Генералниот секретар на НАТО, Марк Руте, при пристигнувањето на седница на Европската комисија, јасно стави до знаење зошто Aлијансата го засилува надзорот врз воздушниот простор.

Последните настани со беспилотните летала во Полска, Естонија, Данска и во Германија не се случајни, пишува познатиот бриселски медиум.

„Ѕидот од дронови“, како што го нарекуваат европските функционери, не е само технички проект, туку симболична линија меѓу военото и цивилното небо на Европа.

– Видовме што се случи во Полска, со МиГ-31 во Естонија, а сега и со дроновите во Данска. За Данска сè уште проценуваме кој стои зад нападот, но во случаите на Полска и Естонија, јасно е, тоа се Русите. Дури и да не било намерно, останува фактот дека тоа е неодговорно и неприфатливо – изјави Руте, придружуван од претседателката на Европската комисија, Урсула фон дер Лајен.

• КАКОВ ЅИД ОД ДРОНОВИ ПЛАНИРА ДА ИЗГРАДИ ЕВРОПА? Инцидентот во Полска ги врати идеите за софистицирана одбрана

Генсекот на НАТО потенцира дека не може да се трошат ракети вредни милиони евра за да се користат против дронови кои чинат само неколку илјади евра. Одбраната мора да биде паметна и економична, но и континуирана.

Одбраната мора да биде паметна и економична, но и континуирана, се вели во официјалниот транскрипт од изјавата на страницата на НАТО.

„Ѕидот на дронови“ не е изолирана иницијатива, туку дел од пошироката координација меѓу НАТО и Европската Унија. Руте истакна:

– НАТО поставува стандарди, ЕУ обезбедува средства и индустриска поддршка. Така се гарантира стабилна логистика за поддршка на Украина и за европската безбедност воопшто.

Поддршката за Украина, според Руте, е повеќе од стратегија, тоа е морална и практична обврска.

– Украина е нашата прва линија на одбрана. Клучно е Украинците да издржат во борбата, затоа што од нивната отпорност зависи и нашата колективна безбедност – додаде тој.

На крај, Руте подвлече дека Европа и НАТО делуваат заеднички, без простор за паралелни или спротивставени иницијативи.

– Работиме заедно за да ја искористиме силата на едниот во корист на другиот. Само така можеме да гарантираме мир – рече генералниот секретар на НАТО.

The post ПОДОБРО ЅИД ОД ДРОНОВИ ОТКОЛКУ СКАПИ РАКЕТИ, ВЕЛИ РУТЕ Генсекот на НАТО го навести идниот проект на Европа appeared first on plusinfo.mk.

Европскиот комесар за одбрана Андриус Кубилиус денеска повика на итна изградба на „ѕид против дронови“ долж источното крило на Европската унија, откако руски дронови утрото на 10 септември влегоа во полскиот воздушен простор.

На каков ѕид мислеше Кубилиус? Слична изјава даде и првата жена на Европската комисија, Урсула фон дер Лајен велејќи дека Европа ќе ја лансира програмата „Стража на источното крило“ за реално-временски надзор на земјите што граничат со Русија. И ќе изгради ѕид од дронови“.

Идеите не се идентични, но се комплементарни: „Стража на источното крило“ е стратешки систем за надзор во реално време, додека „ѕидот од дронови“ е оперативна реакциона мрежа за пресретнување и неутрализирање на закани од дронови.

Дрон, анти-дрон, камери, вештачка интелигенција

Изјавите доаѓаат во време кога Европа е загрижена за инцидентот со руски дронови соборени во Полска.

„Ѕидот од дронови“ е комплексен систем од анти-дрон технологии, радари, сензори, оптички и термални камери и вештачка интелигенција, но и системи за благо оневозможување (soft‑kill) и за физичко конфронтирање (hard‑kill) на дроновите.

Точен број на единици кој би бил потребен не е наведен.

Уште во јули 2025, откако беспилотно летало преку Белорусија навлезе во Литванија, Кубилиус предупреди дека границите на ЕУ се ранливи без технолошка заштита.

„Без технолошка обвивка границата е како решето“, напиша тој тогаш.

Колку дронови и колку вештачка интелигенција се потребни?

Според извештај од „Бизнис Инсајдер“, комесарот Кубилиус апелира ЕУ да произведува милиони дронови годишно до 2030 година, инспириран од Украинците кои во 2024 испорачаа над 1,3 милиони дронски мисии.

Тоа значи дека целта е масовна автономна воздушна одбрана на Европа.

Кои земји би биле опфатени?

Тоа се земјите од балтичкиот регион и соседите на источната граница: Литванија, Латвија, Естонија, Полска, Финска и Норвешка, поддржани од Германија. Идејата е мрежата да се протега од Северното до Централно‑источното крило на ЕУ и НАТО.

Проектот наречен „балтички ѕид“ (Baltic Drone Wall) вклучува три балтички држави (Естонија, Латвија, Литванија) и можност постепено да се проширува кон Полска и Финска.

Кога би бил готов ѕидот?

Според предлогот на германската фирма „Helsing“ објавен во април 2025, теоретски „ѕидот од дронови“ би можел да се изгради во рок од една година — до 2026, доколку постои волја и координирано дејствување.

The post КАКОВ ЅИД ОД ДРОНОВИ ПЛАНИРА ДА ИЗГРАДИ ЕВРОПА? Инцидентот во Полска ги врати идеите за софистицирана одбрана appeared first on plusinfo.mk.

Шест земји членки на НАТО, што се соседи на Русија, се согласија да изградат „ѕид од беспилотни летала“ за да ги бранат своите граници од „провокации“, соопшти синоќа литванската влада.

– Тоа е сосема нова работа, ѕид од дронови што се протега од Норвешка до Полска. Целта е да се користат беспилотни летала и други технологии за заштита на нашите граници – рече литванската министерка за внатрешни работи Агне Билотаите.

Таа го изјави ова по разговорите со колегите од другите балтички земји, Естонија и Латвија, како и Финска, Норвешка и Полска.

– Не се работи само за физичка инфраструктура, системи за надзор, туку и за беспилотни летала и други технологии, што ќе ни овозможат да се заштитиме од провокации од непријателски земји и да го спречиме шверцот – додаде таа.

Покрај распоредувањето на дронови за следење на границата, тие земји би користеле системи за пресретнување непријателски беспилотни летала.

Литванската министерка не спомна временска рамка за проектот, што беше одобрен поради актуелните безбедносни грижи во регионот во време на руската војна во Украина.

The post ЅИД ОД ДРОНОВИ ОД НОРВЕШКА ДО ПОЛСКА Балтичките земји членки на НАТО ја заштитуваат границата со Русија appeared first on plusinfo.mk.