dm го продолжува патот на хуманоста и солидарноста. Оваа година, со неизмерна радост и задоволство, донираше повеќе од 200 пакети со храна кои ќе стигнат до социјално загрозените семејства ширум нашата земја.

Под мотото „Купувај во dm и направи добро дело“, на 28 ноември 2025 година, dm по седми пат го организираше „Giving Friday“ — посебна хуманитарна акција во која одвоија 5% од нивниот дневен промет за хуманитарни цели. Со неверојатната поддршка на нивните купувачи, собраа 559.342 денари, кои беа наменети за набавка на пакети со храна со основни прехранбени намирници за социјално загрозени сограѓани.

Она што го ветија, сега е остварено. Започна дистрибуцијата на повеќе од 200 пакети, кои преку хуманитарната организација „Свети Спас“, ќе стигнат до рацете на оние на кои ова им е најпотребно.

– За време на празничните денови, кога сите ги прославуваме заедништвото и љубовта, во dm сакаме да подариме надеж, радост и топлина на оние на кои тоа им е најпотребно. Со оваа донација, сакаме да придонесеме сите сограѓани да почувствуваат дека не се сами и дека секој заслужува поддршка и помош. Празниците се време кога љубовта треба да се споделува, а ние седма година по ред го правиме токму тоа – изјави Кристина Дуранска, менаџер за маркетинг и комуникација во dm.

Од компанијата изразуваат голема благодарност до сите нивни купувачи, кои со својата хуманост и доверба го направија ова возможно. dm ќе продолжи да биде светол пример на општествена одговорност, со јасна посветеност да вложи во подобра иднина за сите нас. Заедно ја градиме нашата заедница, заеднички носиме надеж и создаваме промени.

The post ДМ ДОНИРАШЕ ПОВЕЌЕ ОД 200 ПАКЕТИ СО ХРАНА Поделени се преку хуманитарната организација „Свети Спас“ appeared first on plusinfo.mk.

Седма година по ред, dm дрогерие маркт успешно ја спроведе својата иницијатива „Giving Friday“, претворајќи го денот на најголемите попусти во ден на дарежливост и солидарност.

На 29 ноември, со поддршка на своите верни купувачи, компанијата успеа да собере импресивни 559.342 денари. Овие средства, кои претставуваат 5% од вкупниот дневен промет од сите dm дрогерии, ќе бидат наменети за набавка на пакети со храна за социјално загрозени сограѓани, кои ќе бидат дистрибуирани преку хуманитарната организација „Свети Спас“.

– Иницијативата „Giving Friday“ стана симбол на заедништво и добрина во нашата заедница. Горди сме што секоја година расте свеста за важноста на помагањето, а поддршката од купувачите тоа најдобро го докажува. Секоја посета на dm дрогериите на овој ден не беше само обично купување, туку придонес кон една поголема, хумана цел. Заедно, уште еднаш покажавме дека добрината е нашата најголема сила – изјави Кристина Дуранска, менаџер за маркетинг и комуникации во dm.

Од 2019 година, dm ја спроведува оваа општествено одговорна иницијатива под слоганот „Giving is the new black“. Последниот петок во месец ноември, наместо попусти, dm донира 5% од дневниот промет остварен во сите dm дрогерии во земјата, со цел да ги вклучи своите купувачи во една голема филантропска акција која ја поттикнува солидарноста и хуманоста.

The post ДМ ДОНИРА 559.342 ДЕНАРИ ЗА ХРАНА НА СОЦИЈАЛНО ЗАГРОЗЕНИ Пакетите ќе се дистрибуираат преку хуманитарната организација „Свети Спас“ appeared first on plusinfo.mk.