Холанд Тејлор (83) и Сара Полсон (51) се во љубовна врска веќе 12 години, но не сметаат дека за успешна љубов е неопходно партнерите постојано да живеат заедно. Актерките имаат свои домови во Лос Анџелес, додека во Њујорк престојуваат заедно. За нивната необична организација на животот Тејлор зборуваше во емисијата „The Drew Barrymore Show“.

– Заедно сме онолку колку што ни дозволуваат далечината и работата – објаснила Тејлор, додавајќи дека професионалните обврски често ги раздвојуваат. Таа има стан во Њујорк, каде што Сара престојува кога е во градот, па тогаш практично се постојано заедно. Во Лос Анџелес, пак, секоја има своја куќа.

Полсон купила нова куќа во Лос Анџелес пред речиси една година, но сè уште не се преселила во неа и засега престојува кај партнерката. И покрај тоа што имаат можност да живеат заедно, двете очигледно не чувствуваат потреба да го прават тоа постојано.

Сара претходно зборуваше за нивната врска во подкастот „SmartLess“ во 2024 година, кога откри дека токму ваквиот начин на живот можеби е една од причините поради кои нивната љубов трае толку долго.

– Долго сме заедно. Една од причините е и тоа што сме заедно кога го сакаме тоа, а не сме кога не го сакаме – рече актерката. Кога водителите ѝ предложиле дека би можеле едноставно да спијат во одделни соби, таа ја отфрлила идејата.

– Не, затоа што најмногу на светот сакам да заспијам покрај Холанд, држејќи ја за рака. Така и спиеме, држејќи се за раце. Сакам да спијам покрај неа. Но, во остатокот од времето не сакам да бидам блиску до неа – се пошегувала Полсон.

Тејлор, пак, во разговорот со Дру Баримор ја опишала партнерката како навистина фасцинантна личност и најдобрата пријателка што некогаш ја имала. Особено ја пофалила нејзината посветеност на пријателствата и начинот на кој одржува блиски односи со луѓето што ѝ значат.

Актерките се запознале во 2005 година, но својата врска јавно ја потврдиле дури десет години подоцна. Нивната приказна често привлекува внимание и поради разликата од 32 години, но двете ретко дозволуваат јавноста да им го диктира начинот на кој ја живеат љубовта.

The post 📽️ ЗАЕДНО СЕ 12 ГОДИНИ, НО НЕ ЖИВЕАТ ПОД ИСТ ПОКРИВ Актерките Холанд Тејлор и Сара Полсон ја открија тајната на својата врска appeared first on plusinfo.mk.