Обвинителот наведе дека од осумте лица, тројца остануваат во притвор, тројца се задржани под електронски надзор, а двајца се ослободени, пренесе Ројтерс.

ЕП објави дека добило барање од белгиските власти да помогне во истрагата и дека наскоро ќе одговори.

Белгиските обвинители на 13 март објавија дека уапсиле неколку лица под сомнение дека примале мито во ЕП, наводно во корист на кинеската компанија Хуавеј.

Белгиските истражители извршија рација на 21 локација во Белгија и Португалија на 13 март, а оттогаш судијата нареди да се запечатат канцелариите на двајца помошници европратеници.

Обвинителите рекоа дека корупцијата се одвивала „многу дискретно“ од 2021 година под маската на комерцијално лобирање и вклучувала плаќања или подароци, како што се храна и патни трошоци.

Обвинителите рекоа дека поткупот бил во корист на Хуавеј.

Компанијата рече дека сериозно ги сфаќа наводите и има политика на нулта толеранција за корупција и други незаконски постапки.

The post СКАНДАЛ ВО ЕВРОПСКИОТ ПАРЛАМЕНТ Осум лица се обвинети за корупција appeared first on plusinfo.mk.

Кинескиот телекомуникациски гигант Хуавеи ќе изгради фабрика на истокот на Франција за производство на опрема пред се поврзана со технологијата 5G, прва нејзина таква фабрика надвор од Кина, соопшти компанијата.

Во фабриката ќе бидат инвестирани минимум 200 милиони евра и првично ќе бидат вработени 300 лица.

Мобилни мрежни технолошки решенија ќе бидат произведени за целиот европски пазар, велат од компанијата. Според Хуавеи, фабриката во Брумат, мало гратче на околу десет километри северно од Стразбур треба годишно да произведува опрема во вредност од милијарда евра.

The post Првата фабрика на Хуавеј надвор од Кина ќе се гради во Франција appeared first on plusinfo.mk.

Достапноста на апликациите за мобилно банкарство за физички и правни лица и преку платформата Huawei AppGallery е од големо значење, бидејќи обезбедува поголема достапност на дигиталните сервиси и можност истите да ги користат сите клиенти на банката.

Апликацијата НЛБ мКлик за физички лица е достапна на следниот линк: https://appgallery.huawei.com/#/app/C103005871

Апликацијата НЛБ мПроклик за правни лица е достапна на следниот линк: https://appgallery.huawei.com/#/app/C103010517

НЛБ мКлик мобилното банкарство за физички лица и НЛБ мПроклик мобилното банкарство за правни лица имаат модерен и интуитивен дизајн и овозможувaат едноставен пристап до податоците и проверка на состојбата на сите сметки, во било кое време и од било кое место, без потреба од посета на Банката. Преку овие две апликации за мобилно банкарство, клиентите можат да се реализираат сите банкарски трансакции брзо и лесно само со еден клик без потреба од дополнителен уред токен. Воедно, НЛБ мКлик апликацијата ја нуди можноста за аплицирање на НЛБ мКлик кредит, како и on-line отворање на трансакциска сметка директно преку мобилен телефон.

Апликациите НЛБ мКлик и НЛБ мПроклик овозможуваат директен пристап до Банката, постојан увид на состојбите и прометот на сите свои сметки, како и пристап до целата палета на продукти и услуги кои Баната им ги нуди на своите клиенти.

Повеќе информации во врска со оваа понуда клиентите можат да добијат на веб страницатa nlb.mk, на социјалните мрежи на Банката или преку контакт центарот на телефон 02/15 600.

The post НЛБ Банка овозможи мобилно банкарство за корисниците на новите Huawei телефони appeared first on plusinfo.mk.

Огнот ја зафатил и зградата, која се наоѓа во близина на истражувачката лабораторија, била од челична конструкција во изградба и не била користена кога се случил инцидентот, пренесе „Ројтерс“.

#BREAKING – A #Huawei research laboratory burns in #Dongguanpic.twitter.com/BGqR7Hmz0J

— ISCResearch (@ISCResearch) September 25, 2020

Локалната противпожарна служба соопшти дека во зградата се пронајдени три лица, и дека истрагата е во тек.

Според наводите на локалните противпожарни служби изворот на експлозијата би можел да биле лесно запалив памук за апсорбирање на звук.

#China: Fire at Huawei research lab in #Dongguan.pic.twitter.com/wXKt2mPzkP

— Annu Kaushik (@AnnuKaushik253) September 25, 2020

The post Голем пожар во Хуавеј, има и загинати (ВИДЕО) appeared first on plusinfo.mk.

САД денеска најавија заострување на санкциите кон кинескиот телекомуникациски гигант Хуавеј, проширувајќи ги на 38 филијали со цел да му го ограничи пристапот до американските технологии, соопшти американското Министерство за трговија.

Американскиот министер за трговија Вилбур Рос истакна дека администрацијата на претседателот Доналд Трамп ја критикува Хуавеј и нејзините филијали за „интензивирани напори за да добијат полуразвиени или развиени полупроводници користејќи ги американските софтвери и технологија со цел да ги постигне политичките цели на Комунистичката партија на Кина“.

Трамп во мај 2019 година потпиша указ со која на американските фирми им се забранува користење на телекомуникациска опрема од извори за кои сметаат дека се закана по националната безбедност.

The post САД ги заострува санкциите кон Хуавеј appeared first on plusinfo.mk.

Велика Британија соопшти дека ја воведува забраната по санкциите на САД со кои се оневозможува гаранција за безбедност на опремата на „Хуавеј“.

САД се заканија дека ќе го прекинат договорот за размена на разузнавачки информации со Велика Британија поради загриженост дека опремата на „Хуавеј“ може да и овозможи на кинеската Влада да се инфилтрира во американските мрежи.

Одлуката им дава време на британските телекомуникациски оператори до 2027 година да ја отстранат опремата на „Хуавеј“, која веќе е во британската мрежа 5Г.

Операторите мора да престанат да купуваат 5Г опрема од 5Г од „Хуавеј“ до крајот на годината.

Владата одлучи да не им нареди на компаниите да одземаат опрема  произведена од „Хуавеј“ во претходните системи, како што е 4Г

The post Британија го исклучува Хуавеј од брзата мобилна мрежа appeared first on plusinfo.mk.

Администрацијата на САД веќе подолго време подготвува план за преземање на европските компании „Ериксон“ и на „Нокиа“ од американски технолошки и телекомуникациски конзорциуми со цел вештачки да ја засили конкуренцијата со кинеската телекомуникациска корпорација „Хуавеј“, објави „Волстрит џурнал“.

Весникот наведува дека планот не е реализиран поради пандемијата со новиот коронавирус.

„Волстрит џурнал“ наведува дека Вашингтон внимателно се консултира со „Сиско системс“ и други американски технолошки компании, телекомуникациски оператори и приватни инвестициски фирми за купување на „Ериксон“ и „Нокиа“. Предложено е и за европските компании да се обезбедат даночни олеснувања за европските комании, но и владина поддршка за американските компании кои ќе се согласат да ги купат „Ериксон“ и „Нокиа“.

Белата куќа дистрибуира извештај подготвен од група експерти, меѓу кои и поранешниот директор на НАСА и поранешниот извршен директор на „Нокиа“. Тие предлагаат создавање на технолошки конзорциум под покровителство и со поддршка на САД, кој ќе може да биде конкуренција на „Хуавеј“. Идејата е поддржана и од група посредници за приватни инвестиции предводени од „Керберус капитал“, наведува „Волстрит џурнал“.

Весникот посочува и дека американските големи компании за сега се резервирани за плановите на американската администрација за преземање на „Ериксон“ и „Нокиа“.

The post „Волстрит џурнал“: САД сакаат вештачки да ја зголемаат конкуренцијата со „Хуавеј“ appeared first on plusinfo.mk.

Американските компании можат да соработуваат со „Хуавеи“ за да воспостават стандарди за технологии од следната генерација, соопшти Министерството за трговија на САД.

– Ова е важна одлука затоа што тоа значи дека американските компании ќе можат да учествуваат во формирањето стандарди, односно дефинирањето на технички детали и правила со кои се уредува работата на критичните технологии – информира „CNBC“.

Во мај 2019 година, „Хуавеи“ беше ставен на американската таканаречена „црна листа“ на компании, со што им се ограничува соработување на американски фирми со таа кинеска компанија и кои мораат да побараат дозвола за да ги продаваат своите производи на „Хуавеи“. Но, „црната листа“ создаде забуна околу тоа дали американските фирми можат да се вклучат во разговорите за воспоставување стандарди и да учествуваат во организации, каде е присутен и „Хуавеи“.

The post Компаниите во САД може да работат со „Хуавеј“ за 5Г стандардите appeared first on plusinfo.mk.

Генералниот секретар на НАТО, Јенс Столтенберг изјави дека Западот не може да го игнорира подемот на Кина и оти е важно Велика Британија да ја преиспита улогата на Хуавеј во својата 5Г мрежа, со цел да се гарантира нејзината безбедност.

Столтенберг за радио Би-Би-Си изјави дека Кина му се приближува на Западот на различни начини и изрази надеж дека Велика Британија ќе се погрижи 5Г мрежата во земјата да биде безбедна.

– Затоа е важно со нов осврт да се утврди на кој начин би можела да се оствари оваа цел – истакна генералниот секретар на НАТО.

Во рамките на пошироката проценка на односите со Кина, британскиот Национален центар за кибер безбедност го анализира влијанието на неодамнешната најава на САД за санкции против Хуавеј врз Велика Британија да и дозволи на компанијата да учествува во изградба на 5Г мрежа во земјата, донесена претходно оваа година.

The post Столтенберг: Британија да ја преиспита улогата на Хуавеј во својата 5Г мрежа appeared first on plusinfo.mk.

Најголемиот CMOS сензор досега користен во смартфоните Huawei

Колку светлина се пробива преку еден дијамант, има врска со неговата тежина, која се мери во карати. Слично на тоа, обемот на светлина што го затвора сензорот за камера се одредува според нејзината големина и се мери во инчи. Huawei P40 Pro користи сензор од 1/1.28 инчи HUAWEI Ultra Vision кој ги надминува сите претходни сензори на паметните телефони Huawei. Ова ремек дело на оптички дизајн и инженерство им овозможува на потрошувачите високо квалитетни и неспоредливи кадри, овозможувајќи огромни количини на светлина, висок динамичен опсег и низок шум.

HUAWEI Ultra Vision сензорот има резолуција од 50MP и поддржува комбинирање на пиксели (комбинирање на информации од соседните пиксели) за да постигне импресивна големина од 2,44μm по пиксел. Покрај тоа, зелените пиксели на моделот RGGB CFA се заменуваат со жолтите пиксели во моделот RYYB (Red-Yellow-Yellow-Blue), со што се зголемува апсорпцијата на светлината за 40%.

Прецизен автофокус – Full Pixel Octa PD AutoFocus

Секој пиксел од 50MP на Ultra Vision сензорот има 2 фото-диоди за Dual Pixel Diode AF. Новите флегшипи на P40 снимаат кадри со резолуција од 12,5MP и 4-по-1 пиксели. Ова значи дека секој голем пиксел содржи 8 автофокусни фото-диоди, што помага да се фати јасност и точност при слаба осветленост, како и прецизност при снимање на мали подвижни предмети.

Сензор за температура во повеќе бои + AI AWB алгоритам

Ефектот на сензорот за температура во боја, како и алгоритмот AI AWB (AI Auto White Balance) е најзабележителен при снимање на портрети. Заедно, тие работат на постигнување на фина текстура и најпрецизен и интимен тон на кожата. Бројот на канали во боја е зголемен од 3 на 8, поради што точноста на бојата е зголемена на 45%. Софистицираните алгоритми на AI ги оптимизираат портретите со рафинирање на сенките на лицето, како и сјај на косата.

HUAWEI XD Fusion Engine

HUAWEI XD Fusion Engine во голема мера ги подобрува деталите и квалитетот на сликата со комбинирање на податоци од повеќе камери. Исто така, користи семантичко толкување, сегментација и детална обработка на пиксели. Собраните податоци од повеќе камери даваат вредни и детални информации за изложеност, длабочина и др. Вештачката интелигенција прецизно и јасно препознава длабочина, карактеристики на лицето, текстура на кожата. Обработкта на пиксел по пиксел го подобрува bokeh ефектот и динамиката и помага во креирањето на прекрасен портрет.

Periscope SuperSensing Zoom

Хоризонтално поставената перископска 5х оптичка Telephoto камера поддржува 5x оптички зум и 50x дигитален зум. HUAWEI P40 Pro се одликува со првата Telephoto камера со филтер RYYB (Red-Yellow-Yellow-Blue), со што се зголемува приемот на светлина за 40% и се подобрува квалитетот на сликата во услови на ниска осветленост.

Ultra Wide Cine камера

HUAWEI P40 Pro доаѓа со ултра широкоаголна Ultra Wide Cine Camera со 1/1,54-инчи сензор и сооднос 3:2. Поддржани се ISO51200 Ultra Low-light Video и видео со споро движење од 7680fps. Камерата вклучува технологија Sedecimpixel Fusion, која поддржува комбинирање на пикселите до 4,48 μm пиксели, што ја зголемува чувствителноста и резултира со одлично снимање на видео при слаба светлина.

Приближување на звук – Audio Zoom

HUAWEI P40 Pro ја поддржува функцијата Audio Zoom. Трите вградени микрофони – горен, долен и заден дел на паметниот телефон – точно ги доловуваат звуците во вашата околина. Така, кога користите зум, далечните звуци се приближуваат. Системот додава не само амбиентални звуци, туку ги открива и далечните звуци во позадина.

HUAWEI Golden Snap

Благодарение на моќниот чипсет Kirin 990 5G, продуктивноста и можностите на вештачката интелигенција, флегшипите на серијата P40 можат интелигентно да ги идентификуваат и обработуваат предметите во реално време. Новата функција AI Best Moment опфаќа серија динамични слики пред и откако ќе се притисне копчето. Процесорот препознава над 30 пози и над 90 емоции на лицето истовремено. И сето ова им олеснува на корисниците да ја изберат најдобрата фотографија директно од галеријата.

Моќни предни камери

HUAWEI P40 Pro има 32MP селфи-камера со автофокус, IR камера за длабочина, сензор за близина и сензор за амбиентална светлина, сите вградени во еден мал дел на дисплејот. Овие високо-технолошки компоненти го зголемуваат искуството на потрошувачите. Модулот на предната камера одржува автофокус за подобро селфи и јасна прегледност на лицето. Камерата исто така поддржува снимање на 4K UHD видео, како и bokeh ефект за вашите фотографии.

Комбинирајќи ги сите овие иновации, Huawei P40 Pro е ремек-дело и невиден пример за извонредност во фотографијата и видеото. Ги здружува професионалноста и знаењето на научниците, математичарите, фотографите и уметниците од целиот свет. Благодарение на сите нив, секој корисник може да создаде, зачува и сподели непроценливи спомени со висок квалитет.

The post 10 врвни технологии кои ги има Ultra Vision Leica камерата на Huawei P40 Pro appeared first on plusinfo.mk.