Нема да бидеме изненадени доколку имаме повеќе од 50 градоначалници, но очекуваната бројка е помеѓу 45 и 50, плус главниот град, рече премиерот и лидер на ВМРО-ДПМНЕ, Христијан Мицкоски, во гостување во емисијата „360 степени“ на МРТ 1.

Мицкоски вели дека тоа е поголем број градоначалници во однос на изборите во 2021 година кога имаа четириесет и двајца. За резултатот на СДСМ, пак, рече дека согласно нивните анализи тие би добиле од нула до 6 градоначалнички места. За партијата Левица вели:

– Не очекувам да освојат. Затоа што Левица, таму каде што кандидира свои кандидати, во најголем дел, а тоа се скопските општини и во градовите Тетово, Гостивар и Струга, теоретски не може да добијат поголем број гласови од кој било друг што се натпреварува на тие избори. Јасна е нивната стратегија, дека тие треба да бидат прокси за Демократската унија за интеграција.

Во однос на бројот на гласови на советничките листи, Мицкоски вели дека во споредба со последните парламентарни избори на кои коалицијата на ВМРО-ДПМНЕ освои околу 430.000 гласа на излезеност од над еден милион граѓани, сега очекува да има дисипација, зашто на гласачките ливчиња ќе има независни листи, но и партии кои со ВМРО-ДПМНЕ коалицираат на централно ниво, а во одредени општини ќе настапат самостојно.

– Се разбира дека гласовите на советничките листи се значајни и дека се некаков репер и патоказ, но очекувам да го освоиме тој процент помеѓу 40, 42-43 отсто од вкупниот број излезени гласачи. Тоа е во едно очекувано сценарио, иако кампањата сè уште не е почната, а очекувам дополнителна мобилизација од некој процент -кажа Мицкоски.

Премиерот очекува излезеност помеѓу 850.000 и 900.000 и се надева дека ќе освојат над 400.000 гласа, со што би оствариле историски најдобар резултат на локални избори.

Прашан дали нивните анализи покажуваат пад на поддршката за партијата од парламентарните избори до денес, тој одговори „не“ и оти, напротив, сметаат дека имаат добиено дополнителен потенцијал.

– Се разбира дека во одредени кругови во јавноста можеби постои незадоволство од динамиката на реализација и испораката на резултатите. Некој ќе каже пребавно се случува, некој ќе каже апсете го овој, некој ќе каже судете го тој. Но, ние како Влада и како коалиција сме тука да испорачаме резултати и да одиме напред, а не да одиме назад како што тоа се случуваше во изминатите години. Ние не сме обвинители ниту, пак, судии за да можеме некого да обвинуваме или да судиме. Ние можеме да направиме истрага и преку оние институции коишто ја вршат таа истрага да ја доставиме до Обвинителството. Од тој момент, па натаму правосудниот систем е тој што одлучува дали некој ќе биде приведен, апсен, суден и така натаму – рече Мицкоски.

The post МИЦКОСКИ ОЧЕКУВА 45 ДО 50 ГРАДОНАЧАЛНИЦИ НА ЛОКАЛНИТЕ ИЗБОРИ На СДСМ им предвидува од 0 до 6, а на Левица ниеден appeared first on plusinfo.mk.

Премиерот Христијан Мицкоски најавува заедничка акција помеѓу Европската Комисија и Владата – Кочани 2030, за реконструкција на инфраструктурни објекти, како што е кочанската болница, но и училишта, спортски сали, паркови и патна инфраструктура.

За овој план Кочани 2030, како што посочи премиерот Мицкоски, веќе разговарал со претседателката на ЕК, Урсула фон дер Лајен.

– Со претседателката на ЕК разговаравме да имаме заедничка акција, да направиме јасен план за Кочани, можеби ќе го именуваме „Кочани 2030“ во којшто ќе вложиме огромна сума пари во реконструкција на ваков тип на објекти, меѓу кои е и кочанската болница, но и на други инфраструктурни објекти… Подготвуваме еден огромен проект кој ќе биде реализиран од оваа Влада и за граѓаните на Кочани – изјави Мицкоски, одговарајќи на новинарски прашања по прес-конференцијата за промоција на оперативниот план за вработување.

Прашан дали ќе се зголемат ресурисите во болницата во Кочани, Мицкоски рече дека повредените од пожарот во Кочани апсолутно се прв приотитет за Владата уште од првиот ден, изразувајќи уверување дека „ниту еден пациент нема да остане незгрижен и ниту еден пациент нема да остане нетретиран онака како што заслужува“.

Затоа, посочи Мицкоски, веќе таму се праќаат специјални медицниски тимови кои во перидот што следи ќе се грижат за здравјето на луѓето кои што имаа полесни и потешки повреди.

– Што се однесува до условите во кочанската болница, можам со жалење да констатирам дека во Македонија во моментов во болниците има и полиши услови. За жал. И, за жал, ние во овие 11 месеци не успавем сите болници, се што е уништено изминатите децении да го реновираме, но апсолутно се прв приотитет тие луѓе и тоа го покажавме уште од првиот ден. Застанавме како Влада зад тие луѓе и направивме се што можевме да направиме. Прво безбедно да можат да бидат згрижени надвор од државата, а потоа безбедно да бидат вратени назад во државата – изјави Мицкоски.

Мицкоски посочи дека не сака јавно да зборува што и како прават, затоа што, како што рече „смета дека не треба да се злоупотребува оваа човечка трагедија“.

– Конкретно вчера на владина седница донесовме повторно заклучок финансиски да покриеме транспорот со владин авион на еден повреден што доаѓа од Грац, Австрија. Јас ќе повторам, не сакам за овие работи јавно да зборуваме, изјави Мицкоски.

За жал, рече Мицкоски, загубивме двајца пациенти од тие повеќе од 200 лица кои беа жртви на овој ужасен настан и последиците кои што ќе го сносат.

– Поради брзата реакција можеби тоа е многу, можеби е малку. Секој еден изгубен човечки живот е премногу, но ние се трудиме максимално се што е во наша моќ како Влада, фокусирано тоа и го направиме, изјави Мицкоски.

The post МИЦКОСКИ И УРСУЛА ЌЕ ГО МЕНУВААТ ЛИКОТ НА КОЧАНИ Премиерот вети целосна трансформација на градот appeared first on plusinfo.mk.