Плусинфо дојде до информација дека поројниот дожд кој вчера го зафати Скопје предизвикало поплава на оперативните сали кои се наоѓаат на третиот кат во болницата. Утрово вработените биле принудени да одложат некои од закажаните операции, а дел од пациентите кои требало да бидат итно оперирани се пренесени во долните две сали кај Итната медицинска помош.

Овие информации за Плусинфо ги потврди и директорот на ГОБ „8 Септември“ д-р Христијан Костов.

– Видете вчера навистина беше времето апокалиптично, па како и секое домаќинство, така и ние имавме мали проблеми. Протече вода во оперативните сали на третиот кат, некои од операциите беа одложени додека опремата не се префрли во долните сали. Но сега можам да кажам дека продолжуваме со операции долу, а другите сали на Трауматологија и ортопедија се функционални. Нема потреба за загриженост, болницата е во функција. Овој период имаме значително зголемена работа поради дефектот на Клиника, но успеваме успешно да се справиме со предизвиците. Верувам дека медицинскиот кадар е преморен поради зголемениот обем на работа, а и дополнително ни недостасува луѓе, бидејќи дел од нив ги користат одморите – ни изјави Костов.

Како што додаде директорот Костов, очекува наскоро проблемот да биде решен и наскоро и другите сали да бидат функционални.

The post ДОЖДОТ ГИ ПОПЛАВИ ОПЕРАТИВНИТЕ САЛИ ВО ГОБ „8 СЕПТЕМВРИ“ Директорот Костов го потврди проблемот, но најави брза санација appeared first on plusinfo.mk.

– Меѓутоа, согласно бројот на анестезиолози, земајќи го предвид и бројот на оправдано отсутни поради болест, нивниот ангажман во ковид одделенијата, редуцираниот број на хируршки одделенија поради зголемување на капацитетот на одделенија за лекување на ковид позитивни пациенти согласно препораките на Министерството за здравство во кои е потребен поголем број медицински персонал, ставен е акцент на оперативно лекување на пациенти кај кои одложувањето на оперативните интервенции би довело до загрозување на нивниот живот (малигноми и фрактури). И овие интервенции се одвиваат без застој – вели Костов.

Тој додава дека постои редукција на елективниот програм.

– Овој програм не само во нашата установа туку и секаде во светот е во слична состојба поради пандемијата (ангажирање на персоналот за лекување на приоритетните пациенти заболени од ковид). Воедно би сакал да нагласам дека од колегите имаме потреба за помош во лекувањето на ковид позитивните пациенти кои лежат во ковид одделенијата, и ќе се вклучат во овој процес на лекување до периодот кога ќе се создадат услови за работа на хируршкиот колектив во полн капацитет – вели Костов.

The post КОСТОВ ДО ХИРУРЗИТЕ ОД „8 СЕПТЕМВРИ“ Имаме потреба од вас во одделенијата со ковид пациенти appeared first on plusinfo.mk.