Српската пејачка Марија Шерифовиќ летува во Хрватска со мајка ѝ Верица и синот Марио, а дел од авантурите од семејното крстарење сподели со своите следбеници преку новиот влог на Јутјуб.

Таа ова лето ги замени концертите и сценските настапи со мирен одмор на едрилица со која пловат долж хрватскиот брег. Но, освен целосно мирно уживање во сонцето, морето и скриените заливи, семејството доживеа и неколку возбудливи моменти.

Еден од нив е и оној кога едрилицата ја зафати бура и додека бродот се ниша на брановите, мајката на Марија, Верица, се обидува да подготви ручек во кујната. Садовите почнуваат да се лизгаат, а таа се обидува да го задржи тенџерето.

Марија целата сцена ја снима и низ смеа ѝ дофрла: Има ли прпа, баба?

– Јас го држам тенџерето за детето да има што да јаде. Леле, Марија, држи го! – ѝ одговара Верица.

За среќа, непријатната ситуација брзо помина и стана уште еден забавен спомен од одморот.

Во влогот, Марија открива и детали од патувањето меѓу далматинските острови. Крстарењето започнало од Брач кон Хвар, а пејачката признава дека пради високите бранови за малку ќе повратела.

– Брановите се кренаа со брзина на светлината и буквално ми се слоши – раскажува таа по пристигнувањето во Стари Град на Хвар.

Сепак, непријатноста брзо ја заборавија откако најдоа мирен залив со кристално чиста вода. По капењето, семејството прошета низ Стари Град, каде што Марија уживаше во паста со шкампи и кафе покрај морето.

Следната станица беше Палмижана, на која не ѝ се допадна тоа што има многу туристи.

– Оваа гужва не ми се допаѓа. Можеби е за помлади луѓе, но сè ми изгледа премногу полно – вели таа, додавајќи дека повеќе сака помирни места.

Патувањето продолжило кон Вис и Комижа и токму Комижа е нејзиниот фаворит меѓу сите места што ги посетија.

– Морам да кажам дека ова можеби ми е најдрагото и најсимпатично место досега. Можеби затоа што има најмалку луѓе – вели Марија која ја покажа својата поопуштена страна и откри дел од својот семеен живот.

The post 🎥 МАРИЈА ШЕРИФОВИЌ ЈА ФАТИ БУРА НА ЈАДРАН Пејачката плови со едрилица по далматинските острови со мајка ѝ и синот appeared first on plusinfo.mk.