Македонија не е сиромашна земја. Македонија е земја која со години не знае или не сака да ги искористи своите потенцијали. Додека многу европски држави ги развиваат своите минерални ресурси како двигател на економскиот раст, кај нас сè уште преовладуваат стравот, шпекулациите и дезинформациите, соопшти локалната граѓанска иницијатива „И здравје и работа“.

Ние од локалната иницијатива „И здравје и работа“ сметаме дека државата има обврска да го искористи секој свој потенцијал кој може да донесе повеќе приходи во буџетот, подобри плати, нови работни места, модерна инфраструктура и подобар животен стандард за граѓаните, се потенцира во соопштението.

„Особено во услови кога Македонија се соочува со иселување на младите, недостиг на инвестиции и потреба од побрз економски раст, неодговорно е со години да се држат во неизвесност проекти од стратешко значење како „Иловица-Штука“. Науката одамна дала одговори на голем дел од прашањата што се отвораат во јавноста. Денес постојат современи технологии кои овозможуваат значително намалување на влијанијата врз животната средина, суво управување со јаловиштето, рационално користење на водните ресурси и континуиран мониторинг на сите процеси. Овие решенија не се теорија, туку реалност која веќе се применува во бројни европски земји“, соопшти иницијативата.

За жал, се додава во соопштението, со години сведочиме на организирано ширење страв, паника и непроверени информации од лица кои немаат стручни познавања од геологија, рударство, металургија или заштита на животната средина.

„Наместо дебата базирана на факти, студии и мислења на експерти, јавноста често е изложена на сценарија за катастрофи, без да се земат предвид технолошките достигнувања и строгите европски стандарди. Сметаме дека е недозволиво развојниот потенцијал на државата и иднината на цели региони да останат заложници на мала група луѓе кои, од различни лични, политички или идеолошки причини, со години се обидуваат да го блокираат секој обид за отворање на сериозна инвестиција. Не тврдиме дека секој проект мора да биде реализиран по секоја цена. Но, тврдиме дека секој проект мора да добие фер и стручна оценка, заснована врз законите, науката и интересите на државата, а не врз притисоци, емоции и дезинформации“, соопшти „И здравје и работа“.

Македонија има право на развој, потенцира иницијативата.

„Источна Македонија има право на нови работни места. Младите имаат право на перспектива во сопствената држава. Ако науката, технологијата и институциите потврдат дека ресурсите можат безбедно да се искористуваат, тогаш проекти како „Иловица-Штука“ не смеат бесконечно да остануваат во статус кво. Доволно долго стравот ја диктираше дебатата. Време е зборот повторно да го добијат фактите, експертите и интересот на државата и нејзините граѓани“, соопшти локалната иницијатова „И здравје и работа“.

The post ДРЖАВАТА Е ДОЛЖНА ДА ГИ КОРИСТИ РЕСУРСИТЕ ЗА ПОДОБАР ЖИВОТЕН СТАНДАРД НА ГРАЃАНИТЕ Македонија има право на развој appeared first on plusinfo.mk.

Локалната иницијатива „И здравје и работа“ смета дека Македонија се наоѓа пред важен избор – дали ќе продолжи да стои во место додека соседните држави забрзано инвестираат во економски развој или конечно ќе почне да ги користи сопствените потенцијали за отворање нови работни места и подобар животен стандард за своите граѓани.

„Во период кога Грција и Бугарија отвораат нови рудници, инвестираат во критични минерали и привлекуваат стотици милиони евра капитал, Македонија сè уште нема јасна развојна насока за еден од своите најголеми индустриски потенцијали – проектот за рудникот за бакар „Иловица-Штука“. Наместо сериозна дебата за економскиот развој, јавноста со години е сведок на политички препукувања, популизам и блокади кои ги одвраќаат инвестициите и ја зголемуваат неизвесноста“, соопшти иницијативата.

Во исто време, демографската слика на државата станува сè позагрижувачка, се додава во соопштението.

„Последните податоци на Државниот завод за статистика покажуваат дека Македонија продолжува да бележи негативен природен прираст. Бројот на починати е значително поголем од бројот на новородени, а трендот на намалување на населението продолжува од година во година. Особено загрижува состојбата во источниот и југоисточниот дел на државата. Голем број населени места се соочуваат со стареење на населението, заминување на младите и со недостиг на нови инвестиции. Селата и помалите градови полека остануваат без работоспособно население, а локалните бизниси се соочуваат со недостиг на кадар и ограничени можности за развој“, предупредува „И здравје и работа“.

Токму затоа, се додава во соопштението, сметаме дека Македонија мора да почне да носи одлуки кои ќе создаваат перспектива.

„Не зборуваме за развој по секоја цена, туку за развој со строги правила, силни институции и со највисоки еколошки стандарди. Современото рударство, како и секоја друга индустрија, мора да биде под постојан надзор и контрола, но исто така не смее однапред да биде отфрлено без научна анализа и објективна проценка на придобивките и ризиците“, се вели во соопштението.

Македонија повеќе не може да си дозволи да губи време, се додава.

„Секој изгубен инвестициски циклус значи нови заминувања, нови затворени бизниси и нови празни училишта. Прашањето не е дали ќе има промени. Прашањето е дали тие промени ќе се случат овде или нашите млади ќе продолжат да ја бараат својата иднина во туѓи држави. „И здравје и работа“ верува дека е можно да имаме и развој и заштита на животната средина. Но, за тоа се потребни храброст, визија и подготвеност конечно да гледаме кон иднината, наместо постојано да остануваме заробени во политички поделби и во популизам“, порача иницијативата „И здравје и работа“.

The post СОВРЕМЕНОТО РУДАРСТВО НЕ СМЕЕ ДА БИДЕ ОТФРЛЕНО Можни се и развојот и заштитата на животната средина appeared first on plusinfo.mk.

Лазаров на средбата ја информирал Шукова дека „И здравје и работа“ преставува еден поинаков глас на жителите од Струмичкиот регион, која долгорочниот економски развој го гледа како единствена шанса да ги вратиме младите од туѓина преку отворање нови атрактивни работни места.

„Лазараов нагласи дека оваа локална иницијатива не е за отворање на рудник по секоја цена, но истовремено истакна дека низ аргументирана дебата треба сите да увидиме колку инвеститорите се подготвени да го изградат рударски комплекс „Иловица“ со најмодерна технологија на 21 век, со која здравјето, животната средина и земјоделството ќе бидат целосно заштитени. Треба со особено внимание да се слушаат сите информации, бидејќи постои стратегија за смислено ширење паника и страв за да се спречи фокус кон суштината на проектот.

Министерката Шукова со внимание ги ислуша сите аргументи на претставникот на „И здравје и работа“ и посочи дека постои законска регулатива и административни процедури кои Владата мора да ги следи за сите инвестиции од нивна надлежност. Гласот на жителите е важен и истиот не смее да се занемарува.

„И здравје и работа“ продолжува да се бори за вистината. Македонија треба мудро да ги искористи своите природни богатства за да си обезбеди сигурна иднина. Сè поголем број жители од Струмичката котлина стануваат свесни за значењето на новите инвестиции за регионот, и сè повеќе се убедени дека формирањето Независно мониторинг тело, со вклучување рударски и еколошки експерти, жители и претставници на државните институции и локалните самоуправи, може да обезбеди целосна контрола на секој чекор од експлоатирањето на бакарот во рудникот“ – се вели во соопштението на иниџцијативата.

„И здравје и работа“ претходно побарала средби и со претседателот на државата и координаторите на пратеничките групи во Собранието на Република Северна Македонија.

The post ОДЛУКАТА ЗА „ИЛОВИЦА“ ТРЕБА ДА ПРОИЗЛЕЗЕ ОД АРГУМЕНТИРАНА ДЕБАТА Министерката Шукова се запозна со иницијативата „И здравје и работа“ appeared first on plusinfo.mk.

Здружените граѓани се легитимираа како локална иницијатива на досега тивкото население во Струмичката котлина кое вложува напор и сака низ дебата да ги слушне сите аргументи за рудникот Иловица-Штука.

Оваа локална иницијатива стана активна откако Владата под притисок на дел од локалното население се премисли и ја ревидира претходната Одлука за спојување на концесиите Иловица-Штука што го принуди носителот на правата на концесионерот да ги активира правните инструменти за меѓународна арбитража. Неофицијалните проценки упатуваат дека потенцијалната штета на товар на државниот Буџет ќе изнесува не помалку од 1 милијарда евра плус камати.

Во соопштението на „И здравје и работа“ за прв пат е дадена малку поинаква димензија за можните мотиви за жестината на нападите кои доаѓаат од противниците на рудникот Иловица-Штука. Тие рекоа дека за почеток ќе прашуваат без посочени адреси зашто очекуваат некој да се препознае. Така, веројатно воопшто не е случајно што прашуваат „кој има фирма која работи за потребите на еден рудник за експлоатација на бакар оддалечен на помалку од 50 км од општините Босилово, Ново Село и Струмица, дали е точно дека ако се отвори Иловица-Штука претходно опишаниот рудник за експлоатација на бакар ќе претрпи сериозни финансиски штети и кој, колку и од кого има добиено пари на рака преземајќи обврска за регрутирање критична маса за ширење паника меѓу населението?“.

Познавачите на рударската индустрија велат дека нема никаква дилема дека во прашањата на „И здравје и работа“ е опишан единствениот активен рудник за експлоатација на бакар во земјата, Бучим, во Радовиш. Идејата за овој рудник потекнува уште од 1972 година, а по низата финансиски проблеми, од 2005 година е во сопственост на „Солвеј инвестмент груп“. Последно, оваа компанија во 2022 година беше спомената во анализата „Рударски тајни“ на шведски истражувачки новинари, кои објавија дека фирмата наводно е дел од меѓународен скандал за перење пари.  Репортерите откриле дека не е јасно од каде потекнуваат 1,9 милијарда долари, ниту зошто „Солвеј“ на тој начин ги преместувал од една на друга сметка како плаќање заеми. Прегледот, пак, на стари банкарски записи од претходните истраги на меѓународната репортерска мрежа за организиран криминал и корупција покажал дека 23 компании поврзани во рударската група имаат трансакции со други компании што се користеле во руски даночни затајувања и скандали со перење пари. Од рудникот „Бучим“ тогаш демантираа дека има руско потекло на капиталот иако некои од медиумите кај нас објавија таква информација. „Тоа што управители на „Бучим“ се лица со руско државјанство не значи дека компанијата е руска“, истакнаа од рудникот по повод скандалот.

Дали податоците кои ги објавија шведските новинари даваат делумно објаснување за мотивите за прашањето на „И здравје и работа“, „кому и од кого му е објаснето дека ако се изгради рудникот Иловица-Штука, југоисточниот регион на Македонија ќе биде под целосно економско, безбедносно и стратешко влијание на западот, посочувајќи дека на 75 км од Струмичката котлина се наоѓа воениот НАТО полигон Криволак?“, допрва ќе дознаваме бидејќи од иницијативата најавуваат и дополнителни прашања кои се врзани со наводни материјали кои ги добиле од „свиркачи“.

Симптоматично е што претходно супер активните претставници на отпорот против рудникот во Иловица одеднаш замолчеа и не почувствуваа потреба да реагираат на активирањето на иницијативата „И здравје и работа“. Ниту да одговорат на нивните прашања веќе трет месец.

The post СОМНИТЕЛЕН МОЛК ПО ПРОВОКАТИВНИТЕ ПРАШАЊА ЗА ИЛОВИЦА Иницијативата „И здравје и работа“ ги „пецна“ организаторите на револтот против рудникот Иловица appeared first on plusinfo.mk.

„Претставуваме поинаков глас, не сме малку и не сме заговорници на изградба на рудник по секоја цена. Но, не сакаме да дозволиме манипулација. Се нарекуваме и ‘трагачи по вистината’ и во наредниот период јавноста ќе има повеќе шанси и прилики да нѐ запознае поблиску.

Не се криеме зад ниту една партија, немаме политички амбиции и не се бориме за локална власт. Ние сме приврзаници на долгорочниот економски развој на регионот преку кој сме убедени дека ќе се отворат нови работни места кои ќе бидат магнет за враќање на младите од туѓина.

За жал, сметаме дека поради агресивноста на неколкумина добро мотивирани гласни противници на изградбата на рудникот, локалното население и генералната македонска јавност нема еднаков пристап до сите релевантни информации. Затоа од денес ние стануваме гласни. Имаме одговорност кон оние ‘свиркачи’ кои подолг перид нѐ хранат со податоци од кои застанува здивот. Не случајно некои повозрасни мудреци велат ‘ништо не е случајно, бидејќи случајности не постојат’. Едноставно, дојде време за вистината!“, наведуваат од иницијативата.

За почеток тие поставуваат прашања без да посочат адреси. Очекуваат во нив да се препознаат токму оние кои се меѓу групата најгласни против изградбата на рудникот и кои, како што велат, со својата агресивност ги држат во заложништво клучните партии во позицијата и опозицијата.

„Кој има фирма која работи за потребите на еден рудник за експлоатација на бакар оддалечен на помалку од 50 км од општините Босилово, Ново Село и Струмица?

Дали е точно дека ако се отвори Иловица-Штука претходно опишаниот рудник за експлоатација на бакар ќе претрпи сериозни финансиски штети?

Кој, колку и од кого има добиено пари на рака преземајќи обврска за регрутирање критична маса за ширење паника меѓу населението?

Дали е точно дека некому се ветени нови финансиски приливи ако успеат да ја притиснат Владата да ги одземе двете или барем едната концесија за рудникот Иловица-Штука, најдоцна до 31 август 2023 година?

Кому и од кого му е објаснето дека ако се изгради рудникот Иловица-Штука, југоисточниот регион на Македонија ќе биде под целосно економско, безбедносно и стратешко влијание на западот, посочувајќи дека на 75 км од Струмичката котлина се наоѓа воениот НАТО полигон Криволак?“, се дел од прашањата на иницијативата „И здравје и работа“ на дел од населението во Струмичката котлина.

The post НЕКОЛКУ НЕЗГОДНИ ПРАШАЊА ЗА ПРОТИВНИЦИТЕ НА РУДНИЦИТЕ ИЛОВИЦА-ШТУКА Дали новата струмичка иницијатива открива конфликт на рударски интереси? appeared first on plusinfo.mk.