хиларија болдвин Archives - plusinfo.mk

ПРВАТА ДИЕТА ЈА ДРЖЕЛА КОГА ИМАЛА САМО ПЕТ ГОДИНИ Сопругата на Алек Болдвин откри дека со децении се борела со нарушувања во исхраната

плусинфо — Thu, 30 Jul 2026 07:39:43 +0000

Хиларија Болдвин (42), сопругата на холивудскиот актер Алек Болдвин, откри детали од долгогодишната борба со нарушувањата во исхраната, признавајќи дека првите проблеми со доживувањето на сопственото тело ги почувствувала уште како дете.

Во интервју за „Пејџ сикс“, таа раскажа дека повеќе од две децении се борела со анорексија, булимија, прејадување и изгладнување.

– Поминав низ сè – анорексија, булимија, прејадување и изгладнување – вели Хиларија, додавајќи дека во најтешките периоди дури се плашела и од калориите во пастата за заби.

Најголемо изненадување предизвикува нејзиното признание дека првата диета ја држела на само петгодишна возраст. Таа вели дека уште тогаш се чувствувала „огромна како кит“, иако денес, кога ги гледа фотографиите од детството, сфаќа дека немала никаков проблем со тежината.

– Кога денес се навраќам на тоа време, гледам дека сум изгледала сосема добро. Но тогаш бев убедена дека сум огромна и дека нешто не е во ред со мене – раскажува таа.

Нејзината изјава предизвика бројни реакции на социјалните мрежи. Дел од корисниците сметаат дека дете на таа возраст не може целосно да разбере што значи диета, додека други потсетуваат дека децата често ги копираат ставовите и однесувањата на возрасните кога станува збор за изгледот и килограмите.

Хиларија признава дека со години не можела да ги препознае сигналите за глад и ситост и дека нарушувањата сериозно влијаеле врз нејзиниот живот.

– Не сакав повеќе да живеам така. Бев несреќна, не можев да имам нормални односи со луѓето, ниту без стрес да излезам на вечера – вели таа.

Пресвртницата, според неа, дошла кога решила да престане да се опседнува со килограмите и да се фокусира на здравјето. Во тој процес многу ѝ помогнале јогата и промената на начинот на кој гледа на своето тело.

Денес, како мајка на седум деца, таа се труди отворено да разговара со нив за храната и да не создава чувство на вина околу јадењето.

– Се обидувам да ги охрабрам моите деца и да разговараме за тоа како се чувствуваат по јадењето, наместо да се фокусираме на изгледот – вели Хиларија.

Таа најави дека наскоро ќе објави видео на кое доцна навечер јаде сладолед со својата најмлада ќерка – нешто што во минатото, како што признава, би ѝ предизвикало голем страв.

Хиларија Болдвин првпат јавно проговори за своите нарушувања во исхраната во мемоарите објавени во 2016 година, а подоцна на Инстаграм порача дека вистинското здравје не се мери со бројката на вагата.

– Здравјето не е прашање на тежина, туку на тоа како се чувствувам, колку сум силна и здрава. Килограмите и изгледот се само последица, а не цел – напишала таа.

The post ПРВАТА ДИЕТА ЈА ДРЖЕЛА КОГА ИМАЛА САМО ПЕТ ГОДИНИ Сопругата на Алек Болдвин откри дека со децении се борела со нарушувања во исхраната appeared first on plusinfo.mk.

🎥 ЖЕСТОКА ПРЕСМЕТКА ПОМЕЃУ АЛЕК БОЛДВИН И НЕГОВАТА СОПРУГА НА ЦРВЕНИОТ ТЕПИХ Хиларија ги изгуби нервите

плусинфо — Thu, 20 Mar 2025 06:25:37 +0000

Актерот Алек Болдвин и неговата сопруга неодамна имаа вистинска и не толку невина пресметка на црвениот тепих, додека разговараа со новинарите.

Актерот Алек Болдвин и неговата сопруга Хиларија неодамна присуствуваа на отворањето на „Планет Холивуд“ во Њујорк, и одговараа на прашања на новинарите на црвениот тепих.

За време на интервјуто за „Екстра“, камерманите уловија незгоден момент меѓу парот кој стана вирален на социјалните мрежи.

Новинарката ја прашал двојката дали планираат да снимаат втора сезона од шоуто „The Baldwins“, чија прва сезона се емитуваше на крајот на февруари оваа година. Хиларија застанала за момент пред да одговори, а Алек скокнал и на шега рекол: „Хиларија шоу“. Хиларија на тоа додала: „Не, мислам дека ќе видиме, знаеш, ќе видиме какво е чувството сега кога сезоната излезе“.

Алек потоа повторно се вклучил во разговорот.

„Ќе биде одлично. Ти си победникот“, рекол тој. Тогаш Хиларија одеднаш се свртела кон него и налутено му рекла: „О Боже. Кога јас зборувам, ти не зборуваш“. Актерот и се извинил, а Хиларија му повторила дека кога таа зборува, тој мора да молчи.

Таа потоа се свртела кон новинарката и се пошегувала: „Затоа ќе мора да го исфрлиме од шоуто“. По неколку секунди тишина, Хиларија продолжила да одговара на прашањата.

„Мислам дека ова е многу сирово шоу и е реална, многу ризикувавме и ќе видиме каде тоа ќе нè однесе“, рекла таа, меѓу другото.

За време на интервјуто, Алек зборувал за разликите помеѓу телевизиско шоу без сценарио и читање од сценарио.

Тој рекол дека кога станува збор за нивниот секојдневен живот и рутини, чувствува „желба да го направи посмешно отколку што всушност е“. Хиларија потоа се вклучила во разговорот и рекла дека не мисли дека нејзиниот сопруг го прави шоуто смешно.

„Се обидувам. Не го сфати ли тоа од емисијата?“, рекол тогаш актерот, на што неговата сопруга одговорила:

„Не. Само да го исфрлиме тој дел. Да те исфрлиме тебе кога се обидуваш да направиш нешто посмешно“.

The post 🎥 ЖЕСТОКА ПРЕСМЕТКА ПОМЕЃУ АЛЕК БОЛДВИН И НЕГОВАТА СОПРУГА НА ЦРВЕНИОТ ТЕПИХ Хиларија ги изгуби нервите appeared first on plusinfo.mk.

СЕДУМ ДЕЦА ЗА ДЕСЕТ ГОДИНИ БРАК Алек и Хиларија Болдвин добија ќерка и споделија семејна фотографија (ФОТО)

плусинфо — Wed, 05 Oct 2022 07:20:30 +0000

Семејството Болдвин стана побогато за уште еден член! Хиларија Болдвин се породи на 22 септември, при што го роди своето седмо дете – ќерката Иларија Каталина Ајрин Болдвин.

„Таа е тука! Многу сме возбудени што можеме да кажеме дека нашиот мал сон стана реалност. И јас и таа сме среќни и здрави. Нејзините браќа и сестри го поминуваат денот запознавајќи ја и посакувајќи ѝ добредојде во нашиот дом. Ви испраќаме многу љубов и многу сме среќни што можеме да ја прославиме оваа убава вест со вас“, напишала Хилари на Инстаграм заедно со видео и фотографии со бебето.

Девојчето Иларија, нивното седмо дете, дојде на свет на 22 септември.

Холивудскиот актер Алек Болдвин и неговата сопруга Хиларија, инструкторка по јога, веќе имаат шест деца – Кармен (9), Рафаел (7), Леонардо (5), Ромео (4), Едуардо (2), Лусија (1). Болдвин од претходниот брак со колешката Ким Бесинџер има уште една ќерка – Ајрланд Болдвин (26).

Хиларија веста за бременоста ја сподели со јавноста во март годинава, нагласувајќи дека тоа за нив било огромно изненадување, но и благослов, и светла точка во тешките моменти низ кои поминуваат како семејство.

Имено, Болдвин во октомври минатата година случајно ја уби својата колешка Халина Хачинс за време на снимањето на филмот „Рѓа“, а овој инцидент предизвика огромна помпа во медиумите. Исто така, семејството на настраданата директорка на фотографија поднело тужба против актерот, а целиот настан остави страшни последици по психофизичкото здравје на холивудската легенда.

Алек и Хиларија се во брак од 2012 година, а важат за еден од најстабилните парови во Холивуд.

ФОТО: Инстаграм

The post СЕДУМ ДЕЦА ЗА ДЕСЕТ ГОДИНИ БРАК Алек и Хиларија Болдвин добија ќерка и споделија семејна фотографија (ФОТО) appeared first on plusinfo.mk.

ПО ТРАГЕДИЈАТА Алек Болдвин го чека осмото дете! (ФОТО)

плусинфо — Wed, 30 Mar 2022 06:35:05 +0000

Хиларија Болдвин (38), сопругата на Алек Болдвин, откри дека го чека седмото дете со 64-годишниот актер!

Оваа добра вест доаѓа точно шест месеци по страшната трагедија кога нејзиниот сопруг ја уби Халина Хачинс на снимањето на филмот „Рѓа“. Семејството на директорката на фотографија, Халина Хачинс, која почина во октомври 2021 година за време на снимањето на филмот, сепак, поднесе тужба против актерот и нејзиниот пријател Алек Болдвин, кој ракуваше со пиштолот што ја уби. Сепак, тој има сосема нова и убава причина за среќа, која ја сподели неговата сопруга …

-„По многу подеми и падови во изминатите години, имаме возбудливи вести и големо изненадување!“, започна Хиларија. „Бевме сигурни дека нашето семејство е комплетно и пресреќни сме поради големото изненадување. Со вас го споделувам и моментот кога им кажавме на децата и како што гледате тие се многу возбудени.“

„Нашето бебе е светла точка во нашите животи, благослов и подарок во неизвесни времиња“, ја завршила објавата Хиларија.

Алек и Хиларија имаат шест деца, Кармен, Рафаела, Леонардо, Ромео и Еду, а во март оваа година открија дека на нивното семејство им се придружи и бебето Марија Лусија. Се шпекулираше дека Лусија е родена од мајка-сурогат, а парот се одлучил на овој потег додека Хиларија била бремена со Еда!

– Им велам на луѓето дека мојата сопруга е колекционерка. Некои собираат автомобили, некои часовници, некои уметнички дела. Мојата сопруга собира бебиња. Таа сака бебиња – изјави Болдвин во емисијата Елен Деџенерис. „Штом бебето наполни три години, кога не се толку забавни како порано, се погледнуваме и велиме: „Време е за уште едно“.“

Освен децата со Хилари, Алек Болдвин ја има и ќерката Ајрланд, која ја доби за време на бракот со колешката Ким Бесинџер.

Хиларија доживеа два абортуси пред раѓањето на Еда, а за тоа отворено зборуваше на социјалните мрежи, па дури и го документираше процесот, кога објави серија фотографии и снимки со опис: „Сакам да споделам со вас дека најверојатно ќе доживеам абортус“… набрзо отишла на лекар и дури сподели фотографии од болницата. Вториот спонтан абортус го имаше во четвртиот месец од бременоста.

The post ПО ТРАГЕДИЈАТА Алек Болдвин го чека осмото дете! (ФОТО) appeared first on plusinfo.mk.

УШТЕ ЕДЕН ИНЦИДЕНТ! Алек Болдвин изнервиран полетал накај новинарот (ВИДЕО)

плусинфо — Thu, 09 Dec 2021 07:45:19 +0000

Холивудскиот актер Алек Болдвин бил снимен во понеделникот вечерта пред куќата на режисерот Вуди Ален во Менхетен, Њујорк, каде вербално се судрил со Џон Левин, новинар на „Њујорк пост“.

„Господине Болдвин, што ве носи во Њујорк?“, го прашал репортерот на холивудскиот актер, на што сопругата на Алек, Хиларија, го замолила да си замине. Кога новинарот одбил, Болдвин видно изнервиран се свртел и се стрчал кон него.

„Не смеете да фотографирате пред нечија приватна куќа!“, извикал Болдвин, гестикулирајќи со раката во која го држел чадорот и обидувајќи се да го турне Левин назад на тротоарот.

Хиларија, очигледно загрижена дека расправијата може да прерасне во физичка пресметка, го фатила сопругот и го задржала на место, додека тој конечно не се свртел и не се вратил на влезната врата од куќата на Ален.

„Но, ова не е… Ова е јавна сопственост!“, возвратил Левин, додека Хиларија постојано му велела: „Оди си, престани!“. Притоа таа енергично мафтала со мобилниот телефон со кој најверојатно го снимала новинарот, пишува „Дејли мејл“.

„Дали навистина не го повлековте чкрапалото? Дали верувате дека пиштолот пукал без да го повлечете чкрапалото? Дали навистина беше дефект?“, Левин не престанувал со прашањата за несреќата на сетот на „Рѓа“, во која Болдвин случајно ја уби снимателката Халина Хачинс и го рани режисер Џоел Соуза.

Но, Болдвин не му одговорил, ја повикал Хиларија и влегле во куќата.

The post УШТЕ ЕДЕН ИНЦИДЕНТ! Алек Болдвин изнервиран полетал накај новинарот (ВИДЕО) appeared first on plusinfo.mk.

СОПРУГАТА НА АЛЕК БОЛДВИН СО ШОКАНТНА ОБЈАВА Скршен е, ќе го изгубам

плусинфо — Tue, 07 Dec 2021 11:00:13 +0000

Сопругата на Алек Болдвин го поддржа својот партнер по бројните негативни коментари кои ги предизвика неговото интервју на Еј-би-си.

Откако пред два дена Алек Болдвин ѝ посвети трогателна објава на сопругата, таа одлучила да му возврати на истиот начин, па на Инстаграм објавила како се чувствува по повод сѐ што му се случува на нејзиниот сопруг.

„Тука сум, те сакам и ќе се грижам за тебе.“ Тоа беа единствените зборови кои ми дојдоа во главата кога дознавме дека Халина починала. Се сеќавам дека постојано ја повторував таа фраза, повторно и повторно. Страшна загуба, мачењето на нејзиното семејство и тебе, мојот сопруг, кои некако се пронајдовте во овој незамислив кошмар. Тој момент ми е врежан во моето паметење, фотографите кои те опкружуваат, телефонирањата со мене, ја документираат твојата агонија. Не можев да бидам близу тебе за да те прегрнам, се слушнавме по телефон, само визуелен приказ кој светот може да го види“.

„Нашиот јавен живот носи голема радост во поврзувањето со неверојатни луѓе и голема траума кога ќе падне мрак. Мислењата и уновчувањето за нашиот живот стануваат гласни и претерани. Се плашев што ќе се случи ако се отвориш затоа што видов дека духот ти е скршен, менталното здравје ти е скршено, а душата ти е во незамислива болка. Понекогаш се прашувам колку можат да поднесат едно тело и еден ум. Не сакам да те изгубам“, напишала Хиларија.

Да потсетиме, Алек Болдвин пред неколку дена го даде првото интервју по трагедијата на снимањето на филмот „Рѓа“, кога случајно ја усмрти колешката Халина Хачинс. Болдвин во текот на разговорот тврдеше дека не го повлекол чкрапалото, а таа изјава предизвика бројни коментари.

The post СОПРУГАТА НА АЛЕК БОЛДВИН СО ШОКАНТНА ОБЈАВА Скршен е, ќе го изгубам appeared first on plusinfo.mk.

СОПРУГАТА НА БОЛДВИН ЈА РАЗБЕСНИ ЈАВНОСТА Очајнички сака внимание (ВИДЕО)

плусинфо — Tue, 02 Nov 2021 08:45:43 +0000

Актерот Алек Болдвин минува низ тешки денови откако ненамерно ја уби снимателката Халина Хачинс и го рани режисерот Џоел Соуза на снимањето на филмот, а неговата сопруга Хиларија на социјалните мрежи објави неколку фотографии од прославата на „Ноќта на вештерките“ со нивните шест деца.

По трагичниот настан, Болдвин поминува време со семејството во Вермонт каде одржа прес-конференција.

– Таа ми беше како семејство. Несреќи на снимање се случуваат одвреме-навреме, но ниедна не била како оваа. Тоа се случува еднаш во трилион пати. Таа ми беше пријателка, а кога дојдов во Санта Фе ја однесов на ручек со другите продуценти, бевме одлична екипа и потоа нè погоди трагедијата – им рекол Алек на новинарите кој се појавил на конференцијата во друштво на неговата сопруга Хиларија, која со своето однесување ја разбесни јавноста.

Имено, на Хиларија ѝ забележаке тоа што постојано го прекинувала Алек, му упаѓала во збор и ги снимала насобраните новинари со мобилниот телефон, па многумина ја прозвале на социјалните мрежи дека се обидува да привлече внимание, а потоа таа објавила фотографии од семејната прослава на „Ноќта на вештерките“ со значајна порака.

– Родителството беше интензивно искуство низ овој тежок. Денеска решивме да си дозволиме празник, ги направивме костимите во последен момент, но децата беа толку среќни што ми го стоплија срцето. Среќна „Ноќ на вештерките“ од Болдвин – напишала Хилари со фотографии и предизвика бурни реакции на социјалните мрежи.

ФОТО: Инстаграм

The post СОПРУГАТА НА БОЛДВИН ЈА РАЗБЕСНИ ЈАВНОСТА Очајнички сака внимание (ВИДЕО) appeared first on plusinfo.mk.

Хиларија Болдвин ги шокираше сите со новата фотографија: 5 месеци по породувањето, парот доби уште едно дете ФОТО

плусинфо — Tue, 02 Mar 2021 12:30:23 +0000

Холивудскиот актер Алек Болдвин и неговата сопруга Хиларија имаат 6 деца – 5 заеднички, додека актерот ја има и ќерката Ајрленд од првиот брак со Ким Бесинџер.

Затоа, следбениците на Хиларија останале збунети кога таа објавила фотографија со новороденчето и другите пет деца: петмесечниот Едуардо, двегодишниот Ромео Алехандро Дејвид, четиригодишниот Леонардо Ангел Чарлс, петгодишниот Рафаел Томас и седумгодишната Кармен Габриела.

Меѓутоа, на фотографијата се наоѓа уште едно новороденче и краток опис под истата со бројот седум.

„Сè уште нема изјава ниту потврдуваме било што и сè останува на она што таа го објавила“, вели портпаролот на парот за „Пејџ сикс“, но како што дознаваат од извори, станува збор за нивното шесто дете.

Изненадените следбеници на Инстаграм се прашуваат дали станува збор за сурогат мајка или парот посвоил дете.

Хиларија во ноември за списанието „Пипл“ изјави дека е задоволна со 5 деца, дека е моментално многу уморна и дека пандемијата на коронавирусот ѝ создава „лудило“.

Во 2019 година, таа доживеа два спонтани абортуси, а по раѓањето на Едуардо минатата година изјави дека „можеби ќе има уште деца“, но не спомeнала ништо повеќе.

ФОТО: Инстаграм

The post Хиларија Болдвин ги шокираше сите со новата фотографија: 5 месеци по породувањето, парот доби уште едно дете ФОТО appeared first on plusinfo.mk.