Педесет и двегодишен вработен во ЕВН го загубил животот додека бил на работна задача во атарот на кривопаланечкото село Огут, информира полицијата.

Според информациите од Министерството за внатрешни работи, на 16 јуни околу 13 часот во ОВР Крива Паланка од Јавната здравствена установа Крива Паланка било пријавено дека на местото викано „Пољана“ во селото Огут има починато лице.

По преземените мерки било утврдено дека станува збор за С.Ј. (52) од Крива Паланка, вработен во ЕВН, кој починал додека извршувал работни задачи.

Лекар констатирал смрт на местото на настанот, а по наредба на јавен обвинител телото на починатиот е предадено на обдукција во Судска медицина, со цел да се утврдат точните причини за смртта.

Увид на местото извршила увидна екипа на ОВР Крива Паланка, а надлежните институции ги испитуваат сите околности поврзани со случајот.

The post ВРАБОТЕН ВО ЕВН ПРОНАЈДЕН МРТОВ Работник починал за време на извршување службени задачи appeared first on plusinfo.mk.

Трагичен настан се случил во скопското село Зелениково, каде што 72-годишен жител го загубил животот додека работел на нива.

Од Министерството за внатрешни работи информираат дека на 16 јуни во Полициската станица Драчево било пријавено оти во селото бил пронајден починатиот Ц.К. (72) од Зелениково, кој според првичните информации бил прегазен од сопствениот мотокултиватор.

Според пријавеното, мажот утрината излегол да работи на земјоделска површина со мотокултиваторот, но откако не се вратил дома до 13 часот, неговиот брат тргнал да го бара. Кога пристигнал на нивата, го пронашол безживотното тело под машината.

На местото пристигнала екипа на Итна медицинска помош, чиј лекар констатирал смрт.

По наредба на јавен обвинител, телото на починатиот е предадено на обдукција, а увид на местото извршила увидна екипа на СВР Скопје.

Се утврдуваат сите околности под кои дошло до несреќата.

The post ТРГНАЛ ДА ГО БАРА БРАТ МУ, ГО ПРОНАШОЛ МРТОВ ПОД МОТОКУЛТИВАТОР Земјоделец загина прегазен од сопствената машина appeared first on plusinfo.mk.

Тринаесетгодишно момче од Делчево се здобило со тешки телесни повреди по несреќа што се случила на пешачка патека во градот, соопшти полицијата.

Според информациите од Министерството за внатрешни работи, несреќата била пријавена на 16 јуни околу 15:20 часот во ОВР Делчево. Малолетникот, управувајќи велосипед на пешачка патека меѓу улиците Глигор Прличев и Гоце Делчев, изгубил контрола и удрил во ѕид од куќа.

По несреќата, момчето било пренесено на лекување, а во Комплексот клиники „Мајка Тереза“ во Скопје му биле констатирани тешки телесни повреди.

Увид на местото извршила увидна екипа од ОВР Делчево, а се утврдуваат сите околности под кои се случила несреќата.

The post УДРИЛ ВО ЅИД СО ВЕЛОСИПЕД Малолетник од Делчево итно хоспитализиран во Скопје appeared first on plusinfo.mk.

Инцидентите се регистрирани во Штип, Скопје, Охрид, Дебар и во Прилеп. Дел од случаите вклучуваат закани, физички напади и оружје. Утрово во 05:10 часот во Штип бил приведен 38-годишен штипјанец. Според МВР, тој ја нападнал сопругата иако имал судска забрана да ѝ се доближува.

Инцидентот се случил околу 01:00 часот. По расправија, следувал физички напад.

Синоќа во 21:00 часот во Скопје бил приведен 55-годишен маж. Неговиот 25-годишен син пријавил дека му се заканувал со остар предмет. Полицијата постапила по пријавата. Лицето било лишено од слобода.

Во скопско бил приведен 40-годишен маж. Неговите родители пријавиле агресивно однесување. Според пријавата, тој оштетил дел од покуќнината и упатувал закани во домот.

Осумнаесетгодишник од скопско пријавил напад од неговиот 19-годишен брат. Случајот се случил во дом во општина Сарај. По преземени мерки, полицијата извршила службен разговор со пријавениот.

Во Охрид бил извршен службен разговор со 46-годишен охриѓанец. Неговата сопруга пријавила закани по расправија. Кај него биле пронајдени пиштол, автоматска пушка и муниција. Оружјето било одземено.

Во Дебар бил приведен 45-годишен маж. Тој е осомничен дека физички ја нападнал сопругата. Во Прилеп, жена пријавила дека била нападната од сопругот. Според пријавата, тој употребил тврд предмет и ѝ нанел повреди.

Од Министерството за внатрешни работи информираат дека се преземаат мерки за расчистување на случаите. По целосно документирање ќе следуваат соодветни пријави против сторителите.

The post СЕМЕЈНО НАСИЛСТВО ВО ПОВЕЌЕ ГРАДОВИ Четворица приведени, пронајдено и оружје appeared first on plusinfo.mk.