Полицијата од станицата за безбедност на патниот сообраќај вчера околу 18:40 часот пронајде 15 свињи, при контрола на товарно возило на автопатот Штип-Миладиновци.

– Во координација со Агенцијата за храна и ветеринарство, извршена е контрола во товарно возило „Фолксваген крафтер“ со скопски регистарски ознаки, управувано од И.Ј.(46) од село Црешево. При контролата, во возилото биле пронајдени 15 свињи, кои ги купил од лице од село Крупиште, општина Карбинци, а за кои не поседувал документација за потекло и здравствена состојба, што е спротивно на протоколите и решението на Агенцијата за храна и ветеринарство за спречување на ширење на заразната болест кај свињите позната како африканска чума – велат од Министерството за внатрешни работи.

Од МВР додаваат дека претставниците од АХВ ги одземале свињите и ќе бидат уништени, додека против лицето ќе биде поднесена соодветна пријава.

The post СПРЕЧЕН ШВЕРЦ НА 15 СВИЊИ Ги купил без документи, па сега животните ќе бидат уништени appeared first on plusinfo.mk.

Од Агенцијата за храна и ветеринарство (АХВ) за Плусинфо информираат дека вчера попладне до нив е пристигната нотификација (број 2021.3720) од системот за брзо предупредување за храна и храна за исхрана на животни (РАССФ) на Европската Унија, која е поврзана со увезени небезбедни кондиторски производи коишто во својот состав содржат адитив со наод на етилен оксид. Станува збор за адитивот „locust bean gum“.

– Согласно воспоставената процедура за постапување по добиената нотификација, инспекциските служби на Агенцијата за храна и ветеринарство вршат контрола кај двајца оператори увозници. По спроведената инспекциска контрола ќе бидат утврдени количините и видовите увезени производи и ќе се дефинираат насоките за понатамошно дејствување – велат од АХВ за Плусинфо.

Оттаму додаваат дека по спроведените инспекциски контроли кај двата оператора и доколку бидат откриени спорни сладоледи, тие ќе бидат повлечени од употреба.

Министерството за земјоделство на Хрватска, уште во петокот, заедно со увозникот од претпазливост ги повлекле производите „Snickers xtra ice cream“ 66 g-single, „Snickers ice cream“ 48 g – 6 pack box, „Twix ice cream“ 47 g – single, „Twix ice cream“ 34,2 g – 6 pack box, „Bounty ice cream“ 39,1 g – 6 pack box и „M&Ms peanut ice cream stick“ 62 g – single.

Производите кои се отповикани имаат различни датуми на истекување и број на серии, а со известувањето е објавена и табела со повлечените производи.

Истото денес се случи и во Србија, каде од полиците и магацините низ земјата биле повлечени спорните сладоледи со зголемено ниво на етилен оксид.

– Кој и каде да ја открие која било неправилност, тоа влегува во системот, така што ги алармира сите во синџирот да постапат на соодветен начин. Наша работа е да ги штитиме потрошувачите, а тоа ќе го правиме и во иднина – изјави министерот за земјоделство, шумарство и водостопанство на Србија, Бранислав Недимовиќ.

Тој додаде дека на 2 август од страна на системот за брзо известување на Европската Унија во министерството пристигнало известување како дополнителна информација дека сладоледот увезен од Франција го содржи стабилизаторот „Lygomme FM 4600/Box25/STD/E800“, кој во Шпанија бил регистриран дека има етилен оксид над дозволените граници.

The post Дали и Македонците лижат сладоледи полни со пестициди? appeared first on plusinfo.mk.