– Цврсто верувам дека Бајден ќе се залага за интеграција на Северна Македонија во ЕУ. Ова секако е одлука што мора да ја донесе Европската Унија и САД не можат да ја наметнат својата волја, но ние веруваме дека ги делиме истите цели со повеќето европски земји. Ние сакаме да ја видиме Северна Македонија интегрирана во европските институции. Очекувам Бугарија и остатокот од ЕУ да најдат начин да ги надминат проблемите, со цел Северна Македонија да започне преговори што е можно побрзо – изјави Ји за „Гласот на Америка“.

Според него, доколку Бајден победи на претседателските избори во САД, неговата администрација ќе бара од политичката елита во Северна Македонија да се бори против корупцијата, бидејќи, како што вели, на Скопје му претстои уште долг пат за да ги исполни стандардите за членство во ЕУ.

– Ако го следите Џо Бајден во изминатите децении, ќе знаете дека тој секогаш се залагал за борба против корупцијата. Неодамна, за време на неговата претседателска кампања, тој јасно стави до знаење дека глобалната борба против корупцијата ја гледа како приоритет на САД – истакна Ји, додавајќи дека евентуалната идната администрација на Бајден би била вклучена и во борбата против лажните вести во земјава, кои, според него, се објавуваат со поддршка на Русија и Кина

The post Хојт Ји: Да се надминат проблемите и С. Македонија да започне преговори што е можно побрзо appeared first on plusinfo.mk.