1. Момент на невнимание во строго обезбедуван владин конвој предизвика необична сообраќајна несреќа во Загреб. Возило од придружбата на хрватскиот премиер Андреј Пленковиќ удрило во автомобилот во кој патувал самиот премиер.

Инцидентот се случил на улицата Савска, непосредно по враќањето на Пленковиќ од седница на Владата.

Судир во владиниот конвој

Хрватската влада потврди дека во несреќата учествувале две возила од заштитениот конвој.

„По враќањето од седницата на Владата од Националниот спортски комплекс, на улицата Савска се случи мала сообраќајна несреќа во која учествуваа две возила од заштитен конвој. Никој не беше повреден. Во несреќата немаше други возила вклучени, ниту пак пешаци беа загрозени“, соопшти Владата на Хрватска.

Според официјалните информации, нема повредени лица и не била предизвикана поголема материјална штета.

x

Сведок го видел моментот

Според порталот „24сата“, возилото од придружбата удрило во автомобилот во кој се наоѓал Пленковиќ.

– Видов дека се случи судир при свртување и сопирање, а потоа Пленковиќ излезе од удрениот автомобил. Несреќата се случи на раскрсницата на Савска цеста и улицата Фаркаша Вукотиновиќ – изјавил очевидец за порталот.

Полицијата извршила увид и работи на утврдување на сите околности на настанот.

4 тони заштита

Во моментот на несреќата, хрватскиот премиер се возел во блиндиран „ауди А8 Л секјурити“, специјално модифицирано возило наменето за превоз на највисоки државни функционери.

Лимузината е опремена со челични заштитни плочи, повеќеслојни непробојни стакла и системи за заштита од експлозии и хемиски напади.

Поради високото ниво на заштита, возилото тежи речиси 4 тони.

The post 📽️ ПЛЕНКОВИЌ ГО ПРЕЖИВЕА НАЈЧУДНИОТ СУДАР Возило од конвојот налета во премиерското „ауди“ appeared first on plusinfo.mk.

Шведските весници Афтонбладет и Дагбладет пишуваат дека земјите од Источна и Централна Европа долго време се чувствуваат запоставени во распределбата на клучните позиции во Европската Унија и НАТО.

Медиумите посочуваат дека сега се отвора простор за актуелниот романски претседател Клаус Јоханис, естонската премиерка Каја Калас и хрватскиот премиер Андреј Пленковиќ.

Но, мандатот на романскиот претседател истекува дури во ноември 2024 година, а Калас се смета за премногу непријателски расположена кон Русија, што го става Пленковиќ во позиција на фаворит доколку се бара следниот генерален секретар од овој дел од Европа, пренесува 24sata.hr.

Шведската јавност и досега го сметаше Пленковиќ за еден од лидерите на Европската народна партија и влијателна личност во Европската Унија.

Шведските медиуми понатаму шпекулираат дека за првпат во историјата можеби раководството на НАТО би можело да го преземе жена, но сите тројца споменати кандидати имаат одредени пречки и недостатоци. Пред една година како наследничка на Столтенберг се споменуваше поранешната хрватска претседателка Колинда Грабар-Китаровиќ.

The post КОЈ ЌЕ ГО ЗАМЕНИ СТОЛТЕНБЕРГ? Шведски медиуми тврдат дека Андреј Пленковиќ е сериозен кандидат за шеф на НАТО appeared first on plusinfo.mk.

Вонсудскиот совет на Жупанискиот суд во Загреб одлучи поранешниот премиер и претседател на ХДЗ Иво Санадер да мора да мине во затвор вкупно 18 години и осум месеци. Хина од судот дозна дека одлуката за вкупната казна била донесена на крајот на декември, а деновиве била испратена до Санадер и неговите адвокати.

Адвокатот на поранешниот хрватски премиер, Чедо Продановиќ, како апсолутно неоснована ја оцени одлуката на вонсудскиот совет, со кој се определи единствена казна за трите досега правосилни пресуди, и притоа најави жалба.

Одбраната смета дека за сите пресуди, со оглед на тоа што се слични кривични дела, Санадер не може да добие здружена казна затвор над 15 години.

Поранешниот премиер досега во притвор или поради пресудите зад решетки има минато околу седум и пол години. Предвремено ослободување од затвор во хрватскиот затворски систем може да се бара по отслужување на половина од казната, а тоа обично се доделува по издржување на две третини од неа.

Санадер, по неколкуте притвори и ослободувања, континуирано е во затвор од април 2019 година, кога Врховниот суд му ја зголеми казната за корупција во случајот „Планинска” на шест години затвор. Во тој случај, поранешниот сопственик на месната индустрија и пратеник на ХДЗ, Стјепан Фиолиќ, призна дека на поранешниот премиер му донел десет милиони куни и еден милион евра провизија откако купил деловна зграда од државата под нејзината пазарна цена.

Во октомври 2021 година, највисокиот суд делумно ја потврди пресудата од повторената постапка за случајот Фими медиа, според која ХДЗ мора да плати казна од 3,5 милиони куни за извлекување пари од државни институции и фирми, додека за Санадер, заедно со враќањето на противправната корист,  казната од осум му се намали на седум години затвор

На крајот на октомври 2021 година, Врховниот суд ја потврди првостепената пресуда со која Санадер беше осуден на шест години затвор за примање поткуп од шефот на унгарската МОЛ, Золт Хернади, додека недостапниот Хернади беше осуден на две години затвор.

The post ИВО САНАДЕР ДОБИ ЗБИРНА КАЗНА ОД 18,8 ГОДИНИ Поранешниот хрватски премиер досега одлежал седум по разни притвори appeared first on plusinfo.mk.

Хрватскиот премиер Андреј Пленковиќ тврди дека никогаш не извршил притисок врз Обвинителството и оти целиот негов кабинет е посветен на борбата против новиот коронавирус.

– Сакаме да ја охрабриме борбата против корупцијата. И Јавното обвинителство и полицијата работат без чие било мешање – рече Пленковиќ.

Тој нагласи дека Владата разрешила некои државни службеници, со што, според него, јасно покажале дека не сакаат да бидат вмешани во одделни акти, кои го нарушуваат угледот на Владата.

– Ова го зборувам без каква било идеја за притисок врз тела. Но, треба да се утврди кој е одговорен за тоа – додаде Пленковиќ.

Обвинителството претходно денеска го предупреди Пленковиќ да го почитува законот и да не врши притисок врз правосудството. Повод за тоа била неговата неодамнешна изјава дека полицијата и Обвинителството треба малку да ја „прочешлаат“ опозициската.

The post Пленковиќ демантира дека вршел притисок врз Обвинителството appeared first on plusinfo.mk.