Градоначалникот на Град Скопје, Орце Ѓорѓиевски извести дека денеска заедно со градоначалникот на општина Сарај, Мухамед Елмази, го посетиле просторот покрај реката Вардар, на патот кон селото Рашче, место кое, како што вели до вчера било дива депонија, а денес веќе се чисти и се подготвува да добие сосема нов лик.

„Овој запуштен простор ќе прерасне во голем, модерен и уреден парк, со хортикултурно и партерно уредување, зелени површини и содржини за рекреација, одмор и дружење на жителите од овој дел на Сарај.

Исто така, наскоро започнуваме и реконструкција на мега-паркот во Сарај, кој децении е оставен во негрижа. Ова место има природна убавина, има потенцијал и заслужува грижа. Не заслужува отпад, запуштеност и заборав, туку живот, зеленило и простор во кој граѓаните ќе уживаат. Вложуваме во секој дел од Скопје, затоа што сите наши сограѓани заслужуваат еднакви услови, уредена околина и подобар квалитет на живот“, порача Ѓорѓиевски.

The post 📽️ ГОЛЕМА ТРАНСФОРМАЦИЈА ВО САРАЈ Просторот на дивата депонија ќе се претвори во парк appeared first on plusinfo.mk.

Директорот на МЕПСО Бурим Љатифи во објава на Фејсбук наведе дека сите информации за потрошени 15.000 евра за хортикултурно уредување за што го обвинија од опозициската ДУИ, се лажни вести.

„Во интерес на објективно информирање на јавноста, ја споделувам фактичката состојба со набавката за хортикултурно уредување спроведена во АД МЕПСО, која стана дел од дневно-политичките настани. Прво, фамозната набавка за хортикултурно уредување е спроведена од претходниот менаџмент составен од луѓе на ДУИ и на Зијадин Села. Второ, утврдувањето на потребата за ваква набавка во АД МЕПСО е со потпис на поранешниот министер од ДУИ, Билен Салији, тогаш во својство на член на управен одбор на АД МЕПСО. Трето, изборот на компанија добитник на постапката за набавка на хортикултурно уредување го направи претходниот директор на АД МЕПСО, Зуди Кока, поставен на таа позиција од Европскиот фронт. Четврто, соочени со ситуација на немање начин и основ согласно закон за поништување на постапката во оваа финална фаза, договорот беше потпишан за да се избегнат евентуална тужба и судски процес од претходно избраната компанија од претходниот менаџмент. Петто, станува збор за рамковна набавка, која има финансиски импликации само доколку се направи нарачка. АД МЕПСО досега не потрошил ниту еден денар за оваа набавка. Шестто, АД МЕПСО нема ниту во иднина да троши средства за непотребни набавки за АД МЕПСО“, наведе Љатифи.

• МЕПСО НЕ Е ЃУЛ БАВЧА, НИ 1 ДЕНАР НЕМА ДА СЕ ПОТРОШИ ЗА РОЗИ, А КАМОЛИ 15.000 ЕВРА! Набавката ја договорило претходното раководство и нема да се спроведе

Тој подетално објасни за што станува збор и објави документи.

„Познатата јавна набавка за хортикултурно уредување, како постапка, датира многу пред да дојдам јас како раководител на институцијата, кога поранешниот министер на ДУИ во својство на член на управниот одбор на АД МЕПСО, Билен Салији, го потпишал барањето за потребата од хортикултурно уредување, односно цвеќиња. Понатаму, треба да ја информирам пошироката јавност дека поранешниот директор на АД МЕПСО, Зуди Кока од коалицијата Европски фронт, ја потпишал одлуката за избор на компанијата победник за јавната набавка на хортикултурно уредување. Ова беше пред јас да стапам на функција. Соочени со оваа ситуација, каде сите рокови за поништување на постапката и жалби беа поминати пред ние да стапиме на функција, како ново раководство бевме поставени пред свршен чин – или да ја спроведеме постапката до крај, или да ризикуваме да бидеме тужени од компанијата победник избрана од претходниот директор.

Сакам да нагласам дека, бидејќи ова е рамковен договор, што значи дека ништо не се плаќа однапред, туку само доколку потенцијално се нарача некој производ, ние го потпишавме предметот за да избегнеме тужба, со силна увереност дека нема да се потроши ниту еден денар од оваа набавка, бидејќи сметаме дека трошоците се непотребни! Значи, сите информации за наводно потрошени пари се само лажни вести“, додаде Љатифи и ја покани јавноста да следи дали во текот на следните 11 месеци, колку што трае договорот, ќе се потроши и еден цент во овој правец.

„Следниот пат, подобро е да читаат и анализираат пред да излезат пред камери и да се посрамат пред целата јавност! Како што беше кажано и во реакцијата, ѝ гарантираме на јавноста дека ниту еден цент од таа набавка нема да се искористи! Остануваме решителни да направиме промена, а не само промена на одредени лица. На крај, ако ДУИ и нејзините експоненти не дадат извинување за изнесените лаги и обвинувања, ќе бидам принуден да поднесам тужба за клевета и нарушување на угледот при соодветните институции“, се наведува во објавата на доцент д-р Бурим Љатифи објавена на Фејсбук.

• НА ДУИ НЕ Ѝ ЦВЕТААТ РОЗИ, АМА ЗАТОА ВО МЕПСО ЌЕ ЦВЕТААТ ЗА 15.000 ЕВРА?! Партијата жестоко го обвинува новиот директор Бурим Љатифи

The post ЉАТИФИ БАРА ДУИ ДА МУ СЕ ИЗВИНИ Ниту купиле, ниту ќе купат рози во МЕПСО за 15.000 евра appeared first on plusinfo.mk.