Реката Дрина, природната граница меѓу Србија и Босна и Херцеговина, некогаш нарекувана „зелена убавина“, денес изгледала како отворена рана. Кадарот што кружи по социјалните мрежи не остава простор за рамнодушност. Пловечки теписи од пластика, остатоци од домаќинства и отпад од непознато потекло ја гушат водата.

Покрај видеото, порталот „Први Први на скали“ на Инстаграм објавил коментар од Бранислав Станковиќ, историчар од Шабац:

„Кога човек ќе го види ова, може само да плаче за судбината на оваа земја. Не ѝ требаат непријатели. Доволно е да има неуредена држава. Сите сме држава. Од каде доаѓа ова количество уништување во нас?“

Најновите снимки повторно ја отворија темата што тлее со години. Инидицијативата Академски пленум од Србија предложи стационарен систем за отстранување отпад, поставен на местата каде што ѓубрето природно се задржува, кој би работел непрекинато.

„Системот вклучува насочување на отпадот со лебдечки бариери, механичко собирање, наклонет лентен транспортер и директно товарење во камиони“, се вели во нивното соопштение.

Според проценките, ваквото решение овозможувало отстранување на повеќе од 20 тони отпад дневно со минимална потрошувачка на енергија.

Најголемиот дел од ѓубрето на Дрина се акумулира кај хидроелектраните, а повремените акции за чистење не го решаваат проблемот.

 

View this post on Instagram

 

A post shared by Prvi Prvi Na Skali (@prviprvinaskali)

The post 📽️ ДЕПОНИЈА ПЛОВИ ПО ДРИНА Алармантни снимки ја разоткриваат негрижата за балканската река appeared first on plusinfo.mk.

Охридско Езеро е на безбедна кота и далеку од максимумот, а под целосна контрола се и акумулациите Глобочица и Дебарско Езеро, информираат од АД ЕСМ по обилните врнежи кои ја зафатија земјава во изминатите четири дена.

Од компанијата уверуваат дека иако нивото на сите акумулации расте, нема никаква опасност од преливање.

– Во сите акумулации нивото на водата расте, но има доволно простор за прифаќање на силните дотеци од овој бран – појаснуваат од АД ЕСМ.

Порастот на водостоите е најизразен во југозападниот дел од државата. Охридско Езеро во последните три дена се качува неколку сантиметри дневно и вчера достигнало 693,33 метри надморска височина, два сантиметри над ноемврискиот просек.

Од ЕСМ потенцираат дека ова е далеку од максимално дозволената кота од 693,75 до 694 метри.

– Апелираме да се користат релевантни податоци. Нивото на езерото е на сосема безбедно ниво и не претставува никаква опасност за Охридско-струшкиот регион – наведуваат од компанијата.

Регистриран е интензивен страничен дотек во акумулацијата Глобочица од реките во струшкиот регион, но работењето на хидроелектраните е прилагодено на состојбата.

– Согласно воспоставениот режим на работа на хидроелектраните Глобочица и Шпилје, нема опасност од прелив на водите – уверуваат од ЕСМ.

Нивото на Дебарско Езеро утрово е 564,55 метри надморска височина, со раст од два метри во само неколку дена. Се бележи силен дотек од 128,5 м³/сек од Радика, дополнет со обилни врнежи од локалниот слив.

Според ЕСМ, и покрај продолжените врнежи, дел од надојдената вода ќе се преработи преку агрегатите, а дел ќе остане зачуван за зимската сезона.

– Вакви обилни дотеци не сме регистрирале во последните седум години, но тие се очекувани за овој период – велат од ЕСМ.

– Производството на електрична енергија е адаптирано на хидролошките прилики, а сите пет агрегати во Глобочица и Шпилје се во функција со висока доверливост – додаваат од компанијата.

Од АД ЕСМ истакнуваат дека и понатаму внимателно ја следат состојбата и преземаат мерки за безбедно справување со високите води.

The post НАДОЈДЕНИ РЕКИ И РЕКОРДНИ ВРНЕЖИ Енергетскиот систем издржа без ризик од преливи appeared first on plusinfo.mk.

ФЕРОИНВЕСТ учествуваше на годинешната конференција на МАКО CIGRE, каде беше презентиран трудот на тема „Интеграција на батериски систем од 1.6 MW / 3.73 MWh во постоечка фотоволтаична централа”.

Трудот, подготвен од инженерите Стефани Георгиевска, Сандра Цветанова, Сашо Милевски и Војдан Андонов, претставува практичен пример за примена на домашно знаење и технологија во проектирање и изведба на современи системи за складирање електрична енергија (BESS).

Со овој проект, како што велат од компанијата, ФЕРОИНВЕСТ ја демонстрира својата инженерска подготвеност за интеграција на батериски системи, кои се клучен дел од енергетската транзиција и овозможуваат поголема ефикасност, стабилност и исплатливост на инвестициите во обновливи извори на енергија.

– Македонија располага со знаење и експерти кои можат да реализираат високотехнолошки енергетски решенија според европски стандарди, што се покажа со тоа што нашите инженери ја инсталираа првата лиценцирана батерија за складирање електрична енергија во земјава – изјавија од ФЕРОИНВЕСТ.

„Анализите прикажани во трудот потврдуваат дека ваквите системи се профитабилни и економски оправдани, со период на поврат на инвестицијата од околу 4 години и значителна добивка во текот на работниот век на батеријата.

Тоа ги прави батериските системи не само технолошка потреба, туку и одлична можност за инвеститорите кои сакаат да вложуваат во модерна, стабилна и исплатлива енергетика“, се вели во соопштението.

На советувањето на здружението на професионалци, инженери, универзитетски професори и компании од енергетскиот сектор во Македонија, МАКО CIGRE, ФЕРОИНВЕСТ одржа и посебна корпоративна презентација на која ги запозна присутните со сите проекти за кои компанијата нуди решенија ,,клуч на рака”, за батериски системи, фотонапонски електрани, мали хидроелектрани, биогасни електрани, производство на трафостаници, со комплетно вклучено проектирање, изведба, одржување и откуп на електричната енергија.

The post ИНЖЕНЕРИТЕ ОД ФЕРОИНВЕСТ ГО ПРЕТСТАВИЈА НАЈНОВИОТ ПРОЕКТ ЗА БАТЕРИСКИ СИСТЕМИ Практичен пример за проектирање современ систем за складирање струја appeared first on plusinfo.mk.

Владата планира да ги гради хидроелектраните Чебрен и Галиште со пари од британскиот заем, соопшти премиерот Христијан Мицкоски денеска на надзорната расправа во Собранието за аерозагадувањето.

– Единствено за кое преговараме од стратешки аспект се изградбата на хидроелектраните Чебрен и Галиште.Планираме да го работиме со парите од британскиот заем. Инвестицијата е 1,2-1,3 милијарди евра. Силно сум убеден дека не само од аспект на производство на електрична енергија ни се потребни овие две хидроцентрали. Имајќи ги предвид климатските промени за иднина ќе бидат потребни овие два нови резервоари за вода, тоа ќе биде голем предизвик во иднина. Убеден сум дека овие два резервоара за вода заедно со постојната Тиквеш, ќе обезбедат дополнителна количина вода за Тиквешко поле, 55-60 илјади хектари прва класа земјоделско земјиште каде има многу земјоделци овоштари, каде се користи организираниот систем за наводнување, а којшто во одредени периоди во годината изостанува со вода па се намалуваат родот и приносот – образложи Мицкоски.

Тој додаде дека двете акумулации, имајќи ја предвид околијата на Мариово која што претставува „црна дупка“ и е ненаселена, и имајќи предвид дека овој предел е опкружен со планини, може да се развива и туризам.

– Тука веќе имаме заинтересирани приватни инвеститори да го опремат со придружни содржини целиот тој простор – рече Мицкоски и додаде дека ова е стратешки проект, којшто нема да заврши во мандатот на оваа влада.

Според него, ова е проект којшто ќе трае неколку децении, но е проект којшто треба да донесе голема додадена вредност во државава. Парите се обезбедуваат преку евтини заеми како државна инвестиција, а останатото под пазарни услови и директни приватни инвестиции.

The post ЧЕБРЕН И ГАЛИШТЕ ЌЕ СЕ ГРАДАТ СО БРИТАНСКИ ПАРИ Инвестицијата ќе изнесува околу 1,3 милијарди евра appeared first on plusinfo.mk.

Хидроцентралите традиционално играат голема улога во многу електроенергетски системи од Југоисточна Европа, со особено голем удел во некои земји од Западен Балкан каде заедно со јагленот со децении се столбот на производството на електрична енергија.

Во анализата „Зошто хидроенергијата во Југоисточна Европа е ризична инвестиција“ се наведува дека многу земји од Југоисточна Европа се во фаза кога новите хидроенергетски капацитети нема да придонесат за енергетската безбедност поради прекумерната зависност, како што е случајот во Албанија, Босна и Херцеговина, Хрватска и Црна Гора, или им остана мал економски потенцијал, како што е случајот со Бугарија и во Косово.

Албанија е речиси целосно зависна од хидроенергијата, Црна Гора околу 50 отсто, Босна и Херцеговина произведува околу една третина од својата електрична енергија во хидроцентралите, Србија околу 28 отсто, а Македонија речиси една четвртина. Кога потребата за развој на обновливи извори на енергија стана дел од политичката агенда на ниво на ЕУ кон крајот на 90-тите и почетокот на 21 век, владите на земјите од Југоисточна Европа најмногу гледаа на тоа како можност за изградба на повеќе хидроцентрали“, се наведува во извештајот објавен од „ЦЦЕ Бенквоч“ (CEE Bankwatch), „ЕуроНејчр“ (EuroNatur), „Ривервоч“ (RiverWatch) и „ВВФ Адриа“ (WWF Adria).

Иако некои земји во регионот тврдат дека имаат огромен неискористен потенцијал, авторите на студијата истакнуваат дека овие тврдења обично се засноваат на децениски процени од времето „кога врнежите беа попредвидливи, кога луѓето не се спротивставуваа на експропријацијата и кога беше малку познато за неверојатниот биодиверзитет на регионот“.

Во изминатите две децении, стотици мали хидроцентрали со моќност до 10 мегавати се изградени низ целиот регион, често во заштитени подрачја или други високо чувствителни живеалишта, додека обидите за изградба на „гринфилд“ хидроцентрали од над 10 мегавати во голема мера беа неуспешни, со исклучок на Албанија и во Словенија.

„Сепак, развивачите на проекти продолжуваат да ги туркаат плановите за изградба на нови големи хидроелектрични централи, пренасочувајќи ги ресурсите и напорите од развивање побрзи и поекономични алтернативи“, се истакнува во студијата.

Укажувајќи на ризиците од хидроенергетските проекти, во извештајот се оценува дека нивната реализација ќе биде сè потешко поради климатските промени, уникатната биолошка разновидност во регионот, правните предизвици, отпорот на јавноста и финансиските проблеми.

Авторите на извештајот препорачуваат нискоризични инвестиции кои можат да му помогнат на регионот да премине кон позелен, социјално и економски одржлив енергетски систем. Заедничко за сите земји од регионот, според анализата, е неискористениот потенцијал на енергијата од Сонцето и од ветерот.

The post ДОЦНА Е ЗА ХИДРОЕЛЕКТРАНИ НА БАЛКАНОТ? Загрижувачка анализа за проблемите во решавањето на енергетската криза appeared first on plusinfo.mk.

Со овој голем проект ќе бидат опфатени хидроелектраните „Вруток“, „Врбен“, „Равен“, „Тиквеш“, „Шпилје“, „Глобочица“, „Козјак“ и „Света Петка“, чија инсталирана моќност изнесува околу 85 проценти од моќноста на хидроцентралите во земјава.

Зборувајќи за хидроенергијата како еден од обновливите извори на енергија, Ковачевски подвлече дека треба да се искористат сопствените ресурси.

– Освен обновата на машинскиот дел на овие капацитети дополнителна придобивка од проектот е предвиденото зголемување на капацитетот на акумулацијата „Маврово“ што ќе обезбеди пораст на годишното производство за околу 40 гигават часови. Таквото зголемено производство на енергија од вода значи заштеда од 36,4 илјади тони јаглен. Средствата за реализација на овој капитален проект во висина од околу 29 милиони евра, ќе бидат обезбедени од грантови и поволни кредити, како и од средства на ЕСМ – рече Ковачевски.

Тој зборуваше и за новата фотонапонска електрана „Осломеј“ која ќе произведува чиста домашна енергија за околу 2.800 домаќинства.

За изградбата на електраната „Чебрен“, премиерот нагласи дека проектот е во втора фаза и има девет понудувачи.

The post ЌЕ СЕ ВРАТАТ ВО ЖИВОТ 8 ХИДРОЦЕНТРАЛИ Ќе се потпреме на домашна струја appeared first on plusinfo.mk.

Од овој месец на македонскиот енергетски пазар со работа почнува компанијата Renewable energy supply (RES) како друштво со ограничена одговорност чија што цел е да понуди нов квалитет на пазарот во снабдувањето со електрична енергија и да понуди повеќе поволности како за крајните потрошувачи така и за производителите на електрична енергија од обновливи извори. Истовремено, RES ќе претставува компанија која што ќе ги интегрира производителите на електрична енергија од обновливи извори во еден центар кој што ќе обезбеди стабилно снабдување за македонските компании.

Компанијата е регистрирана на 2 март 2022 година, а нејзини основачи се компанијата „Централинвест“, во сопственост на проф. д-р Кочо Анѓушев и „Токи“, која што е една од најголемите компании во Република Бугарија во областа на обновливи извори на енергија и снабдување со електрична енергија.

Проф. д-р Анѓушев е еден од најголемите инвеститори во Македонија во сферата на производство на електрична енергија од еколошки обновливи извори. Преку компаниите кои што се во негова сопственост, како и во партнерство со други сопственици располага со портфолио од 25 мали хидроелектрани со инсталирана моќност од близу 24MW, инвестиција во биогасна електрана од 2MW, како и фотоволтаична централа од 8MW.

Од друга страна, „Токи“ е брзорастечка компанија специјализирана во снабдувањето со електрична енергија од обновливи извори и пазарен интегратор на овој тип на производители на електрична енергија во Бугарија. Оваа компанија е сопственик на најмодерната дигитална платформа за снабдување со електрична енергија на бугарскиот пазар и интегратор на значаен дел од произведената електрична енергија во Бугарија од обновливи извори (вода, сонце, ветер и биогас). „Токи“ е членка на Реналфа групацијата во доминантна сопственост на Иво Прокопиев која е активна во инвестиции во обновливи извори на енергија и е-мобилити. Реналфа има завршено проекти на инсталирани фотоволтаици од над 6000 MW за други инвеститори и за сопствени потреби во Европа и на Блискиот Исток и со тоа таа е една од водечките европски компании во инсталација и одржување на фотоволтаици.

На тој начин настанува здружување на двете најголеми компании од областа на производство на електрична енергија од обновливи извори од двете држави во Renewable energy supply (RES). Целта на новата компанија е најголем дел од сопственото производство да се пласира до крајните корисници, односно фирмите во Македонија и во Бугарија. Во овие услови на нестабилност на пазарот на електрична енергија со големи варијации на цената, само компаниите кои имаат сопствено производство можат да гарантираат стабилност. Дотолку повеќе што за да се пласираат производи на западноевропските пазари предност имаат компаниите кои што користат електрична енергија од обновливи извори. RES на македонската економија ќе ѝ го понуди токму тоа – стабилно снабдување од сопствени обновливи извори на енергија за македонската економија.

Новата компанија, исто така, ќе биде и најголем агрегатор на електрична енергија од обновливи извори, нудејќи им на сите сопственици на производни капацитети најдобар и најсигурен откуп на електрична енергија. Фероинвест, дел од групацијата предводена од Анѓушев, со својот SCADA мониторинг центар има капацитет да ги приклучи, мониторира и одржува сите капацитети за производство на енергија од обновливи извори и на тој начин на RES да му овозможи да биде најголемиот агрегатор односно целата енергија да биде регулирана од еден центар.

Ваквата синергија меѓу компаниите ќе значи сопствено гарантирано производство за сопствени потрошувачи за стабилно и гарантирано снабдување.

The post НОВА ИНВЕСТИЦИЈА Renewable energy supply ќе снабдува со струја од обновливи извори appeared first on plusinfo.mk.

Со Договорот за проектот кој што е финансиран од Европската банка за обнова и развој „Фероинвест“ беше задолжен за проектирање, изработка, транспорт, монтажа, тестирање и пуштање во работа на електро-машинска опрема за три хидроелектрани (ХЕ Ипари, ХЕ Келра и ХЕ Накра) во Грузија. Вкупната инсталирана моќност на трите хидроелектрани е 20 MW (мегавати).

Досега, испорачана е опремата за ХЕ „Ипари“ и ХЕ „Келра“ и тие проекти се пуштени во работа и успешно функционираат веќе две години.

– Досега нашата компанија „Фероинвест“ има испорачано повеќе од 40 проекти за хидроелектрани. Конкретно за овој проект, во Грузија, бевме во конкуренција со многу други западноевропски испорачатели на опрема. Но, инвеститорот успеа да го препознае нашиот квалитет којшто морам да кажам дека е подобар и на повисоко ниво од квалитетот на многу други западноевропски испорачатели на опрема. И исто така го препозна нашето залагање да успее тој проект односно роковите на испорака на опремата и финансиските услови за исполнување на проектот. Во „Фероинвест“ се вработени повеќе од 150 инжeнери кои го гарантираат тој квалитет со нивната посветеност и тоа беше препознаено од овој инвеститор во Грузија. Меѓутоа, и од многу други инвеститори со кои што досега сме работеле заедно – вели Филип Андревски, проект менаџер и директор.

Опремата којашто ја произведува Фероинвест е проектирана и изработена според највисоките светски стандарди од оваа област со стручноста на преку 150 вработени инженери и со најсовремените технологии на производство инкорпорирани во производствените комлекси на нашата групација.

The post „БРАКО“ ИЗВЕЗЕ ТУРБИНСКИ КУЌИШТА ЗА ЕЛЕКТРАНА ВО ГРУЗИЈА Инженери на „Фероинвест“ се автори на производот appeared first on plusinfo.mk.

– Им честитам на Храбрите жени од Крушчица и на г-ѓа Билал од Босна и Херцеговина за освојувањето на престижна награда за заштита на животната средина и неуморната борба за спасување на нивната река од малите хидроцентрали, истовремено соочувајќи се со вооружениот полициски напад, заплашување и закани – рекол актерот .

Тој рекол дека оваа победа на „Жените“ доаѓа во текот на глобалната активистичка кампања за забрана за изградба на нови мали хидроелетрани во БиХ, но дека тоа не е доволно за да се спасат 240 реки од бетонските цевки. Затоа тој им порача на Владата на Федерацијата БиХ и на федералните парламентарци да се активираат и да донесат закони кои се потребни за да се заштитат реките.

„Сега е клучно Парламентот на Федерацијата БиХ (ФБиХ) да го усвои Законот за електрична енергија кој е на чекање и трајно да забрани изградба на стотици планирани мали хидроенергетски проекти и да ги ревидира сите активни дозволи, од кои многу се издадени незаконски. Глобалната заедница за заштита го повикува Домот на народот на ФБиХ, на чело со Томислав Мартиновиќ, да преземе итни мерки, да го претстави предлог законот пред делегатите и да ги зачува скапоцените босански реки“, им порачал Дикаприо.

Да потсетиме, во октомври минатата година, по повод забраната за изградба на мали хидроцентрали во БиХ, се огласи и Дикаприо, кој јавно ги поддржа протестите што беа одржани низ целата земја.

The post Дикаприо повторно ѝ се обрати на Владата на БиХ: Еве какво барање има appeared first on plusinfo.mk.

Здруженијата потсетуваат дека на 20 ноември истече рокот за прибирање коментари во врска со Нацрт-законот за прогласување на дел од Шар Планина за национален парк. Според нив, доколку се усвои онака како што е предложен, овој закон ќе овозможи изградба на нови мали хидроцентрали на Шара во услови кога негативното влијание од постоечките хидроцентрали врз природните вредности, но и животот на локалното население, силно се чувствува.

„Доколку се реализираат зацртаните планови, во идниот национален парк ќе има најмалку 40 мали хидроцентрали! Имајќи предвид дека врз основа на овој закон ќе се изработи планот за управување со националниот парк, а кој се донесува за период од 10 години –Законот за прогласување на дел од Шар Планина за национален парк, наместо долготрајна заштита, може да обезбеди законска рамка за долготрајно уништување“, посочуваат здруженијата во заедничкото соопштение.

Со намера да се спречи усвојување на овој закон, овие граѓански здруженија и иницијативи испратија заеднички коментари до Министерството за животна средина. Тие бараат целосна ревизија на законот и негово усогласување со оваа определба, како и многу други стратегии, извештаи, кои исто така, како што појаснуваат во соопштение, предвидуваат крај на уништувањето на природата од страна на проектите за мали хидроцентрали.

– Сметаме дека закон кој овозможува продолжување на уништувањето на подрачјето кое го заштитува е спротивен на духот и целите на Законот за заштита на природата, од кој произлегува и кој би требало да го спроведе во практика – велат од здруженијата.

The post Невладини здруженија бараат да не се градат мали хидроелектрани на Шар Планина appeared first on plusinfo.mk.