијата на претседателот Џо Бајден околу ова прашање.

Во неделата, Абот го сподели видеото на платформата X, порано Твитер, со коментар:

„Тексас влезе во историјата како прва и единствена држава која изгради сопствен граничен ѕид. Изградбата е во тек. Нема да се откажеме од нашите напори за обезбедување на границата“.

Texas made history as the first and ONLY state to build our own border wall.

Construction is ongoing.

We will not back down from our efforts to secure the border. pic.twitter.com/ARi1aXuhay

— Greg Abbott (@GregAbbott_TX) February 3, 2024

Гувернерот на Тексас тврди дека државата има право да се заштити од, како што ја нарече, „инвазија“ на границата, иако Врховниот суд пресуди дека федералните агенти можат да ја исечат жилетната жица по должината на реката Рио Гранде. Ова, сепак, не се случи во клучната област на паркот Шелби во Игл Пас, каде Националната гарда на Тексас одби да дозволи влез на агенти.

Администрацијата на Бајден вели дека жицата ги спречува граничните агенти да пристапат до клучните области.

The post 📽 КАКВА ШЛАКАНИЦА ЗА БАЈДЕН ОД ТЕКСАС! Гувернерот Абот лично го објави видеото и не можеше да биде побрутално! appeared first on plusinfo.mk.