Не запираат турбуленциите по концертот на Марко Перковиќ Томпсон во Загреб, на кој имаше усташка симболика. Овојпат, градоначалникот на Вуковар го покани Томпсон да настапи во градот со порака дека „луѓето од Вуковар се подготвени“, пренесува Телеграф.

Градоначалникот на Вуковар, Маријан Павличек, на Фејсбук објави дека официјално испратил покана до Марко Перковиќ Томпсон за концерт во 2026 година.

„Со оглед на денешните изјави на градоначалникот на Загреб дека Томпсон повеќе не е добредојден во метрополата, упатувам отворена покана до Томпсон да настапи во Вуковар. Градот Вуковар денес официјално упати покана до менаџерот на г-дин Перковиќ да настапи во Вуковар во 2026 година“, истакна Павличек.

Тој додаде дека очекува Томпсон да ги усогласи датумите за концертот.

„Луѓето од Вуковар се подготвени. Нека видат дека сме тука“, нагласи Павличек.

Ваквата покана уследи откако градоначалникот на Загреб, Томислав Томашевиќ, рече дека додека тој е на чело на градот, нема да има повеќе концерти како оној што се одржа на 5 јули на Хиподромот.

– Додека јас сум градоначалник, нема да има вакви концерти – порача Томашевиќ.

Во меѓувреме, фронтменот на познатите панкери Хладно пиво, Миле Кекин, се огласи за снимка од концертот во Домот на Спортовите од 2004 година што се појави на социјалните мрежи. На снимката дел од публиката возвраќа „Спремни“, а некои тврдат дека Кекин викал „За дом“.

Никогаш во животот не сум викал „За дом спремни“, вели Кекин на социјалните мрежи.

„Како човек, немам дилеми околу апсолутната осуда на усташкиот режим, а како уметник, се борев и ќе се борам против омразата, нетолеранцијата и враќањето на минатото со моите песни“, напиша тој на Фејсбук.

Кекин објавата ја заврши со „СФСН“, што значи смрт на фашизмот, слобода на народот.

The post „ВУКОВАР Е СПРЕМЕН ЗА КОНЦЕРТ НА ТОМПСОН ВО 2026 ГОДИНА“ Не престануваат турбуленциите во Хрватска, на мета е и бендот Хладно Пиво appeared first on plusinfo.mk.

Во Хрватска е уапсен Миле Кекин, поранешен фронтмен на групата „Хладно пиво“, објави хрватската РТЛ.

Медиумите ја објавија информацијата за апсењето на Какин како ударна вест, но без дополнителни детали за причините за неговиот притвор.

Миле Кекин е сопруг на Ивана Кекин, која беше кандидат за претседател на Хрватска на изборите одржани во декември 2024 година.

Според неофицијални информации на загрепскиот весник Јутарњи лист, во центарот на интересот на истрагата е Јелена Пероса, до неодамна раководител на Управното одделение за просторно планирање и управување со градски имот во Буја.

Полицијата, како што се наведува, по налог на Канцеларијата за сузбивање корупција и организиран криминал (УСКОК) утринава тропнала на нејзината врата, а упаднала и во фирмата на нејзиниот сопруг Дамир во центарот на Бује. Освен брачната двојка Перос, на мета на инспекторите наводно биле и градоначалникот на Буја, Фабрицио Вижинтин и уште неколку лица поради сомневање за серија злоупотреби.

Станува збор, меѓу другото, за посредување во врска со градско земјиште, а наводно една од сомнителните зделки е поврзана со земјиштето во Момјан на брачниот пар Кекин, пишува Јутарњи лист.

The post ПРИВЕДЕН Е ПОРАНЕШНИОТ ВОКАЛ НА ХЛАДНО ПИВО Миле Кекин имал сомнителни зделки со земјиште? appeared first on plusinfo.mk.