Поранешниот американски претседател Бил Клинтон денеска сведочеше пред истражен одбор на Конгресот на САД во врска со неговото познанство со педофилот и осудениот сексуален престапник Џефри Епстин. Клинтон категорично изјави дека ништо не знаел за злосторствата што ги извршил Епстин и дека никогаш не направил ништо погрешно.

– Немав поим за злосторствата што ги извршил Епстин. Без разлика колку фотографии ќе ми покажете, знам што сум видел, а уште поважно – што не сум видел. Знам што сум направил, а уште поважно – што не сум направил – изјави Клинтон.

По објавувањето на досиејата за Епстин од страна на американското Министерство за правда, Бил Клинтон е на повеќе фотографии со покојниот сексуален предатор.

Тој додаде дека, како личност која пораснала во дом со семејно насилство, никогаш не би летал со авионот на Епстин доколку имал каква било претстава за тоа што се случува.

– Ќе го пријавев и ќе барав правда за неговите жртви, наместо какви било договори – рече поранешниот претседател.

Клинтон нагласи дека и по две децении може да тврди оти никогаш не видел ништо што би го натерало да се посомнева.

– Овде сум затоа што тој толку долго го криел тоа од сите. Кога во 2008 година ја призна вината, јас одамна престанав да се дружам со него – изјави тој.

Во текот на сослушувањето, Клинтон често истакнуваше дека не се сеќава на одредени детали, но објасни дека тоа го прави за да не шпекулира.

– Заклетвата ме обврзува да не нагаѓам. Нема да кажам нешто во што не сум сигурен – додаде тој.

На почетокот на обраќањето, Клинтон посочи дека се појавил на испрашувањето во Конгресот од две причини: љубовта кон земјата и уверувањето дека никој не е над законот, па ни претседателите. Второ, рече дека жртвите на Епстин заслужуваат правда и исцелување и дека предолго чекале на тоа.

– Иако моето кратко познанство со Епстин заврши години пред неговите злосторства да излезат на виделина и иако за време на нашите ограничени интеракции никогаш не видов никакви индикации за тоа што навистина се случува, тука сум да го понудам она малку што го знам за да спречам нешто вакво да се случи повторно – рече Клинтон.

По неговата воведна изјава, сослушувањето продолжи со прашања од конгресмените. Дел од демократите најавија дека ќе постават тешки прашања, иако некои сметаат дека во фокусот е „погрешниот претседател“.

Вчера пред Конгресот беше сослушана сопругата на Бил Клинтон, поранешната американска државна секретарка Хилари Клинтон. Таа изјави дека никогаш не се сретнала со Епстин и не знаела за неговите криминални активности. Но, Хилари Клинтон призна дека била во контакт со поранешната девојка и блиска соработничка на Епстин, Гилејн Максвел, која присуствуваше на свадбата на нивната ќерка Челси Клинтон во 2010 година.

Хилари и Бил Клинтон првично одбија да сведочат, но подоцна попуштија откако пратениците се обидоа да ги обвинат за непочитување на Конгресот.

НЕ ГО ЗАПОЗНАВ ЕПСТИН, ЗОШТО МЕ ПРАШУВАТЕ ЗА НЛО И ПИЦАГЕЈТ? Хилари Клинтон 7 часа сведочеше во Претставничкиот дом

The post БИЛ КЛИНТОН ТВРДИ ДЕКА НЕ ЗНАЕЛ ЗА ЗЛОСТОРСТВАТА НА ЏЕФРИ ЕПСТИН Да знаев ќе го пријавев и ќе барав правда за неговите жртви appeared first on plusinfo.mk.

Тврдење спроти тврдење ја разгоре расправата во американската политика. Поранешниот државен секретар и екс прва дама Хилари Клинтон изјави дека не се сеќава оти некогаш се сретнала со сексуалниот претстапник Џефри Епстин.

Клинтон сведочеше пред Надзорниот комитет на Претставничкиот дом. По излегувањето, таа кусо им се обрати на новинарите.

„Не се сеќавам“

– Не се сеќавам дека некогаш сум се сретнала со г-дин Епстин. Никогаш не летав со неговиот авион, ниту ги посетив неговиот остров, домови или канцеларии – рече Клинтон во седумчасовното испрашување.

Во писмена изјава додаде дека нема информации за неговите криминални активности.

Од друга страна, Жилејн Максвел, главната соработничка на Епстин, во 2025 година изјави дека таа ги поврзала сопругот на Хилари, екс претседателот Бил Клинтон и Епстин. Според осудената Максвел кој одлежува затворска казна, Епстин присуствувал на настан во Белата куќа во раните 1990-ти.

Сенката на Пицагејт

Во седумчасовното сведочење Хилари Клинтон рече дека во доцната фаза од сослушувањето прашањата станале необични.

– Почнаа да ме прашуваат за НЛО и за Пицагејт, една од најодвратните лажни теории на заговор – изјави таа.

Теоријата „Пицагејт“ кружеше во 2016 година. Се тврдеше дека пицерија во Вашингтон била центар на мрежа за злоупотреба на деца. Ниту една официјална истрага не ја потврди таа приказна.

„Трамп кажа доволно“

Во подготвеното сведочење, Клинтон ја обвини комисијата дека го пренасочува фокусот од врските на Доналд Трамп со Епстин. Епстин почина во 2019 година во затвор, додека чекаше судење за федерални обвиненија за трговија со луѓе. Смртта беше прогласена за самоубиство.

Претседателот на комитетот, Џејмс Комер, ја отфрли идејата Трамп да сведочи.

– Претседателот Трамп одговори на стотици прашања за Епстин и беше транспарентен во објавувањето документи – рече Комер.

„Тие што го запознаа пред 2008 не знаеја“

За денеска, 27 февруари, се очекува сведочењето на сопругот на Хилари, Бил Клинтон. Хилари рече дека тој ќе истакне оти мнозинството луѓе кои имале контакт со Епстин пред 2008 година не знаеле за неговите злосторства.

– Токму за тоа ќе сведочи мојот сопруг утре – изјави таа.

Во јавноста кружат неколку фотографии од Бил Клинтон. Една го прикажува како плива ноќе со соработничката на Епстин, Жилејн. Друга ги прикажува Бил со Епстин зад сцената на концерт на Ролинг Стоунс во Хонг Конг. Трета фотографија, без датум, го прикажува во џакузи покрај човек со заматено лице.

„Надарен како коњ“

Во досиејата за Епстин кои ги објави американското Министерство за правда се споменува и главниот помошник на Клинтон, Даг Бенд. Нивните е-пораки од периодот 2002-2004 година откриваат интимна и флертувачка врска, испреплетена со ласкање и сексуални алузии.

Бенд ја нарекол своја „љубовница“, додека Максвел им возвратила на комплиментите, нарекувајќи го „одличен човек“ и „надарен како коњ“. Нема докази дека Бенд сторил некаков прекршок, а подоцна изјавил дека немал физичка врска со Максвел и ја опишал како „чудовиште“.

Максвел беше осудена во 2021 година за регрутирање и подведување малолетници за сексуална злоупотреба на Епстин.

The post НЕ ГО ЗАПОЗНАВ ЕПСТИН, ЗОШТО МЕ ПРАШУВАТЕ ЗА НЛО И ПИЦАГЕЈТ? Хилари Клинтон 7 часа сведочеше во Претставничкиот дом appeared first on plusinfo.mk.

The BBC interview with Hillary Clinton on Jeffrey Epstein is peak unintentional comedy—straight out of a Christopher Guest mockumentary where the subject thinks they’re nailing it, but everyone’s just staring in disbelief.
Interviewer: “Any links to Epstein or Maxwell?”
Hillary:… pic.twitter.com/j4GCTUeuUe

— Papageorgio (@gecffmn) February 17, 2026

Поранешната прва дама на САД и некогашен државен секретар во ексклузивно интервју за Би-Би-Си обвини дека администрацијата на Доналд Трамп крие уште досиеја за сексуалниот престапник Џефри Епстин.

Хилари најави дека таа и нејзиниот сопруг Бил Клинтон ќе сведочат за случајот Епстин и дека немаат што да кријат. Според Хилари, сите што се повикани да сведочат треба да сведочат.

ХИЛАРИ КОНТРА ТРАМП, ВЕЛИ ДЕКА ФАЛАТ ДОСИЕЈА НА ЕПСТИН „Јас и Бил ќе сведочиме, секој треба да сведочи“

The post 📽️ ТРАМП КРИЕ ДОСИЕЈА, А ЈАС И БИЛ ЌЕ СВЕДОЧИМЕ Еве што кажа Хилари Клинтон во интервјуто за Би-Би-Си appeared first on plusinfo.mk.

Американскиот претседател Доналд Трамп возврати на обвинувањата на некогашната прва дама и државен секретар Хилари Клинтон дека неговата администрација го прикрива објавувањето на документи за Џефри Епстин.

Трапм вели дека Хилари страда од „Трамповиот синдром на растројство“.

– Немам што да кријам, ослободен сум од обвинение и немам никаква врска со Џефри Епстин. Тие се вовлечени во тоа и тоа е нивен проблем. Ќе видиме што ќе се случи. Таа сериозно страда од Трамповиот синдром на растројство – рече Трамп денеска кога новинарите го прашаа за обвинувањата на Хилари Клинтон.

Претходно, Хилари во интервју за Би-Би-Си ја обвини администрацијата на Трамп за „намерно забавување“ на објавувањето на досиејата поврзани со осудениот сексуален престапник. Според Хилари, таа и нејзиниот сопруг станале политичка цел, додека „секој што е повикан на суд за случајот Епстин треба да сведочи“.

The post ХИЛАРИ СТРАДА ОД ТРАМПОВО РАСТРОЈСТВО Трамп негира дека се кријат документи за Епстин appeared first on plusinfo.mk.

Поранешната американска прва дама и екс-држаен секретар Хилари Клинтон ја обвини администрацијата на претседателот Доналд Трамп за „прикривање“ во постапувањето со досиејата поврзани со сексуалниот престапник Џефри Епстин.

Во интервју за Би-Би-Си во Берлин, таа порача дека објавувањето оди „бавно“ и повика на целосна транспарентност.

– Извадете ги досиејата. Објавувањето бавно им оди – изјави Клинтон.

Белата куќа возврати дека администрацијата направила „повеќе за жртвите отколку што направиле демократите“, нагласувајќи дека биле објавени илјадници страници документи.

На прашањето дали и принцот Ендру Маунтбатен-Виндзор треба да сведочи, Хилари одговори:

– Мислам дека секој што е замолен да сведочи треба да сведочи.

Комитетот нема овластување да го принуди принцот да се појави. Сепак, Комитетот врши притисок врз Клинтонови, кои се согласија да сведочат. Хилари ќе се појави на суд еден ден пред нејзиниот сопруг, екс-претседателот Бил Клинтон, кој треба да сведочи на 27 февруари.

Ова ќе биде првпат поранешен американски претседател да сведочи пред конгресен панел од 1983 година, кога тоа го стори Џералд Форд.

Клинтон побара сослушувањето да биде јавно.

– Ќе се појавиме, но мислиме дека би било подобро да биде јавно. Немаме што да криеме. Сончевата светлина е најдоброто средство за дезинфекција.

Министерството за правда на САД претходно објави милиони страници поврзани со истрагите за Епстин. Дел од околу 3 милиони страници не се објавени поради лични медицински досиеја, графички материјали и содржини што можат да ги загрозат истрагите.

Пратеници, меѓу нив и републиканецот Томас Маси, бараат објавување и на интерни меморандуми за одлуките околу евентуални обвиненија.

Актуелниот претседател на САД Доналд Трамп, кој исто така е споменат во досиејата, изјави дека нема што да крие.

– Ослободен сум од обвинението. Немав никаква врска со Џефри Епстин – рече Трамп на авионот „Ер Форс Уан“.

Министерството за правда претходно соопшти дека некои документи содржат „невистинити и сензационалистички тврдења“ против Трамп.

Епстин почина во затвор во Њујорк на 10 август 2019 година, додека чекаше судење за трговија со луѓе. Претходно беше осуден за барање проституција од малолетничка.

Ниту Хилари ниту Бил Клинтон не се обвинети од преживеаните жртви. И двајцата негираат дека знаеле за злоупотребите.

The post ХИЛАРИ КОНТРА ТРАМП, ВЕЛИ ДЕКА ФАЛАТ ДОСИЕЈА НА ЕПСТИН „Јас и Бил ќе сведочиме, секој треба да сведочи“ appeared first on plusinfo.mk.

Бил и Хилари Клинтон официјално одбија да се појават и да сведочат пред републиканскиот Комитет за надзор на Претставничкиот дом во рамки на истрагата поврзана со покојниот финансиски инвеститор и осуден сексуален престапник Џефри Епштајн, објавија денешните извештаи од американските медиуми.

Во заедничкото писмо адресирано до претседателот на комисијата, републиканецот Џејмс Комер, поранешниот претседател и поранешната државна секретарка ја изразија својата позиција дека истрагата е политички мотивирана и незаконска. Бил и Хилари тие веќе ги доставиле „малкуте информации“ што ги имаат и немаат дополнителни факти што би помогнале на истрагата.

„Секој човек мора да одлучи кога е доста. За нас, тој момент дојде сега“, напишале тие во писмото.

Републиканскиот комисијски претседател Комер најави дека Комитетот ќе започне постапка за прогласување на непочитување на Конгресот („contempt of Congress“) против Бил Клинтон по неговото непојавување на закажаното сведочење. Слични мерки се очекуваат и за Хилари ако не се појави на својот термин, што законски би можело да доведе до кривични обвиненија.

Клинтонови остро ги критикуваа републиканците, тврдејќи дека потрагата по нивното сведочење служи за одвлекување внимание од други прашања, меѓу кои и од управувањето на администрацијата на Трамп со документи поврзани со случајот Епштајн.

Истрагата се одвива во контекст на обвиненијата кон Џефри Епштајн за тешки злосторства, за кои бил притворен во 2019 година, но извршил самоубиство во затвор додека ја чекаше пресудата. Бил и Хилари Клинтон велат дека соработувале со Ештајн до степен до кој што можеле и дека повеќе немаат релевантни информации за да сведочат.

The post ЗА НАС Е ДОСТА Бил и Хилари Клинтон одбија да сведочат за случајот Епштајн, следи обвинение? appeared first on plusinfo.mk.

Хума Абедин, поранешна блиска советничка на Хилари Клинтон, и Алекс Сорос, син на милијардерот филантроп Џорџ Сорос, ја крунисаа својата љубов овој викенд на елегантна церемонија во нивната резиденција во Вотер Мил (Water Mill).

Двојката одржа заедничка церемонија која ги комбинираше муслиманските и еврејските обреди, почитувајќи го културното наследство на обете страни.

На прославата присуствуваа познати имиња од меѓународната политика и култура, вклучувајќи ги Хилари и Бил Клинтон, поранешната потпретседателка на САД, Камала Харис, екс претседателката на Претставничкиот дом Ненси Пелоси и главната уредничка на „Вог“, Ана Винтур.

– Меѓу гостите беше и премиерот на Албанија, Еди Рама, кој се појави во карирано одело, бела кошула и бордо вратоврска. Познато е дека Рама е голем пријател со семејството Сорос. Иако не сподели никакви фотографии на социјалните мрежи, присуството на премиерот Рама беше забележано од објективот на камерата на списанието „Вог“, кое детално ги документира моментите од церемонијата – објави euronews.al.

Хума Абедин носеше двa фустани по нарачка, дизајнирани од познатите модни куќи „Живанши“ и „Ердем“.

Наместо традиционални подароци, двојката ги замолила гостите да придонесат за добротворни цели.

The post СИНОТ НА СОРОС СЕ ОЖЕНИ СО СОВЕТНИЧКА НА ХИЛАРИ КЛИНТОН Наместо подароци, двојката ги замолила гостите да донираат appeared first on plusinfo.mk.

Американскиот претседател Доналд Трамп ја укина заштитата од државната безбедност на неговите противкандидатки во двете претседателски изборни кампањи што ги доби – поранешната американска потпретседателка Камала Харис и поранешната државна секретарка Хилари Клинтон, која беше и прва дама, пренесуваат медиумите во САД.

Трамп претходно го укина пристапот до доверливи информации на поранешниот американски претседател Џо Бајден, како и правото на заштита од Тајната служба за децата на Бајден – Хантер и Ешли.

Трамп се соочи со Хилари Клинтон во претседателската кампања во 2016 година, а минатата година се натпреваруваше со Камала Харис, која го замени Бајден како кандидат на Демократската партија во трката за претседател на САД.

The post КАМАЛА И ХИЛАРИ ОСТАНАА БЕЗ ЗАШТИТА Тајната служба нема да ги чува, одлучи Трамп appeared first on plusinfo.mk.

Нов документарец сега фрла ново светло на тоа зошто му требало толку долго на рускиот воен и политички естаблишмент да го извести Путин за катастрофата. Исто така, документарецот дава нова перспектива за 10-те дена кои го обликуваа новиот претседател.

Големата катастрофа на нуклеарната подморница го означи почетокот на претседателскиот мандат на Владимир Путин, кога загинаа 118 лица. Таа се смета за најсмртоносната подморска несреќа во руската историја.

По експлозијата на нуклеарната подморница на 12 август 2000 година, 3 месеци по инаугурацијата на Путин како претседател, 118 морнари беа заробени на дното на Баренцовото Море.

Серијата од 2 дела „Курск: 10 дена што го обликуваа Путин“ е продуцирана од компанијата „Скриена светлина“, која е во сопственост на поранешната прва дама на САД, Хилари Клинтон, нејзината ќерка Челзи и на синот на милијардерот Ричард Бренсон – Сем.

И покрај ветувањата за поотворена, западно ориентирана Русија, на Путин му требаа 3 дена да прифати меѓународна помош.

Дури и кога се согласил да ја прими помошта, руската морнарица им го одвлекла вниманието на норвешките нуркачи давајќи им аматерски, рачно нацртани скици на излезната врата и ја спречи спасувачката служба на британската кралска морнарица да го лансира својот поморски брод.

„Тој ги жртвуваше животите на морнарите за да ги заштити руските нуклеарни тајни“

Зборувајќи за прв пат за катастрофата, Бил Клинтон – кој беше американски претседател во тоа време – тврди дека Путин ги жртвувал животите на морнарите за да ги заштити руските нуклеарни тајни.

– Путин знаеше дека ако отидеме таму, имаше работи што ќе ги научиме за нивната технологија, а што не може да се заборават – рече тој во документарецот.

Клинтон призна дека првично верувал, кога Путин бил избран за претседател, дека САД и Русија можат да станат сојузници. Но, набргу сфатил дека рускиот претседател има намера да ја врати „големината на Русија“.

Американските морнари слушнале 2 експлозии на „Курск“

Морнарите на американската подморница „Мемфис“ слушнале 2 експлозии на „Курск“ во саботата на 12 август 2000 година, во 11:28 часот, додека ја следеле воената вежба на руската северна флота во Баренцовото Море.

Командантот Марк Бриор ги известил своите претпоставени кои контактирале со Белата куќа.

– Имав прилично опсежен брифинг и реков: „Дали има докази дека сме можеле дури и случајно да налетаме на нив или дека некој друг можел да налета на нив? – раскажува Клинтон.

Во рок од 24 часа, САД одлучија да понудат помош.

– Мислев дека претседателот Путин знае, од односот што внимателно го изградив во текот на годините со Борис Елцин, дека сакам САД, Русија и НАТО да бидат сојузници во новиот свет. Сакав само да им помогнам да спасиме животи ако можеме – рече Клинтон.

Путин во изолација

На крајот, бидејќи не слушнал ништо од Русија, Клинтон му се јавил на Путин на телефон.

– Мислев дека е грешка што претседателот Путин се обиде да се дистанцира од проблемот. Луѓето ја изразуваат својата гордост на различни начини. Можеби е психолошка, можеби е културна, можеби и двете. Мислам дека не те прави послаб ако прифатиш помош од други луѓе. Му се јавив. Но, веќе беше доцна. Во неделата на 20 август, 8 дена откако потона подморницата, морнарите беа пронајдени мртви кога беше отворен отворот за бегство – појасни Клинтон.

Путин веднаш почна да шири дезинформации за потонувањето, обвинувајќи ги руските олигарси за уништување на армијата и на морнарицата и за заострување на ограничувањата на слободата на медиумите, објави Тајмс.

– Мислам дека тој чувствуваше дека мора да размисли за влијанието на давањето пристап на друга земја до информациите за националната безбедност, а сепак сè што добив беше „Јас сум бездушен тип“ – рече Клинтон.

Поранешниот претседател на САД додаде дека тоа ја зајакнало решеноста на Путин да преземе поголема контрола врз медиумите.

– Мислев дека треба да продолжиме да се обидуваме да ги решиме работите со него. Сега, како што се испостави, тој имал сосема поинаква агенда. Мислев дека има огромен потенцијал да ја води Русија во поотворен, поповрзан свет. И тој не го направи тоа – заклучи Клинтон.

The post БИЛ КЛИНТОН ОТКРИ МРАЧНА ТАЈНА ЗА ПУТИН Што се случи откако потона „Курск“? appeared first on plusinfo.mk.

– Да, можам да го потврдам тоа – рече Песков.
Карлсон најави дека ќе емитува „немонтирано“ интервју со Путин, нагласувајќи дека сака да им дозволи на гледачите да „извлечат свои заклучоци“ и дека нема да го следи пристрасниот пристап, кој според него, го применуваат корумпираните мејнстрим медиуми.

Why I’m interviewing Vladimir Putin. pic.twitter.com/hqvXUZqvHX

— Tucker Carlson (@TuckerCarlson) February 6, 2024

Тој истакна дека неговиот тим самостојно го платил патувањето во Русија за интервјуто со Путин и дека не зеле пари од ниту една влада или група. Карлсон ги критикуваше западните медиуми дека избегнуваат интервјуа со Путин и претпочитаат интервјуа со украинскиот претседател Зеленски, кои, според Карлсон, даваат едностран поглед на војната во Украина, пренесува Си-Ен-Ен.

Сепак, Карлсон не објасни дека Путин од почетокот на војната не дал речиси ниедно интервју на западни новинари, избегнувајќи медиумски настапи каде што би можело да му биде поставено „тешкото прашање“ за Украина. Песков потврди дека Карлсон е единствениот западен новинар со кој Путин во моментов е подготвен да разговара.

Американските демократски медиуми водат вистинка хајка против Карсон по интервјуто со Путин. Медиумите во САД тврдат дека Такер во Москва спиел во луксузниот хотел Риц каде ноќевање чини 1.000 долари.

Покрај тоа се тврди дека не смеел да прави вакво интервју бидејќи Путин ќе го искористел за пропагандни цели.

Неколку западни новинари го критикуваа пристапот на Карлсон, нагласувајќи дека и тие се обидувале да го интервјуираат Путин и дека ќе продолжат со тие напори.

„ Дали Такер навистина мисли дека ние новинарите не се обидуваме да го интервјуираме претседателот Путин секој ден од неговата инвазија на Украина? Тоа е апсурдно – ќе продолжиме да бараме интервју, исто како што правевме со години“ – напиша дописничката на Си-ен-ен, Кристијане Аманпур.

Карлсон во објавите и најавите на спектакуларното интервју со рускиот претседател не го споменува ни својот колега Еван Гершкович, известувач на „Волстрит журнал“, кој се наоѓа во руски затвор под обвинение за шпионажа.

Одлуката на Кремљ да дозволи интервју со независниот онлајн канал на Карлсон, мрежата Такер Карлсон, следеше по годините во кои Карлсон изразуваше скептицизам за односите на САД со Русија.

Спектакуларното интервју на контроверзниот американски новинар со Путин, особено ја налути поранешната американска државна секретарка Хилари Клинтон која го навреди  Карлсон само затоа што го интервјуирал рускиот претседател.

Hillary Clinton on Tucker Carlson: “He’s like a puppy dog — He’s been fired from so many outlets here in the U.S. that I wouldn’t be surprised if he emerges with a contract from a Russian outlet.”

pic.twitter.com/xiXIC6RG3H

— Benny Johnson (@bennyjohnson) February 8, 2024

„Такер Карлсон сега е во Москва и го интервјуира Владимир Путин. Ова е првиот американски новинар кој го интервјуира Путин од почетокот на војната во Украина. Што ви кажува ова за Такер Карлсон и десничарските медиуми и Владимир Путин?“  – праша новинарката на MSNBC, Алекс Вагнер, на кое Хилари Клинтон одговори со рафални навреди за Карлсон.

– Ова ми го покажува она што мислам дека сите веќе го знаеме. Тоа е дека тој е корисен идиот. Тој е како кученце. Знаете, некако, откако беше отпуштен од толку многу медиуми во САД, не би бил изненадена ако склучи договор со некоја руска медиумска куќа, бидејќи тој е корисен идиот. Но, ова е и знак дека сега во оваа земја има луѓе кои се петтата колона на Владимир Путин. Зошто? Не знам. Зошто некои републиканци навлегуваат во тоа? Зошто некои Американци му веруваат на Путин? Зошто Трамп му верува на Путин повеќе од нашите 11 разузнавачки агенции? – рече  Хилари Клинтон.

Кој е Такер Карлсон?
Такер Карлсон стана еден од најконтроверзните медиумски личности во Америка. Познат по својата работа на ТВ каналот Фокс њуз, тој беше клучна фигура во републиканската политика, но беше и критикуван за ширење дезинформации. Отако беше отпуштен од Фокс њуз поради случај за клевета, Карлсон стана заштитно лице на неговиот сопствен медиумски бренд, мрежата Такер Карлсон.

The post 🎥 СПЕКТАКУЛАРНОТО ИНТЕРВЈУ НА ТАКЕР КАРЛСОН СО ПУТИН ПРЕДИЗВИКУВА ЖЕСТОКИ РЕКЦИИ Хилари Клинтон збесна appeared first on plusinfo.mk.