Актерката Марија Крпан почина на 71-годишна возраст, а тажната вест ја потврди Хрватскиот народен театар во Вараждин.

– Со длабока тага во срцата ја примивме веста дека утрово нè напуштила Марија Крпан, долгогодишна членка на ансамблот на ХНК во Вараждин. Освен по многубројните улоги, ќе ја паметиме по нејзиниот ведар дух кој не го губеше до последен момент. Искрено сочувство до целото семејство, пријателите и колегите, а на драгата Марија благодарност за сè и среќен пат на некое подобро место – пишува во соопштението.

 

View this post on Instagram

 

A post shared by HNK Varaždin (@hnk_varazdin)

Публиката низ целиот регион најмногу ќе ја памети актерката по улогата на Јасмин во хит-серијата „Изборот на Лара“ од 2012 година.

Родена на 12 август 1954 година во Хум (Вочин), Марија Крпан го покажала својот талент уште во младоста. Уште како средношколка се истакнала како одлична рецитаторка и членка на драмски групи. Уште во почетокот на 1970-тите учествувала во театарски проекти и натпревари кадешто веднаш го привлекла вниманието.

Поголемиот дел од својата кариера го поминала на театарската сцена, претежно во Вараждин, каде што остварила голем број значајни улоги. Пошироката публика ја памети и по нејзините телевизиски настапи, во кои често играла впечатливи споредни ликови.

Таа е позната на јавноста и по улогите во сериите како „Изборот на Лара“, „Под среќната ѕвезда“, „Мамутика“, „Светот на Биби“, „Законот на љубовта“ и „Нашата куќичка, нашата слободичка“. Исто така, глумела и во филмот „Маргиналци“.

The post ПОЧИНА МАРИЈА КРПАН Хрватската актерка глумеше во хит-серијата „Изборот на Лара“ appeared first on plusinfo.mk.

Хрватската актерка Петра Дуганџиќ Нобл се пофали со успехот на својот сопруг, Мак Нобл, кој беше дел од голема фудбалска акција. Имено, четвртолигашот Куриловец од Велика Горица го елиминираше прволигашот Истра 1961 од Суперспорт хрватскиот фудбалски куп и со тоа оствари историски пласман.

Херој на овој натпревар, погодувате, бил токму младиот сопруг на актерката, Гозиемба Нобл Макуочукву (23), попознат како Мак Нобл, чиј менаџер е самата таа.

Петра сподели видео од прославата на тимот на Инстаграм и им покажа на сите колку е горда на својот сопруг.

Инаку, 49-годишната Петра го запознала 23-годишниот нигериски фудбалер за време на своето патување во Африка. Но, пред да можат да го започнат својот брачен живот заедно, морале да ја надминат немилосрдната бирократија на двата континенти.

Денес конечно се заедно.

– Јас патував сама, а тој беше на патување со својот клуб на фудбалски турнир. Се запознавме и се дружевме некое време. Продолживме да комуницираме преку интернет, мобилни телефони, на далечина, а тука беше и мојата желба да се преселам во Африка, што беше причината зошто отидов на тоа патување – раскажала Петра за хрватските медиуми.

 

View this post on Instagram

 

A post shared by Petra Dugandzic Noble (@5ranoble)

На самиот почеток од нивната врска, таа на шега спомнала брак, Мак ѝ испратил нешто трогателно, а таа, без да биде премногу сериозна, рекла дека тогаш може да се ожени со неа. Не очекувала дека тој ќе го сфати тоа како вистински предлог, но Мак ја изненадил одговарајќи дека е целосно подготвен за тоа.

Дури тогаш сфатила дека всушност таа му предложила брак. Петра повторно отпатувала во Нигерија, каде што организирале сè што е потребно за нивната свадба. Пред церемонијата, го запознала и неговиот татко кој на почетокот не бил воодушевен, главно поради разликата во годините и фактот дека таа веќе еднаш била мажена. Традиционалните вредности на неговото семејство довеле до мали драми, но двојката на крајот го пребродила тоа.
Реакциите на нејзиното семејство и пријателите биле исто толку интензивни како и она низ што таа поминувала во Нигерија. Нејзината мајка починала во тоа време, па целата работа била емоционално напорна.

Нејзините пријатели биле крајно скептични, што многу ја погодило. Имено, Мак доаѓа од земја која често се споменува во контекст на разни онлајн измами, а е исто така и значително помлад од неа.

Сепак, откако таа постојано нагласувала дека е свесна за сите ризици и дека цврсто стои зад својот избор, очекувала тие да ја поддржат. Бидејќи тоа не се случило, некои врски се промениле со текот на времето.

 

View this post on Instagram

 

A post shared by Petra Dugandzic Noble (@5ranoble)

Во секојдневниот живот, Петра и Мак претежно зборуваат на англиски јазик. Со текот на времето, Мак научил неколку хрватски зборови, додека Петра го учи јазикот на неговото племе и нигерискиот „пиџин“, едноставен јазик базиран на англискиот.

Дури и по свадбата, нивната приказна не станала поедноставна. Бидејќи Хрватска нема нигериска амбасада, Петра морала да патува во Будимпешта за да се завери нејзиниот нигериски венчален лист и да се претвори во документ кој ќе биде признаен во Хрватска.

Дури тогаш можела да го започне процесот на повторно обединување на семејството. Кога Мак конечно добил дозвола за престој и пристигнал во Загреб, Петра се нашла во сосема нова улога, станувајќи негов фудбалски менаџер. Таа го обезбедила неговиот прв ангажман во НК Дугопоље, а денес тој игра за НК Куриловец, клубот од почетокот на текстот кој стигнал до четвртфиналето на Купот со победа над Истра 1961.

The post И ХРВАТИТЕ ИМААТ СВОЈА МАДОНА И ШЕР Актерката Петра Дуганџиќ пресреќна поради фудбалскиот успех на својот двојно помлад сопруг appeared first on plusinfo.mk.