Претседателот на Владата Христијан Мицкоски денеска потврди дека за зголемување на пензиите ќе треба да се чека ребалансот на Буџетот, за што тој и министерката за финансии, како што кажа, интензивно работат и кој е најавен за средината на јули. Најави две линеарни зголемувања и тоа со нивелирањето во септември од 2.500 денари и уште едно со иста сума  во март.

-Апсолутно. И од она што можам да видам дека и со оној првичен буџет којшто е поминат за оваа година недостасуваат околу 2,5 милијарди денари. Ќе имаме најверојатно две линеарни зголемувања. Ќе биде ова потврда во текот на утрешниот ден или денот потоа. Имаме две, едно со нивелирањето сега во септември линеарно зголемување од 2.500 денари и другото ќе биде во март уште 2.500 денари. Најпрвин треба да обезбедиме со ребалансот 2,5 милијарди денари околу 40 милиони евра. Во овој буџет тие пари недостасуваат. Се трошеле за работи за кои мислам дека многу ќе се занимаваат истражните органи во периодот што следи. И уште дополнителни 2,5 милијарди денари се подготвени за ова првично зголемување сега што ќе биде во септември, за овие три месеци септември октомври ноември бидејќи пензиите ќе се исплаќаат тогаш. Останатите ќе бидат во март и со тоа практично нашето ветување за линеарно зголемување на пензиите од 5.000 денари во првата година ќе биде и порано исполнета. Нема да биде до јуни туку ќе биде до март – рече Мицкоски, кој беше на ставање на камен темелник на училиште во Драчево.

The post РЕБАЛАНС НА БУЏЕТОТ ВО ЈУЛИ, ПА 2.500 ДЕНАРИ ЗА ПЕНЗИОНЕРИТЕ ВО СЕПТЕМВРИ Премиерот кажа дека има кусок од 40 милиони евра во државната каса appeared first on plusinfo.mk.

Мицкоски рече дека оваа власт со години го разграбува секое вредно парче слобода, печалат на грбот на работливиот народ, и се грижат единствено за личните џебови и богатење. Нема тука кај нив никаква идеологија, туку тендери, бизниси и матни зделки.

– Чувството на вознемиреност е што Димитар Ковачевски му ја сервираше Македонија на Али Ахмети, на Артан Груби и на Талат од Форино. Со 100 души од ДУИ се управува цела Македонија, а чираците од СДСМ исполнуваат се што ДУИ ќе посака. Го загубија идентитетот, се претопија во криминалот, некогаш големата партија СДСМ, ова раководство ја претвори во пудлица на Ахмети и неговите желби – рече Мицкоски.

Тој додаде дека на нивните митинзи играат оро, ама на Онкологија луѓе умираа затоа што немаше лекови. Тие играат оро, а 600 илјади граѓани живеат со само 150 денари на ден. Инфлацијата три пати го изеде секое покачување на платите. Рекордери сме по корупција и криминал, неславни рекордери во Европа.

-И денес гледам правеле митинг пред зградата на делегацијата ЕУ во центарот на Скопје, небаре ако се поблиску до зградата ќе бидат и тие ЕУ. Каква пародија. И Ковачевски и Ахмети на чело да тетовираат знаме на ЕУ и да се качат на врв на зградата на ЕУ, тие не стануваат тоа затоа што до гуша се во криминал. И се прочитани од народот како буквар – рече Мицкоски.

Тој додаде дека тие редат неспособни на одговорни позиции.

– Членови на ДУИ и СДСМ со купени дипломи стануваат директори, а учените млади луѓе си одат надвор од Македонија. На овие избори се одлучува или тие, или Македонија. Или 100-тина души од ДУИ со чираците од СДСМ или народот на Македонија, вредните луѓе на оваа земја. Не се тие посилни од народ, затоа и народ ќе им се случи -рече претседателот на ВМРО-ДПМНЕ.

Тој додаде дека по 8-ми мај Македонија ќе ја води способна влада предводена од ВМРО-ДПМНЕ и Коалицијата „Твоја Македонија”.

The post „КОВАЧЕВСКИ И АХМЕТИ НА ЧЕЛО ДА ГО ТЕТОВИРААТ ЗНЕМЕТО НА ЕУ, ОСТАНУВААТ КРИМИНАЛЦИ“ Мицкоски од Гази Баба порача дека на овие избори се одлучува или тие, или Македонија appeared first on plusinfo.mk.

– Немам информации. Генерално Владата е таа која што го приватизираше овој процес. Немаме никакви информации за ново дополнително отстапување или нови дополнителни предавства кои се подготвуваат. Ние во неколку наврати ги повикувавме на писмени гаранции, ги повикувавме на единство, ги повикувавме на декларации, но очигледно повеќе сакаат да удоволат на официјална Софија отколку на македонскиот народ, на македонската држава и на македонските граѓани – рече Мицкоски.

The post САКААТ ДА Ѝ УДОВОЛАТ НА БУГАРИЈА, НЕ НА НАРОДОТ Мицкоски вели владата ги приватизирала преговорите appeared first on plusinfo.mk.