Премиерот Христијан Мицкоски вели дека нема никаква дилема на темата дали поддржува право на протести, но дека му смета кога демонстрантите ги прекршуваат законите за знаме, химна и Уставот.

Запрашан за протестот на студентите Албанци за правосудниот испит Мицкоски вели:

– Јас секогаш поддржувам протести, демократско право е да се поддржат протести и тука немам никаква дилема. Мене лично ми пречи што демонстрантите кои се правници кои се борат за право го прекршуваат законот, да речеме законот за знамињата, законот за државната химна, Уставот и така натаму.

Премиерот вели дека не би го коментирал насилниот инцидент со тепачка меѓу двајца демонстранти од протестот и порачува дека тоа е „национален фолклор“.

– Ајде навредите нема да ги коментирам, тоа е сè под домашно воспитување што во првите 7 години од животот се стекнува. Нема да го коментирам ни насилниот инцидент кој се случи, ниту надворешните мешања во внатрешните работи на Македонија од надворешни фактори. Тоа сè ќе го оставиме како фолклор – рече Мицкоски.

Премиерот посочи дека Владата работи да се обезбеди трајно решение кое што ќе ги реши овој, но и други проблеми наследени од минатото.

Запрашан да го коментира најавениот митинг во Куманово за поддршка на српскиот претседател Александар Вучиќ, Мицкоски вели:

– Апсолутно не поддржувам надворешно мешање во внатрешните политики на Македонија како што тоа беше пред некој ден, но исто така ние како Влада немаме намера ниту сме пледирале да се мешаме во внатрешните и независни политики на која било држава.

The post ДА, ПРАВО НА ПРОТЕСТ, НО НЕ И ГАЗЕЊЕ ПО ЗНАМЕТО И ХИМНАТА Мицкоски вели дека инцидентите на протестот за правосудниот испит не заслужуваат коментар appeared first on plusinfo.mk.

Колумбиската ѕвезда Шакира на социјалните мрежи објави дел од официјалната химна „Дај, дај“ (Puntería), наменета за претстојното Светско фудбалско првенство што ќе се одржи во Мексико, САД и Канада. Таа најави дека целата песна ќе биде промовирана на 14 мај, со пораката „Подготвени сме“, а во проектот е вклучен и нигерискиот пејач, текстописец и продуцент Бурна Бој.

The post 🎥 ДАЈ, ДАЈ… Шакира објави тизер за новата химна на Светското фудбалско првенство appeared first on plusinfo.mk.

The post ЗОШТО ИМЕТО НА НИКОЛА КАРЕВ НЕ СЕ НАОЃА ВО ХИМНАТА? Низ какви промени поминал текстот „Денес над Македонија“ appeared first on plusinfo.mk.

Јавното обвинителство во Струга и струшката полиција веќе се на терен со цел да ја утврдат одговорноста на приватниот инвеститор кој градејќи нова куќа, ги поткопал темелите на куќата на првоборецот Владо Малески, дознава Плусинфо.

Полицијата и обвинителството ќе истражат дали постојат пропусти во градежната документација по вина на општината Струга и доколку има, ќе се побара соодветна одговорност. Ќе се направи сè што е можно објектот од историско значење да биде саниран.

Директорот на националната установа Завод и музеј Охрид Горан Патчев, денеска информираше дека е направен увид, дека ќе се стопира работата на терен и ќе се направи проценка на штета, по што ќе се преземат итни неопходни мерки за спречување натамошно оштетување.

Куќата на Малески се наоѓа во старото градско јадро во Струга, во сокачето на Миладиновци. Срушен е јужниот ѕид од куќата, која е заштитена како културно наследство.

Пратеничката Јована Мојсоска од Левица денеска објави фотографии од објектот. Левица реагираше на рушењето со соопштение.

„Струга денес изгуби еден од најзначајните културни објекти и симболи на антифашистичката борба, куќата на истакнатиот припадник на НОБ – големиот Владо Малески. Во овој историски објект, на 23 септември 1941 година, во присуство на членовите на покраинскиот комитет на КПЈ за Македонија, народниот херој Кузман Јосифовски – Питу одржа конститутивен состанок на Месниот комитет на КПЈ за Струга и Струшко.

Се руши куќата на Малески, додека ОЈО Струга една година не постапува по моите пријави за дивоградбата во самиот центар на струшката чаршија (и веќе се гради трет спрат). Струга е узурпирана од градежни мафијаши, алчни политиканти и заробени институции кои секој ден го убиваат културниот и антифашистичкиот дух на Струга.

За ваквото сквернавење на споменот на авторот на македонската химна, низа инстититуции ќе мора да дадат одговор кој и како дозволил рушење на овој објект – со имиња и презимиња за одговорност!“, вели Мојсоска во текстот на објавата.

УРНАТ ЅИД ОД ЗАШТИТЕНА СТРУШКА КУЌА При уривање на соседен објект настрада културно наследство

The post ПОЛИЦИЈАТА И ОБВИНИТЕЛСТВОТО ИСТРАЖУВААТ КОЈ Е ВИНОВЕН ЗА УРИВАЊЕТО НА КУЌАТА НА ВЛАДО МАЛЕСКИ Темелите ги поткопал приватен инвеститор, ќе се бара чаре за санирање на објектот appeared first on plusinfo.mk.

Навивачите на мечот со Словенија во средата во еден глас ја испеаја „Денес над Македонија се раѓа“. Македонската химна грмеше на трибините во салата „Борис Трајковски“ засилена од придружбата на навивачите.

Македонската ракометна репрезентација, иако блескаво стартуваше, не успеа да го одржи ритамот и загуби од Словенија со 26:32 во натпреварот од третото коло на квалификациите за Европското првенство.

The post 📽️ „ДЕНЕС НАД МАКЕДОНИЈА“ ГРМЕШЕ ВО „БОРИС ТРАЈКОВСКИ“ Навивачите во еден глас ја испеаја химната на мечот со Словенија appeared first on plusinfo.mk.

Настанот, чиј домаќин беше бугарскиот амбасадор во земјава Жељаско Радуков, се одржа во хотелот „Александар Палас“ и собра високи гости од политичкиот, дипломатскиот и од бизнис-секторот.

На приемот присуствуваа министри во Владата, претставници на дипломатскиот кор, бизнисмени, јавни личности и припадници на бугарската заедница во Македонија.

Она што го одбележа овогодишниот настан беше начинот на изведба на националните химни на двете држави. Првпат на прием организиран од бугарската амбасада, македонската химна „Денес над Македонија се раѓа“ беше изведена со сите три строфи, наместо само инструментално, како што беше практика досега.

Честа да ги интерпретира химните на Македонија и на Бугарија ѝ припадна на македонската пејачка Агни Авшар, дипломирана на Факултетот за музичка уметност во Скопје.

Овој чин привлече внимание меѓу присутните и беше тема на коментари и меѓу дел од странските дипломати на настанот.

Ова е прв прием на Бугарија во Скопје откако амбасадорот Радуков во септември минатата година ги предаде акредитивите кај претседателката Гордана Сиљановска-Давкова.

The post БУГАРСКАТА АМБАСАДА ВО СКОПЈЕ ПРИРЕДИ ИЗНЕНАДУВАЊЕ „Денес над Македонија се раѓа“ за првпат испеана со сите строфи appeared first on plusinfo.mk.

– Тој е партиски симбол и на други политички партии, не е само на ВМРО-ДПМНЕ. Таму мојата изјава е резултат на брифинзи кои што излегоа во јавноста во одредени медиуми и претпоставувам дека новинарот кој што мене ми го постави прашањето беше инспириран од тие брифинзи во тие медиуми. И јас дадов одговор внимателен во кој што кажав дека владата во која што беа ВМРО-ДПМНЕ и ДУИ кој што ја предводеше Никола Груевски имаше договор за да се смени грбот во државата. И тоа беше мојот одговор – рече премиерот.

На прашањето дали има иницијатива за таква промена премиерот Мицкоски рече, ако има ќе знае јавноста, ќе влезе во парламентот. Но, дали размислувам? Да, рече тој и додаде:

– Ценам дека хералдичкиот симбол земскиот лав е симбол на сите оние генерации кои што живееле во овие простори, и тоа не е некоја тајна.

Во однос на македонската химна, премиер Мицкоски порача дека химната е темелна вредност на една држава, нагласувајќи дека не гледа никаква причина зошто таа би се менувала.

– Химната е темелна вредност на една држава, односно еден од трите суштински атрибути кои што ја дефинираат државноста. А химната претставува историска генеза, химната практично ја прераскажува историјата на создавањето на една држава и нација. И јас тука не гледам никаква причина зошто таа би се менувала или во кој дел таа би се менувала – дециден е Мицкоски.

Мицкоски порача дека ниту на памет не му паѓа да дискутира да разговара на тема за менување на македонската химна.

– Апсолутно, таман работа, ниту станува збор таа тема на дискусија, ниту на памет ми паѓа да влегувам во било каква расправа во која ќе се менува текст на химна, која што отсликува историска генеза на создавањето на оваа држава. Кој сум јас или кои сме ние тоа да го правиме – порача Мицкоски.

The post МИЦКОСКИ НЕ РАЗМИСЛУВА ЗА ПРОМЕНА НА ХИМНАТА, НО РАЗМИСЛУВА ЗА ГРБОТ Премиерот откри што ќе се случува со државните симболи appeared first on plusinfo.mk.

Претседателот на партијата Алтернатива, Зеќирија Ибрахими, смета дека заедно со промената на државниот грб, треба да се смени и државната химна, а тој предлага Македонија да биде првата земја во светот која ќе има химна со два текста, едниот за Македонците, а другиот за Албанците.

The post ЛИДЕРОТ НА АЛТЕРНАТИВА ПРЕДЛАГА ХИМНАТА ДА ИМА ДВА ТЕКСТА Еден текст за Македонците, друг текст за Албанците appeared first on plusinfo.mk.

Во Владата не се водат преговори за химната и за грбот, но нема ниту табу теми меѓу коалициските партнери и се разговара за сè што е во интерес на граѓаните и на државата, рече денеска вицепремиерот и министер за животна средина, Изет Меџити.

– Во фокус ни е владината програма, за која имаме политички договор и во која што се утврдени столбови како што се економскиот развој, животниот стандард, ЕУ-интеграцијата, враќањето на правната држава, децентрализацијата. Тие се секојдневно во нашиот фокус и целосно сме посветени на овие столбови. За другото нема преговарање, нема политички договор, но како Влада, за сè што е во интерес на граѓаните и на државата, разговараме, дебатираме, про и контра, тоа е на ниво на разговори, нема табу теми. Не сакам да навлегувам во нешто за што нема преговори, нема политички договор. Не криеме ништо – рече Меџити.

На новинарско прашање дали има проблеми во коалицијата во врска со прашањето околу грбот поради различните ставови на партнерите во власта, тој рече дека има една Влада, но партнерите во не се едно и дека Владата има демократски и политички капацитет да најде решенија на база на аргументи.

На прашање, пак, зошто предложил нова химна без текст, повтори: „Не сакам да навлегувам нешто за што нема политички договор, за нешто за што нема преговори“.

The post ВО ВЛАДАТА НЕМА ПРЕГОВОРИ ЗА ХИМНАТА И ЗА ГРБОТ, НО НЕМА НИТУ ТАБУ ТЕМИ Разговараме за сè што е во интерес на граѓаните и на државата, уверува Меџити appeared first on plusinfo.mk.

– Ако грбот е комунистички реликт, тогаш и химната треба да се прилагоди. Може да биде химна само со музика, без текст, или текстот може да биде изменет. Нашата коалиција е подготвена да ги отвори овие прашања во пакети, во кои ќе се вклучат и измени за користењето на албанскиот јазик – изјави Меџити.

Инаку, ВМРО-ДПМНЕ минатата недела соопшти дека ниту било разговарано за промена на химната, ниту во иднина ќе се разговара.

Од владејачката партија им порачаа на граѓаните да бидат спокојни и дека времето на ДУИ и СДСМ на губење и на порази помина.

„ДУИ матрицата на етнизирање на сите важни прашања и СДСМ пинг-понг политиката треба да престанат. Ниту некогаш било разговарано за промена на химната, ниту пак во иднина ќе се разговара. Граѓаните може да бидат спокојни. Времето на ДУИ и СДСМ на губење и порази на сите теми, со цел да се затскрие криминалот, помина“, се наведува во реакцијата на ВМРО-ДПМНЕ.

НЕМА ДА СЕ РАЗГОВАРА ЗА ПРОМЕНА НА ХИМНАТА Граѓаните да бидат спокојни, уверува ВМРО-ДПМНЕ

The post МЕЏИТИ ПРЕДЛАГА ХИМНА БЕЗ ТЕКСТ Промената да биде дел од новото време appeared first on plusinfo.mk.